اليوم بجريدة أخبار اليوم:
بركن زي بريد الجمعه كدا اسمو رسائل خاصه جداً بتقدمها نوال مصطفي و الي حيبان من كلامي بعد شويه انها شيخه و عندها ذقن و مش بعيد تكون بتصلي بالناس امام في مسجد.
من الاخر كدا علشان مكتبش كتير….
فكرة الركن دا كل واحد بيكتب فيه همه او مشكلته و الشيخه نوال بترد عليها بالرد السحري…
الي لفت نظري رساله اسمها الحريه المفتري عليها بتاريخ اليوم
واحده بتقول انا طالبه جامعيه عندي كنت بمشي مع شله بايظه و صاحبت واحد و اديته اغلي ما عندي و بس ندمت و ادايقت من نفسي خالص… و بعد سنتين اتقدملي واحد و هو كويس و مش عارفه اقولو ولا لا!!!
وفردت الشيخه نوال و قالتلها الدين امر بالستر ..متقوليلوش علشان متجرحيش مشاعره هو دا مش خداع لان الاعمال بالنيات و عفا الله عما سلف.
بس خلاص......علي راي شعبان عبد الرحيم
بكلمتين اتساوت الست العفيفه الشريفه الي بتصون نفسها من كل السموم الي حواليها بالست الي باعت نفسها بمزجها بحجه حوليا ناس وحشه.
بكلمتين الراجل الكويس الي متقدم دا حيتقرطس في واحده حتبقي ام عياله و هي اساسا متستحقش تعيش.
بكلمتين حسيت ان انا معقد الدنيا و الدنيا ابسط من كدا بكتير.
بكلمتين نداء لكل واحده عايزة تبيع نفسها قشطه مش مشكله ابقي توبي و عفا الله عما سلف.
تعليقات
وديه لما تتجوز هتلاقي اصلا الي مش هيعجبها وساعتها شوف التصرف
احسنت يا ابني انا معاك
efred el bent tabet fi3lan?
hal da ma3nah enaha matetgawzsh?
el mawdo3 da kebir 3ala eno yet7ekem 3lih men bara keda.
lazem nerga3 le ra2y el feqh fi el mawdo3 da.
el masla7a el 3amma lel mogtama3 awla men el masla7a el 7'asa fi el deen.
wel el satr awla 7'ososan law elli 3'eltet abl keda tabet fi3lan.
just erga3 le kotob el feqh el ma3rofa we hatla2i el mawdo3 wade7 we sahl.
ياعيسوي التوبه لله ومش من حقنا اننا نمنع حد علشان معصيته كبيره اكيد مش هتبقى اكبر من رحمة الله
2- متقولش ان البنات هيعملوا كده ويضحكوا على ازواجهم
علشان حكم الفقه الي بيقول انها تتوب ومتقولش لزوجها مش موجه لواحده مش بتخاف من ربنا ده موجه لواحده ربنا هداها وتابت لعلها تكون افضل من 10 زينا
لاني لما قريت في
IslamQA
Islamway
و كذا موقع تاني
كان فيه اختلاف في راي العلماء الذي ينحصر في رأيين
الاول مانع تماماً
و التاني سامح بشروط
و كلامكم نفس كلام الراي التاني
و انا احترمه لكني صراحه غير متقبله نفسياً
لاني مش معني اني غلط اني احمل حد معايا الغلط
عموما جزاكم كلكم الله خيراً