بسم الله الرحمن الرحيم
انا مش عارف انا هنا ليه دلوقت رغم الحاجات الكتيرة الي ورايا.
قبل ما اقول حاجه الحمد لله برضي تمام علي اي شئ و كل شئ
اليوم انا جبت اقل درجه في حياتي من ساعه ما اتولدت
واحد من عشرين في امتحان الميد ترم بتاع الجافا
و بعد الرفع بقت سبعه يعني ساقط في الميد تيرم
:(
لما جيت افكر في كلمه واحد من عشرين دي يعني ايه في امتحان
لقيت معتاها اما انا مش بفهم و دخلت امتحان غلط
او انا مسمعتش عن الوبجكت اورينتت دي خالص
او انا مذاكرتش خالص
او محضرتش الامتحان اصلا و هو لما صعبت عليه راح ميديني واحد يعني كرم من عنده
او حاجه في نفس يعقوب و انا معرفهاش
مش عارف ليه انا برجح الاخيرة .
يمكن علشان مادايقش اكتر من كده .
حرااااااااااااااام علي دكتور بيفهم يعمل في الناس كده
حرام عليه يقول و علي وجهه برأه الاطفال انا مش عارف انتم ليه حليتو وحش في الامتحان
هو كان درجاتكم بالسالب و انا رفعتها و بقي المتوسط صفر .
انا برضو مزعلني شويه في الموضوع ده . هو ان كام واحد غيري اتظلم في الموضوع ده .
كام واحد ذاكر قبل الامتحان!!!!!!! ولا محدش ذاكر . انا عن نفسي كنت مذاكر نسبه لا تقل عن 80 في الميه من المنهج
و جبت واحد من عشرين
كام واحد رجع البيت نفسه مكسورة
ازاي الواحد حيكون عنده نفس يمسك الماده دي اخر السنه
لما ذاكرت جبت واحد
يا تري لما مذاكرش حجيب كام؟؟؟؟؟؟؟؟؟؟
تعليقات
انا بحب مايكروسوفت :D
أنا عارف إني هقول كلام مش هيعجب حد
لكن
الموضوع من وانا في سنة تانية شاغلني قوي
من ساعة ما عنينيا من دكتورة هالة عشان هيا أول سنة تدرس
ونفس المعاناة السنة دي
يا جماعة طبيعي جدا التخبط الي بيحصل لدكتور في أول سنة ودا بان من اختلافات طريقة معاملته معانا والحاجات الغريبة الي بيعملها سواء حلوة أو وحشة
وإن كنت شايف إن الدكتور مش هيتعلم غير لما يجرب فينا وأنا مقتنع بدا جدا
لكن في نفس الوقت طيب الطلبة ذنبها إيه ؟
أنا شخصيا مش عارف
سؤال بلا إجابة
ربنا يزيدك كمان و كمان
و يكتر من امثالك
:)
لو فعلا في مشكله فالمشكله تتحل بعيد عننا
و معني كلامك كمان ان ان الدكتور علشان اول سنه بس حيبقي كده
انا شخصيا متوقعش انه ممكن يتظبط بسهوله
و الدليل علي كده ده مش اول دكتور يقعد يجرب فينا
مش عايز اذكر اسماء
لان كلنا حافظينها
العمليه مش عيب في حاجه واحده ده كل حاجه عنده فيها مشكله
.
وربنا يهديه ويهدينا ولو كان الي جربه فينا دا هيخليه يكتسب خبرة ويعدل من أسلوبه بعد كده غنسأل الله أن لايحلمنا الأجر والثواب وأن يثيبنا على ما تحملنا
ولا حول ولا قوة إلا بالله
أنا بظن إنه مثل ما الأخوة حكوا إنه العلامة مش مقياس، وإذا كان في بعض الناس بـحكي إنها مقياس فهي مقياس للاجتهاد أكثر منها مقياس للذكاء، ولاتنسوا أديسون وقصته المشهورة بمعاناته في المدرسة ومن تضايق المدرسة من كثرة أسئلته مع إنه هاي هي الطريقة العلمية الصحيحة البحث عن جواب لكل سؤال وكمان في كثير ناس ناجحين في الحياة مع إنه الدعم اللي لقوا في المدرسة أسوأ ما يكون
وكمان ملاحظة إذا سمحتوا، الإسم ده سامع فيه قبل كده، أنا عندي شك يا أستاذ أحمد عيساوي إنه مرة كلمتك في الشات بس ما بعرف إذا أصلا عندك حساب على الياهوو
والسلام