التخطي إلى المحتوى الرئيسي

المشاركات

عرض المشاركات من 2015

معلومة مهمه عن الكهرباء في هذه للاجواء الباردة

علشان ربنا يبعد عنا شر الحريق أو المشاكل الغير متوقعه في ظل استخدام الدفايات والسخانات لفترات طويله فلازم ناخد بالنا من الحاجات دي .. كُبس الكهرباء الي بيركب في الحائط ليه فولت و وات و امبير  و كذلك المشترك سواء بسلك طويل أو لا ..  لو حتوصل كذا جهاز علي نفس كُبس الحائط حيبقي في النقاط لازم تكون عارفها حسردها الان .. مش حتكلم عن الفولت لانه ثابت للاجهزة وحعتبر أن الفولت يساوي 220 لكن حتكلم عن الوات و الامبير و ايه العلاقه بينهم علشان نحسب صح 1- اولا اي اداة كهربائية سواء جهاز او كُبس الحائط او مشترك .. ألخ لازم حيكون ليه ملصق عليه الامبير والوات و الفولت الي يستحملهم او علي اقل تقديم معلومتين من الثلاثه لان الثالثه حتكون مستنتجه من معاده بتجمعهم. 2- الوات =  الفولت * الامبير (حاصل ضرب الفولت في الامبير)  3-كُبس الحائط في الاغلب بيكون مكتوب عليه 220 فولت - 13 امبير و دا معناه ان اقصي وات يتحمله الكُبس 2860 وات (220*13) حسب المواصفات القياسية. 4-ودا معناه ايضا ان لازم يكون مجموع وات الاجهزة المتصله بنفس الكُبس أقل من 2860 وات .. غير كدا حيسخن و ممكن ينصهر ويسبب حريق

كلمات من نور تروي القلب

أدوات وعدد ضرورية لاي بيت جديد

أي حد فينا ربنا بيكرمه وبيروح بيت جديد أو بينقل لشقه اخرى بيكون عليه ضغط كبير في النقل والتجهيز،و فكره مشتت بعض الشئ. في التدوينة دي حعرض قائمه من الادوات الضرورية لأي حد يشتريها لو حينقل. الفكرة من عرضها علشان تكون منظم في أفكارك ومتساش حاجه و تقلل زياراتك للهايبر ماركت أو المحل الي حتشتري منه الحاجه. أقترح عليك تستعمل برنامج موبيل زي ( Google Keep أو   Color Note )أو ورقه و قلم و تحط الحاجه في check-list.  وفي الاخر ربنا يعينك : ) ..  أنا قسمت الاحتياجات الي 3 اقسام رئيسية هي : ادوات معيشه اساسية ادوات التنظيف عدة منزلية لو حد ليه مقتراحات أو أضافات يحطها في التعليقات و ححدثها بإذن الله. 1 - ادوات معيشه اساسية : مناديل حمام مناديل ورقيه للغرف مناديل مطبخ اكياس قمامة ولاعه أو كبريت بريل مواعين صابون أو جيل معجون اسنان فرشاه اسنان شاور جيل شامبو ليفه معطر ملايه سرير مخده بطانية مياه معدنية مفرش سفرة اطباق - شوك - معالق - سكاكين - كوبايات بلاستيك حليب - جبن - عيش - كورن فليكس - عسل - فواكهه مسحوق غسيل داوني