التخطي إلى المحتوى الرئيسي

المشاركات

عرض المشاركات من 2010

دمائك مش هتروح هدر يا غزه

هذه الذكرى التانيه علي مرور عامين كاملين للحرب و مجزرة غزة التي بلغ فيها عدد الشهداء الذين سقطوا خلال العدوان أو متأثرين بجراح أصيبوا بها خلاله بلغ (1411) شهيداً، من بينهم (355) ممن هم دون الثامنة عشر من العمر، و(110) سيدات، و(240) من أفراد المقاومة، وعدد المنازل السكنية المدمرة بلغ (11135)، والمنشآت العامة (581)، والمنشآت الصناعية (209)، والمنشآت التجارية (724)، والمركبات (650)، فيما بلغت مساحة الأراضي الزراعية المتضررة (6271.746). مش حننسي المجزرة دي ولا صبرا و شتيله و مش حننسي الطااااار الكبير الي بينا و بين الصياهينه بحق كل دم شهيد من عام 48 دمنا مش حيروح هدر...

تجربتي مع الانتخابات 2010 || مصر

ايماناً بمبدأ :ليس علينا تحقيق النجاح و لكن علينا ان نجتهد. أنا روحت اديت النهارده صوتي لاي انا شايفه كويس ..بغض النظر عن هو مين كان ليا شويه تعليقات اتمني انها متكونش موجوده المرة القادمه...   مبدأيا انا كان مكاني مدرسه في مصر الجديده : 1- و انا داخل لقيت طقم ظباط بيبصولي بصه وحشه قوي من فوق لتحت بدل ما يرحبوا بيا بجد انا كان وصلني احساس انهم حيزعقولي او يضربوني !! مش عارف الشعور دا كان حقيقي ولا لا ..بس دا الاحساس الي وصلني..   2-الموظفين تايهين جدا ..و لولا اني عارف بياناتي قبلها بيوم ... كان زماني رجعت البيت من غير ما اعمل حاجه   3-البيانات الي كانت علي موقع الانتخابات غير مطابقه للكشوفات يعني رقمي علي الانترنت كان علي سبيل المثال 700 روحت لقيته مكتوب لحد تاني وقعدت انا ادور في الكشوفات و لقتني 850   4-هما سألوني انت عايز تنتخب كوته سيدات ولا لا .. انا صراحه اشك في الكلام دا لان مني الشاذلي في التلفزيون امبارح قالت انك حتصوت في صندوقين واحد رجاله و التاني كوته السيدات مكنش فيه حاجه اختياري . بس كدا :))

صفه فقدناها

كنت أقرأ كتاب " الصديقه بنت الصديق " للاديب و العالم عباس العقاد و استوقفني حديث دار بين السيده عائشه و اباها أبي بكر الصديق ، حديث اعتقد أغلب الامه ان ما كان كلها يفتقده. حذكره الاول لتعيشوه معي و بعدين اقولكم ليه استوقفني !!!! عن أم المؤمنين عائشة رضي الله تعالى عنها قالت : لبست مرة درعا لي جديدا فجعلت أنظر إليه وأعجبت به فقال أبو بكر رضي الله عنه ما تنظرين إن الله ليس بناظر إليك ، قلت ومم ذاك ؟ قال أما علمت أن العبد إذا دخله العجب بزينة الدنيا مقته ربه عز وجل حتى يفارق تلك الزينة ، قالت : فنزعته فتصدقت به ، فقال أبو بكر : عسى ذلك أن يكفر عنك الحديث مصدره : حلية الأولياء ج: 1 ص: 37 ودا مصدر الكتروني ( موقع صيد الفوائد ) كلام سيدنا ابو بكر : أما علمت أن العبد إذا دخله العجب بزينة الدنيا مقته ربه عز وجل حتى يفارق تلك الزينة !! مين في زمانا ده عنده كميه الورع و الخوف من مفاتن الدنيا كدا !! مين عنده مبدأ درأ المفاتن أو الشبهات!! و هو سيدنا ابي بكر رضي الله عنه هو و بنته من عائله ليها وزنها و اموال و تجاره في كل مكان في شبه الجزيرة .. عن الورع :  ه

خواطر في البيع المقنع

اولا الكلام الي انا حقوله هنا مش اكتر من خواطر فاكرها من المحاضرة لا اكثر.. أكتر من صديق سألني عن الكورس فقولت اشاركم بيه :). كدا كدا الكلام تم تدوينه في ايميل اساساً :). بالنسبه للكورس " مهارات البيع المقنع " ( بيان للتنميه البشريه ) هو 3 اسابيع مرتين في الاسبوع ..مرة نظري ..و مرة عملي .. فكرته في البيع المقنع مش بيع السلع فقط ولكن بيع كل شئ..حتي الكلام اليومي مع الي حوليا .. ازاي ابيع للناس كلامي ..يعني ازاي اقنعهم بكلامي ...انا بياع ناجح يعني انا بعرف اوصل كلامي بشكل مقنع للي قدامي. في نقطه تانيه و هي نوع الكلام الي حتقوله علشان توصل بيه للهدف و هو الاقناع  تختلف من شخص لاخر بختلاف موقعه بمعني انا مثلا مصنع غسالات اوتوماتيك لما اجي اقنع عميل زي ست البيت بالمنتج حتكون بطريقه مختلفه جدا عن الطريقه الي حقنع بيها صاحب محل بيبيع اجهزة كهربائيه في الاولي حعتمد علي متانه المنتج مثلا و كم هو يحتاجه و في الثانيه علي الخصومات و العوائد الماليه رغم في الحالتين انا كمصنع الهدف عندي هو زياده المبيعات يعني الهدف كان واحد و الوسيله اختلفت :) أهم شئ في البيع هو وجود ا

الرياء و تويتر و الشبكات الاجتماعية

عن أبي سعيد الخدري ? قال : خرج علينا رسول الله ? ونحن نتذاكر المسيح الدجال فقال ( ألا أخبركم بما هو أخوف عليكم عندي من المسيح الدجال ؟ ) فقلنا بلى يا رسول الله ! قال ( الشرك الخفي ، أن يقوم الرجل فيصلي فيزين صلاته لما يرى من نظر الرجل)   وضح انا عايز اقول ايه ولا لسه ؟ قال الله تعالى: يا أيها الذين آمنوا لا تبطلوا صدقاتكم بالمن والأذى كالذي ينفق ماله رئاء الناس ولا يؤمن بالله واليوم الآخر [البقرة:462] معني الرياء هو إظهار العبادة ليراها الناس فيحمدوا صاحبها. و كلنا عارف ان الله أغني واحد عن أعمالنا و اننا احنا الي محتاجينه فبنعبده و بنخلص في عبادته ليه وحده.. مش علشان حد يقول عليا انا كويس.. و قريب من ربنا.. ولا فلان أعمال الخير بتاعته كتير .. للاسف بقالي فترة بشوف ناس .. ممكن عن قصد و ممكن عن غير قصد .. بيكتبوا حاجات زي .. انا في طريقي لجمعيه رساله الخيريه .. او لسه راجع من حلقه تحفيظ القران .. او انا بحفظ قران دلوقت .. او انا قومت قيام النهارده ..  خلي بالك الله يكرمك و علي فكرة انا بنصح نفسي قبلكم ... يا تري هو ربنا محتاج يشوف التويته دي علشان يتقبل منك ؟؟ واحد

صور عن فيضانات باكستان و طريقه التبرع

أصبح عشرة ملايين شخص على الأقل بلا مأوى او طعام او دواء فى باكستان التى تجتاحها فيضانات مدمرة منذ شهر ونصف الشهر وفقا لتقييم جديد للأمم المتحدة التى وصفت هذه الفيضانات بأنها "واحدة من أسوا الأزمات الإنسانية" فى تاريخها "من حيث عدد الأشخاص الذين يحتاجون للمساعدة". كما وصل اجماعي عدد المتضررين الي 21 مليون شخص ،، الرقم الذى وصف بالغير مسبوق في تاريخ باكستان منذ 80 عام. وذكر بيان وزعته السفارة أن التبرعات ستكون من خلال حساب بنكى رقم (01213000982) بالدولار الأمريكى والجنية المصرى فى بنك نوفا سكوتا بالجيزة. كما أعربت السفارة عن ترحيبها لتلقى التبرعات من الأفراد ومنظمات المجتمع المدنى. الجدير بالذكر انهم اناس مسلمون و قد افتي شيخ الازهر بجواز دفع اموال الزكاه لهؤلاء المتضررين. اللهم كن عوناً لهم و ألطف بنا و بهم و أحفظنا و أحفظ المسلمين جميعاً من كل مكروه. مصدر الصور موقع البي بي سي موقع بوستن مصدر رقم الحساب جريده اليوم السابع

تناقض رهيب ..بس الشعور واحد

من يومين شوفت ناس اقصى احلامهم كانت بين لمبه جاز علشان يشوفوا بالليل او ان تدخلهم ميه او نور ..مكتوب علي وجههم مجلدات من فقر . بيوتهم من طين. و حياتهم برضو طين ... مش عارف ليه ساعتها حسيت بضيق في صدري ... ضيق غريب..تسلل بعدها لجميع أعضائي .. بالظبط نفس الي حسيته لما شوفت كميه السفه المبالغ فيها الموجودة في بورتو مارينا .

عناوين و أرقام تستحق الانتشار في مصر

TEDx Thwab أنا ححاول في التدوينه دي أجمع (عنوانين - ارقام هواتف و حسابات ) أشهر و أنشط جمعيات الأعمال الخيريه و كفاله اليتيم و الرعايه الطبيه في مصر. أماكن تعرف تخرج فيها كفارات ... أموال زكاه و صدقات ..ملابس ..طعام ...تبرع بالدم أو بالمجهود.(لو حد شايف مكان يستحق الانتشار مش مكتوب ممكن يكتب في مكان التعليقات عنه و انا حضيفها إن شاء الله كتحديث للتدوينه). أذكر نفسي و اياكم بقول الله تعالى : { يَا أَيُّهَا الَّذِينَ آَمَنُوا أَنْفِقُوا مِمَّا رَزَقْنَاكُمْ مِنْ قَبْلِ أَنْ يَأْتِيَ يَوْمٌ لا بَيْعٌ فِيهِ وَلا خُلَّةٌ وَلا شَفَاعَةٌ وَالْكَافِرُونَ هُمُ الظَّالِمُونَ } البقرة / 254 . و بقول الرسول : «إن صدقة السر تطفىء غضب الرب تبارك وتعالى» [صحيح الترغيب] و قال : «والصدقة تطفىء الخطيئة كما تطفىء الماء النار» [صحيح الترغيب] و قال : «إذا إردت تليين قلبك فأطعم المسكين، وامسح على رأس اليتيم» [رواه أحمد] و قال " " إذا مات ابن آدم انقطع عمله إلا من ثلاث : علم ينتفع به ، وصدقة جارية وولد صالح يدعو له " ======================================== جمعيه دار الاورمان: رقم التيليفون

My Session's Materials @FCIH Initiative Program

From 25th to 29 of Jul FCIH Initiative organize one of the biggest IT conferences in the Faculty of Computers and Information Helwan University, it's FCIH Initiative Program . I was honored to be one of the speakers in the event. My talks were in two sessions: Web A-Z. CV Writing and Interview Tips. Frankly the students I had were very good. They were really so excited about the topics :). Here is two links for the session's material. Web A-Z ( The Presentation ). CV writing and Interview Tips ( The presentation, IQ test,Technical questions,CV templates and HR Tips ).

لماذا نتزوج !!

التدوينه دي هي الجزء التاني من تدوينه تحت عنوان " هل الزواج مشروع فاشل ؟ " شخصياً ..انا ترددت بعض الشئ قبل البدأ بهذه التدوينه .. لانها لن تضيف جديد .. في الموضوع ..و شيوخ كثيرون تحدثوا في هذه النقطه بستفاضه..و لكن رجعت عن رأيي لاني اراها لا تعبر عن راي شيخ بعينه و لكن خلاصه لمن سمعت او قرات لهم في هذا الموضوع... ======== الــزواج مفروض يكون وسيله لهدف كبير لكل ولد و بنت كفايه ان فيه حلم اسمه تكوين أسرة و ان حد يناديه يقوله يا بابا..و بعد فترة حد يقوله يا جدو... الجواز فرحه لما تشوف ابتسامه في عيون اطفالك.. الجواز استقرار و طمئنينه..حد بيفكر معاك... حد بيسمعك و يفهمك لما الدنيا كلها مش فهماك الجواز راحه نفسية و سكن بتسمو فيه المودة والرحمة والألفة ..الحب و الايخاء و الايثار..ازاي تفضل حد عليك ..ازاي ممكن تنام جعان و انت فرحان ان اولادك شبعانين... يقول تعالى { وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجًا لِّتَسْكُنُواإِلَيْهَ ا وَجَعَلَ بَيْنَكُم مَّوَدَّةً وَرَحْمَةً إِنَّ فِي ذَلِكَ لَآيَاتٍ لِّقَوْمٍ يَتَفَكَّرُونَ }[الروم: 21]. الزواج عباده و قربه الي ال

هل الزواج مشروع فاشل ؟

دخلت نقاش مع مجموعه من اصدقاء Google BUZZ بيتكلموا فيه عن ليه الزواج مشروع فاشل .. أو دايما بيبؤ بالفشل ..و بيتكلموا فيه... ان جرت العاده ان الناس بتتجوز من غير ما تفكر هي بتتجوز ليه و كدا...و انه بعد فترة بيكون روتين و الناس بتمل من الروتين فبيفشل مشروع الجواز ... المهم انا كان ليا وجهه نظر معارضه لكلامهم و وضحتلهم وجهه نظري في النقاش... ============== و دا جزء من تعليقي هناك.. ============== كلامك صح 100% بس من وجهه نظري المشكله مش في الزواج ... و مش دايما في الزوج او الزوجه ...ممكن يكونوا هما فعلا مناسبين لبعض جدا بس المشكله ان هما فاهمين الجواز غلط ... او متوقعين انه جنه الارض لمجرد انه اتجوز .. متوقعين الجواز هدف و خلاص وصلها ...مع انه وسيله مش اكتر ..زي الي متخيل ان التخرج من الجامعه نهايه المشوار التعليمي مع انه بدايه لخيوط عديده لن تسير بغير الكفاح و التعب ..لا وجود للراحه الابديه فيها ... للاسف استعداد الواحد انه يتعب في الزواج ...بقي قليل ...بدليل ان الجواز هو الجواز .. الي من 10000 سنه ...بس نسبه الفشل هي الي بتعلي ... زي ما بقي اي حد من الخريجين الجداد ...عايز يشتغل سنه

ماجد أيوب

ماجد أيوب : شباب سعودي رزقه الله البساطه الشديده في توصيل ما يريد قوله..يملك اسلوب مؤثر و قوي في الخطاب الديني.. ماجد كما يقول عن نفسه .."لست بشيخ ولا بعالم... بل شاب عادي مثل كثير من الشباب لكني مسلم احاول ان ابذل وقتي في الدعوة الى الله بالحكمة والموعظة الحسنة" ما شاء الله لاقت فوديوهاته قبولا غير عادي بين اوساط الشباب و علي شبكه الانترنت من الصعب ان لا تكون قد سمعت له شئ من قبل و لذلك لانتشاره السريع و الاصعب ان تسمع له و لا تحبه او تستريح له. انا فرحت للغايه عندما وصلت لقناته الخاصه علي اليوتيوب و صفحته الخاصه علي الفيس بوك لان معني دا اني حعرف اسمع ليه حاجات اكتر :) اترككم مع روابطه للاستمتاع قناه اليوتيوب صفحه ماجد علي الفيس بوك اكونت تويتر من فيديوهاته المحببة لي :

ناس نتشجع امريكا

اولا قبل ما أبدأ أنا مش بتاع كورة. و مش حتكلم في الكورة من ناحيه الفن و اللعب و الكلام دا.. " ناس شجعوا امريكا ضد الجزائر ..... ان لله و ان اليه راجعون " دي كان تدوينه ليا في التدوين المصغير تويتر و الفيس بوك .. مش عايز ادخل في مقدمات طويله ...في ناس هاجمت الكلام دا تحت وجهه نظر ان لا سياسه في الكورة او الجزائر ناس وحشه و حاجات من هذا القبيل ... المهم انا حعرض عليكم رأيي الي رديت بيه علي الناس الي لاموني ...لاني شايف ان كلامهم مش منطقي... و ان صعب الواحد يشجع امريكا علي الجزاير ... بل من الصعب الواحد يشجع امريكا حتي لو بتلعب ضد يهود .. لو مش عاجبني لعب الجزاير وانا مع كدا ..مشجعش حد..امتنع ...مش اشجع امريكا او افرحلها مهما كان نوع الفرح..او اأيدها بأي نوع من انواع التأييد .. دا تعليقي الاول : ========= انا مش عارف ليه كميه التعصب دي كلها ... انا هنا بتكلم علي الناس الي بتشجع امريكا علي الجزاير للمرة التانيه انا مش فارق معايا مين يكسب لانها فعلا مش حتضيف حاجه جوهريه لاحد.. لو انت شايف ان الاسباب الي انت قولتها عن الجزاير منطقيه انك تشجع امريكا ..فانا شايف ان اسباب اني مشجعش

القرار قرارك

دلوقت الواحد بيمشي في الشارع تلاقي المحل مشغل اغاني ..بالصوت العالي ... تركب الميكروباص تلاقي نفس الموال...نفس الصوت العالي ... ناس دلوقت بتقول احنا في زمن ابو الليف...زمن الي رابط ايده و بيلعب بينج بونج ... انا النهارده حكتب بطريقه مش تقليديه عن الاغاني .. مش حتكلم فيها من ناحيه الشرع و هل هي حلال ولا حرام ... لاني مش حضيف جديد في الموضوع...و للعلم أغلبيه العلماء قالو حرام عدا قله قليله قالوا عكس كدا زي الشيخ يوسف القرضاوي ... انا جاي اتكلم عن الاغاني بعقليه الناس الي بتسمع الاغاني ... لما سألت ناس من الي بيسمعوا الاغاني هل الاغاني حلال ولا حرام !!! كان الرد كالاتي : واحد بيقول ان مش عارف بس نفسي تكون حلال ... و التاني بيقول ايه الي يحرمها اساسا..ممكن الكليبات اه علشان فيها حاجات مش كويسه و ثالث بيقول للاسف عارف بس مش قادر ابطل ... و رابع قالي غالبا لاء لان في اغاني دينيه بالمويسقي و كدا ...يعني اللي غالب علي معظم الاراء ان هو مش واخد فيها قرار ...رغم ان لو كانت حرام يبقي عداد السيئات شغال عليه .. فهل الناس الي مخدتش قرار فيها .... لو الاغاني طلعت حرام ...واثق من جبال حسانته و ان الا

حملة تصحيح الحجاب: الحجاب مش مجرد أشارب

انشرها

سلاسل ستجدد حياتك

اقدم لكم سلسلتين من الدروس التي ارى اننا نحن معشر الشباب ووقود الامه في حاجه لها ولمن يذكرنا بها..أحيانا الفرد منا يكن علي درايه بالامور و لكن في حاجه لمن يذكره بها .. وَذَكِّرْ فَإِنَّ الذِّكْرَى تَنْفَعُ المُؤْمِنِينَ في الحقيقه لم افكر في بادئ الامر بتدوين هاتين السلسلتين في مدونتي الشخصيه و لكن في الفترة الاخيرة أصبحتا دائما علي لساني و انصح بها اصدقائي مع اختلاف مشاكلهم كما ينصحني بها بعض الاصدقاء ... سأتحدث عن كل واحده منهم في نبذه سريعه و لماذا ارى فيهم فائده ..ثم اتركم لتعرفو بأنفسكم كم هي بناءه و مفيده.. السلسله الاولي هي سلسله للدكتور : راغب السرجاني التتار .. من البداية إلى عين جالوت و السلسله الثانيه هي سلسله للشيخ هاني حلمي سلسله الشباب و الزواج اما عن السلسله الاولي ( التتار .. من البداية إلى عين جالوت )..فهي تتحدث عن التتار.. من اين اتو و ماذا فعلوا بالبشريه !! (مش الفقرتين الي اخدناهم ايام المدرسه..و حفظناهم و نجحنا و خلاص ) كيف ان اليوم اشبه بشده بالبارحه ... كيف ان سقوط بغداد علي ايدي التتار هو هو نفس الطريقه التي سقطت بها بغداد اي ايدي الامريكان... و بنفس السينار

عن الدكتور زويل هذا الشهر

مقاله عن لقاء الامس(2-2-2010) للدكتور زويل علي موقع مصراوي : http://www.masrawy.com/News/Egypt/Politics/2010/february/3/zoweel.aspx و دا لينك لفيديو البرنامج حاول تسمعه لانه فعلا قيم : http://videohat.masrawy.com/view_video.php?viewkey=564feca9242af3cd4dfd و كمان حيكون فيه مناظرة بينه و بين الشاعر الكبير فاروق جويده ..الي اكيد حتكون رائعه من عملاقين مثلهم يوم 14-2-2010 في دمنهور و سيذاع مباشره علي قناه دريم ;).

دمي اتبخر النهارده :@

مقدمه سريعه للموضوع لازم ذكرها انا بدايق جدا من كميه السلبيه الي حواليا في كل حته الي ملهاش حدود الي من اشكلها اني غالبا كل ما يشاء القدر اني اشوف عربيه اسعاف و السرينه بتاعتها بتثتغيث بالناس ان هما يسيبولها الطريق علشان تعدي و لكن لا حياه لمن تنادي كله عامل عبيط و مش سامع او كلهم بيفقدوا المروءه و الشهامه و حاسه السمع و الاحساس بالدم في الوقت دا و هي يا عيني عليها محشورة في تقاطع ميدان او في طريق فرعي .... انا بصفتي بحاول مكونش سلبي و من مبدأ ابدأ بنفسك ...بوقف الشارع و اعديها و الله في مرة وقفت حاره في شارع جسر السويس علشان سياره الاسعاف تمر من طريقها الفرعي ... طبعا مش ححكيلك عن كميه البجاحه و الشتايم الي باخدها من الناس و الي يقول و انت مالك ... الخ ..و الله في مرة وقفت ادام مقطورة علشان عربيه الاسعاف تعدي و هي كانت عايزة تدوسني و برضو فضلت واقف ادامه و سيبته يعمل اعلي ما في خيله... حرقه الدم و كميه الزعيق الي بتطلع مني ساعتها علشان الاسعاف يعدي بتختفي بمجرد مرور سياره الاسعاف ولا كأن فيه حاجه ...كفاني فخراً اني حسيت اني بني ادم و بحترم بني ادم تاني و ان يوم زي دا واكون انا مكانه