Tuesday, 12 October 2010

خواطر في البيع المقنع


اولا الكلام الي انا حقوله هنا مش اكتر من خواطر فاكرها من المحاضرة لا اكثر..
أكتر من صديق سألني عن الكورس فقولت اشاركم بيه :). كدا كدا الكلام تم تدوينه في ايميل اساساً :).


بالنسبه للكورس "مهارات البيع المقنع" (بيان للتنميه البشريه)

هو 3 اسابيع
مرتين في الاسبوع ..مرة نظري ..و مرة عملي ..
فكرته في البيع المقنع مش بيع السلع فقط ولكن بيع كل شئ..حتي الكلام اليومي مع الي حوليا .. ازاي ابيع للناس كلامي ..يعني ازاي اقنعهم بكلامي ...انا بياع ناجح يعني انا بعرف اوصل كلامي بشكل مقنع للي قدامي.


في نقطه تانيه و هي نوع الكلام الي حتقوله علشان توصل بيه للهدف و هو الاقناع  تختلف من شخص لاخر بختلاف موقعه

بمعني انا مثلا مصنع غسالات اوتوماتيك
لما اجي اقنع عميل زي ست البيت بالمنتج حتكون بطريقه مختلفه جدا عن الطريقه الي حقنع بيها
صاحب محل بيبيع اجهزة كهربائيه
في الاولي حعتمد علي متانه المنتج مثلا و كم هو يحتاجه و في الثانيه علي الخصومات و العوائد الماليه
رغم في الحالتين انا كمصنع الهدف عندي هو زياده المبيعات
يعني الهدف كان واحد و الوسيله اختلفت :)

أهم شئ في البيع هو وجود الاحتياج ..او ابراز اهميه الشئ..


هناك فرق بين احتياج الشئ و الايحاء بالاحتياج..
الاول مقصود بيه هو شئ انت بالفعل تحتاج ليه و علي قناعه بيه
اما التاني معناه انك غالبا لا تستعمل شئ معين ...ورغم انه قد تكون فيه حاجه ايه !!


الانسان ما هو الا كتله من المشاعر ..يجب الحفاظ علي هذه المشاعر لكي تستطيع اقناع الشخص بفكرتك....
مثال علي كدا: انت لو مدير و جيت الصبح و قولت للموظف ايه الكرافات الوحشه دي ...
و كمان جاي متأخر .. و بعد شويه طلبت منه شغل ..اكيد حتكون خسرت مشاعره فمش حتقدر تاخد منه الشغل
المطلوب بالكفاءه المتوقعه ...كدا انت فقدت الاقناع ...
كام ممكن تقوله ... دلوقت الساعه جت تسعه صح !! انا عارف انك بكرة مش حتتأخر ..بنغمه صوت جيده ..
.دلوقت لما تطلب منه شغل ..اكيد الكفاءه حتكون أفضل ...
لانك كسبت مشاعره ..كسبت الشغل ..الي حدخل عليك بفلوس 
و قبل ما يروح ممكن تقوله انا مش حاسس ان الكرفات دي لايقه قوي ..انت شايف ايه !!!


اي فكرة يتم انتقالها من فرد للاخر لها بعض الابعاد التي يجب اعدادها جيداً
حتي تستطيع اقناع الفرد بيها و هي :
1-الحدود : مثلا انت بتعرف بيع شئ ثمين  كساعه اوميجا علي رجل راكب اوتوبيس..اكيد كدا الحدود غلط
اعرض عليه شئ انت عارف انها في مقدورة ..سواء ماليا ..او ماليا...ألخ..
2-الامكانيات :  صراحه مش فاكر مقصود بيها ايه $ !!
3-الفرص :   وجود عرض او خصم او فرص في الفكرة ...
المشتري بيكره دائما كلمه ..شراء... بيقتنع اكتر لو قولتله انها فرصه!!!
4-الاحتياجات : هو ابراز مدا اهميه هذا الشئ في حياته ..عمله ..اسرته .
5-الايحاء بالاحتياج : غالبا لا تستعمل شئ معين ...رغم انه قد تكون فيه حاجه ايه !! ليتحول مع الوقت الي احتياج

يجب تمهيد عرض الفكرة ..بذكر المزايا .. و الاحتياجات ..و حجم الفائده المرجوه من تنفيذ الفكرة.

Friday, 8 October 2010

الرياء و تويتر و الشبكات الاجتماعية


عن أبي سعيد الخدري ? قال :
خرج علينا رسول الله ? ونحن نتذاكر المسيح الدجال فقال ( ألا أخبركم بما هو أخوف عليكم عندي من المسيح الدجال ؟ ) فقلنا بلى يا رسول الله ! قال ( الشرك الخفي ، أن يقوم الرجل فيصلي فيزين صلاته لما يرى من نظر الرجل) 


 وضح انا عايز اقول ايه ولا لسه ؟


قال الله تعالى: يا أيها الذين آمنوا لا تبطلوا صدقاتكم بالمن والأذى كالذي ينفق ماله رئاء الناس ولا يؤمن بالله واليوم الآخر [البقرة:462]


معني الرياء هو إظهار العبادة ليراها الناس فيحمدوا صاحبها.

و كلنا عارف ان الله أغني واحد عن أعمالنا و اننا احنا الي محتاجينه فبنعبده و بنخلص في عبادته ليه وحده.. مش علشان حد يقول عليا انا كويس.. و قريب من ربنا.. ولا فلان أعمال الخير بتاعته كتير ..

للاسف بقالي فترة بشوف ناس .. ممكن عن قصد و ممكن عن غير قصد .. بيكتبوا حاجات زي .. انا في طريقي لجمعيه رساله الخيريه .. او لسه راجع من حلقه تحفيظ القران .. او انا بحفظ قران دلوقت .. او انا قومت قيام النهارده.. 

خلي بالك الله يكرمك و علي فكرة انا بنصح نفسي قبلكم ... يا تري هو ربنا محتاج يشوف التويته دي علشان يتقبل منك ؟؟ واحد بيقولي لا انا حاططها علشان اشجع الي حوليا !!!
شئ جميل جداً .. بس خلي بالك .. لو كاتب الاستيتس او التويت دي علشان الناس تعملك عليها لايك و كومنت و تقول انك جامد و كويس و دا شئ شاغلك و احيانا اكتر من العباده نفسها ..
يعني لو مكنش في تويتر ..مكنتش حتعمل كدا..
او لو منتظر من الناس كلمه شكر.. لو الناس معملتش لايك مش حتعمل كدا تاني..
يبقي انت مش عامل كدا علشان ربنا بس ..يبقي لازم تعلم ان الله غني ان عملك دا...

و في الاخر .. لو عرفت تضحك علي الناس مش حتعرف تضحك علي نفسك ادام ربنا..


حاجه هامشيه : ملهاش علاقه بالرياء بس ليها علاقه بربنا و توتير .. الواحد بيحزن لما بيلاقي بنت بتكلم ولد او العكس .. بطريقه معدومه أو قليله الحياء الي هو شعبه من شعب الايمان (لو مش فارق معاك الدين فأكيد لو حد لقي اخته او امه او خالته مكان البنت دي مش حيقبل الوضع دا).
لو حد عايز يقرأ أكتر عن الرياء:
لو حد عايز يسمع اكتر عن الرياء(الشيخ محمد حسان)