Sunday, 16 March 2008

My CV

التدوينه دي اساسا كانت ميل لاصحابي ... بس انا قولت برضو ابعتهلكم يمكن يكون حد منكم ليه علاقه بالموضوع ...
و نصيحه خاصه لاخواني المبرمجين الجدد ... اياك تروح تشتغل في شركه مش مجالها الاساسي البرمجه ...
بمعني تاني ... مش software house
لانك مش حتاخد الخبرة الي ممكن كنت تاخدها من software house في نفس الوقت ...
ولا حتلاقي الي pdقدرك صح ...
و حتتعامل مع ناس مش فاهمه هما عايزين ايه ... :(
و ....

السي في(السيرة الذاتيه) بتاعي اهي موجود في اخر التدوينه :)
لو حد لقي حاجه junior software developer
في السكه يا ريت يبقي يرميه السي في بتاعي فيها
:)

انا احمد عيسوي
مبرمج
خريج حاسبات حلوان 2007
متكرم من الوزير طارق كامل
خبرة في خدمه الاخوه و الاخوات
بقدس الحياه المهنيه و الزوجيه
:)
شغال شغل فظيع ... مش اي حد يشتغله في شركه هنداوي ولي نعمه تاج راسوه مش راسي ...
:D
بعت السي في لمعظم شركات مصر و قليل الي رد لان خيرته عاليه قوي فوق الي اي حد في مصر محتاجها
بياخد كورس انجليزي و بيرجع البيت بعد 12 بالليل
الناس بتلقبه بفوفو
يجيد الاعمال و الاشغال المنزليه بمهاره
بيعرف يطبخ
خبط في حيطه قبل كدا
كان في اتحاد الطلبه
كده كفايه ...

اعتقد مفيش شغل في مصر محتاج اكتر من كدا ...
:D

سي في بتاعي اهو يا احبابي .. انا عارف ان اكيد في ناس منكم زعلانه مني .. لاني مختفي بقالي فترة... بس و الله غصب عني ...
http://ahmedessawy.googlepages.com/AhmedEssawy.pdf

8 comments:

عصفور المدينة said...

وفقك الله

Rehab Mostafa said...

ربنا يوفقك ويكرمك يا أحمد :))) ايه البوست ده :))
يقدس الحياه الزوجيه ويجيد الطبخ :))
يجيد الاعمال و الاشغال المنزليه بمهاره:))
انت عايز تشتغل في شركة ايه بالظبط :))
حاضر ياأحمد انت تأمر بس أول ما الاقي حاجه تليق بيك هحطلك السي في بتاعك ان شاء الله

Ahmed Mubarak said...

خبط في حيطة قبل كدة

يا ابني هتجيب ليه لنفسك الكلام
:D:D
دا انت فقري
:D

تحياتي

آلام وآمال said...

ربنا يوفقك يا احمد


ده سي في لشركة ولا لعروسة؟
هههههههه
لا وايه

اتخبط في حيطة
:D

ابقى قابلني بقى لو لاقيت عروسة
هههههههه

Home Theater said...

Hello. This post is likeable, and your blog is very interesting, congratulations :-). I will add in my blogroll =). If possible gives a last there on my blog, it is about the Home Theater, I hope you enjoy. The address is http://home-theater-brasil.blogspot.com. A hug.

آفاق الحرية said...

السلام عليكم
انا الحقيقة في اول زيارة لي في المدونة
فانا معجب بال cv
بتاع حضرتك
فعلا مبرمج مطحون
كان الله في العون
ان شاء الله متكنش اخر زيارة
تحياتي

بندقه said...

ازيك يا احمد
فينك من زمان

يارب تكون بخير دايما

Ahmed Essawy said...

@عصفور المدينه
جميعا ان شاء الله

@رحاب مصطفي
سبع صنايع و البخت ضايع
:)
حتحطي السي في بتاعي في شركه تليق بيا
!!!!
هو بعد الكلام الي انا كاتبو دا كلو في شركه متليقش عليا ...
:D:D:D

@احمد مبارك
آلام وآمال@
ايه يا عم في ايه انت و الاخ الي بعديك آلام وآمال
انتو متفقين مع بعض ؟؟؟
و جايين تروجو اشاعات
:D:D
اعترفو مين؟ دافعلكم كام؟؟؟ علشان تقولو كدا
:D
علي فكرة الحيطه الي انا كنت كاتبها هنا كانت حيطه معنويه مش حيطه بشريه
:P
انا علشان اتمتع بشافيه عاليه زي بتاعه عمو حسني مبارك ...
حسيبكم تكتبو الي انتو عايزينه هنا
كنوع من انواع حريه الراي
:P


@آفاق الحريه
انت تنور البلوج في اي وقت يا بشمهندس

@بندقه
انا هنا في الدنيا الواسعه
او في الطاحونه السريعه
اواللهايه الكبيرة
للاسف انا مشغول جدا الفترة دي ...و مش عارف اتابع مدوناتكم يا اصدقائي زي الاول ...
بس ان شاء الله فترة و تعدي