Ahmed Essawy blog

1- Go to "Random Signature" by Chad P from " Setting " menu then select " Labs " tab. 2- After that you will get new option in the normal signature section (in General tab ) to set your random signaiture.  Happy signature :)  

اليوم بجريدة أخبار اليوم:  بركن زي بريد الجمعه كدا اسمو رسائل خاصه جداً بتقدمها نوال مصطفي و الي حيبان من كلامي بعد شويه انها شيخه و عندها ذقن و مش بعيد تكون بتصلي بالناس امام في مسجد. من الاخر كدا علشان مكتبش كتير…. فكرة الركن دا كل واحد بيكتب فيه همه او مشكلته و الشيخه نوال بترد عليها بالرد السحري… الي لفت نظري رساله اسمها الحريه المفتري عليها بتاريخ اليوم واحده بتقول انا طالبه جامعيه عندي كنت بمشي مع شله بايظه و صاحبت واحد و اديته اغلي ما عندي و بس ندمت و ادايقت من نفسي خالص… و بعد سنتين اتقدملي واحد و هو كويس و مش عارفه اقولو ولا لا!!! وفردت الشيخه نوال و قالتلها الدين امر بالستر ..متقوليلوش علشان متجرحيش مشاعره هو دا مش خداع لان الاعمال بالنيات و عفا الله عما سلف. بس خلاص......علي راي شعبان عبد الرحيم بكلمتين اتساوت الست العفيفه الشريفه الي بتصون نفسها من كل السموم الي حواليها بالست الي باعت نفسها بمزجها بحجه حوليا ناس وحشه. بكلمتين الراجل الكويس الي متقدم دا حيتقرطس في واحده حتبقي ام عياله و هي اساسا متستحقش تعيش. بكلمتين حسيت ان انا معقد الدنيا و الدنيا ابسط من كدا بكتير. بك...

في كتاب اسمه مصر من البلكونه لمحمد قتحي لسه شاريه النهارده ...صراحه جامد جدا.. سيبته بالعافيه علشان اكتبلكم عنه و اشاركو بيه و راجع بعديها اكمل قرايه فيه :) ... بيتكلم بطريقه ساخرة عن احول مصر... صراحه طول ما انا ماسك الكتاب... عمال اضحك و ابتسم بس ببكي من جوه...مش عايز اطول عليكو ...عموما الكتاب صادر عن دار الشمس ..بيتباع في العديد من المكتبات منها مكتبه الاهرام الي انا اشتريته منها...سعرة خمسه و عشرين جنيه. و بجد لو كان سعره اكتر من كدا برضو كنت جبته... دا لينك لبعض الموزعين لدار الشمس http://www.shams-group.net/shams08.php الغلاف الخلفي للكتاب: " في هذا الكتاب ستعرف بعض الحقائق العلمية على منوال: • مترو الأنفاق هو وسيلة المواصلات الوحيدة في العالم التي تخبرك من سيأتي بعد حسني مبارك ( غمرة أو عرابي على حسب الخط)، كما إنه يعطيك أملاً في التغيير الحقيقي الذي يحدث في مصر ( محطة حسني مبارك يتم فيها التغيير.. للخط الثاني!) وستتعلم بعض الأقوال المأثورة: • مصر تتسول من نفسها • ما تقولش إيه ادتنا مصر.. خلي الطابق مستور وستدخل في بعض الاختبارات المحرجة:...

لو حد عايز يتبرع لغزة او عايز يجمع تبرعات من اسرته او شركته او الوسط الي حواليه اعتقد الارقام دي حتنفعه لجنة اغاثة نقابة أطباء مصر البنك الوطني المصري حساب رقم 500555 للإتصال: نقابة الأطباء المصرية هاتف: 7940738 - 7943812 - 7943166 - 3652006 – 3636366 العنوان: 27 شارع القصر العينى امام معهد السكر بريد إليكتروني: ems_cai@ems.org.eg لجنة الإغاثة الطبية التابعة لاتحاد نقابات الأطباء العرب بنك قناة السويس فرع الدقى حساب رقم (21090/1) للإتصال: الدكتور جمال عبد السلام، مدير لجنة الإغاثة باتحاد الأطباء العرب دار الحكمة 42 شارع القصر العينى تليفون: 7940738-7943166 فاكس: 7940518 مؤسسة لجنة الإغاثة الإنسانية للعون الناصرة - الصفافرة ,حي بلال ص.ب 20059 تلفون : 046082095 فاكس : 046082097 بريد ألكتروني: info@egatha.com

انا ححكي موقف عاصرته النهارده صراحه خلاني في قمه الضيق و الخجل الشديد. علشان مدخلش في مقدمات انا ححكي علي طول. النهارده كنت عايز اروح اقابل اصحاب ليا في شارع الطيران.المهم استقليت ميكروباص من موقف الف مسكن للحي السابع لانه بيمر علي شارع الطيران. بعدما تأكدت من التباع ان الميكروباص بيروح للحي السابع؛ ركبت في الكنبه قبل الاخيرة و بعدما امتلاء الميكروباص بالركاب ...بدأ بالتحرك ..لقيت البنت الي جنبي بتتكلم لغه اجنبيه لم افهمها و هي ليست بالانجليزيه لبنتين علي الكنبه الي امامي. لفت نظري لبسهم المحتشم لدرجه عاليه و حجابهم الرائع للغايه. و ما هي دقائق من حركه الميكروباص حتي قالت احداهن للتباع باللغه العربيه الفصحي و قد ظهرت ملامح وجهها ذات السمات الاوروبيه البيضاء: "هذه أجرة ثلاث افراد من فضلك" (سيبك انت من الكلام الي قعد يرميه التباع). طبعا باين من الكلام انهم بنات مسلمه غير عربيه و من دوله اوروبيه و ما ميزهم اكثر من ذلك زيهم الاسلامي الصحيح. مش عارف ليه تذكرت حديث الرسول حين الوفاه عندما بكي : فقال له الصحابه : ما يبكيك يا رسول الله ؟ فيقول لهم صلي الله عليه و سلم : إشتقت إلى إخو...

و كأن مشكلتنا .... مشكله الامه العربيه... هي السلاحف..اه سلاحف  البتاعه الي بتمشي علي الارض بأربع رجلين و مفردها سلحفه  بدون تعليق اليوم بموقع مصراوي http://www.masrawy.com/News/Egypt/Economy/2008/november/20/project.aspx  خمسين مليون دولار تكلفة مشروع الجامعة العربية لتربية السلاحف خمسين مليون دولار دي يعني بالجنيه 260 مليون جنيه مصري علي الاقل و الله و الله انا احترت شئ جميل جدا اني اخيراً سمعت جامعه الدول العربيه تعمل حاجه من زمان  صراحه مش فاكر اخر مرة طلعت قرار بالاجماع كان امتي !!!!!!! بس مازلت محتار يا تري مشكله الوطن العربي هي السلاحف  و لا متشات الكورة و مشاكله مع الفيفا ولا الاعمال الدراميه الهابطه بين الاقطار و الاشقاء العرب !!!!  ولا جاكت مهند  ولا فستان نور في الحلقه الجايه بس غالبا و الي باين كدا ان مشكلتنا مشكله سلاحف ...لا اكثر ولا اقل.. :)

دا مش تهريج ... او كلام ملوش معني ... دا بجد .... ممكن الكلام دا ميكونش بقي علني و عيني عينك كدا ... في بلاد الفرنجه ....او في بلاد العم اوباما ..... بس الكلام دا هنا في مصر المحروسه عيني عينك ...و علي عينك يا تاجر ... و الي ميشتريش يتفرج ... و الله الواحد بيصعب عليه الحال الي  وصلت اليه الدنيا .... و وصل ايه حال البني ادمين ... لما تبقي اماكن معروفه من سياستها  انها تمشي الناس بعد ما تمص دمهم و بعد كدا تجيب غيرهم ...اصل مفيش اكتر من البني  ادمين في بلدنا ... بدون سابق انذار ... و الناس بتتهافت عليها .... الي يقول انا  داخل جمعيه .... و الي بيقول مش مهم انا ..انا عايز اربي العيال ... و الي يقول ...انا  عايز اتجوز ...و الي تقول انا حعمل ايه ..مش لاقيه احسن منه... انا ورايا جهاز ...انا عايزة اعف نفسي ....  لما تبقي الاهداف شريفه و الوسيله مش  نظيفه .... لما يبقي مقابل كدا عندك استعداد  تتهان في الشغل ... و انت عارف انت مسيرك حتترمي براها... لما تبقي مش عارف انت رايح او جاي من  فين ؟؟؟؟ يبقي كيلو الكرامه بجنيه ....   بالمناسبه ... انا كنت مدكن علي ربع  كيلو كرامه ....بس ايه ...