Saturday, 30 December 2006

حدوته قبل النوم -الجزء الثاني

حدوته قبل النوم -الجزء الثاني
هو اول ما شاف كده راح قافل الجهاز و مستخبي تحت البطانيه لانه اول مرة في حياته يتثبت في موقف محرج للدرجه دي .
قعد يقول :افكر اعمل ايه ؟؟؟؟؟! في الموقف ده ...
بالنسبه للدكتور الي لقيته الحمد لله طلع حسام شمردن بس و ده مقدور عليه ....
المعيدين مقدور عليهم لاني عارفهم و هم عارفيني كويس .
يبقي مفيش الا مشكله واحده الا و هي البنات ..
الحمد لله انا عندي الي اضافو قليل نظريا لاني عرفت طريقه ممكن تلغي الدعوة لو هو لسه موافقش عليها . هي صحيح صلحت الموقف شويه بس مش كلو .
انا مكنتش لاقي حل غير اني مفتحش الياهو ماسنجر ده خالص فسألت اصحابي ...
واحد منهم عنده العيار فالت شويه ...قالي مصلحه جت لوحدها..
وواحد تاني قالي معرفش لان عمري ما حستهبل زيك و ادوس موافق علي حاجه معرفهاش . علي فكرة انا اول مرة اعرف انت عبيط يا عيسوي.
وواحد تالت قال اعملهم بلوك و بعدين الغيهم .
طبعا كلهم كانو مرفوضين من وجهه نظر عيسوي كل واحد منهم لاسباب معينه .
و بعد حوالي 24 ساعه تقريبا و هو علي
MSN
بتاعو لقي بنت دخلت من الي بيحترم رايهم سألتها اعمل ايه من غير ما حد يفهمني غلط ؟؟؟!!!!!!!
و الحمد الله جزاها الله خير جاءت بحل الي حد ما كويس و هو انو يبعت لهم رساله
Offline message
من خلال الماسنجر بيقول فيها اني ضيفتك من غير قصد ... بس كده ..... و يبقي الوضع علي ما هو عليه
و بكده خرج عيسوي من الموقف الغريب ده . و من ساعتها وهو حرم يدوس موافق علي أي رساله من غير ما يقرا محتواها .علشان ياما تحت السواهي دواهي .
:D:D:D:D
و توته توته خلصت الحدوته حلوه و لا ملتوته ....
تمت بحمد لله

Monday, 25 December 2006

حدوته قبل النوم -الجزء الاول

حدوته قبل النوم

كان يا مكان في ساف العصر و الاوان من اسبوع و نص يعني ولا يحلي الكلام الا بذكر النبي عليه الصلاه و السلام .
كان في ولد اسمه احمد بس كل اصحابه بيقولوله يا عيسوي ... يمكن تقول غريبه شويه واحد اسمه احمد يكون اسم الشهره بتاعه عيسوي...بس الولد ده مش فارقه معاه ..المهم اصحابه مرتاحين .الولد ده مفروض انه ولد كويس و مؤدب و بيصحي كل يوم بدري يشرب كوباية اللبن علشان يروح الكليه الي مبياخدش فيها حاجه تذكر
.
دايما أصحابه بيقولوا يا عيسوي حرام عليك الي انت بتعمله ده ..بتحضر ليه ...يقوم يقولهم شويه كلام هو نفسه مش مقتنع بيهم و خلاص ...منشف دماغو علي الفاضي .
و في يوم من ايام الكليه طويله الي ملهاش لازمه قابل واحد صاحبه في سنه ثالثه . اسمه احمد مجدي . و احنا مسمينه بيل جيتس مش علشان ذكائه ...لأ...... نهائي اوعه تفهمني غلط......... ده كده علشان هو شبهو مش اكتر .
:Dحبيبي يا ابو حميد
عيسوي قعد مع بيل جيتس و هو كان مشغل اللاب توب بتاعو و بدأ يتجاذبوا اطراف الحديث
.بيل جيتس : تخيل يا عيسوي ان
ZoneAlarm
مش بيرضي يدخل الياهو ماسنجر النت
عيسوي : يا راجل يبقي علشان كده انا كمان من يوم ما دخلت الكليه مش عارف اشغل الياهو ماسنجر بتاعي بس مكنتش اتوقع ان ده السبب .
و اضاف عيسوي (بعض ان صمت لبضع اللحظات ) : دا مش عامل مشاكل نهائي مع كل البرامج التانيه اشمعني ده .
في الوقت ده جه احمد أسامه بيغلس علينا بالعكاز بتاعو .الراجل ده بقي ما شاء الله كل ما الجبس تخلص مدته و يفكه . يقعد فترة و يكسر رجلو تاني . فالطبيعي انك تشوفو بعكاز . ما علينا...
و عيسوي مشي ساعتها و ساب بيل جيتس مع ابو عكاز . و راح المحاضرة بتاعته . ..قال حيستفيد يعني او حيطلع بحاجه. و لما عيسوي رجع البيت فرحان طبعا لانه عرف مشكله الياهو راح قفل الزون الارم و فتح
Firewall
بتاع الويندوز و نزل الياهو ماسنجر من النت من غير مشاكل و لما طلب منه
UserName
و ياريته ما طلبه و لا اشتغل الياهو اصلا . راح الباشا عيسوي مدخلهم و بعديها طلع كذا رساله في
next
و حاجات فيها
yes
و كده وهو علشان فاكر نفسه ناصح بس هومش كده خالص بص علي اول رساله فيهم كانت بسأله ننزل عندك
Yahoo Toolbar
ولا لا .و عمل الباقي زيهم موافق او
next
لغايه ما خلص كل الرسايل الي طالعه من غير ما يقراهم عايزين ايه .!!!كان بيقول كل الي يجي من الياهو كويس ..و لما اتفتح الياهو ماسنجر بتاعو لقي كل الناس الي هو مسجلهم في ياهو ميل مشرفين هنا . فيهم ما شاء الله دكاترة و معيدين و بنات من الكليه و براها ... ملوش كلام معاهم او قليل يبقي حيضيفهم ليه
.!!!!!

Saturday, 16 December 2006

مييين أهم ؟


بسم الله الرحمن الرحيم
انا جت في بالي حاجه غريبه و لكن مهمه .و ان عكست فهي لا تعكس الا مدي القصور في العقل البشري او بمعني اخر حب الانسان للدنيا الي لو دامك لغيرك او غيري ما صارت او وصلت إليك او الي .
مين فينا مش قلقان اليومين دول .و يمكن كمان اعصابه بايظه علشان المشاريع . مين فينا مش شغله الشاغل اليومين دول هو المشاريع .
مين فينا لما بينام مش بيفكر في الي حيعمله بكرة ازاي يظبط وقته علشان المشروع الفلاني . و كمان يقسم الشغل , انت الشئ الفلاني و انا يا ابو حميد الجزء التاني منه . و بكره لما يخلصو نبدأ في غيرها .
من فين الواحد بيجيب الطاقه دي كلها انا مش بحسد نفسي ولا بحسدك بس عامتا بالنسبه للايام العاديه يعتبر محهود كويس . :)
من فين الواحد بيجيب القدره دي علي التركيز .
من فين ....................!!!!!!!!!!!!!!!!!!!!!!!!!!!!!!

و في الجانب الاخر و الاهم الي هو ربنا . هل الواحد قلقان و بيظبت كل حاجه علشان ربنا و بيحط ربنا في اهم هام من اولوياته .
هل احنا اتمنا حق ربنا علينا .
شوف الواحد بيستعد ازاي علشان المشاريع و بيقلب الدنيا و يموت نفسه علشان المشروع او المذاكرة .
هل الواحد بيعمل كده علي الاقل لربنا .
مين فيهم اهم ؟
طبعا لو حد مش عارف الاجابه يبقي يروح يموت احسنله .
شوف انت او انا كام مرة صحيت بدري علشان الكليه او نصحي نذاكر بدري و كام مرة صحيت مخصوص للفجر .
شوف كام مرة خرجت مع اصحابك و رجعت متأخر و كام مرة كنت مع ربنا بالليل و خلصت صلاه التهجد متأخر .
شوف كام مرة الواحد صرف ببزغ و احنا خارجين و كان مرة تصدقت فيها علي فقير و لو قليل .
شوف انت بتقرا او بيتحط في ايدك كام كتاب في الاسبوع و القران ده بتمسكو كل قد ايه .
شوف مدا تركيزك في فهم الكتاب الفلاني و مدي تركيزك لفهم معاني القران .
مين فيهم اهم .
انا مش قادر احدد احنا ليه كدا بالظبط . الكل مقصر و انا اولكم ..انا بقول الكلام ده و فيا اوجه تقصير .
ساعات لما بفكر في الكلام ده بتوصل الي ان :
النفس البشريه محبه للدنيا (

قال الله تعالى " زين للناس حب الشهوات من النساء والبنين والقناطير المقنطرة من الذهب والفضة والخيل المسومة و الأنعام والحرث، ذلك متاع الحياة الدنيا، والله عنده حسن المآب. قل أؤنبئكم بخير من ذلكم للذين اتقوا عند ربهم جنات تجري من تحتها الأنهار ، خالدين فيها، وأزواج مطهرة، ورضوان من الله والله بصير بالعباد".

في هذه الآية العظيمة مقارنة لطيفة بين متاع زائل وبين نعيم دائم ، بين دنيا فانية وأخرى باقية، إنه امتحان ولكنه مكشوف الأوراق ومحدد النتائج ، أمامك اختياران الأول: متاع الحياة الدنيا والثاني: التقوى (للذين اتقوا). والأمر لايحتاج إلى كثير تفكير فأي عاقل لابد أن يختار الخيار الثاني لأن النتيجة هي: جنات تجري من تحتها الأنهار ، خالدين فيها، وأزواج مطهرة، ورضوان من الله

رغم الكلام ده و ان الامتحان مكشوف الاوراق و كله محدد النتائج مسبقا ..برضو الواحد بيقع في حاجات كتير ..

و بعد كل ده اول ما تقع في مشكله تفتكر ربنا الي كنت ناسيه و ترجعله و تترجاه .
اليس من الاولى انا و انت نرجع لربنا علطول و نحاول نظبط الموازين المقلوبه .

ده من المقالات القليله الا كتبتها و بعد ده كلو مش عارف ارد علي السؤال .
ليه الواحد رغم معرفته بقدر الله للاسف سعات بيفضل عليه حاجات ..للاسف هي الكلمه ثقيله شويه بس لازم الواحد يقولها يمكن يحس بيها .
لو ليك وجهه نظر في الوازين المقلوبه ياريت اكتبها تقولها
.

Tuesday, 12 December 2006

واحد من عشرين في الجافا





بسم الله الرحمن الرحيم
انا مش عارف انا هنا ليه دلوقت رغم الحاجات الكتيرة الي ورايا.
قبل ما اقول حاجه الحمد لله برضي تمام علي اي شئ و كل شئ
اليوم انا جبت اقل درجه في حياتي من ساعه ما اتولدت
واحد من عشرين في امتحان الميد ترم بتاع الجافا
و بعد الرفع بقت سبعه يعني ساقط في الميد تيرم
:(
لما جيت افكر في كلمه واحد من عشرين دي يعني ايه في امتحان
لقيت معتاها اما انا مش بفهم و دخلت امتحان غلط
او انا مسمعتش عن الوبجكت اورينتت دي خالص
او انا مذاكرتش خالص
او محضرتش الامتحان اصلا و هو لما صعبت عليه راح ميديني واحد يعني كرم من عنده
او حاجه في نفس يعقوب و انا معرفهاش
مش عارف ليه انا برجح الاخيرة .
يمكن علشان مادايقش اكتر من كده .
حرااااااااااااااام علي دكتور بيفهم يعمل في الناس كده
حرام عليه يقول و علي وجهه برأه الاطفال انا مش عارف انتم ليه حليتو وحش في الامتحان
هو كان درجاتكم بالسالب و انا رفعتها و بقي المتوسط صفر .
انا برضو مزعلني شويه في الموضوع ده . هو ان كام واحد غيري اتظلم في الموضوع ده .
كام واحد ذاكر قبل الامتحان!!!!!!! ولا محدش ذاكر . انا عن نفسي كنت مذاكر نسبه لا تقل عن 80 في الميه من المنهج
و جبت واحد من عشرين
كام واحد رجع البيت نفسه مكسورة
ازاي الواحد حيكون عنده نفس يمسك الماده دي اخر السنه
لما ذاكرت جبت واحد
يا تري لما مذاكرش حجيب كام؟؟؟؟؟؟؟؟؟؟


Thursday, 7 December 2006

لسه مش عارف العنوان

قريبا و اول ما الاقي وقت فاضي :)
ال Class Diagram
بتاع ورقه البمبون
و حكايه كوكو و توتي و بايب دكتور بلال

Monday, 4 December 2006

6 Corners Trip



Click once to pause or continue .
This is one of the best trips , I enjoyed in my life .Pictures, here, are a bit of coolest scenes captured .
I love all my friend 4 ever . I never forget you for ever .
Wallahe Ya Gma3a 2ne O7ebokom Fe Allah .

Monday, 27 November 2006

Chinese mail


Chinese mail , I don't know exactly this language or the sender or why this mail !!
:D:D
Now I am asking ,if anyone know anything about that .
:)

Monday, 20 November 2006

معيد لمده عشر دقايق

بسم الله الرحمن الرحيم
بمناسبه المشاريع الي نزلت علينا زي الرز مرة واحد
كوم بلس
جافا
و كمان مشروع التخرج
و امتحان مس آيه
و التحضير الي مفروض علينا الباترن بتوه مستر ايهاب
و البرنامج بتاع سيرفر الي برضو في السكشن بتاع مستر ايهاب
و بمناسبه حاجات تانيه كتير متلتله عليا .

و بحكم الضغط الشديد ده
قررت اسيب كل ده و اعمل حاجه تانيه ملهاش علاقه بيهم
لاني معنديش مزاج اعمل حاجه منهم خالص .

و لاني مش لاقي حاجه معينه اقولها
قولت اتكلم عن العشر دقايق الي طلعت اشرح فيهم لاني استفد فيهم كتير .

اولا لو في حد مش فاهم انا بتكلم عن ايه:
انا بتكلم عن العشر دقايق الي طلعت اشرح فيهم
باترن من الي قال عليهم مستر ايهاب .

مبدئيا انا مكنتش مستعد ولا محضر كلام اقولوا
الموضوع جه فجأه
قولت لنفسي مش مشكله اقول الكلمتين الي عارفهم
المهم انا اول ما طلعت لقيت ناس كتير منتظره اتكلم
بصراحه لقيت نفسي متوتر و نسيت الكلمتين الي فاكرهم
:(
و هنا تيجي اول نصيحه
و هي ان لما حصلك شئ زي ده
اعمل زي
قعد امسح السبورة من غير سبب المهم اقعد اركز شويه من غير ما ابص علي حد
:)
و بعد كده فكرت في كلام اقولو و لكن مش عارف ابدأ من فين .
روحت كتبت كود علي السبورة علشان
اشرح منه و الحمد الله بدأت اشرح
و مشيت العمليه بسلام و من الحاجات الكويسه
و اهم حاجه فرحتني بجد ان المعيد مستر ايهاب
قال للناس يصفقولي .
دي ادتني ثقه اكبر و دافعه للامام .
:D:D
و خصوصا ان في طلاب شكروني علي الشرح رغم ان ممكن تكون مجامله بس شئ كويس.

و من النصايح الي قال عليها مستر ايهاب

ان الواحد لو اول مرة بيشرح ادام ناس او بيشرح لحد ميعرفهمش ميحطش ايده في جيبه الا بعد فتره كويسه و الناس تاخد عليه علشان محدش يفتكر انه بيتكبر عليهم .
و حاجه تانيه ان الواحد يحاول يبقي مش جد طول الوقت مع الجماعه الي بيشرح لهم علشان انت ترتاح للناس الي معاك و الناس الي معاك يرتاحو ليك .
و ثالث حاجه ان الواحد لما يشرح يوزع نظره علي المكان كله يعني ما يركز علي حد معين
اما عن نصايح اصحابي مفتكرش انها كانت اكتر من اني اكبر الخط الي كاتب بيه علي السبورة
:D:D:D:D




Saturday, 11 November 2006

البقاء لله وحده


( يَا أَيَّتُهَا النَّفْسُ الْمُطْمَئِنَّةُ ارْجِعِي إِلَى رَبِّكِ رَاضِيَةً مَّرْضِيَّةً فَادْخُلِي فِي عِبَادِي وَادْخُلِي جَنَّتِي).

وأشهد أن لا إله إلا الله وان محمد رسول الله ... كل نفس ذائقة الموت وإنما توفون أجوركم

بعميق الحزن والأسى شاركنا بمراسم تشييع والدة الابن البار و صديقنا العزيز و اخي الحبيب ( محمد نبيل )

وإننا إذ نتقدم لعائلة صديقنا بأحر التعازي لفقده والدته ونسأل الله العلي القدير أن يجعل مثواها الجنة وأن يكتبها مع الكرام البررة

اللهم إن كانت محسنة فزد اللهم في حسناتها . وإن كانت مسيئة فتغاض اللهم عن سيئاتها . وأعفو اللهم عنها وعافها وأكرم نزلها ... اللهم وأسكنها داراً خيراً من دارها وجيراناً خيراً من جيرانها وأهلاً خيراً من أهلها وأكتبها مع الصديقين في جنة العليين ... ونسأل الله لذويها الصبر والسلوان

رحمها الله وغفر لها وتقبلها في الصالحين.

اللهم اغفر لها وارحمها وعافها واعف عنها.

ووسع مدخلها واجعل قبرها روضة من رياض الجنة.

وارزق أهلها الصبر والثبات يا رب العالمين
وإنا لله وإنا إليه راجعون

Friday, 10 November 2006

حل الفزوره

بسم الله الرحمن الرحيم

ان شاء الله دلوقتي اقولكم حل الفزورة الظريفه دي خصوصا بعد اقبال الجماهير الغير عادي عليها .

– علي فكرة في ثلاثه حلوها -

انا قاصد احط الحل قبل الساعه ثلاثه زي ما رامي قال مش علشان هو مش مقدر الي ممكن يتعملوا لا علشان الايام الحلوه الي بينا و اكيد احتراما ليه .

:)

انا مش حقول الحل مرة واحد .

انا حقول ازاي جه الحل في دماغي و مين الي قالهولي.

انا كنت عادي قاعد علي الجهاز بتاعي الي في عين شمس و بكلم والدتي الي في الكويت علي الكمبيوتر و هي علي جهاز اخر بواسطه الصوت

-السماعه و الميكروفون- .

و بعد فترة تيته الي في غمرة اتصلت عليا و قعت اكلمها شويه .

لقيت أخت النمله المجنونه جايه بتقولي علي فكرة انت ممكن تخلي تيته تكلم ماما .

فسألتها ازي ؟؟

قالتلي حقولك بس متموتنيش .

قلتلها ماشي .

قلتلي وصل اتيليفون بتاعك بسماعه بتاعه الجهاز .

ببساطه حط المكريفون بتاع الكمبيوتر في سماعه التيليفون و العكس صحيح .

زي الصورة .

و بالطريقه دي انا بقي الصوت بتاع ماما بيمشي من جهازها الي جهازي ثم تليفوني الي تيليفون تيته .

بس الطريف ان أخت النمله المجنونه روحت اشكرها علي فكرتها الظريفه .

لقيتها منتحره في براد الشاي .

:D:D:D

و وفاء لذكراها قررت احط الكلام بتاعها عندي علي البلوج .

و اجعل من النمله المجنونه أميرة للمبرمجين .


****************************************************

من أميرة المبرمجين النمله المجنونه الي رامي الفاقد لصوابه لاتطلق صراح الفيديو و اذا فعلت بعثت للجميع بفيديو اوله من حلوان واخره مسقط راسك

*****************************************************



Wednesday, 8 November 2006

لغز عجييييب


لغز عجييييب
فزوره علي السريع
الجدع منكم يحلها..

:D:D:D
ماما الي في الكويت
كلمت تيته الي في غمرة
و انا سامع كل كلمه في عين شمس ..
تيجي ازاي؟؟؟؟؟؟؟؟؟؟!!!!!!!!!!
:):):):)

Wednesday, 1 November 2006

Skating

حتي لا تكون مثل كهؤلاء :

رياضه التزحلق علي الجليد رياضه ما بعدها رياضه , متعه حقيقيه , في البدايه ستكون متعه المجازفه , فأي غلطه قد تساوي الكثير او تضحك بها الملايين .

من اروع انواع الرياضه التي تستطيع الاستمتاع بها .

كأنك تجيد المشي علي حبل في الهواء و لكن بسرعه اكبر و قوه اسرع و أحسن من ألف بهلوان .

درجه بروده الجليد تضيف للجو متعه خاصه و ثقه مميزه .

تشجيع الاخرين يعطيك طاقه اكبر .

قد تكون موفقه و قد تكون وخيمه .

إذا كنت من الذي ينوون التزحلق علي الجليد او تحاول و لكن محاولتك باءت بالفشل فأقر هذه السطور علها ان تكون مفيده و تتحول بها لمحترف خطير . :D

في البدايه : كل ما سأكتبه الان من نصائح تعتبر نصائح من تجارب شخصيه و علك تنتفع بها و اثاب عليها .

المده :

اذا كانت اول مره لك لاتحاول ان تأخذ أكثر من نصف ساعه لانك حتخرج مجهد فهي اول مره .

الحذاء :

#عند حصولك علي حذاء اطلب من هو اصغر منك .بدرجه او علي قدك بالظبط يعني لو مقاسك 43 خذ 42 لو ملقتش لاتأخذ نهائي اكتر من مقاسك يعني اكتر من 43 لا لا نهائي مهما كان .

#عند ربطك للحذاء – البوت – هو شبه حذاء الجزار علي راي اخويا الصغير يوسف :)-

اربطه بحيث انه يكون علي قد رجلك بالضبط ... حاول اربطه جامد جدا ... كل ما تربطه كويس ... كل ما حيكون لمصلحتك اكتر .

# أحرص جدا علي النصيحتين الي فاتو مقاس الجزمه لا يمكن يكون اكبر منك و ثانيا اربطها كويس جدا ً خليها ديقه علي قد ما تقدر ....بالكتير قوي ما تقدرش تحط اكتر من أصبع من أصابع يدك داخل الجزمه من فوق . لو كانت مهويه من فوق اكتر من قدر اصبع يبقي مش مربوطه كويس ...

انا مركز علي الجزمه كتير ..لان 70% من نسبه اتزانك بالداخل هو الحذاء .

السقوط :

من الطبيعي جدا انك تسقط كذا مره لو كانت اول مرة ليك .... مش عيب ولا فيها مشكله بالعكس الناس حتقعد تشجعك اكتر فالروح رياضيه .

#لا قدر الله لو وقعت ...متحاولش تمسك نفسك قوي او بمعني تاني مينفعش تمسك جسمك قوي او تنشفه و انت بتقع لان ده حيخلي الصدمه او الكدمه متركزه في مكان واحد و ده مش صح خالص .

#لا تخاف من السقوط علي الجليد فهو مش زي القوع علي الارض نهائي ...فالجليد اطري منه قليلا و غير كده ان الواحد لما بيقع مش بيقع في مكانه زي الارض بل بالعكس لان ده جليد فالصدمه بتتوزع لانك بتقع متزحلق فالواحد ممكن ينقلب و يكمل من غير أي مشاكل و الدليل علي كده اني لسه واقف ادامكم و بكتب اهو ....و كمان اصحابي بعد اليوم الرهيب ده كرروها تاني و محدش حرم يلعبها .

الروحيه :

دايما اتشهد او اجعل اخر كلامك التشهد دائما . لا قدر الله ممكن يكون اخر عمرك ... كل بيد الله فالواحد ممكن يقع علي راسه او ظهره جامد ربنا يستر و كله في غلم الغيب بس الكل فاكر محمد عبد الوهاب يرحمه الله .


نفسيه:

#لما تلاقي حد وقع ...ساعده علشان يقوم ده حيرفع من معنوياته اثناء التزحلق جداً .

و غير كده ممكن يجي الدور عليك و هو الي يرفعك .


اثناء التزحلق :

# خلي وضع جسمك للامام و يستحسن تعمل زي الي بيركعوا في الصلاه بس اقل شويه ... لو كنت مبتدأ ...الحركه دي مش حتفقدك توازنك بل حتعزز أكتر لان الحذاء مصمم ليكون الوزن ادام اكتر .

# طريقه المشي بتكون بكسر زاويه القدم حوالي 30 درجه و ضرب رجل واحده علي الارض الي الوراء و في اثناء ذلك تكون رافع الرجل التانيه من الارض ثم العكس .

عامه :

#لو اول مره ليك متحاولش النزول للتزحلق اذا كان في ناس كتير او الجليد سايح لانك بالطريقه دي حتطلع مبلول :D و ممكن تطلع مستحمي بماء ساقع . :)

# لو كنت تعبان او مجهد جدا او شي من هذا القبل لا تحاول النزول ... لانك بالطريقه دي حتطلع تعبان قوي .

لا اعتقد انه في حاجه تانيه في بالي حاليا .... لو حد عنده ملاحظه تانيه او تعليق يا ريت يقولها ... و عقبال ما اشوفك محترف كبير و محدش قدك :) و تدعيلي .


Monday, 23 October 2006

عيد مين فينا ؟؟؟


في البدايه كل عام و انتم بخير و عساكم من عواده .
يا رب يتقبل منا سائر عباداتنا و يتقبل منا اعمالنا في رمضان .
الكلام الي جاي ده مش اكتر من خواطر شخصيه ...
عيد مين فينا ؟؟؟
مبدأيا زي ما كلكم عارفين...... انا مش شيخ او رجل سياسي ولا ليا في السياسه علشان اتكلم في الحاجات الجايه دي .
بس ده شعور او تفكير شخصي مش اكتر .
:(
زي ما انت عارفين اليوم
:(:(:(:(:(
مقتل او بمعني اصح استشهاد 7 فلسطينيين وإصابة 20 بتوغل إسرائيلي بغزة أول أيام العيد
اعتقد الكلام ده بقي عادي بالنسبه لينا .
يا تري ايه هو العيد دلوقت ؟؟؟
  • يا تري العيد هو يوم ما يرجع لنا الاقصي وجميع الاراضي الاسلاميه
  • ولا يوم ما نحس اننا مش رخاص في العالم بقينا ارخص من بير البترول .
  • ولا هو عيد الشهداء الي ان شاء الله في الجنه دلوقت ...
  • ولا العيد بتاع الفطر الي هو عيد كل المسلمين علي قيام و صيام شهر رمضان المبارك.
  • ولا ايه بالظبط ...
انا من وجهه نظري العيد الحقيقي هو لما كل الي فات يتحقق و احنا الان مش عايشين اكتر من جزء من العيد الحقيقي .
اليوم 7 ماتو و 20 اصابو و الدنيا ماشيه بلا مشاكل.
كنا زمان بنحاربهم
و بعدين
بطلنا الحرب و بقينا بنستنكر
و دلوقتي بقي مفيش لا استنكار او حرب
:(
مفيش الا الناش زعلانه بس
:(:(:(:(:(
يا رب الواحد ما يعيش اليوم الي ما يزعلش كمان فيه علي اخواته الي بيموتوا
بمناسبه العيد اتمني من الله ان كل الي فات يتحقق العام القادم ...قولو امين...
اللهم أعز الإسلام والمسلمين , وأذل الشرك والمشركين , ودمّر أعداء الدين , واحمِ حوزة الإسلام , واجمع كلمة المسلمين , على الحق يا رب العالمين . اللهم انصر دينك , وكتابك , وسنة نبيّك , وعبادك الموحدين .اللهم أعد المسجد الأقصى لرحاب المسلمين , اللهم طهّره من اليهود الغاصبين , اللهم عليك بهم فإنهم لا يعجزونك يا قوى يا عزيز .اللهم مُنزل الكتاب, مُجرى السحاب, هازم الأحزاب , سريع الحساب , اهزمهم وزلزلهم يا قوى يا عزيز يا وهّاب.
من دعاء الحرم المكي للشيخ السديس .

Saturday, 21 October 2006

هل ممكن


هل ممكن يجي اليوم الي تفضل صاحبك عليك و تديه شقتك و جزء من فلوسك اللي حتتجوز بيهم .

هل ممكن يجي اليوم الي
تكون فيه رئيس دوله او حتي رئيس وزراء .

هل ممكن يجي اليوم الي
تكون فيه رئيس سن او مايكروسفت .

هل ممكن يجي اليوم الي
مراتك تقولك انا مبقتش احبك و بحب واحد تاني و مش عارفه انساه علشان كده مش عايزاك
(مقتبسه من مسلسل مصري : D ) .

هل ممكن يجي اليوم الي
تكون فيه من اغنياء العالم او افقر الناس .

هل ممكن يجي اليوم الي تكون فيه وحيد و يتخلي عنك كل اصحابك و احبابك .

هل ممكن يجي اليوم الي
والدك و والدتك يفهموك غلط .

هل ممكن يجي اليوم الي تقعد فيه تحل مشاكل الناس و مشعارف تحل مشكلتك.


هل ممكن يجي اليوم الي تندم فيه لاختيارك صديق هدم لك احلامك و رحله عمرك .
منقوله من مذكراتي

Thursday, 12 October 2006

Essawy & Joe

صورة تاريخيه تجمع كلا من ملك الفرس و ملك التتار .
الذين يرجع بهم الزمان لبعض القرون العتيقه.
و كما ترون في الصورة و قد بدأت علامات الوفاق علي هذه العريضه كهدنه مؤقته .
تم اكتشاف هذه الصورة النادره في التاسع عشر من رمضان لهاذا العام بكوستا كافيه مدينه نصر .

Thursday, 5 October 2006

RAMADAN KAREEM




Ramadan Kareem ya gama3a :Said ,Mahmud, Shirf , Me : ) Yossef Hossam ,Mubarak ,Ahmed bahye,Ahmed Esmael , Ahmed Mohamaden ,Islam and all me friends .

Monday, 2 October 2006

I am happy


I hope all enjoy great Ramadan, because i am happy :D I don't know why exactly but in general I am realy very happy .
:D:D


Thanks , alot Koleyatna 2gmal Team .

Wednesday, 27 September 2006

Sharp Develops Triple-View LCD

Reuters - eWEEK
TOKYO (Reuters) - Japan's Sharp Corp. said on Wednesday it has developed the world's first liquid crystal display (LCD) panel that allows the viewing of three different images on one screen at the same time.
The new LCD panel would, for example, allow the driver of a car to view a navigation system, the passenger to look at shopping and restaurant information and a person in the back seat to watch a movie, Sharp said in a press release.
Last year Sharp unveiled a panel that allowed the viewing of two different images. That panel is already being used in car navigation systems, Sharp said.
The world's third-largest LCD TV maker said its "triple directional viewing LCD" splits the screen light into three different directions, generating a different image depending on whether the screen is being viewed from the left, center or right.

http://news.yahoo.com/s/zd/189690

Tuesday, 26 September 2006

SanDisk offers 12GB, 16GB CompactFlash cards

SanDisk offers 12GB, 16GB CompactFlash cards

SanDisk on Tuesday introduced 12GB and 16GB Extreme III CompactFlash memory cards, designed for professional photographers who shoot RAW or high-resolution JPEG files. SanDisk expects to ship the cards by the end of the year for $779.99 and $1,049.99 respectively.
SanDisk said the cards feature minimum read and write speeds of 20 MB/s. The cards use SanDisk’s “Enhanced Super-Parallel (ESP) Processing” technology to achieve that speed. The cards feature an operating temperature range of minus 13F to 185F.
SanDisk also unveiled its new Extreme USB 2.0 Reader, which will be released in November for $24.99.
SanDisk’s Web site had not been updated with information about the new cards as Macworld posted this article.


http://www.macworld.com/news/2006/09/26/sandisk/index.php

Saturday, 23 September 2006

.NET Framework 3.5

yes , as u see ".NET Framework 3.5" .
Jason Zander, general manager of the .NET Framework team at Microsoft, discussed the version of the framework that will follow version 3.0. Tentatively titled "version 3.5", this version will include a new compiler that will support new features such as
Language Integrated Query, as well as new language features in C# and VB.NET .
.NET Framework 3.5 will be included in the Visual Studio "Orcas" release.

Here’s some information on what each version includes:
· FX 2.0: Includes CLR 2.0—generics, etc. Shipped with VS 2005; not much to say here.
· FX 3.0 = FX 2.0 + WPF (Avalon), WCF (Indigo), WF (Workflow). In other words, FX 3.0 is a set of assemblies that has been added to FX 2.0; it only includes service pack-level fixes to existing (FX 2.0) assemblies or the existing languages (VB 8.0). FX 3.0 is installed by default on Windows Vista (and is therefore bound to the Vista RTM date), and available for download on down-level platforms. There currently is not a supported version of Visual Studio that targets FX 3.0, however; you can download extensions to VS 2005 that provides some rudimentary support for FX 3.0 at
Click me .
· FX 3.5 = FX 3.0 + LINQ. Basically, you can think of FX 3.5 as the new compilers, tools, and assemblies required to support LINQ. Again, FX 3.5 includes new assemblies (e.g., System.Query.dll) and service-pack-level fixes to existing assemblies. FX 3.5 will ship with VS “Orcas”.
An important thing to note about the above versions of the FX is that they all run on CLR 2.0, which shipped in 2005.

Unlike previous versions of VS, VS “Orcas” will include the ability to build applications that target each of the above framework versions—FX 2.0, FX 3.0, and FX 3.5. You’ll have the ability to specify what framework version the project should target when a project is created, opened for the first time in VS Orcas, and via the property pages. Once a framework version is selected, references, IntelliSense, Object Browser, the Toolbox, etc will be modified such that references that aren’t available in the chosen target are filtered (grayed out, generally).

Some common questions…
·
Will I be able to open my 2005 project in VS “Orcas” without upgrading it to FX 3.5?
Yes. Users will have the option to upgrade the project’s framework target the first time they open it in VS Orcas; however, upgrading will not be required
·
Will I be able to open my 2005 project in VS “Orcas” then re-open it in VS 2005?
No. Once a project has been opened in VS “Orcas”, it cannot be subsequently opened in 2005.
·
Will I be able to use LINQ in my FX 2.0 project?
No. LINQ requires assemblies that are only available in FX 3.5 projects.
·
If I already have FX 2.0 installed and my app requires FX 3.0, what do I need to install when I deploy my app?
Because FX 3.0 is just an add-on pack of sorts for FX 3.0, you’ll only need to install the 3.0 Runtime Components, which have FX 2.0 as a pre-requisite.

Admittedly, this whole framework versioning scheme is pretty confusing… so we’re trying to make the related user experience in VS opt-in: by default you’ll target the latest and greatest version of the FX 3.5 when you create a project and most of this will be transparent. If you do need to target an earlier version, the option will be available. We’ll certainly be interested in your feedback on the model when the first VS Orcas CTP is released.


I get this information from this links (read it if you interested):

Link1:Asp Blogs
Link2:MSDN Blogs
Link3:wikipedia

Wednesday, 20 September 2006

10 million $


يا تري ايه انطباعك لما تشوف صورة زي دي في موقع
انا شوفتها في موقعين عربيين و موكتوب عليهم لحياه افضل اضغط هنا .
بس انا طنشت و قولت لنفسي سيبك با احمد من الهبل ده يعني حيكون ايه ؟؟؟
و مرة اسبوع و الحياه عاديه و بعدين كنت بدور علي حاجه بالعربي في جوجل لاقيت الصورة دي موجوده في اول 3 نتائج بحث.
قولت لا اشوف يعني حتدوديني لايه..
كحب للفضول..
و كانت المفاجئه.
دخلني علي اللينك ده
طبعا حتقول ايه ده.
دي منظمه يهوديه بتقول لو تعرف اي خبر عن اسير يهودي حنديك 10 مليون دولار
يعني تقريبا حوالي 60 مليون جنيه .
***********************
انا الي حز في نفسي حاجتين
***********************
الاول حسيت فعلا احنا قد ايه رخاص
و قد ايه هم بيقدرو الفرد عندهم .
و الحاجه التانيه و دي الارجح
ان دي منظمه يهوديه للتجسس بتشتري جواسيس في البلاد العربيه .
و الدليل واضح انه في مواقع مش لبنانيه او فلسطسنيه
ولا تعليق

Tuesday, 5 September 2006

مش علطول الخير جزاءه خير

حلم رعب

اكيد الكلام ده مش صح بس انا حثبتلك هنا ان الكلام ده ممكن احيانا يكون صح ..!
لو كنت في نادي كبير و معروف و بتلعب فيه مع اصحابك او كنت بتتمشي فيه او أي حاجه كده المهم انت كنت في النادي و لقيت شنطه سيمسونايت (زي بتاعه اللاب توب – فخمه -) علي كنبه في النادي .

حتعمل ايه؟!!!!

يا تري حتخدها و تهرب بييها ؟
ولا حتفتحها و تدور علي رقم تيليفون صاحبها و تقله النص بالنص ؟
ولا حتوديها الامانات و ملكش دخل ؟
ولا ايه بالظبط ؟؟؟؟؟؟؟؟


اعتقد ان الطبيعي من شخص عادي .. انه يذهب بالشنطه الي الامانات و بكده يكون عمل الي عليه .

مش صح ....انا دلوقت حقنعك ان الكلام ده مش صح ....معلش انا كنت زيك في الاول....

شوف بقي معايا الي حصل ده و متضحكش عليا ...لما حقولك اني اتعلمت من الحلم ...
المهم انا كنت نايم و بحلم اني مع اصحابي بلعب كورة في نادي الشمس و فجأء طلعت الكورة برة الملعب فروحت اجيبها . لقيت علي كنبه من الكنبات شنطه الي بقولك عليها – شكلها نظيف و قيمه – المهم قولت لاصحابي العبو انتم لغايه ما اودي الشنطه دي الامانات يعني عامل فيها عم الامين و كده.

المهم اول ما روحت عند مكتب الامانات لقيت مش اقل من عشرة بيرفعوا عليا البنادق و بيقولولي اقف مكانك .
انا قولت في سري هما فاهمين حاجه غلط و تقدمت بدون خوف لاني معملتش حاجه غلط .
فاذا سمعت بصوت عالي قوي بيقول اطلقوا النار عليه....
الشنطه دي هي الي متبلغ عليها ( بصوت جهوري مرعب)
محدش يضرب علي الشنطه ...
بس و اخذت عدد لابأس بيه من الرصاصات في صدري و ادركت في الحلم انها لحظاتي الاخيرة فقولت لا اله الا الله و لكن بدل ما اموت صحيت .
:D

بعيد عن اني صحيت متضايق قوي من الحلم الرخم ده .

حرمت اقرب من أي شنطه غريبه او معرفش صاحبها بعد كده مهما كان .

الدرس المستفاد ان لو حصلي الموقف ده تاني في الحلم او الحقيقه ابلغ الامن عن مكانالشنطه دون الاقتراب منها نهائي .

Saturday, 12 August 2006

My story in the Job Fair2

تكمله للجزء الاول ....

بعد ما انتهت المقابله الاولي . بدأت بعض الاجتماعات للتنظيم .
المهم و المفيد في الموضوع بعض النصائح انا شايف انها فعلا مهمه و من اسباب نجاح الفرد كمنظم .
و علي فكرة ده مش كلامي ده كلام المديرين الي كانو علينا :

مبدئيا لازم الواحد يلتزم الهدوء و عدم العصبيه طول اليوم قدر المستطاع .


العمل بجد و نشاط طيله اليوم و بنفس القوه .


لازم الواحد قبل ما يترك المكان الي هو محطوط فيه انه يبلغ المدير بتاعو حتي و لو كان وقت الغياب قصير .


البساطه اساس النجاح .


لو حاسس ان عليك ضغط و انت مش حتقدر عليه او مش حتنجزه بكفاءه لازم تبلغ المدير بتاعك .


السرعه و الثقه في الرد علي أي استفسار او مساعده .


لو كنت شايف حد مش بيأدي شغله كويس انك تبلغ المدير بتاعك .

زي ما قولت دي كانت شويه نصائح هم قلوهلنا و بعد كده دخلت علي مقابلتين تانيين . فيها اسئله تعتمد علي سرعه الاجابه و البديهه و القدرة في التعامل مع المواقف المختلفه و اختبار هدوء الفرد .

برضو دي اهمها :
حاول حط نفسك مكاني و رد عليها بسرعه و اختبر رد فعلك .

بتحب يكون موقعك ايه ؟ مع الطلاب او الشركات او عمال الفندق .
لو حد قالك لبسك وحش حترد تقوله ايه ؟
لو في اتنين من المنظمين بيتخانقو مع بعض في مكتب الاستعلامات مثلا و مفيش غيركم انتم الثلاثه و اكيد عليكم ضغط حتعمل ايه ؟
عندك استعداد لكام ساعه شغل ؟
لو و انت جاي في العربيه اتعطلت الصبح ؟
لو لبسك اتسخ و انت جاي في الطريق ؟
لو حد جالك معصب و عايز يكلم المدير بتاعك ؟
لو حد جاي يجر شكلك و شكله معصب ؟
لو حد سألك سؤال انت مش عارفو ؟
لو واحد في شركه من الشركات مستاء من المكان بتاعو و عايز يغيرو . و كان ممنوع التغيير ؟
لو حد قالك المعرض ده و حش و أي كلام ؟

المهم بعد ده تمت تحديد مكاني للتعامل مع الجميع و للشركات بصفه اساسيه .
و الحمد لله عدي 19/7/2006 علي خير و تمت نجاح المعرض ولاول مرة في مصر يجتمع هذا العدد من طلاب الحاسبات من جميع انحاء مصر في مكان واحد يتبادلون عرض مشاريعهم علي بغض و تعرضون مشاريعهم عشرون شركه من اكبر شركات البرمجه في مصر .
في النهايه اوجه شكر خاص و كبير للباشمهندس : احمد الشهاوي و احمد النيازي و شريف و عمرو و علي الكحكي و كل الطلاب الذين نظموا هذا الملتقي او ساهمو في انجاح مثل ذلك الاجتماع و اختم بعد حمد الله بصورة جماعيه لكل المنظمين الطلاب الذين اتو من كل حاسبات مصر من اسيوط الي القاهرة للمشاركه في هذا الحدث .


و دي صورة للفندق من الداخل .
لمزيد من الصور .ادخل علي هذا الرابط
http://www.fci4all.com/forums/index.php?showtopic=496
تمت....

Sunday, 23 July 2006

My story in Job Fair1


بسم الله الرحمن الرحيم

إن شاء لله ابدأ الحكاية بالجزء الاول باول مقابله شخصيه
-Interview-
في حياتي و كيف تابعت هذه المقابله بمقابلات اخري .
و الجزء الاول متبوع بأجزاء اخري ان شاء الله .


قبل ما اتكلم عن الانترفيو العصيب الي كنت فيه و انها اول مرة في حياتي .
حتكلم عن ال
Job Fair
او بالعربي معرض التوظيف باعتباره المكان الي حصل فيه الانترفيو ده .
الجوب فير ده عبارة عن معرض للتوظيف اتعمل السنه دي و حيتعمل ان شاء الله السنينين الجايه بإذن الله . السنه دي اتعمل في فندق انتركونتيننتال سيتي ستارز .

حضره عدد كبير من كبري شركات البرمجيات في مصر و عدد من عمداء كليات الحاسبات في مصر و عدد من الشخصيا ت المرموقه في هذا المجال و اعتذر عن حضوره وزيرين لانه لسوء الحظ يوم اقامه المعرض وافق يوم تخريج احدي الكليات لدفعه عسكريه .

الجوب فير ده عبارة عن مكان بيلتقي فيه خريجي و طلاب الفرقه الرابعه من كل حاسبات مصر
من القاهرة حتي اسيوط .
علشان يعرضوا مشرعهم علي بعض في مكان واحد و علاوه علي كده بتكون الشركات الي قولت عليها زي شركه صخر و شركه أي بي ام و غيرها كتير بيتفرجو علي المشاريع دي و ممكن تشتري بعض المشاريع دي و علاوه ان لهم الاولويه في التوظيف .

شركات زي دي دافعه فلوس كتيره علشان تحضر يوم زي ده و تلتقي بكم كبير من الطلاب و بذلك يكون تم تحقيق فرصه اكبر للتوظيف .
ما لا يقل عن 20 شركه في مكان واحد بيبحثوا عن مهندسي برمجيات لتوظيفهم في شركاتهم و الا مكنوش دفعو الفلوس دي كلها .
مفتكرش ان الواحد ممكن يشوف فرصه زي دي في مكان تاني .
و علاوه علي كده في نهايه اليوم بيتحصل بعض الشركات علي سي دي فيها سيفيهات الناس دي كلها .
و علاوه علي كده كمان بيعمل كل طالب مع الشركات الي هو عايزها مقابله صوغيرة شويه و بيعرض السي في بتاعته علي الشركات دي و اكيد بعض هذه الشركات حتديله معاد لعمل مقابله حقيقه في الشركه .و دي نتيجه كويسه .

لذلك فنجاح معرض زي ده هو نجاح لكل كليه حاسبات في مصر .

المهم تم تنسيق الموضوع ده عن طريق اسره صناع الحياه كليه الحاسبات جامعه القاهرة بالاشتراك مع الجمعيه المصريه لمهندسي الرمجيات .
هم في مرة بعتو ميل و كانو عايزين ناس لتنظيم المعرض ده .و روحت قدمت فيه .و تم تحديد معاد للمقابله و من هنا كانت المعصرة قصدي المقابله الشخصيه الاولي بس الحمد لله كانت معصره مفيده .
لما جاء عليا الدور و دخلت الغرفه الي حيتعمل فيها المقابله بدأ بالاسئله طبعا بعد ما اتعرف عليا :

حذكر منها الحاجات الي انا فاكرها . حاول حط نفسك مكاني و جاوب علي الاسئله دي بسرعه و حكمه .

انت ليه فكرت في حاجه زي كده ؟

هل سبق ليك الاشتراك في شي زي ده ؟

ايه اصعب موقف وقعت فيه و انت داخل تنظيم معين ؟

عملت فيه ايه ؟

قولي موقف حسيت انك عديته بنجاح حقيقي؟

دلوقت لو انت في تنظيم .ادامك ثلاث شخصيات ممكن تتعامل معاهم . تفضل تتعامل مع مين ؟

لو عندك شركه مش عاجبها مكانها و عايزه تغيره . تتصرف اياي ؟

ده الي انا فاكرو من الاسئله الي اتسألتها .المهم عدا بخير و تم قبولي في المقابله دي لاصبحا ً رسميها . عضو منظم في المعرض ده .

كده كفايه علشان مطولش اكتر من كده . و قريباً الجزء الثاني .

Saturday, 1 July 2006

Sorry Ghaza we haven't men!

آسف يا غزة معندناش رجاله

أكتب الآن لأندب زمان لم يبق فيه رجوله ولا رجاله ؛ أندب نفسي و الجميع من حولي لما حال إليه الوضع من حولنا .أهانه لمشاعر المسلمين كل يوم و كل ساعة ؛ أطفال تيتم كل دقيقه ؛ أشلاء في الهواء؛ بلاد تدك؛ اهانه للرسول؛ اهانه للقران؛ كل شئ و ماذا بعد كل شئ؟!!
هل يوجد رمز واحد لنا لم يهان حتي الان . حزنت عندما سمعت ناسا تطلق اليوم صاروخ لمركبتها في الفضاء لتمدهم بالملابس و الغذاء و نحن لا طاقه لنا علي صنع طائرة و لو داخليه بين المحافظات مش حقول بين البلاد البعيده . للاسف كل شئ أو معظم ما يقال عليه صنع في مصر يقصد بها جُمع في مصر ليس إلا . و لكن كيف لي ان الوم العالم الغربي بأنهم لو يتركوا لنا إهانه إلا و فعلوها و نحن كل يوم نهين انفسنا مائه مرة . نعم نهين انفسنا بما فيهم انا . اليست ظاهرة شيوخ الفضايئات؛ فضيحه و اهانه و الذي اصبح عندهم معظم الحاجات حلال .الكليبات الي معناها واضح . الوضع الحالي في التعليم و الشعار الجديد احفظ تنجح افهم تروح ورا الشمس حتي الكليات بقي فيها ورق بيتحفظ علشان تبقي معيد و بقي فيها وباء الدروس الخصوصيه .
الان غزة تدك بكل ما يخطر به علي بالك و نحن هنا مسلمون؛و بندعي اننا رجاله و نفهم في الاصول؛ كثير منا لا يعلم عن الموضوع شئ من الاساس . شاطرين نقول لبعض النهارده في السينما و بكرة مش عارف فين و كده . انا مش بقول ان الحل ان احنا نقعد في البيت او متخرجش . انا اقصد نكون بأضعف الايمان قلبنا معاهم . انا شوفت فيديو اللينك بتاعه اهو :
http://www.egyptwindow.net/ghaza.wmv
مشهد لام جثه هامده بجوار أبناءها اموات مثلها عدا بنت لم تتجاوز العشر سنين تصرخ لتبحث لمن بقي لها من اهلها اقصد أبها لتراه علي بضع مترات من المشهد الاخر جثه لا تفرق عنهم كثير .
لن اقل لك تخيل المنظرو انت مكانها!
لن اقول لك تخيل موقفها ؛بنت أصبحت يتيمة و بلا هويه في لحظه

برئيه تصرخ بأعلي صوت في صحراء غرة المدمرة عسي ان يكون كابوس لتستيقظ منه و يرد عليها أباها . صرخه وصل مداها ارجاء العالم بالتلفاز و الانترنت و وسائل الاعلام المختلفه! هلع و رعب ما بعده رعب . و لكن للاسف لا مجيب؛ نقول ايه معندناش رجاله ؛شاطريين بس نقول الحقونا يا ولاد الخنازير . قارن بين الوضع الان و بين قطه تائه في امريكا هناك سينقلب الاعلام لانقاذ القطه اما نحن لا مجيب لاننا بالنسبه لم اقل شأن من الحيوانات الضاله انا اسف في الكلمه بس الصراحه احسن و كفايه نفاق ؛ ازاي يحترمونا و احنا مش بنفكر نحترم بعض اصلا .
الي متي حنكون مخدوعيين بيهم . كيف ستعيش هذه الطفله بقيه حياتها في ظل هذا الدمار في بلد محجوب عنه دخول الغذاء و الدواء. كيف ستعيش هذه البرئيه في ظل هذه الذئاب الجائعه التي لا تعرف لها شعار إلا شريعة الغاب . صرخه البريئه ما زالت في اذني . اتقطع ألما لأني لن استطيع فعل شئ !!. اين المسلمون اللذين لا يظهرون الا في صلاه الجمعه من كل اسبوع . اين الرؤساء و الامراء و الملوك ؟واحد يقولي لا متظلمهمش ما بعضهم استنكر الموقف و طالب المجتمع الدولي بالتدخل .
لا بجد صعب عليا؛ هل هو كده عمل حاجه من ألي عليه ؟ و الجرائد تظييط تاني يوم في الصفحه الاولي الرئيس الفلاني تعب قوي و قالهم كده غلط و طلب التدخل ؟ هو عايز يحسسني ان لو حد اتعدي علي عرضه حيستني يورح الشرطه يقولهم الحقو عرضي بيضرب ولا حيضرب حتي لو الامر آل به إلي الموت؛
لو مات يبقي مات بكرامته مش عايش مزلول لغايه لما الشرطه تيجي يشوفو حيعملو ايه ؟
ازي حيعيش و عرضه مسلوب ؛ انا كنت فاكر ان ربنا خلقنا رجاله علشان ندافع عن عرضنا حتي الموت مش اروح اقول للشرطه الحقي بسرعه لحسن عرضي بيضرب و ممكن يموت ؛لا و الله و حياتك انك مش راجل ؛ لو حد ليه رأي ثاني يبقي الله يرجم الرجاله و غرائي لهم .
هو جرجنا اداوى من محمد الدرة و لا في العراق ولا في الجنديين الي كل سنه بيموتو في سيناء و تحت حجه اسرائيل بتتعلم فيهم النشان ولا في العبارة المنكوبه الي صلاحيتها خلصانه من زمان و الحكومه بتجدد ليها و عامله مش واخده بالها ؟ لو حد قالي الحكومه مش عارفه يبقي معلش احنا عندنا حكومه عمياء و بتستهبل ؛ علشان يهدمو امال بنت بريئه ملهاش ذنب غير انها اتولدت في فلسطين و اهلها ما بعوش وطنهم .
لغايه امتي حنحترم اولاد الخنازير دول . و الواحد مننا يبقي عايز يضربله تعظيم سلام لو شاف حد فيهم . واحد يقول لا العربي بيئه يعععع قولي انجليزي أحسن . ايه الكلام الغريب ده ؛ ان لله و ان اليه راجعون ؛ .
انا دلوقت تاكدت من مقوله كنت بقولها لنفسي كل يوم بيزيد اعجابي بيها و هي : الي كان مش متوقع دلوقت أكيد متوقع .
الي عايز يحترمهم من دلوقتي يطلع لهم و يبعد بقي بعيد عننا . البلد فيها الي مكفيها مش نقصاكو !
و رغم ده كله انا مش حعاتب البلاد الغربيه ؟ العتاب الاول لينا بما فيهم انا ؟

ليه الواحد بقي بيعيش لنفسه ؟
ليه الواحد بقي مش طايق يكلم حد ؟
ليه علشان مصلحتك الرسميه تمشي تدفع رشوه و عشان الي بيزعلو اكراميه يا عم ؟
ليه عدم الاتقان ده ؟
لما
بقول لما00000
لما نبقي نصلح من أنفسنا ؟
لما ما تكونش الفلوس كل حياتنا ؟
لما يكون الحب هو الشئ الطبيعي بينا ؟
لما نبقي نخاف علي بعض ؟
لما نهتم بأمر بعض ؟
لما نرجع لديننا ؟
لما يبقي عندنا رجاله و يعرفو يعني ايه رجوله
ممكن ساعتها ابقي الوم الغرب لو عملو فينا حاجه .

يا رب حببنا في بعض و ألف بين قلوبنا و ارزقنا الإخلاص في العمل ؟

Sunday, 25 June 2006

Very nice day

very nice day

Yesterday,(Friday) I enjoyed a very very beautiful day .From day ago I was in the Shams Club with at least 20 students from my friends in FCI .we play football then some go to swim .Some friends which they like World Cup showed it .Some play volleyball [yes , it was by foot ball not volley ball ],but it was very good. We play…..

As u see here they were the great team which I played with them . Unfortunately I am not here in this photo because I am who catch this photo by my mobile cam.
I love all my friend for ever .I hope the relation between our didn't break in the future or in any time .

Ya Rab gama3na 3ala 7`eer yom al 2yama .
Ya Rab nekon men man kal fehom al rasol (sala Allah 3alyh wa salam) ragolan ta7aba fe allah 2gtama3a 3alayh wa 2ftaraka 3alyh .

Tuesday, 20 June 2006

Thanks Obligated

وجب الشكر

أتوجه اليوم بعد انقضاء عام دراسي كامل بالشكر الواجب :
لكل من ساهم في مساعده زميله و لو بكلمه.
لكل من ساهم في مساعده زميلته و لو بكلمه.
لكل من تفاعل في جروب الكليه لمساعده الاخرين .
لكل من كان خير سفير لكليته .
لكل من ساهم في تحقيق مركز للكليه التي تستحق أكثر من ذلك .
لكل من بذل ما عليه في الكليه مرضاه لله لوحده .
لكل من حافظ و احترم علي نظام الكليه .
لكل من حافظ علي نظافه الكليه .
لكل من يحلم برقي علمه من اجل دينه .
لكل من راعي الله في اصحابه .
لكل من ساهم في أي شئ ايجابي في الكليه .

كما اتوجه بشكر خاص لاعضاء مشروع كليتنا اجمل اللذين استشعر فيهم شعاع النور و النجاح من اجل ان تصبح كليتنا أجمل (علي فكرة الدعوة مازالت مفتوحه للجميع) .

و اتمني من الله ان يقضي الجميع أجازة سعيده , هادفه , متميزة و موفقه .
و يا ريت ميكونش حد زعلان مني و مكنش زعلت حد في سنه تالته و لو حد حاسس غير كده بقولك مقدما انا اسف و يا ريت تقولي :
)..

Thursday, 15 June 2006

Not The End

1صدمات و ليست الاخيرة

مبدأيا انا فاضي و مش ورايا حاجه و حقول كلام أعتقد ان دي اول مرة حقول فيها الكلام ده ؛حقول صدمات اتصدمتها في حياتي علشان أفرغ الشحنه الي في داخلي شويه الواحد كل يوم بيتعلم و يفتكر انه كده خلاص عرف كل حاجه مش معقول حيشوف اكتر من كده حاجه ؛ و لكن في الاخر يكتشف انه لسه مكتشفش حاجه و لسه حيشوف كتير ....
أنا حتكلم شويه عن اتحاد العام الماضي (مش اتحاد هذا العام) ده لانه علي الاقل بالنسبه لي كان ملئ الصدمات .
مبدئيا أنا سمعت ان في حاجه اسمها الاتحاد و انا لسه في سنه تانيه ؛ و انا كعادتي عندي حب استطلاع قررت ان ادخل الاتحاد و اشوف الاتحاد ده بيتعمل في ايه ؟ ....لما دخلت في قاعه الانتخابات و التصويت و طلعت منها و انا عضو اجتماعي في اتحاد الطلاب كنت في قمه الذهول و الاندهاش و الصدمه و مش مصدق الي ادامي كنت متوقع ان الكلام الي شوفتو في القاعه ده بيحصل في الافلام بس.......... اقولك حصل ايه في القاعه :
لما دخلت القاعه دي فوجئت بواحد (طالب الي اصبح وقتها امين الاتحاد الامين ده حاجه زي الرئيس) بيقولي لو عايز تكون عضو في الاتحاد تصوت لمحمد امين الجنه الفلانه و مش عارف مين للجنه العلانيه و كده لكل لجان الاتحاد و بيقولي لو معملتش كده محدش حيصوتلك و مش حتاخذ أي حاجه كده –حسيت ساعتها اني في حلم او كابوس - و دي كانت اول صدمه ليا في الموضوع ده .
المهم صوت لفلان في كذا و مش عارف مين في ايه . عملت زي ما قالي و حسب ما هو قالي كان المفروض اصوتله مساعد الامين للاتحاد(زي رئيس الوزراء كده) و فلان الفلاني امين الاتحاد (رئيس) و لما جيت اصوتله حصلت منه حركه خيانه و قالي لا لا انت فهمت غلط انا حكون الامين و صوتله زي ما قالي الامين و انا في دهشه من الي بيحصل في القاعه مش مصدق الي بيحصل و المهم كرر كلامه مع باقي الناس و بقي حضرته الامين . و دي كانت صدمتي التانيه . المهم انا طلعت من لجنه النفاق دي و انا مليان صدمات . قولت لنفسي مش مشكله شكل الناس ماشيه كده مش افلام بس المهم يا احمد تعمل حاجه كويسه للناس .
لان ربنا حيسألك عن المنصب ان انت شغلته ده يوم القيامه . استنيت شهر مستني حد يقولي ان في اجتماع علشان تعمل حاجه و لكن محدش كلمني . قولت استني شويه يمكن يكونو مشغولين في حاجات كبيرة انا مش قدها دا انت يا احمد مهما روحت ولا جيت عضو لا منصب ولا حاجه . فات الترم الاول و مفيش حاجه روحت كلمته و قلتله علي التنفيض ده قالي انت عارف الترم الاول صغير و كده الترم ده ان شاء الله حنعمل و حنعمل و في الاخر ..لقيت محدش بيعمل حاجه ولا حتي هو او بيعمل حاجات لا تذكر ..أكتشفت انه مش عايز المنصب علشان يشتغل طلع عنده الداء بتاع كل العرب الا و هو داء حب كرسي العرش ...مش مهم هو قد المنصب ولا لا هو ارتاح لما وصل اليه و خلاص كده ارضي غروره مش مهم علي حساب مين او لحساب مين ...و كانت دي صدمتي التالته .المهم طلعت من اول تجربه لي في الاتحاد ب 3 صدمات علمتني كتير في الحياه ....ازاي افهم الناس ....ازاي الناس بتفكر ...

الصدمه الاولي : لاسف اكدت لي ان الطرق للقمه بالطرق الغير مشروعه اسهل الطرق .

الصدمه التانيه: اني مش اثق في أي حد بسهوله خالص ممكن يكون بيبتسم ليا علشان اثق فيه و لما احط وجهي الناحيه التانيه يضربي بسكين و يطعنني (الخيانه ) .

الصدمه الثالثه : علمتني ان الضمير منعدم في قلوب كثير من الناس.او بمعني ثاني ان الي مش منطقي انه يحصل سهل انه يحصل دلوقت . و ان الواحد ممكن يدوس عليك علشان يطلع لفوق مش مهم الي داس عليه ده ايه ...

انا بقول الكلام ده وو انا كلي حزن مما يحدث بس انا بقولها علشان اوفر عليك طريق صعب ممكن متكنش مشيت فيه ..