Monday, 29 December 2008

تبرعات لغزة

لو حد عايز يتبرع لغزة
او عايز يجمع تبرعات من اسرته او شركته او الوسط الي حواليه
اعتقد الارقام دي حتنفعه

لجنة اغاثة نقابة أطباء مصر
البنك الوطني المصري
حساب رقم 500555
للإتصال: نقابة الأطباء المصرية
هاتف: 7940738 - 7943812 - 7943166 - 3652006 – 3636366
العنوان: 27 شارع القصر العينى امام معهد السكر
بريد إليكتروني: ems_cai@ems.org.eg


لجنة الإغاثة الطبية التابعة لاتحاد نقابات الأطباء العرب
بنك قناة السويس فرع الدقى
حساب رقم (21090/1)
للإتصال: الدكتور جمال عبد السلام، مدير لجنة الإغاثة باتحاد الأطباء العرب
دار الحكمة 42 شارع القصر العينى
تليفون: 7940738-7943166
فاكس: 7940518


مؤسسة لجنة الإغاثة الإنسانية للعون
الناصرة - الصفافرة ,حي بلال ص.ب 20059
تلفون : 046082095
فاكس : 046082097
بريد ألكتروني: info@egatha.com

Saturday, 13 December 2008

حاجه تكسف


انا ححكي موقف عاصرته النهارده صراحه خلاني في قمه الضيق و الخجل الشديد. علشان مدخلش في مقدمات انا ححكي علي طول.

النهارده كنت عايز اروح اقابل اصحاب ليا في شارع الطيران.المهم استقليت ميكروباص من موقف الف مسكن للحي السابع لانه بيمر علي شارع الطيران.
بعدما تأكدت من التباع ان الميكروباص بيروح للحي السابع؛ ركبت في الكنبه قبل الاخيرة و بعدما امتلاء الميكروباص بالركاب ...بدأ بالتحرك ..لقيت البنت الي جنبي بتتكلم لغه اجنبيه لم افهمها و هي ليست بالانجليزيه لبنتين علي الكنبه الي امامي. لفت نظري لبسهم المحتشم لدرجه عاليه و حجابهم الرائع للغايه.
و ما هي دقائق من حركه الميكروباص حتي قالت احداهن للتباع باللغه العربيه الفصحي و قد ظهرت ملامح وجهها ذات السمات الاوروبيه البيضاء:
"هذه أجرة ثلاث افراد من فضلك" (سيبك انت من الكلام الي قعد يرميه التباع).

طبعا باين من الكلام انهم بنات مسلمه غير عربيه و من دوله اوروبيه و ما ميزهم اكثر من ذلك زيهم الاسلامي الصحيح.

مش عارف ليه تذكرت حديث الرسول حين الوفاه عندما بكي :
فقال له الصحابه : ما يبكيك يا رسول الله ؟
فيقول لهم صلي الله عليه و سلم : إشتقت إلى إخوانى , فيقولون : أولسنا بإخوانك يا رسول الله ؟
قال صلي الله عليه و سلم : لا أنتم أصحابى , أما اخوانى فهم قوم يأتون من بعدى يؤمنون بى و لم يرونى.

مش عارف ليه حسيت بمعني الحديث دا قوي في اللحظه دي و حسيت بالاسي الي وصلنا ليه كعرب مسلمين... ناس من اقصي الارض و من بلاد غير مسلمه و بلاد لا تتحدث العربيه اساساً .... وواصلهم الدين و متمسكين بالدين احسن مننا.

انا فعلا كنت قاعد خجلان من حالنا (ولاد و بنات)و ياتري هما حيقولوا علينا ايه!!! و هما شايقين السفور دا كلو .

مش عايز اقارن بينهم و بين بنات بلدي ... لان لو الحق حيتقال حنزعل بنات بلدي...
الي ممكن اقوله اني اترحم علي الحياء و الغيرة و الحشمه و العفه و الادب.
اني اترحم علي قول الامام علي رضي الله عنه : على قدر الحياء تكون العفّة.

Friday, 21 November 2008

مشكلتنا مشكله سلاحف

و كأن مشكلتنا
.... مشكله الامه العربيه... هي السلاحف..اه سلاحف 
البتاعه الي بتمشي علي الارض بأربع رجلين و مفردها سلحفه 
بدون تعليق
اليوم بموقع مصراوي
http://www.masrawy.com/News/Egypt/Economy/2008/november/20/project.aspx
 خمسين مليون دولار تكلفة مشروع الجامعة العربية لتربية السلاحف
خمسين مليون دولار دي يعني بالجنيه 260 مليون جنيه مصري علي الاقل

و الله و الله انا احترت شئ جميل جدا اني اخيراً سمعت جامعه الدول العربيه تعمل حاجه من زمان 
صراحه مش فاكر اخر مرة طلعت قرار بالاجماع كان امتي !!!!!!!
بس مازلت محتار يا تري مشكله الوطن العربي
هي السلاحف 
و لا متشات الكورة و مشاكله مع الفيفا
ولا الاعمال الدراميه الهابطه بين الاقطار و الاشقاء العرب !!!! 
ولا جاكت مهند 
ولا فستان نور في الحلقه الجايه

بس غالبا و الي باين كدا ان مشكلتنا مشكله سلاحف ...لا اكثر ولا اقل..
:)

Sunday, 9 November 2008

كيلو الكرامه بجنيه

دا مش تهريج ... او كلام ملوش معني ... دا بجد .... ممكن الكلام دا ميكونش بقي علني و عيني عينك كدا ... في بلاد الفرنجه ....او في بلاد العم اوباما ..... بس الكلام دا هنا في مصر المحروسه عيني عينك ...و علي عينك يا تاجر ... و الي ميشتريش يتفرج ...

و الله الواحد بيصعب عليه الحال الي  وصلت اليه الدنيا .... و وصل ايه حال البني ادمين ...

لما تبقي اماكن معروفه من سياستها  انها تمشي الناس بعد ما تمص دمهم و بعد كدا تجيب غيرهم ...اصل مفيش اكتر من البني  ادمين في بلدنا ... بدون سابق انذار ... و الناس بتتهافت عليها .... الي يقول انا  داخل جمعيه .... و الي بيقول مش مهم انا ..انا عايز اربي العيال ... و الي يقول ...انا  عايز اتجوز ...و الي تقول انا حعمل ايه ..مش لاقيه احسن منه... انا ورايا جهاز ...انا عايزة اعف نفسي ....

 لما تبقي الاهداف شريفه و الوسيله مش  نظيفه ....

لما يبقي مقابل كدا عندك استعداد  تتهان في الشغل ... و انت عارف انت مسيرك حتترمي براها...

لما تبقي مش عارف انت رايح او جاي من  فين ؟؟؟؟

يبقي كيلو الكرامه بجنيه ....

 

بالمناسبه ... انا كنت مدكن علي ربع  كيلو كرامه ....بس ايه ؟؟؟ وصايه يا معلم ...يا الي شخبطت سعادتك تخطيط لمستقبلي.... تشتري مني بربع جنيه ؟

Saturday, 8 November 2008

الفرق بينا و بين الناس التانيين

مصر و امريكا ايه الفرق بينهم ؟؟؟؟؟؟
قعدت افكر و دا كان نتاج تفكيري
أكيد ...الفرق مش ان حروف دي اكتر من دي
ولا ان دي في نص الكرة الارضيه و التانيه محدوفه في قاره بعيده
ولا في الاخلاق ...يمكن هما بايظين اكتر و لكن كتير مننا اخلاقه مش مظبوطه و برضو احنا مش زيهم ..
و برضو اكيد مش في الديموقراطيه ...احنا جربنا اه...بس محدش حس بفرق!!!!

قعدت امشي في الشوارع و اسال الي حواليا لغايه مقريت مقاله في بص و طل بتجاوب علي سؤالي و طلع في فرقين (يمكن كانو اكتر بس انا مقدرتش اسمع اكتر من كدا :$ ):
شوف بص و طل رد عليا و قالي ايه ؟
اولا: أن الفارق –بين مصر وأمريكا ليس 7 ساعات فقط حسب التوقيت العالمي لجرينتش، وإنما آلاف السنوات الضوئية حسب التوقيت العالمي لتقدم البشرية.
ثانيا: قال الفارق بين أمريكا ومصر، ليس في أن الأولى لديها انتخابات ديمقراطية وفرص صعود للمجتهدين، وإنما في أن أمريكا اختارت لها رئيساً أسود وعمرها في الدنيا 232 سنة، بينما مصر المعمرة صاحبة السبعة آلاف سنة غير قادرة على انتخاب رئيس لنادي الزمالك!
ساعتها بس قولتلهم شكراً...مش عايز اسمع فروق تاني ... نخلص دول الاول و حبقي اجيلك تاني !!!!

Monday, 13 October 2008

Ramadan over the world

قبل ما ابدأ في التدوينه دي ....اساسا مصدرها
http://www.boston.com/bigpicture/2008/09/observing_ramadan.html
و كل الي انا عملتو اني ترجمت التعليقات علي الصور
هما اكتر من 30 صورة بس فعلا يستحقو اني انقلهم عندي
اضغط علي اي صوره للتحميل بحجم اكبر
Symbolizing the faith of Islam, the crescent moon is seen at sunset on top of the Faisal Mosque in Islamabad, Pakistan, Tuesday, Sept. 16, 2008. (AP Photo/Wally Santana)
تشير الي رمز المسلمين....الهلال الذي ينتظر بعد غروب الشمس ....هذه الصورة من اعلي مسجد فيصل اسلام اباد ,باكستان

An officer of Brunei's Islamic authority looks through a telescope as he performs "rukyah", the sighting of the new moon for Ramadan, over the skies of Bukit Agok outside Bandar Seri Begawan August 31, 2008. Muslims scan the sky at dusk at the end of their lunar calendar's eighth month in search of the new moon to proclaim the beginning of Ramadan. (REUTERS/Ahim Rani)
موظف من سلطه بروناي الاسلاميه يبحث من خلال التيليسكوب عن قمر شهر رمضان ...في الشهر الثامن من التقويم القمري

A Palestinian man reads from the Koran, during the Muslim holy fasting month of Ramadan, in a mosque in the West Bank city of Jenin, Thursday, Sept. 11, 2008. (AP Photo/Mohammed Ballas)
رجل فلسطيني يقرأ القران خلال شهر رمضانفي مسجد في مدينه جنين في فلسطين
Indonesian men attend Friday prayer at Istiqlal mosque, the biggest in Southeast Asia, in Jakarta, Indonesia, Friday, Sept. 12, 2008. (AP Photo/Irwin Fedriansyah)
رجال من اندونسيا خلال صلاه الجمعه في مسجد الاستقبلال يعتبر الاكبر في الجنوب الشرقي من اسيا..جاكرتا –اندونسيا
Jordanian Muslim girls queue in line outside a humanitarian center for waiting for meals to be donated at the time for the breaking of their fast, or Iftar, on the 13th day of the Muslim holy fasting month of Ramadan in Amman, Jordan, Saturday, Sept. 13, 2008. (AP Photo/Nader Daoud)
بنات صغيرات من الادردن ينتظرون وجبات الاعانه للافطار في رمضان من احدي المراكز للاعمال الانسانيه بعمان –الاردن
A Palestinian woman is seen on her way to pray for the holy fasting month of Ramadan at the Al Aqsa Mosque in Jerusalem's Old City, Friday, Sept. 12, 2008.(AP Photo/Bernat Armangue)
امراه فلسطينيه في طريقها للصلاه بالمسجد الاقصي خلال شهر الصوم في مدينه القدس القديمه
Palestinian women lead young girls through the Kalandia checkpoint, on the outskirts of the West Bank city of Ramallah, to cross to Jerusalem to attend Friday prayers at the Al-Aqsa mosques compound on September 19, 2008. Thousands of Muslim faithful have been crossing every week from the West bank to attend Friday prayers at the Al-Aqsa, Islam's third holiest shrine, since the start of the holy month of Ramadan three weeks ago. (DAVID FURST/AFP/Getty Images)
سيدات من فلسطين تقود بنات صغيرات لعبور نقطه تفتيش في قلنديا علي مشارف مدينه رام الله بالضفه الغربيه للعبور الي المسجد الاقصي...الذي يكتظ بالاف المسلمين لاداء صلاه الجمعه في اولي القبلتين و ثالت الحرمين الشرفين.
Israeli border police hold back Palestinians on their way to pray for the holy fasting month of Ramadan at the Al Aqsa Mosque in Jerusalem's Old City, at Kalandia checkpoint, between the West Bank town of Ramallah and Jerusalem, Friday, Sept. 12, 2008. (AP Photo/Bernat Armangue)
شرطة الحدود الاسرائيلية تمنع الفلسطينيين من طريقهم للصلاة في المسجد الأقصى في مدينة القدس القديمة ، عند نقطة تفتيش قلنديا بين رام الله في الضفة الغربية والقدس
Palestinian women walk past men (on the other side of the fence) waiting to cross a checkpoint to get into Israel in order to pray for the holy fasting month of Ramadan at the Al Aqsa Mosque in Jerusalem's Old City, in the West Bank town of Bethlehem, Friday, Sept. 12, 2008. (AP Photo/Tara Todras-Whitehill)
امراه فلسطينية تسير في الجانب الاخر من السور لعبور نقطة تفتيش لدخول إسرائيل من أجل الصلاة في المسجد الأقصى في مدينة القدس القديمة ، في الضفة الغربية بيت لحم
This picture taken September 5, 2008 shows a stall worker preparing roasted chicken wings to be sold at a Ramadan bazaar in downtown Kuala Lumpur for the breaking of their fast. In Muslim households across Asia, the inflation crisis is casting a shadow over the holy month of Ramadan, and making the nightly ritual of breaking the fast a more meagre affair. From Afghanistan to Malaysia, the high prices of food are forcing the poor to go without, and curtailing the lavish evening buffets
which the well-off have flocked to in better economic times. (KAMARUL AKHIR/AFP/Getty Images)
عامل يقوم بشوي اجنحه الدجاج علي الفحم ليقوم ببيعها قبل الافطار في رمضان.من كولالمبور
Kashmiri Muslims pray inside the Jamia Masjid, or Grand Mosque, on the first Friday of Ramadan in Srinagar, India, Friday, Sept. 5, 2008. (AP Photo/Dar Yasin)
مسلمون من كشمير خلال الصلاه داخل مسجد جاميافي الجمعه الاولي من رمضان في سريناجا -الهند
A Pakistani man prepares sweet drinks for people to break their fast at a mosque during the Muslim fasting month of Ramadan in Lahore on September 3, 2008. (Arif Ali/AFP/Getty Images)
رجل باكستاني يعد بعض المشروبات الحلوه للافطار في المسجد خلال شهر الصوم
A Palestinian boy holds a homemade sparkler firework after breaking his fast at the end of the second day of Ramadan in the West Bank city of Ramallah,Tuesday, Sept. 2, 2008. (AP Photo/Muhammed Muheisen)
ولد فلسطيني يحمل العاب ناريه محليه الصنع في ناتي يوم من ايام الصيام بعد الافطار
A seller of traditional Syrian sweets calls out for customers in the Meidan quarter of Damascus September 2, 2008. Sales of the sweets go up during the Muslim holy month of Ramadan. (REUTERS/Khaled al-Hariri) #
بائع من دمشق للحلوي السوريه خارج المحل لجلب الزبائن في شهر يكثر فيه المسلمون علي طلب الحلوي
A Muslim woman reads a copy of the Koran at the Istiqlal mosque during the second day of ramadan in Jakarta, Indonesia, the world's most populous Muslim-majority country, on September 2, 2008. (ADEK BERRY/AFP/Getty Images) #
امراه مسلمه تقرأ القران في مسجد الاستقلال بجاكارتا - اندونسيا ذات الاغلبيه المسلمه
A Bangladeshi vendor sells traditional sweet meats for breaking the Ramadan fast, at the Chalk bazaar in Dhaka, Bangladesh, Friday, Sept. 12, 2008. (AP Photo/Pavel Rahman)
عمال من بنجلادش يقومون ببيع الحلوي التقليديه في الشهر الكريم
An Egyptian family looks to buy a "Fanus Ramadan", a traditional lantern popular during Ramadan, at a shop in el-Sayeda Zaynab district of downtown Cairo, late August 28, 2008. (KHALED DESOUKI/AFP/Getty Images) #
عائله مصريه تبحث عن فانوس رمضان و هي عاده شعبيه في رمضان - من متجر بالسيده زينب بالقاهرة
A Palestinian Muslim girl prays in the men's mosque before the evening prayer called "tarawih", during the holy fasting month of Ramadan in the West Bank city of Ramallah, Wednesday, Sept. 17, 2008. (AP Photo/Muhammed Muheisen) #
من رام الله الفلسطينيه - تقوم بنت صغيرة بالصلاه في مسجد للرجال قبل صلاه التراويح في رمضان
A Pakistani man offers Friday prayers atop a mosque roof during the holy Muslim month of Ramadan in Peshawar, Pakistan on Friday, Sept. 5, 2008. (AP Photo/Mohammad Sajjad) #
رجل باكستاني يؤدي الصلاه من سطح مسجد بمنطقه بشاور – باكستان
Workers sew prayer caps in a factory in old Dhaka, Bangladesh on September 18, 2008. Prayer caps have huge demand during the holy month of Ramadan. (REUTERS/Andrew Biraj) #
تقوم سيدات من بنجلاديش بصنع طاقيه للراس في احدي المصانع ب داكا القديمه
Kashmiri Muslims pray inside the Jamia Masjid, or Grand Mosque, on the first Friday of Ramadan in Srinagar, India, Friday, Sept. 5, 2008. (AP Photo/Dar Yasin)
مسلمون من كشمير خلال الصلاه داخل مسجد جاميافي الجمعه الاولي من رمضان في سريناجا -الهند
A child prepares food for Iftar (evening meal) before the breaking of fast on the first day of Ramadan at Memon Mosque in Karachi, Pakistan on September 2, 2008. (REUTERS/Athar Hussain) #
ولد صغير يقوم بتحضير وجبات الافطار في رمضان
Lebanese "Musaharati" Mohammed Fanas wakes up observant Muslims for their overnight "suhur" meal before the day's fast in Sidon's Old City in south Lebanon just before dawn on September 3, 2008. (MAHMOUD ZAYAT/AFP/Getty Images) #
مصحراتي لبناني يقوم بايقاظ المسلمين لتناول الصحور قبل الفجر
Visually impaired Palestinian students read verses of the Koran, Islam's holiest book, written in Braille, during the holy fasting month of Ramadan at Al-Qabas Islamic school in the West Bank city of Ramallah, Sunday, Sept. 7, 2008. (AP Photo/Muhammed Muheisen) #
طلاب فلسطينون يقرأون القران الكريم بطريقه برايل ..نظرا لمشكلات في الابصار
Thai Muslim children pray at a mosque during Ramadan in Narathiwat province in Thailand on September 9, 2008. (MADAREE TOHLALA/AFP/Getty Images) #
اطفال من تايلاند يقومون بالصلاه خلال شهر رمضان من ناراثوات بتايلاند
Afghan men offer prayers on a hill top overlooking Kabul, Afghanistan on September 8, 2008, during the Muslim holy month of Ramadan. (SHAH MARAI/AFP/Getty Images) #
الأفغانيه الرجال يقومون للصلاة على رأس تلة تطل على كابول – أفغانستان
A worker prepares traditional sweets at a pastry shop in Tehran, Iran on the fifth day of the Muslim fasting month of Ramadan September 6, 2008. (REUTERS/Morteza Nikoubazl)
عمال يجهزون الحلوه الايرانيه التقليديه في محل بطهران-ايران
Muslim women attend prayers on the eve of the first day of the Islamic fasting month of Ramadan at a mosque in Surabaya, East Java, Indonesia on August 31, 2008. (REUTERS/Sigit Pamungkas) #
سيدات مسلمات يقومن للصلاه خلال اول يوم من رمضان في سورابيا-اندونسيا
A boy sleeps in a mosque while waiting to break his fast on the first day of Ramadan in Makassar, Indonesia on September 1, 2008. (REUTERS/Yusuf Ahmad)
طفل غلبه النعاس اثناء انتظاره للافطار اول ايام الشهر الكريم-اندونسيا

Monday, 28 July 2008

ابوس ايدك ماتكتبش عربي بحروف انجليزي

العنوان دا مش انا الي مبتدعه ...ولا جايبه من عندي ... دا عنوان جروب علي الفيس بوك ...بصراحه مقولكمش حجم السعاده الي حسيت بيها لما شوففته ..اخيرا لاقيت واحد حاسس بالي انا حاسس بيه و عايز يقول الي انا عايز اقوله من زمان ....

يا ريت لما يحد يتكلم .... يتكلم عربي او انجليزي ....بس منضيعش العربي بتاعنا بادينا ...عايز تكتب فرانكو ...كلمه او اتنين اوحتي سطر مبلوعه شويه ... بس ايميل كامل بالفرانكو ولا كومنت 5 او 6 اسطر كتير ...قوي و صداع قوي ...

الاطفال الصغيرة و الكبار دلوقت بقو بيكتبو فرانكو احسن و اسرع من العربي علي جهاز الكمبيوتر...و دي مش حاجه تفرح ...

في كام موقع بحث اليومين دول نازلين بتكتب فيهم فرانكو و هما بيحولوه لعربي ....برضو من وجهه نظري دي مش حاجه تفرح ...

اكيد فيها شغل برمجه و معالج كلمات محترم ....اكيد فكرة جديده ....بس الهدف من وجهه نظري مش حاجه تفرح ....

مش علشان العربي لغه القران ولا علشان مبعرفش اقرا فرانكو ...ولا علشان معنديش كيبورد انجليزي .... و لكن علشان دي لغتنا و دي اصلنا و دي احنا ....مينفعش نشوف الشخصيه الي انا و انت منها بتضمحل ادامنا و احنا ساكتين و كمان بنساهم في كدا...

الفرانكو بالنسبه لي .... صداع و مملل ...لو حجتك ان ايدك اخدت علي الكيبورد انجليزي .... معلش لو ضغط علي نفسك اسبوع واحد بس حتعرف تكتب عربي كويس ...لو مش عاجبك اكتب انجليزي يا عم ...... بس ابوس ايدك ماتكتبش عربي بحروف انجليزي.

Saturday, 28 June 2008

مذكرات فوفو من قطرالشقيقه

التدوينه دي حتكون ملاحظاتي و معاها بعض المقارنات بين مصر و الكويت و قطر و دبي ...نظرا لاني فعلا حسيت بفرق شاسع بينهم رغم الانتماء النظري لهم جميعا للمرحوم الوطن العربي الي كان كبير...
التدوينه دي نتاج رغبه شخصيه لي في تدوين بعض الملاحظات ... و طلب بعض اصدقائي تدوين نظرتي في قطر بعد اول زياره لها ...
انا مستبعدش ان حد يهاجمني في التدوينه دي ...معنديش مانع ....انا اقبل النقاش ..و ارحب بيه و لكني ارفض الوقاحه في التعليق ..و سأقوم بإلغائه ..
انا عشت في مصر و الكويت الفترة الكافيه للكتابه عنهم بتفاصيل دقيقه و لكن قطر سأتحدث عنها بصفتي زائر لها في رحله لن تستغرق اكتر من شهر ... اما دبي فسأتحدث عنها رغم عدم زيارتي لها ...عن نتاج معلومات قصها لي العديد من اصدقائي الذين يعملون في دبي ...
اولا :قبل اي حاجه ...ببعت سلام خاص و كبيييير من قطر لكل اهلي واصدقائي و حبايبي .... في كل مكان ....
بسم الله : رحلتي الي قطر ...كانت رحله غير متوقعه و هي رحله عمل علي العموم ...لم اعلم عنها الا قبل اقل من 48 ساعه ...
بدأت الرحله من مطار القاهرة الدولي علي الخطوط المصريه المتوجهه الي مطار الدوحه في قطر ...و هنا كانت اول مقارنه ممكن اتكلم عنها ...المطار بشكل عامل
المطار :
في مصر المطار كبيرجدا و رغم كدا زحمه جدا....المعامله و التنظيم مقبولين بالعافيه...
تمييز المسافرين الاجانب عن باقي المسافرين و الاخص المصرين ...للاسف ...دي كانت واضحه في كل حاجه اقلها الاجراءات....
للاسف وجود العادات الشعبيه المصريه المخجله ...زي مثلا انك تاخد مكان في الطابور و تلاقي واحد بيزاحمك و ياخد مكانك في الطابور ...
في قطر : المطار صغير جدا جدا ... اعتقد لو نزلت طائرتان او ثلاثه حيكون زحمه جدا ...
الحركه النسائيه هناك رهيبه ...اجراءات الدخول كلها كانت مع موظفات قطريات ... بصراحه مشوفتش رجاله هناك الا الامن ...مفيش ولا موظف راجل علي اي مكتب ...
هناك في قطر التميز بيكون لمواطنين الخليج العربي و ليهم مكاتب لختم الجوازات مستقله عن الباقي...اما الباقي معامله واحده ..
المعامله تعتبر جيده رغم ان في موقف حصلي و دايقني ...كنت في طابور ختم جواز السفر للدخول البلد ..و معايا موبايلي من مصر و انا عامله خدمه تجوال ...علشان اعرف استقبل عليه المكالمات في قطر ..المهم اخويا اتصل عليا علشان يطمأن و لكن اول ما رديت لقيت راجل من بتوع الامن بيزعق لي جامد و طلب من اغلق الموبيل ...رغم اني مشوفتش لوحه تنبيه بكدا....
الكويت :
المطار كبير و الخدمه ممتازين ...
هناك في الكويت التميز بيكون لمواطنين الخليج العربي ...اما الباقي معامله واحده ..

دبي :
المطار كبيييييييييييييييير و نظيف جدا .
هناك في دبي التميز بيكون لمواطنين الامارات ...اما الباقي معامله واحده ..
بعد ما طلعت من المطار...علشان اركبت ليموزين او تاكسي للفندق ..كانت مفاجئتي التانيه ..بجانب الليموزين....في تاكسي اسمو كروة ...هو الي ماسك خدمه التوصيل في قطر كلها بس الي يميزه انو زي تاكسي العاصمه في مصر بعداد : ) مش حيضحك عليك يعني .

اول ما طلعت من المطار و ركبت التاكسي...لفت نظري حاجه غريبه جدا ... ان مفيش مبني شوفته لغايه ما وصلت الفندق يعدي 3 ادوار .. بأمانه انا اتصدمت ..
المهم نظرا لان الفندق كان بعيد عن مكان الشغل ...و لاني علشان اطلب تاكسي (كروه) لازم استنه ساعه و نص ...علشان يجي غيرت كمان السكن ...و دي كانت الصدمه الثالثه .. في مصر الي اسمها زحمه و الشوارع واقفه بيجي تاكسي العاصمه في 45 دقيقه (متوسط)...
بعدها انتقلت لفندق تاني ....صراحه خدمته ممتازة جدا ...فيه كل حاجه ... حتي الغساله الاوتوماكت و الميكرويف ..
مش علشان حاجه غير انو اقرب للشغل و الاهم ان عندو خدمه الليموزين ...بطلبه قبل العمل ب 10 دقايق ..: )
لما روحت الشغل كانت المفاجئه في منطقه في الدوحه اسمها الدفنه .... فيها كميه ابراج رهيبه ما شاء الله..بس معظمها لسه بيتبني ...قليل منها فقط الي خلصان ...حاجات مش موجوده في الكويت او حتي مصر ...بس اكيد في افظع منها في دبي ...الي فيها اعلي مبني في العالم 850 متر (برج دبي) .
من الحاجات الغريبه برضو ان مش كل المطاعم المشهوره عندها خدمه توصيل لمنطقه الدفنه ...الي فيها الابراج : ) ...يعني تتصل عليها تقوم تقولك مش بنوصل للدفنه ... رغم ان الدوحه كلها علي بعض اصغر من اي حي في مصر زي مصر الجديده ..و المطعم علي بعد اقل من كيلو متر .

برضو من الحاجات الملفته برضو ان الدوحه لوحدها فيها 3 كارفور ... في حين بلد زي مصر الي قد قطر علي بعضها مش الدوحه بس ... واحد و تسعين الف مرة ... دي 11 الف كيلو متر و دي مليون كيلو متر.. مساحات تقريبيه .. عندها برضو 3 كارفور و دا ان دل لا يعد الا علي حجم القوه الشرائيه في الدوحه ..علي فكرة نفس تصميم كارفور مصر المعادي ..و البضائع موجوده في نفس الاماكن ..
و لكن هنا الجوده معظم الاشياء اجود ...
من المضحك او المبكي مش عارف الصراحه هناك اني لما روحت و بطلب من العامل لانشون حلواني ...قالي معنديش غير فراجلو المصري : ) ...
في حاجه تانيه برضو عايز اتكلم عليها و هي المساجد ... المساجد في قطر فخمه جدا ...عامرة بالمصلين ... حاجه بجد تشرح و تفتح القلب و النفس ....
برضو نفس الكلام في الكويت .... مساجد بمساحات رهيبه ما شاء الله ... و اشهر و اكبر مسجد في الكويت هو المسجد الكبير ..صراحه انا معرفش مساحته لكن معمول علي مساحه لاتقل عن 2 فدان علي الاقل (تقدير شخصي )
و لكن مش حيكون اكبر من مسجد الشيخ زايد في ابو ظبي ثالث اكبر مسجد في العالم بعد الحرم و المسجد النبوي عليه الصلاه و السلام .
بلاش نتكلم علي مصر علشان منقلبش المواجع ...
اه في حاجه تانيه برضو بالنسبه للمساجد و هما ليهم فيها حق علشان الحر ...ان الخطبه لازم متزيدش عن تلت ساعه ..علشان الحراره ...الكلام دا في قطر و الامارات و الكويت ..اما مصر كل امام حسب مزاجو لكن متوسطها ثلاث ارباع الساعه .
بالنسبه لثقافه الشعب :
في قطر موجود ناس من دول كتير ... الشعب القطري انا اتعاملت معاه في الشغل في ناس ممتازه ... و في ناس تانيه بيبصو لينا بصه وحشه ... ايوه ..انا بتكلم بصراحه .... هناك عندهم كلمه المصري دي زي الشتيمه .. زي مثلا يا معفن(اسف في اللفظ) لما تقولها لواحد بيبقي انت قرفان منه ...برضو زيها كلمه المصري ...يا المصري ...عندهم كلمه حقيرة ..ممكن زي ما احنا بنقول بينا و بين بعض دا صعيدي ...دي كنايه عندهم برضو ...
الكويت مفتكرش تفرق عن قطر في النقطه دي ...
بصراحه معرفش النقطه دي في دبي ...
المستوي المعيشي :
اكيد طبعا الخليج كلو عالي ... بس صراحه اقلهم في الرفاهيه هي قطر ...و باين الكلام دا قوي من مستوي السيارات في الشوارع ...
اللغه :
في الكويت اللهجه الكويتيه في اللغه المنتشره بين معظم الناس ..
في قطر في اماكن كتير مش بتتكلم فيها غير انجليزي ...الفندق ....كارفور ....المحلات....حتي الوزارة الي بشتغل عندها دلوقت ...في ناس بتتكلم خليجي عادي و ناس مش بتتكلم غير انجليزي ...
دبي تقريبا الانجليزي هي اللغه الاساسيه ...باستثناء المطار ...و بعض المطاعم ...و لو كلمت حد في الشارع ... مصر ...اللهجه المصريه ...و حاليا بقت مخلوطه بشويه كلام انجليزي ...

حاجه مدايقاني (صراحه مش عارف اسميها ايه!!! :$ ممكن نقول قله الادب او انعدام الحياء):
عامتا الخليج ..بيتدهر عام عن عام ...و دا حال الوطن العربي كلوه ...بما فيهم مصر ..انا كنت بقول علي الخليج بحكم اني عايش فيه فترة كبيرة ...انو اكثر المجتماعات الملتزمه و بصراحه كااان احسن من مصر ... و لكن الكلام دا تقريبا اضمحل ...دلوقت كلو محصل بعضو ...
كلها خطوه او اتنين و يكونا زينا ...لا و اوحش مننا كمان ...الفجور عندهم بزياده ...انا شوفت حاجات مكنتش مصدقها و لا متخليها ...
في الفندق ...عادي انك تيجي مع واحده مش مراتك و تقعد معاها في الفندق من غير ما حد يسألك مين دي ؟؟؟في مصر ...الي فيها ملاهي ليل ...علشان تدخل فندق مع واحده لازم اثبات انها تحل لك .... لو حد قالي مش بيتنفذ علطول ...حقولك بس عندنا قانون ... : (
في الفندق عندي قناه المجد علي التيليفزيون و لكن القنوات الي بعدها ... مش عارف اقولكم عليها ايه ؟؟؟؟حاجه تكسف ...:$
في الشارع او المول او كارفور عادي انك تلاقي واحده بتحضن واحد (صراحه ملفتش نظري العكس : ) )... واحده مش عارف اقول عليها لابسه ايه ؟؟؟اقذر من مصر ميت مرة ...و الله الواحد ضغطه بيرتفع لما بيشوف الكلام دا ...و بيحزن بشده علي مجتمع مفروض انو كان في يوم من الايام احسن مننا في حياته الدينيه..
الشعب القطري كويس في زيه .... و لكن في ناس ...مش تبع الناس ...هما قله بس عيب عليهم انهم يسمحو بالكلام دا . مصر ...الي اسمها مصر ...الي الخمرة بتتباع فيها في الشارع عيني عينك ... مبيحصلش فيها الكلام دا ..ادام الناس ...
.و مول ستي استارز الي مفروض انو مول المسخرة في مصر ...ميجيش حاجه من حيث القذارة ادام هنا ...(عدد الناس البايظه في مصر اكبر و لكن القذارة هنا اكترمن كل الي في مصر) ..
و الكارثه بقي دبي ...دي اقذر واحده علي الاطلاق ...اعرف واحد من الناس التي احتسبه يتقي الله بيقولي انو بيكون خايف و هو في دبي اني يجي عليها اعصار زي تسونامي يشيلها من كتر الذنوب و المعاصي الي فيها و هو فيها...
وو احد تاني بيقولي ....ان اقذر واحده في ستي استارز مصر ....تعتبر عاديه في دبي ....
اما الكويت ...بتدهور من عام لعام ... و لكن لسه موصلتش لقطر او دبي او حتي مصر ...الحمد لله ..لكن للاسف هي في الطريق و بخطوات متسارعه...حاجه اذكرها و اثني عليها ان الشعب الكويتي ...كذا مرة في الكويت اشوف حد لابس زي سيئ في الكويت بنت او ولد ...كنت بلاقي اهل الكويت يطلبو منو انهم يشوفو او يكلمو ابوه او امه ... و لكن للاسف النسبه دي بتنقرض حاليا ...
صراحه دا الي في دماغي حاليا ... ممكن لو جد جديد ابقي اكتب بوست تاني اكمل عليه ..
اهم حاجه دلوقت بقي اني بطلبك منكم انكم تدعولي ربنا يوفقني و يصلح حالي في شغلي في قطرلاني مضغوط حاليا في الشغل حبتين ثلاثه اربعه :)

Sunday, 1 June 2008

بعلو الصوت: من جوه الطاحونه.... حبايبي بالدنيا


و الله انا مش عارف انا من غير أصحابي كنت عملت ايه !!
زي كل الناس .... مشغولين و العلاقات بتتقطع كل ما وسائل الاتصال بتتقدم (علاقه عكسيه) ... بس اكيد عاذرهم لانهم اكيد مطحونين في طاحونه الحياه (زيي تمام)...
كل واحد مشغول يجي في خمس الاف حاجه مع بعض ... و مفروض يخلصهم في نفس الوقت ... كل واحد مركز بالعافيه في الي معاه ... و مش عارف حتمشي ازي و من فين ؟؟؟!!!

لكن وسط الهم الي انت شايله دا ...انت بتستغيث جوه الطاحونه ....تلاقي اصحابك و حبايبك (سواء كنت تعرفهم او متعرفهمش )بيتصلو عليك من كل مكان .... الي بيشكرك علي حاجه ... و الي بيسلم عليك...تقوم تفتكر ايام زمان ... تفتكر الايام الحلوه ...قبل ما الطاحونه تفرقنا عن بعضينا....تلاقي نفسك نسيت همومك و لو للحظه ... و رمتها ورا ظهرك و اخذت شحنه حلوه علشان تكمل مشوارك ... الي اكيد جوه الطاحونه ...

كتبها من داخل الطاحونه : احمد عيسوي

سبب كتابه التدونه: معيدي الفاضل من ايام الكليه اتصل عليا من استراليا بيسلم عليا علشان يوم ميلادي(لا كان علي البال ولا علي الخاطر) ... كذلك عدد من رفاقي .... واحد عربي في لندن معرفوش ...برضو اتصل عليا ... بيشكرني علي حاجه (مكنتش اتوقع ان حد حيكلمني عليها ... ) و بيطلب مني اكون اخوه ...الصدفه الي خلت كل دا يكون في نفس اليوم هي الي دفعتني اعبر عنها بالتدوينه دي :).


تنويه عام : اتصالي بالانترنت ...اصبح محدود ... انا عارف اني بتأخر في الرد علي الناس و مقصر في حق ناس كتير و لكن و الله غصب عني :$ ...

Tuesday, 13 May 2008

البقاء لله

ولنَّبلوكُمْ بِشَيْءٍ مِّنَ الْخَوفْ وَالْجُوعِ وَنَقْصٍ مِّنَ الأَمَوَالِ وَالأنفُسِ وَالثَّمَرَاتِ وَبَشِّرِ
الصَّابِرِينَ (155)
الَّذِينَ إِذَا أَصَابَتْهُم مُّصِيبَةٌ قَالُواْ إِنَّا لِلّهِ وَإِنَّا إِلَيْهِ رَاجِعونَ (156)
أُولَئِكَ عَلَيْهِمْ صَلَوَاتٌ مِّن رَّبِّهِمْ وَرَحْمَةٌ وَأُولَئِكَ هُمُ الْمُهْتَدُونَ (157)
سورة البقرة

انتقل الي رحمه الله تعالي الشيخ سعد الصباح اليوم...
الامير الاسبق للكويت
صدمه كبيرة لكل واحد عاش في الكويت ... مواطن او اجنبي ....مفيش حد في الكويت مشفش خير منه او من الشيخ جابر يرحمهم الله...

امراء البلد بس عرفو يكتسبو حب الناس ليهم بختلاف اجناسهم...

مش عارف انا حاسس اني فقدت واحد من اهلي ...

انا واثق دلوقت ان الدنيا في الكويت مقلوبه و بتعيط رجال و نساء...
بكرة حتلاقي كل الي بيحبوه ...واقفين في جنازته...

انا مصري بس مش حزعل عليه عشر الي انا زعلانه دلوقت علي بتاعنا..

الشيخ سعد دا اخر الريحه القديمه و الكويسه في الكويت...و حزن الناس عليه هناك مش اقل من حزن الناس هنا علي جمال عبد الناصر ..

خلاص مع السلامه يا كويت .... زي ما سلمنا قبل كدا علي الوطن العربي ... :(:(

أسئل الله تعالى أن يغفر له ويرحمه ويكرم نزله ويوسع مدخله وأن يجازيه
بالحسنات إحسانا وعن السيئات عفوًا وغفرانا .. وأن يغسله بالماء والثلج
والبرد وأن ينقيه من الذنوب والخطايا كما ينقى الثوب الأبيض من الدنس ..
وأن يخلف عليه بدار خير من داره وأهل خير من أهله .. وأن يرزق ذويه
الصبر والسلوان .

Saturday, 10 May 2008

خدعوك فقالو : علشان متضربش علي قفاك

انا بقي بنفي الكلام دا و بقولك سخن قفاك ... علشان الضربه متوجعكش .....
انا عارف ان اكيد في ناس مش حيعجبها الكلام دا ... بس بصراحه انا بجيب من الاخر ... و سخنت قفايا خلاص استعداداً لاي ظرف .....

انا واحد من الاف و ربما اكثر من ذلك .... الي قرا كتاب علشان متضربش علي قفاك (هذا الرابط من مدونه هوندا)... الي اكيد الكل سمع عنو ... و اخدتني الحماسه قوي و انا بقرا الكتاب ... قريت ان الواحد مثلا لو في كمين شرطه و لقي حد عايز يسحب الرخص ... لازم يكون ضابط .. و مش من حق حد يفتش العربيه بتاعتك ... الا اذا كان شكل العربيه مشبوه او معاه اذن و متحدد فيه رقم العربيه و حركات كدا و ان لو شكيت في شخصيه الي بيكلمك لازم تطلب منه الكارنيه بتاعو علشان تطلع عليه ...
قريت كلام كتييير كدا .. و قولت انا لو حد فعلا منهم استفزني حعامله رسمي ... يعني مثلا لو حاجه مش من حقو مش حسمحلو يعملها ... و كدا ....
و شوف بقي حضرتك الي حصل ...
يوم السبت الماضي ... 3-5-2008 علي طريق اسكندريه الصحراوي ... و انا و ثلاثه من اصدقائي راجعيين من الساحل الشمالي .. لقيت ناس لابسه لبس عادي ... بتوقف الناس ... مفيش أي حاجه تدل علي انها كمين ... مفيش حد فيهم لابس لبس شرطه نهائي ... ولا في دوريه واقفه ... و لا القراطيس البرتقالي ولا الهوا ... شويه ناس لابسه لبس مدني بتفتش الناس بطريقه مستفزه ...
لما جه الدور علي العربيه بتاعتنا .... نزلنا منها بطريقه متعتبرش ظريفه (اركن علي جنب بصوت عالي... بس متمشيش تاني .... اساسا لو كنا زودنا علي البنزين و مشينا مكنش حيجبنا لان معهمش حتي عربيه دوريه رغم انهم كانو كتير مش اقل من اربعه فتشو العربيه)... و سألنا جايين من فين ؟؟ و هل معانا ممنوعات و كرر السؤال دا كتير كرره لكذا حد علي انفراد... و بذكائه الرهيب ...فتش نص الشنط الي في العربيه تفتيش دقيق(مش فاهم يعني افرض الحاجه في النص التاني من الشنط ) ...لدرجه انو كان بيفتش في الاحذيه الي موجوده في الشنط ... و قعد يفعص في الفطير الي كنا اشتريناه من واحه عمر(مكان مشهور علي الطريق في الكيلو 111) و بعد كدا سابنا ...

بكل بساطه كل الي عملو معانا مش رسمي ... و في نفس الوقت محدش قدر يعملو حاجه .. ولا حتي نسألهم
انتو مين ؟؟؟ ببساطه هو لو عايز يودينا ورا الشمس ... لو حد مننا شد معاه ... كان رمي قرش حشيش في العربيه و قال انا لقيته معاكهم ... و كدا يبقي احنا خلاص !!!!

بس دا الي حصل ... و بناء عليه .... قررت اسخن قفايا ... ليهم .. بدل ما احرق في دمي و ابقي عارف ان ليا حق بس علي ورق ...

و بقولك : سخن قفاك ... علشان الضربه متوجعكش .....


Thursday, 24 April 2008

المقبرة الالكترونيه

يدفعني لهذه الكتابه شئ غريب كلما زرت مدونه احد الاموات ... و خاصه لو كان تربطني به علاقه الكترونيه... فأنا أعرف كثير من الناس ... في مخيلتي شكلهم و افعالهم .. طبعاهم و عاداتهم ...دون ان اري أحدهم ..كل ما بيننا علاقات الكترونيه ... و ان كانت في بعض الاحيان تتجاوز علاقه بيني و بين أحد أصدقائي المقربين ...
شعور غريب يلازمني عندما افتح الجوجل ريدر Google Reader و اري مدونه أحد هؤلاء الاموات عندي بلا تحديث منذ فترة طويله
(شيماء و هدي وغيرهم ربنا يرحمهم جميعا و يغفر لهم ) ...
أراني أفتح المدونه و أقرأ أخر تدوينه التي اعتدت علي قرائتها مراراً و تكراراً ... أفتح التعليقات لاراها كالعاده ...هي ..هي ... منذ اخر زيارة ...
أتخيل نفسي عندما تقبض الله روحي ...و لكن لا استطيع أن اتخيل ...ما بعد ذلك فيما يتعلق بي ... يتعاقب ذلك وسط أفكار عديده كلها مبعثرة ...
لأفيق من شرودي و أنا اقرأ فاتحه الكتاب علي روح هذا الميت ... و تنتهي هنا زياره قبر الصديق ذات العلاقه الالكترونيه ...نعم قبر و مظلم رغم ألوانه و تصميماته ....نعم قبر ... فحروفه و كلماته لم تتحرك و لن تتحرك مرة اخرى .... أغلق المدونه .... و ها انا الان اتغلب علي هذا الشعور الغريب بالتعبير عنه و وصفه هنا في مقبرتي الالكترونيه ....

لما ربنا يتوفاني في رحمته متبقوش تنسوا تدعولي ان ربنا يرحمني ... لاني ساعتها مش حكون محتاج اكتر من كدا ....

Wednesday, 16 April 2008

عفوا:ايها المدير ...في كل مرة ستبدأ من حيث بدأت !!!


فن و ذوق و اخلاق
هذه الكلمات البسيطه ...كانت عنوان لدرس لغه عربيه عن اداب قياده السيارات و انا في الصف الرابع الابتدائي ...
تقريبا ....منذ ثلاثه عشر عام علي الاقل ...كم من مرة اخذتني تلك الكلمات لعالم لطيف و متفاهم ... محترم و هادئ .... ليس في قياده السيارات فقط ... و لكن كفن او لمسه في قياده جميع من حولنا من معاملات ....آه ... اقولها بعلو صوتي ... عل من بجواري يسمعها ...لو كانت هذه الكلمات هي عنوان لجميع فنون من حولنا ...
فن ذوق اخلاق
للاسف يا ايها المدير المحترم ...
لماذا تدير وجهك بعيد عني ... و انت لماذا تريد ان تتجاهل ما تقرأ!!!!
ساسرد عليك بعض الحقائق التي قرئتها عن ضحايا قبلي او عاصرتها في عملي عن الجهل الواسع الذي يتخبط فيه المدير المحترم ...

لماذا تعتقد ان واراء كل مدير ناجح شخصيه صلبه و قاسيه !!!
لماذا تعتقد ان واراء كل مدير جرئ شخصيه غير لبقه !!!
لماذا تعتقد ان واراء كل مدير طموح آثار اقدامه في من هم تحته !!!!

لماذا تعتقد ان واراء كل مدير قوي علامات في انفس موظفيه!!!
لماذا تري نفسك الفطن الوحيد !!!

اريد ان اؤكد لك ايها المدير المحترم انت بذلك تقوم ببناااء عالي و شاهق بالفعل و لكن ما الفائده ان كان من القش... من المؤكد ان الرياح العاتيه اتيه...و سوف تهدم قوتك و جرئتك و طموحك و نجاحك....
لتبدأ من جديد لا من حيث انتهت...بل من حيث بدأت ...


Sunday, 16 March 2008

My CV

التدوينه دي اساسا كانت ميل لاصحابي ... بس انا قولت برضو ابعتهلكم يمكن يكون حد منكم ليه علاقه بالموضوع ...
و نصيحه خاصه لاخواني المبرمجين الجدد ... اياك تروح تشتغل في شركه مش مجالها الاساسي البرمجه ...
بمعني تاني ... مش software house
لانك مش حتاخد الخبرة الي ممكن كنت تاخدها من software house في نفس الوقت ...
ولا حتلاقي الي pdقدرك صح ...
و حتتعامل مع ناس مش فاهمه هما عايزين ايه ... :(
و ....

السي في(السيرة الذاتيه) بتاعي اهي موجود في اخر التدوينه :)
لو حد لقي حاجه junior software developer
في السكه يا ريت يبقي يرميه السي في بتاعي فيها
:)

انا احمد عيسوي
مبرمج
خريج حاسبات حلوان 2007
متكرم من الوزير طارق كامل
خبرة في خدمه الاخوه و الاخوات
بقدس الحياه المهنيه و الزوجيه
:)
شغال شغل فظيع ... مش اي حد يشتغله في شركه هنداوي ولي نعمه تاج راسوه مش راسي ...
:D
بعت السي في لمعظم شركات مصر و قليل الي رد لان خيرته عاليه قوي فوق الي اي حد في مصر محتاجها
بياخد كورس انجليزي و بيرجع البيت بعد 12 بالليل
الناس بتلقبه بفوفو
يجيد الاعمال و الاشغال المنزليه بمهاره
بيعرف يطبخ
خبط في حيطه قبل كدا
كان في اتحاد الطلبه
كده كفايه ...

اعتقد مفيش شغل في مصر محتاج اكتر من كدا ...
:D

سي في بتاعي اهو يا احبابي .. انا عارف ان اكيد في ناس منكم زعلانه مني .. لاني مختفي بقالي فترة... بس و الله غصب عني ...
http://ahmedessawy.googlepages.com/AhmedEssawy.pdf

Sunday, 2 March 2008

تاخ خفي

كم شهيد تنتظر حتى تقاطع !!!!؟؟؟؟؟

مستني الرسول (عليه افضل الصلاه و السلام ) و القران و شرفنا يتهانواااااا كام مرة علشان تاخد خطوه !!!!؟؟؟؟؟

يا تري بعد كان بلد لما يحتلوها .... و يجيبو عاليها واطيها ....حبدأ اخاف من الي بيحصل !!!؟؟؟

ايه هو مفهومي للكارثه .... الي ممكن ساعتها احسن ان في حاجه غلط بتحصل !!!!؟؟؟؟

ايه نوع الاساءه الي لما نتهان بيه .... ممكن ساعتها اغير حاجات في نفسي !!!!؟؟؟؟

هل حاسس ان افعالك دي و طريقه تصرفاتك دي حتخليك من المحظوظين الي حيشفع عنهم النبي !!!!!؟؟؟
=======
طريقه اجابه التاج ....
التاج دا مش بنجاوب عليه علي
البلوج ولا علي النت ...رغم انو مفروض يوصل كل الناس معرفش ازي !!!!...
دا بتجاوبه لوحدك ... بينك و بين نفسك ....في غرفه هاديه تماما مفيهاش حد غيرك و يا سلام لو كانت ضلمه ...
و انا اول واحد فيكم حعمل كدا ...
الي مستغرب من نوعيه اساله التاج يا ريت يبقي يقري الاخبار اليومين دول .





Wednesday, 13 February 2008

TOEFL التوفل

تنويه : اسف للتأخير في الرد علي اصقائي و جيراني من البلوجات المجاورة :d لانشغالي الفترة السابقه و القادمه:D:D ... .

قبل بدأ الحديث عن التوفل .... لازم اشير ان في الوقت الحالي و الالفيه الجديده التي نعاصرها .. و اللغه الانجليزيه تزداد اهميتها يوم بعد يوم ... و بمناسبه قدوم العام الجديد الفين و تمانه ... لقيت نفسي بعرف الانسان الامي بناء علي نظره المجتمع للامي حاليا انو الفرد الذي لا يجيد مهارات اللغه الانجليزيه او استخدمات الكمبيوتر ... ايوه الكلام دا بجد مش هزار .... مبقاش كفايه دلوقت ان الواحد بيعرف يكتب و يقرا عربي بس ... اللغه العربيه علي عيني و راسي ... لغه القران الكريم و السنه المشرفه.... و لكن للاسف العربي دلوقت بقي لغه النصوص و الاشعار و الاعمال الادبيه ...
اكتر من كدا لا .... مش حقول صعب بس ... لا دا شبه مستحيل انك دلوقت تعرف تحصل علوم باللغه العربيه ...
عايز تعرف انت امي ولا لا ؟؟؟؟ اسأل نفسك عن مستواك و مهاراتك في اللغه الانجليزيه و الكمبيوتر ...
انا دلوقت حتكلم عن التوفل كشهاده معترف بها دوليا لقياس مهارات اللغه ... و ان شاء الله مرة تانيه ممكن ابقي اتكلم عن الرخصه الدوليه لقياده الكمبيوتر كشهاده اخري معترف بيها دوليا في استخدمات الحاسوب ...

الاسم و الاختصار :
توفل TOEFL المقصود بأختصار هذه الحروف هو اختبار الانجليزيه كلغه ثانيه ...يعني الاختبار دا لكن الناس الي اللغه الاولي بتاعتهم مش انجليزي ....

الهدف منها :
قياس مدي المهارات السمعيه و الكتابيه و احترافيه الفرد في التعامل بالانجليزيه .

المستخدمون الحاليين لها :
بصفه اساسيه ... طلاب الحامعات و المنح الدراسيه و رجال الاعمال و العديد من المناصب في الحكومات و الشركات ..

اشكال الامتحان :
هناك نوعان من الاختبار ... الاول ورقي ... يعني علي ورق ... بتاخد كراسه اسئله و بتحلها ...
التاني : بيكون اون لاين علي الكمبيوتر ... مش ورقي يعني :) .

بالنسبه للاختبار الورقي ...
لان دا الي عندي خلفيه عنو..
بيكون اربع اقسام ..
الاول : استماع . خمسون سؤال متعدد الاختيارات . 35 دقيقه .
الثاني : القواعد و التعبيرات الكتابيه . اربعون سؤال متعدد الاختيارات . 25 دقيقه .
الثالث : قراءه مواضيع و الاجابه عليها . خمسون سؤال متعدد الخيارات .55 دقيقه .
الرابع (اختياري يعني ممكن تعمل الامتحان من غيره )اختبار المهارات الكتابيه . مقال واحد .30 دقيقه .

كيفيه الاشتراك في الاختبار :
داخل الجمهوريه العربيه المصريه .. هناك العديد من الاماكن التي تستطيع من خلالها اجتياز الاختبار ..
اشهرها مركز امديست - 23 شارع مصدق- الدقي.
www.amideast.org

كيفيه حساب الدرجات :
اولا مفيش حاجه اسمها درجه سقوط في الاختبار ... الاختبار بيعملك تقيم ليس اكثر ... انت بقي لما بتروح تشتغل في مكان او حاجه كدا ... بيطلبو اكتر من درجه معينه ... كل مكان حسب متطلباته ....
مدي الدرجات في التوفل بيكون من 217 كحد ادني الي 677 كحد اكبر .

سعر الامتحان :
و الله انا شخصيا مش عارف كام بالظبط و لكن هو في حدود 500 ج للامتحان ال local .
و اعلي شويه للامتحان ال international .
اظن الفرق واضح من الاسم ... واحد علي مستوي دولي و التاني محلي .

السؤال المنطقي دلوقت :
اعمل ايه علشان اجتاز الامتحان بدرجه كويسه ... او بمعني تاني اعمل ايه علشان احضر نفسي قبل الامتحان و مدفعش فلوس الامتحان علي الفاضي ؟
لو شايف نفشك كويس ممكن تروح تعمل امتحان قياس مستوي توفل من المعهد الي اشرت ايه فوق ب 50 جنيه لو شافوك كويس ممكن تدخل الامتحان علطول ... لو كنت كويس بس عايز احسن ... ممكن تاخد عندهم كورس 5 اسابيع ... اسمه تحضير ما قبل التوفل ...
اما لا قدر الله لو كنت مش تمام .... حتضطر تاخد كورسات general و ترجع في الدايرة دي من تاني .

لو كنت مش عايز كورسات و عايز تتعامل مع نفسك في عندك كتاب نظيف جداً بيحوي علي امثله للاختبار و قواعد و و تعليمات ... انصح كل واحد عايز يجتاز الامتحان انو يعدي عليه الاول ...
و عموما هو بيجي معاه 7 شرايط استماع (موجودين عندي علي اسطوانه كمبيوتر )و اكتر من الف سؤال علي سي دي تاني ...
عموما الاتنين عندي :) لو حد عايزهم .
اسم الكتاب
Longman Preparation course for the TOEFL® Test
و دا لينك الكتاب من امازون


Sunday, 10 February 2008

C# bug-2


نصيحه : لو مش مبرمج متوجعش دماغك بالكلام الفاضي دا :)
مش عارف الدوت نت بتاعه العم بيل جيتس بتعمل فيا كدا ليه ... رغم اني كل يوم بيزيد اعجابي بيها و بحبها زياده و خصوصا بعد ما نزلت ال دوت نت 3.5 لكن شكلها زعلانه مني ... رغم اني بعاملها كويس و بشجع اصحابي علشان يشتغلو بيها .
لما حطيت التدوينه قبل الي فاتت عن خطأ في النواه الدوت نت ... واحد كتب عندي تعليق عن اني ... ملفق الكلام دا ليها و مفبرك الصورة و الدونت نت بريئه من كلامك ...
المرادي برضو و انا شغال في امان الله ... و كالعاده بكتب كود عادي ... طلعلي خطأ مش عادي ... :(
الي عايز يجربو يشغل الداله (function ) دي عنده ..
اضغط علي الصورة للتكبير :

هو دا الكود المشكله في رابع سطر ... كود سعيد :)
لا تنسي وضع هذه السطور
using System.Drawing;
using System.Drawing.Drawing2D;
using System.Drawing.Imaging;


C# code :

static public void preform()
{
Bitmap bm = (Bitmap)System.Drawing.Image.FromFile("addimage_Page_092_Image_0002.jpg", true);

Bitmap tmp = new Bitmap(bm.Width, bm.Height);
Graphics grPhoto = Graphics.FromImage(tmp);
grPhoto.DrawImage(bm, new Rectangle(0, 0, tmp.Width, tmp.Height), 0, 0, tmp.Width, tmp.Height, GraphicsUnit.Document);
grPhoto.SmoothingMode = SmoothingMode.HighQuality;
grPhoto.InterpolationMode = InterpolationMode.HighQualityBicubic;
grPhoto.PixelOffsetMode = PixelOffsetMode.HighQuality;
grPhoto.CompositingQuality = CompositingQuality.HighQuality;
ImageCodecInfo[] info = ImageCodecInfo.GetImageEncoders();
EncoderParameters encoderParameters;
encoderParameters = new EncoderParameters(1);
encoderParameters.Param[0] = new EncoderParameter(System.Drawing.Imaging.Encoder.Quality, 1000L);
tmp.SetResolution(600, 600);
tmp.Save("test2.jpg", info[1], encoderParameters);
tmp.Dispose();
bm.Dispose();
grPhoto.Dispose();
info = null;
encoderParameters.Dispose();

}

Wednesday, 23 January 2008

موضوع اتكلمت فيه مراراً و تكراراً


انا مش حطول عليكم في موضوع اتكلمت فيه مراراً و تكراراً ....
و لكن مش حبطل اكتب عنه كل فترة علشان مننساهوش في زمن بيجبرنا علي نسيان حاجات مكناش نفتكر يوم من الايام اننا ممكن ننساها ..

انا مش حقول ولا كلمه من عندي .... ولا حسيبكو تحكموا ... لاني عارف ان حكمكم موجود غيابياً و مسبقاً ....و لكن ...ذكر فإن الذكري تنفع المؤمنين ...
انا حجيب كلام من كذا مكان و حشير الي مصدره في النهابه ...
بعد زيارة بوش الشرق اوسطيه للكويت و السعوديه و مصر ....
قناة CNN تعرض برنامجاً حوارياً يتحدث عن زيارة بوش للمملكة العربية السعودية.. بيقولو فيه : " أننا لن نسكت على هذا بعد الآن .. إلى متى ستبقى الولايات المتحدة عبد وأسير للسعوديين ونفطهم !! ولماذا بوش هناك ؟؟ يرقص رقصتهم ويأكل أكلهم ؟؟ أهذا ما يدفعه الأمريكيون ليشتروا نفطاً رخيصاً ؟!! هذه إهانة لنا !! "

واستمر – وبإنفعال – في الحديث عن استيائه من هذه الزيارة للسعودية وكأنه يريد أن يوجه رساله للأمريكيين بأنَّ الولايات المتحدة هي الطرف الضعيف والمستسلم، وهي التي تقع تحت سيطرة السعوديين وغيرهم.. وأن (جبروت العرب والمسلمين عليهم) لن ينتهي إلا إذا اتحدوا وتعاونوا على رد العدوان ورفض الخذلان !!
إنهُ فعلاً إعلامٌ قويٌ وموجه .. يعكس الحقائق لعامة الناس ويزيد حقدهم وكرههم للإسلام والمسلمين والعرب عامةً .. وتأكدوا أنَّ من هذا القبيل كثير .. ولكن صوت إعلامنا لا يصلهم فلا علم لهم بالرأي.. والرأي الآخر
حسام عدنان صادق ـ الجزيرة توك ـ كندا اضغط هنا للوصول للمقاله الاصليه ....


مقال تاني ..
الأمم المتحدة "ستضطر لوقف مساعداتها" للفلسطينيين
أوضح المتحدث أنه نتيجة "نقص مادة النيلون التي تصنع منها الأكياس البلاستيكية ونقص الوقود اللازم لتسيير السيارات وتشغيل المولدات، سنوقف يوم الأربعاء أو الخميس برنامج توزيع الأغذية على
وحثت المفوضية الاوروبية اسرائيل على اعادة امداد غزة بالوقود وفتح المعابر الى القطاع، وقالت مفوضة الشؤون الخارجية في بيان لها ان الحصار سيزيد الوضع سوءا ولن يساعد في منع الهجمات (من القطاع على اسرائيل).860 ألف شخص في غزة إذا لم يتحسن الوضع".
موقع بي بي سي العربيه اضغط هنا للوصول للرابط الاصلي ...


اما القادم فصورة بنت في جبهتها 6 رصاصات ... و طبعا عارفين السبب ...
اما العراق
وفاء حسين ، أم عراقية ، تحاول ان تيقظ ابنا لها 6 أعوام وهو قد مات بالفعل في شمال شرق بغداد، ايلول / سبتمبر 16. الصبى أصيب برصاصة على متن حافله للنقل العام .

لصور اكثر ... لينا في البوسنه و الشيشان و غيرها ... من اخواننا و اخواتنا المسلمين ...
مدونه فتات من الكلام اضغط هنا للوصول لهذه التدوينه ....
اضافه جديده
رابط اخر يحوي علي صور لينا ... اقل ما يقال عنها بشعه .... اذا كانت اعصابك مش جامده منصحكش بالدخول ..


خبر اخر:
روسيا تطلق لإسرائيل قمراً صناعياً للتجسس على إيران
دا عنوان خبر في السي ان ان العربيه .... هي دي روسيا الي بنشتري منها اسلحتنا النوويه :$ ....
اضغط هنا للوصول للرابط
رابط تاني


زي ما قولت انا مش حتكلم ... لان احيانا كتير بيكون الشعور و الصور ابلغ 100 مرة من ربع كلمه ....و لان عيب علينا نتكلم ...طيب لو اتكلمنا حنقول ايه ؟؟؟؟ ولا حنودي وشنا فين ؟؟؟؟ نقول ايه لاخواتنا ... نبصلهم ازي و احنا شايفينهم بيتبهدلو كل ثانيه.... اقول ايه لاخويا الضغير لما بيسألني علي الي بيحصل دا ؟؟؟؟
احنا مطلوب مننا كتييير ... و كتير قوي .... و معندناش وقت نضيعه في كلام فاضي .... و حاجات ملهاش لازمه .... و المقاطعه الاقتصاديه الي اتكلمت عليها كتييير .... رغم انها مش فرض .... مفروض نفكر فيها تاني و تالت ...
كل واحد مطلوب منه حاجات كتير و اولها ان الواحد يبدأ من نفسه و هو في مكانه .... لو طالب ... لو موظف .. لو دكتور ... لو اب ... اخ .. عامل ... فكر في دورك تجاه امتك في وقت في فعلا محتاجاك فيه ....

اللهم اعز الاسلام والمسلمين واذل الشرك والمشركين اللهم اميييييييييييييين

كود عادي و لكن النتيجه غير عاديه

للمبرمجين فقط
الحقو يا رجاله مايكروسوفت هيست حضرات زي ما حتشوفو في الصورة الي تحت كتبت كود عادي بيعمل طلب عادي.. و لكن النتيجه كانت غير عاديه ... الدوت نت معترضه علي الكود علشان العمليه انتعملت بنجاح :D:D:D win32Exception

The operation Completed Successfuly

اضغط هنا لصورة اكبر :
..

Saturday, 5 January 2008

تعليق علي صورة


واحد قالي ان عندهم في الكليه مسابقه لاحسن تعليق علي الصورة دي و حاطط عشمه فيا ...
بصراحه انا قعدت قصادها حوالي 3 دقايق مش عارف اكتب ايه او اقوله ايه ...
و بعدها نزل عليا وحي التعليقات فكتبت الاربعه دول و عجبني قوي الكام تعليق الي كتبتهم عليها . ...اول ثلاثه من دماغي و الرابع مثل قديم ... :) ...علشان كدا قولت اشاركهم معاكو ....

# علشان توصل لاهدافك لازم يكون معاك مفتاحك .

# كلنا عندنا مشاكلنا...بس مش كلنا عندنا مفاتيحها .

# هكذا يمكن الخروج من الابواب المسدود .

# إذا جار عليك جارك ..حول باب دارك .