Ahmed Essawy blog

طبعا اليوم (28 نوفمبر 2011 ) غني عن التعريف .. هو اول يوم للانتخابات نزيه في مصر و ان كان يشوبها بعض المشاكل و الاخطاء .. لكن كل هذا طبيعي بل و بالعكس كان من المتوقع حدوث الاسؤ ..   سأعرض بعض التغريدات التي شهدها تويتر لهذا الحدث -حسب وقت ظهورها - تليها صور أكثر من رائعه  تدل علي مدى شهامه و نبل المصريين :  رانيا خالد @Ranya5aled :    قبل ما تنزل فكر كويس ... هتقف قدام ربنا تقله اخترت فلان ليه ؟؟؟   #egyelect صوتك شهاده ... هتتحاسب عليها   #egyelect أحمد عبد المنعم @AhmedMoneim:  العدد ده لو كان نزل من زمان كنّا وقعنا مبارك من غير ثورة. #egyelections أحمد عمرو @AAmrS:  لكل مصري لسه بيعادي شباب الثورة و يدعي أنهم خربوا مصر، أنظر حولك و تذكر من ضحى بروحه أو عينه أو أصيب في سبيل حريتك اليوم#Tahrir #Elections فاضل سليمان @FadelSoliman:  أيا كان إنتماء المرشح الذي ستصوت له. اللي هيكسب هي مصر.  أحمد عيسوي @ahmedessawy:  ماشي وراء هوى الحق والعدل ولا بتضحك علي نفسك و ماشي ورا...

مع انتهاء العصر المباركي انتشرت علي نفس الشبكات التي أسقطت النظام وهي الفيسبوك و تويتر دعوات وحملات للذهاب (السبت 12-2-2011 ) لتنظيف ميدان التحريرالذي أغلق منذ جمعه الغضب و اعتصم فيه المتظاهرون.. و ذهبت كباقي الشباب بالمقشه و الجروف لنبدأ حمله تنظيف الميدان.. اريد ان اوضح حجم الدمار الذى لقي بالميدان بعد حريق العديد من السيارات و عدد من سيارات الجيش و تكسر و تدمير للارصفه و انتشار الحصى و الزلط و قطع الصخور التي اتى بها بلطجيه معركه يوم الاربعاء التي راح فيها اكتر من 1000 جريح و بعض الشهداء الذين كانوا يدافعون عن انفسهم و هم عزل تماما و امامهم الخيول و السيوف!!  اسف جوده الصور مش قويه و مكنش في بالي اني حعمل تدوينه اوثق فيها الكلام دا :) و للعلم الطوب دا كدا قليل جدا بالنسبه لباقي الرصيف كان بيصل في بعض الاحيان ان الرصيف مش ظاهر من كثرة الطوب سيارة متفحمه و يوجد منها في الميدان اكثر من واحده   أنا مش عايز أطول في الموضوع و الصور حتشرح نفسها ان شاء الله ..  النهارده في التحرير كان فيه ألوف من المقشات و جروف (معرفش جمع جروف ايه :D ) علي الاقل.. طوائف كتيره و إ...

أمس (السبت 12-2-2011) في حدود الساعه الثالثه عصراً بعد مرور أقل من يوم علي انصرام عهد سياده الرئيس محمد حسني مبارك و الشباب في أول يوم لهم في تنظيف الميدان و إذا هناك هجوم من خارجين عن القانون (مجموعه بلطجيه) حاولوا دخول ميدان التحرير من جهه عبد المنعم رياض و حاولو ترويع المواطنين بنفس الطريقه الخسيسه ليوم الاربع (معركه الجمل) ولكن بدون جمال او دواب و لكن بالعصيان والتي يعود بعضها للامن المركزي و بواسطه تخبيط العصيان في حديد الاسوار من اماكن مختلفه لاصدار اصوات عاليه من اكتر من مكان لترهيب الناس. بعض الحواجز الحديديه التي وضعها المتظاهرين لتأمين مداخل و مخارج مدخل عبد المنعم رياض و حتي لا تحدث مذبحه اخري شبيه بمعركه الجمل (يوم الاربع) و قد استغل الخارجين عن القانون هذه الحواجز لترويع المواطنين بمحاوله كسرها و القرع عليها بالعصيان ليصدر منها اصوات عاليه   ادرك الموضوع من بدايته و شممت رائحه الخيانه .. و ذهبت ركضاً الي اقرب ظابط جيش علي كتفه نسر و نجمه .. و قالي متقلقش تلاقيهم شويه بلطجيه .. :D صراحه انا استغربت من بروده في الرد !!  و لكن في اقل من 20 ثانيه لقيت جنود ...

للجمعه الثانيه :المسجد النبوي الشريف يدعو بأن يعم الامن في مصر و يحفظها و ان يحقن دمائها. #JAN25

Mobile SMSs are blocked in Egypt. you receive a fake delivery report while the actual msg is not delivered #jan25

منقوله من صديق في الفيس بوك.. كيف يمكن ان تربط بين !! (1) الشروق~~ نجل كيريازي المتهم بالشروع في قتل ضابط أمن دولة سابق مع سبق الإصرار والترصد سلم نفسه للجنايات.. وضابط أمن الدولة السابق يقر بالتصالح http://www.shorouknews.com /ContentData.aspx?ID=37126 6 (2) المصري اليوم (عدد 10 يناير): مأساة السيد بلال~بقلم بلال فضل http://www.almasry-alyoum. com/article2.aspx?ArticleI D=284148&IssueID=2011#Comm entFormAnchor اعتقد اللينك الخبرين ابلغ من اي مقال ...  

هذه الذكرى التانيه علي مرور عامين كاملين للحرب و مجزرة غزة التي بلغ فيها عدد الشهداء الذين سقطوا خلال العدوان أو متأثرين بجراح أصيبوا بها خلاله بلغ (1411) شهيداً، من بينهم (355) ممن هم دون الثامنة عشر من العمر، و(110) سيدات، و(240) من أفراد المقاومة، وعدد المنازل السكنية المدمرة بلغ (11135)، والمنشآت العامة (581)، والمنشآت الصناعية (209)، والمنشآت التجارية (724)، والمركبات (650)، فيما بلغت مساحة الأراضي الزراعية المتضررة (6271.746). مش حننسي المجزرة دي ولا صبرا و شتيله و مش حننسي الطااااار الكبير الي بينا و بين الصياهينه بحق كل دم شهيد من عام 48 دمنا مش حيروح هدر...

ايماناً بمبدأ :ليس علينا تحقيق النجاح و لكن علينا ان نجتهد. أنا روحت اديت النهارده صوتي لاي انا شايفه كويس ..بغض النظر عن هو مين كان ليا شويه تعليقات اتمني انها متكونش موجوده المرة القادمه...   مبدأيا انا كان مكاني مدرسه في مصر الجديده : 1- و انا داخل لقيت طقم ظباط بيبصولي بصه وحشه قوي من فوق لتحت بدل ما يرحبوا بيا بجد انا كان وصلني احساس انهم حيزعقولي او يضربوني !! مش عارف الشعور دا كان حقيقي ولا لا ..بس دا الاحساس الي وصلني..   2-الموظفين تايهين جدا ..و لولا اني عارف بياناتي قبلها بيوم ... كان زماني رجعت البيت من غير ما اعمل حاجه   3-البيانات الي كانت علي موقع الانتخابات غير مطابقه للكشوفات يعني رقمي علي الانترنت كان علي سبيل المثال 700 روحت لقيته مكتوب لحد تاني وقعدت انا ادور في الكشوفات و لقتني 850   4-هما سألوني انت عايز تنتخب كوته سيدات ولا لا .. انا صراحه اشك في الكلام دا لان مني الشاذلي في التلفزيون امبارح قالت انك حتصوت في صندوقين واحد رجاله و التاني كوته السيدات مكنش فيه حاجه اختياري . بس كدا :))