معلومة مهمه عن الكهرباء في هذه للاجواء الباردة

علشان ربنا يبعد عنا شر الحريق أو المشاكل الغير متوقعه في ظل استخدام الدفايات والسخانات لفترات طويله فلازم ناخد بالنا من الحاجات دي ..

كُبس الكهرباء الي بيركب في الحائط ليه فولت و وات و امبير 

و كذلك المشترك سواء بسلك طويل أو لا .. 

لو حتوصل كذا جهاز علي نفس كُبس الحائط حيبقي في النقاط لازم تكون عارفها حسردها الان ..

مش حتكلم عن الفولت لانه ثابت للاجهزة وحعتبر أن الفولت يساوي 220 لكن حتكلم عن الوات و الامبير و ايه العلاقه بينهم علشان نحسب صح

1- اولا اي اداة كهربائية سواء جهاز او كُبس الحائط او مشترك .. ألخ لازم حيكون ليه ملصق عليه الامبير والوات و الفولت الي يستحملهم او علي اقل تقديم معلومتين من الثلاثه لان الثالثه حتكون مستنتجه من معاده بتجمعهم.

2- الوات =  الفولت * الامبير (حاصل ضرب الفولت في الامبير) 

3-كُبس الحائط في الاغلب بيكون مكتوب عليه 220 فولت - 13 امبير و دا معناه ان اقصي وات يتحمله الكُبس 2860 وات (220*13) حسب المواصفات القياسية.

4-ودا معناه ايضا ان لازم يكون مجموع وات الاجهزة المتصله بنفس الكُبس أقل من 2860 وات .. غير كدا حيسخن و ممكن ينصهر ويسبب حريق لا قدر الله.

5-لو كان في مشترك في النص بين الاجهزة وكُبس الحائط لازم ساعتها حتحسب علي الاقل وات (هل كُبس الحائط ولا المشترك)و دا الي بيخلي مشترك بضعف سعر مشترك تاني من نفس الماركة حتي لو ليهم نفس طول السلك الممتد.

6- مش معني ان المشترك فيه فيوس (منصهر) ان كدا 100 % الفيوس حيفصل لما الوات علي المشترك يزيد.. هو بيقلل نسبه المخاطر لكن لا يغنيك عن حساب الطاقة علي المشترك.  

7- التالي هو متوسط تقريبي للوات للاجهزة الكهربائية الي بتسحب طاقة عالية لكن برضو لازم تتأكد بنفسك من الملصق الموجود علي كل جهاز.

الدفايه من 2500 الي 3300.

الغلاية الكهربائية  من 1500 الي 3000 حسب المنتج

المكواه من 1500 الي 2600

الميكرويف من 900 الي 1400

في العموم الاجهزة الي يتصدر حراره عن التشغيل هي أكتر اجهزة لازم تاخد بالك منها لانها الاعلي استهلاكا للطاقة.

8- متسترخصش في شراء التوصيلات الكهربائية خصوصا مع الاجهزة ذات الاستهلاك المرتفع للطاقة..