Friday, 18 December 2009

the white tea الشاي الابيض

Here is my points after drink a cup of white tea :) :

#it was good it seems (in the taste) like the green tea but more pure.
#it has the same color as the green tea (yellow drink).
#it it has more of "amino acid" theanine (has relaxing and mood enhancing properties) than green and black teas.
#white tea is carefully harvested and processed than the all others tea.... See More
#it has been known it contains antioxidants which can help slow free radicals that lead to aging, cancer, diabetes.


for more info :
http://en.wikipedia.org/wiki/White_tea
http://www.whitetea.com/benefits-of-white-tea.php

دي تجربتي بعد ما شربت اول كبايه شاي ابيض في حياتي
اولا هوطعمه قريب من الشاي الاخضر بس انقي اكتر
ثانيا هو مش لونه ابيض ولا حاجه لونه اصفر زي الشاي الاخصر
ثالثا طريقه عمله غير طريقه عمل الشاي الاخضر رغم ان الاتنين من نفس الشجرة ...بس اوراق الشاي الابيض بتكون اصغر
رابعا يعتبر اكثر انواع الشاي الذي يمكن ان يكسب الشخص الهدوء و الراحه
خامسا هو مضاد للاكسدهو يقلل من احتمال الشيخوخه و مرض السكري
لمعلومات اكتر
http://en.wikipedia.org/wiki/White_tea
http://www.whitetea.com/benefits-of-white-tea.php

Thursday, 17 December 2009

انتبه الضريبه العقاريه والا الغرامه


من غير مقدمات انا سمعت عن الضريبه العقاريه و انها لازم تتسلم قبل اخر الشهر والا حيطبق عليك نظام الغرامه ...
المهم عملت الي ممكن اي شخص طبيعي ممكن يعمله و هي روحت داخل علي موقع مصلحه الضرائب العقاريه ...الي حتلم شويه فلوس حلوه من البلد http://www.rta.gov.eg/
نسيت طبعا ان الطبيعي ان الموقع بتاع الحكومه حيكون واقع ...المهم دخلت علي جوجل ربنا يخليه و دورت شويه و دا ملخص الي قريته .
اولا لازم قبل اخر العام الي هو بعد اسبوعين تكون مقدم نموذج محدداه الحكومه و كاتب فيه تفاصيل العقار و الي حيكتب معلومات مش صحيحه فيه حيطبق عليه نظام غرامه تاني قدره الفين جنيه ...
المهم كلمه عقار مش يقصدو بيه عمارة ...لا يقصدو بيه اي وحده في العقار حتي لو كشك سجاير في سطح عمارة او ركنه...
لو العمارة عشر شقق و خمس محلات بيقي تقدم عن الخمسستاشر وحده الي عندك ...

يا ريت لو جد جديد في الموضوع حد يقول انا زي زيكم :)

بالنسبه للاماكن في جمهوريه مصر العربيه هي الاتي :
http://ahmedessawy.googlepages.com/ICMResourceManagerlPlaces.pdf
اما نموذج الوحده السكنيه : فهو كالاتي ..
http://ahmedessawy.googlepages.com/ICMResourceManager.pdf
لنماذج اخري زي مثلا الوحدادت السياحيه و التجاريه يبقي هنا :
http://www.egynews.net/wps/portal/profiles?params=81287

روابط ذات صله :
http://www.egynews.net/wps/portal/profiles?params=81287
http://www.shorouknews.com/ContentData.aspx?id=161944
http://www.youm7.com/News.asp?NewsID=167128&SecID=97&IssueID=0

Wednesday, 2 December 2009

‫حكمه : ياب

‫حكمه : يابلدنا يا حبيبة فيكي حاجه محيراني.... نزرع القمح في سنين تطرح الكوسه في ثواني‬

لو سمح ببيع

لو سمح ببيع اللحم البشري عند الجزارين، لارتفعت قيمة الإنسان مرة أخرى .. عندئذ سيكون سعرك يا صديقي آلاف الجنيهات : الدكتور خالد توفيق

quote

quote : I will dare to just do what I do. Be just what I am and dance whenever I want to : Beverly William

Tuesday, 1 December 2009

Tuesday, 13 October 2009

مأثورات للفريق سعد الشازلي

انا حبيت أدون ليا و ليكم و للزمن كلمات معينه من شهاده الفريق سعد الدين الشازلي بعد استماعي للحلقات العشر لبرنامج شاهد علي العصر للصحفي احمد منصور في قناه الجزيرة .
هذه الكلمات اعتبرها مأثورات او عبارات يجب علي كل مصر ان يكون له علم بيها ... انا علي ثقه اني سأرجع للتدوينه دي مره اخرى و استرجع هذه الكلمات التي مازلت اذكرها بعد اتمام مشاهدتي للبرنامج .

لمن لا يعرف الفريق سعد في عجاله هو الراس المدبر للهجوم الناجح على خط الدفاع الإسرائيلي بارليف 73 و تم اقالته بعد الحرب هو و قائد الجيش التاني و الثالث أيضاً و حبسه سنه 92 بتهمه افشاء اسرار عسكريه.
لمعلومات اكثرانتقل الي هذه التدوينه .

السوفيت قالو لنا نحن ندعمكم لسترداد الارض التي فقدت منكم في سبعه و ستين و لكن تدمير اسرائيل خط احمر بالنسبه لكم .

السوفيت لما اتو لمصر بحوالي 7600 عسكري دفاع جوي بأسلحتهم لم يكن من اجل مصر او حب المصريين و لكن لانهم بيستفيد و احنا بنستفيد و هنا تظهر شطارة الزعيم الاستراتيجي .

شطاره الزعيم الاستراتيجي هو ازاي يعرف يستفيد من التناقدات بين الدول العظمي و يوظفها لصالحه و هي الحقيقه نجح فيها جمال عبد الناصر ان يلعبها لعبه صح .

دائما التصرفات العسكريه هي التي تقود الي المبادرات السياسه .


كمبدأ عام اذا القائد وزع قواته في كل مكان حيكون ضعيف في كل مكان .

بعد وفاه الزعيم جمال عبد الناصر حصل نوع من التفاهم بين مجموعه عبد الناصر و السادات لترشيحه هما اتتقو السادات علي اساس يكون في جيبهم علشان يتغديوا به بس هو اتغدي بيهم .

اهم هدف للقائد في الميدان هو تدمير قوات الخصم و ليس الحصول علي الارض

تدمير القوات لها اسبقيه علي الارض بعد كدا الارض حتبقي مفتوحه.

اقوي خطبه و اقصر خطاب هي الله اكبر وهي خطبه الخامس من اكتوبر و المدخل الرئيسي للمعركه.

القلق مطلوب في بعض الاوقات لانه يحرك الدماء الحاره في الجسم ... يتحفز و يصبح ذات قدرات ميقدرش تكون له في الظروف العاديه و

مش عيب الواحد يكون قلق او متحفز .

المصيبه الكبري اننا في بلد الي يقوله رئيس الجمهوريه لازم يبقي صح و الباقي غلط .

يوجد تسع دول شاركو عسكريا و استشهد ناس منها في حرب 73 بخلاف مصر و سوريا و هي العراق و الجزائر و ليبا و الاردن و السعوديه و تونس و الكويت و السودان و المغرب
.

بعد حصار الجيش الثالث (خمسه و اربعين الف مصري )من قبل اسرائيل اصبح السادات يضغط علي القيادات العربيه لفك حصار البترول و كأنه يلعب الدور الامريكي.

احنا عايزين نفرق بين مصر و حاكم مصر و ليس لاحد ان يدعي انه مصر ... يقطع لسان من يهاجم مصر و لكن الحكومات متغيرة و من حق الواحد ان يبدي رأيه في الحكومه .

لمن يكون الولاء ...هل للدوله ام للحاكم ؟ و هل الولاء للوطن قبل الله !!!
الولاء و الضمير في الاول لله
ثم الولاء للدوله
ثم بعد ذلك اختلف مع اي واحد تاني

انا رفضت عمليه السلام مع اسرائيل في ثمانيه و سبعين
لان دا مش سلام !!!!
1- سيناء منزوعه السلاح
2- في قوات محدوده مصرح بها داخل سيناء
3-غير مصرح بأن يكون لنا طائرات او مطار حربي داخل سيناء
4-غير مسموح لنا بأن يكون لنا دفاع جوي صاروخي داخل سيناء دا االي بيخوف اسرائيل و يعذبها
اي سلم هذا !!!!
االسلم الحقيقي هو ان لا افقد حريتي علي اتخاذ القرار في ارضي.

كلمه للاجيال التي تعيش الان و اللحقه :
حياتي كانت مليانه بالمتاعب و المشاق نتيجه لتمسكي برأيي بالحق
و لكن بالرغم من هذه المشاكل وصلت الي اكبر منصب عسكري ممكن يطمح فيه واحد و هو رئيس اركان حرب القوات المسلحه في وقت من اصعب الاوقات و هي حرب اكتوبر
فمش عايز حد يخاف انه يقول كلمه الحق حتي لو تسببت ببعض المشاكل و لكن فليتأكد ان هذه المشاكل مؤقته و ان ربنا حيعوضهم و ان تعويض ربنا حيكون اجزل و اكثر ان شاء الله

Friday, 9 October 2009

انا ضد مقاطعه الفيس بوك

المقاله دي كاتبها مخصوص علشان الناس الي عايز تعمل مقاطعه للفيس بوك يوم اربعه و عشرين من اكتوبر ..صراحه حسيت في كلام مزنوق فيه و لازم اقوله :)
انا مختلف مع كل واحد حيقاطع الفيس بوك بحجه ان دا رد علي اهانه الرسول او القران او خلافه...
رغم اني مؤمن و متمسك جدا بالمقاطعه الاقتصاديه اذا كان ليس فيها ضرر علينا لكن هنا الموضوع غير....
....
انا كان ليا كذا نقطه تخليني مقاطعش الفيس بوك حيبت اوضحها
بلاش الواحد يضحك علي نفسه او يشتغلها
احنا ناس كل حاجه فينا و عندنا اتهانت
المال و الشرف و الدين
مش دا الي حيجبلنا حقنا ولا جزء منها...عمر الثأر ما بيتاخد كدا...
ايوه ُثأاار مع كل واحد مصر انو يستحل مالنا او شرفنا او عرضنا
فهو لا مقاطعته حتحفيد ولا حيضر ولا حتفرق بنكله ودا الي عايز اوصل بيه في نهايه المقال
...

اولا : لو كان احنا حنسيب الفيس بوك علشان في ناس بتهين الرسول ..... و اكيد القياس معاه في الحاجات التانيه ... مثلا الياهو عامل جروبات بتهين المسلمين و بتقول فيهم كلام رهيب ..... هل معني كدا ان احنا كمان حنقطع اتصالنا بالعالم الخارجي !!!.... الهوتميل الي هو تبع ال الماسنجر كمان دا فيه غرف تشات لنفس النظريه ... و لو واحد دخل بأسم باين عليه انو مسلم بيتهان ... و في ناس في التشات بيكون اسمهم بنفس الاسم الي معمول عليه جروبات في الفيس بوك بتهين المسلمين و مستنيه حد يدخل علشان تظبطه... هل معني كدا بقاطع الهوت ميل .... !!!!!!!!!!

تانيا : انا لما دخلت الجروبات دي (بعيد عن ان عدد اعضاءها قليل) لقيت برضو جروبات بتشتم المسيحين و اخري بتشتم المسلمين و المسحين مع بعض ..... يعني الاهانه مش مخصصه .... هل الجروبات المسيحيه اتقفلت و احنا لا ؟؟؟؟

ثالثا : لو انا قولت حسيب الفيس بوك علشان اضغط علي الفيس بوك و ان عدد الاعضاء فيه يقل .... فمفتكرش ان الكلام دا حيحصل .... اولا عدد اعضاء الفيس بوك ثلاثمائه مليون عضو و في زياده مستمرة ...في الجهه المقابله عدد المسلمين الي علي الفيس بوك في اكبر جروب اسلامي ميعدوش ربع مليون واحد و انا مش حاخد بالرقم دا و مش حقول في ميلون مسلم في الفيسبوك انا حقول في عشرة مليون او حتي عشرين مليون
... مفتكرش ان العدد دا ممكن يأثر علي سياسه الفيس بوك ...و حتي لو اكتر من كدا ... عمرك ما حتقدر تجبر كل المسليمن الي علي الفيس فوك انهم يقاطعو الفيسبوك و كدا يبقي انت لا دوقت بلح الشام ولا عنب اليمن ...محدش يقدر ينكر ان الواحد استفاد من الفيسبوك بمعلومات او بربطه بناس من ايام مدرسه ابتدائي ... و عمرك ما كنت حتوصل ليه من غيره...
الحل :
احنا ناس اتهانت و الرسول اتهان و القران اتهان و المال و الشرف و العرض و كل حاجه ... مفتكرش حيكون في حاجه اكتر من كدا ... الحل مش في مقاطعه الفيس بوك لو سبناه او بقينا فيه احنا مش حيأثر عليهم ..... الحل في ان كل واحد يكون سفير كويس لدينه .... في اي مكان ... و اي زمان ....يراعي ربنا في ايمانه و في سلوكه مع ربنا و مع الناس و مع نفسه و في كل حاجه بيعملها صغيره كانت او كبيرة .....و كمان العلم ...العلم مهم جدا جدا ....السلاح الي معانا دلوقتي بالاضافه الي الكلام الي فات و مش اقل منهم اهميه هي المقاطعه الاقتصاديه هي دي .... لان دي الحاجه الي ممكن نأثرعليهم بيها فعلاً .

تمت

Saturday, 19 September 2009

عيد سعيد


According to the economic crisis,this greet will be valid for the whole year including Ramadan ,Eid ElFitr ,ElAdha, new year , new baby , etc ..
Happy Eid to you =)
-------------------
بسبب للأزمة الاقتصادية ، اتوجه بتهنئه واحده لتكون صالحه لمدة عام كامل بما في ذلك شهر رمضان وعيد الفطر و عيد الاضحي و العام الجديد ، المولود الجديد ، الخ..
عيدكم مبارك :)

Friday, 18 September 2009

ذكرى مجزرة ما يقرب من 3،500 من كبار السن من الرجال والنساء والأطفال في مخيمات اللاجئين في صبرا وشاتيلا

اليوم يصادف ذكرى مجزرة ما يقرب من 3،500 من كبار السن من الرجال والنساء والأطفال في مخيمات اللاجئين في صبرا وشاتيلا. تماما كما يصرالعالم على تذكر 9 / 11 ، فإنه يجب ألا ننسى أبدا ما حدث في صبرا وشاتيلا. الرجاء تغيير رسالتك الشخصيه اليوم كنوع من التضامن

-----
Today marks the memory of the massacre of around 3,500 old men, women and children at the refugee camps of Sabra and Shatila. Just like the world insists on remembering 9/11, it must never forget what happened at Sabra and Shatila. Please change your status in solidarity



Saturday, 29 August 2009

حاجه بنك الطعام لمتطوعيين



بتتفرج على التليفزيون؟

بتشوف اعلان عن ناس عملت السنة اللي فاتت نص مليون شنطة .. اتوزعت على جميع انحاء الجمهورية !!

كانت فكرة بتخدم عدد ضئيل من الافراد

ولكن تفرغ لها مجموعة من المتخصصين عشان يخرجوها بالصورة الرائعة

عملوا لها خطة مدروسة صح.. وعشان كده بيعرفوا يوصلوها للناس الصح

"بنك الطعام المصري"

مشروع بنسمع عنه كلنا دلوقتي وبنشوف انجازته في كل مكان..

الناس دي السنة دي عايزين يحققوا ارقام اعلى ويوصلوا لناس اكتر

محتاجين "شباب وبنات" متطوعين يساعدوهم في تعبئة شنط رمضان

لو عندك وقت.. وتقدر تتبرع بيه

متبلخش عليهم.. بجد محتاجينك.. وبجد وجودك هيفرق معاهم

"ولو يوم واحد"

لمزيد من الاستفسار
برجاء الاتصال بـ أ. أحمد مسؤول فريق متطوعي بنك الطعام المصري
0120800159



لمزيد من المعلومات عن بنك الطعام المصري.. برجاء زيارة الرابط التالي

رمضان 2009


في رمضان العام الماضي شاركتكم ببعض الصور الرائعه و الممتعه من موقع بوستون لعام 2008 .
اليوم احب ان اقدم لكم المجموعه الجديده و الرائعه ايضا لعام 2009 علي هذا الرابط .

Sunday, 23 August 2009

ميزانيه مسلسلات رمضان الفلكيه


في احصاء صغير و صغير جدا لمسلسلات رمضان من موقع مصراوي لقيت ان شويه مسلسلات زي الاتي :

أفراح إبليس 25 مليون ,ابن الارندلى 18 مليون ,متخافوش 19 مليون ,الرحايا 16 مليون ,قاتل بلا أجر 15 مليون ,هانم بنت الباشا 17 مليون ,الادهم 16 مليون ,البوابه الثانيه 14 مليون ,ليالي 14 مليون ,حكايانت و بنعيشها 16 مليون ,الباطنيه 17 مليون ,علشان مليش غيرك 15 مليون ,حدف البحر 15 مليون ,وعد مش مكتوب 15 مليون تاجر السعاده, 16 مليون ,حرب جواسيس 17 مليون ,الرجل و الطريق 12 مليون ,ادهم الشرقاوي 13 مليون و إسماعيل ياسين 14 مليون .

تكلفته بيتكلم في 304 مليون جنيه ... و كمان في شويه مسلسلات جديدة زي

خاص جدا
ونيس وأحفاده
هدوء نسبي
المصراوية 2
بشرى سارة

مش مذكورة تكلفتهم ... انا حفرض ان تكلفتها تكلفه اقل واحد من الي فوق 12 مليون جنيه ..يعني كدا بنتكلم في 364 مليون جنيه يعني عدينا ربع مليار جنيه مستريح ...
حضرتك دي تكلفه المسلسلات بس ...ايوه 364 مليون جنيه علي الاقل ... محدش جه جنب تكلفه البرامج الحواريه ولا الفوازير ولا الهلس الي بنشوفو علي كل القناوات و خفه الدم الي نزلت علي الممثلين كلهم مرة واحده.

364 مليون جنيه يعني بلغه الناس الغلابه 364 و جنبه ست اصفاااااااااار .

يعني بأقل تقدير كان ممكن نوزع 364 الف جنيه معونات لالف قريه من الي تحت خط الفقر ..

اه ... يا بلد فيها اكتر من 1000 منطقه سكانيه تحت خط الفقر ..وغالبا معندهم ميه او كهرباء او صرف صحي او كلاهم..فيها 15 مليون نسمه ..

يا تري المصريين فعلا محتاجيين المسلسلات دي في رمضان وهي دي مشكلتهم و كدا بيحلوها !!!
يا تري هو دا مبادئ التكافل الاجتماعي الي اتربينا عليه !!!!
يا تري ايه بس ... من فترة كان في حوار زي كدا و لقيت واحد بيقول للتاني بلد واحد دفع فيها 50 مليون دولار علشان واحده ست ... حيحس بحاجه من الي انتو بتقولوها ...


خبر مكذوب و غير صحيح بالمره :
امر رئيس الوزراء بعد الرجوع الي رئيس الجمهوريه في قرار جمهوري رقم 1/2382009 بالتعاون مع الوزارات المسئوله انه سيتم فرض ضرائب تصل الي 70 % من الارباح ليتم صرفها علي المحتاجين من ابناء الوطن الغالي تحقيقاً لمبادئ التكافل الاجتماعي.

Saturday, 15 August 2009

بنك اسلامي بالكامل جديد في مصر

أحمل اليوم لكم بشرى سارة و اعتقد ان العنوان فاح بها . بنك التنميه الوطني الذي كان لديه فروع اسلاميه و اخري غير اسلاميه قد اعلن لجمهور عملائه بتحويل جميع فروعه ( 70 فرع ) الي فروع اسلاميه تتعامل بالشريعه الاسلاميه فقط و ذلك عقب بيعه لمصرف ابو ظبي الاسلامي .

نقطتين علي الهامش :
1- لو كنت حاطط فلوسك في فرع بنك مش اسلامي مثلا زي بنك مصر فعايز اقولك ان الارباح السنادي كانت في بنك التنميه الوطني 3.4 في الست شهور و بنك مصر الي مش اسلامي 3.0 فقط . يعني لو بتبص علي الفايده بس يبقي هناك احسن و لو بتبص علي حلال و حرام برضو هناك (بنك التنميه ).

2-ناس كتير عارفه ان بنك فيصل تقريباً هو البنك الي كان وحيد اسلامي في مصر (لغايه قبل الخبر دا) . بس مش بتحط فيه فلوسهم علشان بيقولوا خدمته ضعيفه و فروعه قليله و كدا .... اعتقد ان مش حيكون ليك حجه بعد خبر البنك لان فروعه و خدمته جيده و هو بيوعد الناس بزياده عدد الفروع علي اول العام القادم.

Thursday, 6 August 2009

رجاء : اليوم

في شعبان ربنا بيغفر لكل الناس الا المشرك و المشاحن بالله عليك أسألك العفو و السماح عن أي شئ قد فعلته بقصد أو دون قصد من ظلم أو إساءه أو اذى أو غيبه أو حتي مزاحا ساخراً و أشهد الله أني قد عفوت عن كل ما صدر من أي أحد في حقي

Saturday, 13 June 2009

من احنا بنكرة اسرائيل الي احنا بنحب اسرائيل


من احنا بنكرة اسرائيل الي احنا بنحب اسرائيل
حركة صايعه و ضربه معلم...
من حوالي سته شهور ايام مجزرة غزة كان فيه جروب علي الفيس بوك اسمه احنا بنكرة اسرائيل
WE HATE ISRAEL
و طبعا تعاطفا مع غزة الواحد كان بيحاول يعبر عن رأي
ه بكل الطرق المشروعه الي كان منها انه اشترك في جروب زي دا ...
جروب كل هد
فه اعلان كرهنا لاسرائيل ادام العالم و الي بتعمله ....
اعتقد لغايه هن
ا عادي ... و لكن الغريب جداً اني لسه جايالي رساله علي بريدي من الجروب دا بيقول اننا غيرنا اسم الجروب الي احنا بنكرة اسرائيل .. و شالو كل ال WALLs الي الناس كانو كاتبينها و ال admin اتغيرو لناس تانيه و شالو كل الصورة الي كانت محطوطه في الجروب عن حرب اسرائيل ....
يعني دلوقت بعد ما كان الجروب فيه عدد من الناس الي بيكرهو اسرائيل من كل العالم ... بقو بيحبو اسرائيل و الجروب يشهد :$ ....
الي مش عارفو هل هما عملو Hack علي الجروب ولا هما الي عمله اساسا ناس اسرائلين لما وصل عدد الجروب لعدد معين غيره اسمه ...
دا لينك الجروب
http://www.facebook.com/group.php?gid=2966974121
و دي نسخه من الايميل الي جالي

و دي دعوه مني اننا ندخل في جروب تاني بنفس الاسم و لكن عدد الي فيه اكتر .. اكتر من خمسه و خمسين الف واحد
http://www.facebook.com/group.php?gid=44014476336


Saturday, 6 June 2009

حدود العلاقه بين المخطوبين و بعض أحكامها


امبارح كنت قاعد مع بعض اصدقائي و من ضمن الحوارات الي دارت بينا امبارح حوار حدود العلاقه بين الولد و البنت المخطوبين يعني في فترة الخطوبه و ان ناس كتير من المخطوبين بيزور بعض كل اسبوع و بيتكلمو مع بعض علي الموبيل يوميا و الحوار بيكون احيانا فيه بعض الكلام زي حبيبي الي مكناش عارفين حكمه في الشرع بالظبط ايه!!! و ما الي ذلك...و امتي اقول انا كدا عديت الخط الاحمر بتاعي الي الشرع حطهولي ...

من ضمن الاراء الي كانت موجوده صديق ليا بيقول انا بقول ادام الناس كلها انها حتبقي مراتي ومش بعمل حاجه من ورا أهلها يعني عادي انا مش بقول لواحده غريبه الكلام دا ....

المهم علشان مطولش عليكو... انا حقول الكلام الي لقيته في موقع الاسلام سؤال و جواب في ركن الخطبه من فقه الاسرة علي شكل نقط لاني مش شيخ و مش اهل للفتوى ولا فقيه في الدين و حسيب الينكات او الروابط الي قريت فيها في الاخر علشان لو في حد عايز يقرأ بستفاضه شويه.

اول نقطه ان نظرة الشرع في المخطوبه للخاطب هي نظرة المرأة الاجنبيه للرجل العادي ... الفرق الوحيد انو حجزها او بمعني تاني محدش ينفع يتقدم لخطبتها طول ما هي مخطوبه لحد تاني .

تاني نقطه :فيه حدود للكلام مينفعش حد يعديها و يقول عادي ما هي خطيبتي ادام الناس و ان شاء الله حتبقي مراتي ... عايز تشيل الحدود في الكلام لازم تكون كتبت كتابك عليها ..اماالخطبه في الشرع بتترك حدود للكلام و هي

1- أن يكون بموافقة وليها وعدم ممانعته للزواج يعني لو ما راضي يبقي مينفعش.
2- أن لا يكون في الحديث ما يثير الشهوة أو يوقع في الفتنة .
3- أن لا يجد طريقاً آخر يبلغها عبره بما يريده كأخته أو أخيها أو رسالة .
4- أن لا يزيد عن الحاجة .

و رأي الشيخ صالح الفوزان حفظه الله : " مكالمة الخطيب لخطيبته عبر الهاتف لا بأس به ؛ إذا كان بعد الاستجابة له ، وكان الكلام من أجل المفاهمة ، وبقدر الحاجة ، وليس فيه فتنة ، وكون ذلك عن طريق وليها أتم وأبعد عن الريبة ".. من امثله الكلام دا مثلا الاطمئنان علي الوالد لو كان مثلا في وعكه صحيه او الحديث للاتفاق علي امور الزواج.

تالت نقطه لا يجوز وجود كلام يشوبه الغزل بين الاتنين لانها مازالت مرأة أجنبيه بالنسبه له.

رابع نقطه لا حرج في الهدايا سواء كان ورد او اي حاجه تانيه يعني مفيش مشاكل في النقطه دي .

خامس نقطه هي بعيده شويه و هي حكم الدبله...كلنا عارفين ان سنه عن الرسول لبس خاتم مش دبله ... و الشيوخ مش بيستحبوا الدبله حتي لا يعتقد فيها الانسان اعتقادات النصارى و القدامى من انها رابطه قويه للزوجين... علشان كدا لو الواحد حيلبسها و مش بيعتقد في الدبله الاعتقادات دي حيبقي مكروه بس مش حرام....

اخيرا المصارد :
فقه الاسره/الخطبه
http://islamqa.com/ar/cat/348&pp=200

حكم الحديث مع الخطيبة بالهاتف
http://www.islam-qa.com/ar/ref/13704

هل يجوز مراسلة المخطوبة عبر البريد الإلكتروني ؟
http://www.islam-qa.com/ar/ref/36807

إهداء الهدايا والقصائد الغزلية للمخطوبة
http://www.islam-qa.com/ar/ref/113837

حكم لبس دبلة الخطوبة من غير اعتقاد فيها
http://www.islam-qa.com/ar/ref/113758

Monday, 1 June 2009

الوظيفة عبودية القرن العشرين

" الوظيفة عبودية القرن العشرين"


مقال أكثر من رائع !!!!!


الرافعي رحمه الله



يسكن دبي منذ أكثر من عام إلا أن شقته الجميلة التي تطل على البحر لا تحوي غير سرير صغير (مؤقت) فقط في الغرفة التي ينام فيها ، وهي الغرفة الوحيدة التي يعرفها ، أما
باقي البيت فلم يجد الوقت الكافي لاستكشافه بعد ..
عندما سألته عن سبب ذلك قال لي إنه لم يستطع أن يتفق مع شركة الأثاث - الذي دفع قيمته قبل أكثر من عام - على وقت مناسب ليوصلوا له الأثاث إلى البيت ، فعمله يفرض عليه أن يكون متواجداً فيه طوال النهار... وطوال الليل أحياناً .

أمثاله كثر ممن يظنون أن العمل الشاق والمنهك هو وسام يعلقه الموظف على صدره ، أو ميدالية ذهبية يفوز بها الموظف الذي لا يعلم أنه يعيش تماماً مثلما كان العبيد يعيشون أيام الفراعنة ...



فعلى الرغم من
أن كل من شارك في بناء الأهرامات كان يجب عليه أن يشعر بالعز والفخر لأنه كان يبني أعظم بناء في تاريخ البشرية إلا أنه في كل الحالات كان يعلم أنه عبد ليس إلا .

كلما عدت من العمل متأخراً - لأنني أحد هؤلاء العبيد أيضاً - يقول لي ابني سعيد : "بابا لا تذهب إلى المكتب مرة أخرى"
وكلما أتذكر كلماته وأنا في عملي أوقن أنني أغتال أجمل أيام عمري وعمره معاً
.
يقضي الموظف منا معظم حياته في الوظيفة إلا أن ذلك قلّما يؤثر إيجاباً على حياته ...


فما هي حقيقة العمل ؟
والأهم من ذلك ما هي حقيقة الحياة ؟


معظم الذين يعيشون الوظيفة يشربون قهوة سوداء (دون سكر) كل صباح ،
ليس لأنهم مرضى بالسكري بل لأنهم يعلمون أنهم سيصابون به حتماً في يوم ما ...
يشربونها سوداء لينعشوا ذاكرتهم التي خانتهم عندما حاولوا أن يتذكروا من هم أو بالأحرى ما هم ..
يفتخرون بأنهم يتحدثون الإنجليزية .. والإنجليزية فقط ، وإذا استرقت النظر إلى ملاحظاتهم التي يدوّنونها خلال الاجتماعات الطويلة تجدها بالإنجليزية أيضاً ، حالهم في ذلك حال الغراب الذي حاول أن يقلد مشية العصفور فلم
يفلح ، وعندما أراد أن يعود غراباً لم يفلح أيضاً ..

عندما دخلت التكنولوجيا حياة الإنسان تفاءل الجميع بها وراهن الخبراء أنها ستكون الأداة التي تنقل الإنسان من الشقاء إلى السعادة ، وأن كل شيء سيكون ممك ناً (بضغطة زر ) ..
إلا أن أحداً لم يتوقع أن تسيطر هذه الأزرار على حياتنا وعلى موتنا أيضاً ..
أصبح الموظف الناجح محكوماً عليه بحمل أجهزة الاتصال المباشر بالبريد
الإلكتروني ( Black Berry )..
وإذا ما سافر فإنه مجبر (اختيارياً) على التأكد من أن غرفته بها خط للاتصال بالإنترنت ، بل إن البعض لا يسافر على طائرة إلا إذا كان بها اتصال بالإنترنت ..
ومن ملامح هؤلاء أنهم يجلسون في مكاتبهم حتى بعد
انتهاء الوقت الرسمي للعمل لا لشيء إلا لأنهم يشعرون أنه ليس هناك مكان آخر يذهبون إليه ، ولو استطاعوا لاستأجروا غرفاً مجاورة تماماً لمكاتبهم حتى لا يفارقوها يوماً..
عانيت قبل فترة من اختلال في ضغط الدم ، فكان يهبط فجأة ومن ثم يعود للصعود المفاجئ تماماً كسوق الأسهم إلا أنني كنت أخسر في كلتا الحالتين ..
فعند الهبوط كنت أشعر بأن روحي تخرج من جسدي وعند الارتفاع كان جسدي يرتعش وكأن أحداً قد أوصله بتيار الكهرباء..
ركبت الريح على الفور وتوجهت إلى سنغافورة للعلاج - تأكدت قبل الحجز أن غرفة الفندق بها خط إنترنت - وبعد الفحوصات قال لي الطبيب إن جسمي سليم وليس به شيء ومشكلتي هي في عملي وقال أيضاً :


"إذا كنت تعمل لكي تعيش فاعلم أنك تعمل لتموت "


ونصحني بقراءة بعض الكتب المتعلقة بإدارة ضغوطات العمل ..

لكل منا أسبابه الخاصة
التي تدفعه إلى الاستماتة في العمل ، و في دراسة قام بها مركز دراسات "موازنة الحياة مع العمل" الأمريكي تبين أن هناك خمسة أسباب لذلك :

أولها : أن يكون لدى الإنسان تحدٍ في عمله يريد أن يتغلب عليه .

وثانيها : أن يكون عمله مصدر إلهامه وحماسه في الحياة .
وثالثها : أن تكون العوائد المادية من عمله عالية جداً أو مرضية
..
ورابعها : أن يحب الموظف زملاءه حباً جماً لدرجة أنه لا يستطيع أن يفارقهم ساعة .
وآخرها : هو تحقيق الموظف لذاته من خلال إنجازه لمسؤوليات العمل
..

وأياً كانت هذه الأسباب فإنها تؤدي إلى (اشتراكية الوظيفة) أي إشراك الحياة في الوظيفة وسيطرة الأخيرة على جميع جوانب الإنسان .


إن الهدف الحقيقي من الحياة - في رأيي - هو السعادة ..


فحتى عبادتنا لله سبحانه وتعالى تنبع من شعورنا بالرضى النفسي تجاه أنفسنا عندما نقوم بذلك ، فنحن نعبده لندخل الجنة وبالتالي لتحقيق السعادة ، ونؤدي فرائضه لنشعر بالطمأنينة والراحة النفسية ولنعقد سلاماً داخلياً مع نفوسنا.. أي لنحقق السعادة .
وإذا كان كل شيء نقوم به في حياتنا هدفه تحقيق السعادة فلماذا إذن نستميت في أعمالنا التي (يخيّل) لنا أنها ستسعدنا في يوم ما وهي تزيدنا شقاءً يوماً بعد يوم؟


كلما أتذكر هذه الحقيقة أقول في نفسي :
"سأجلس مع أبنائي وأتفرغ لهم أكثر عندما أحصل على ترقية" وها أنا حصلت على مجموعة من الترقيات ولم يزدني هذا إلا بعداً عن أسرتي وعائلتي... وعن نفسي أيضاً فبت لا أعرف من أنا ولا ما أريد أن أحققه في حياتي القصيرة .


قبل عدة سنوات قامت شركة IBM بتخصيص مبلغ 50 مليون دولار لطرح برامج توازن بين حياة الموظف وبين وظيفته، وكان أحد هذه البرامج هو العمل بالإنجاز أو مؤشرات الأداء وليس بالحضور إلى مكاتب المؤسسة ، فلا
يهم المؤسسة إن كان الموظف على مكتبه في الوقت المحدد أم لا وكل ما يهمها هو أن ينجز عمله في الوقت المحدد حتى أصبح أكثر من 40% من موظفي IBM يعملون اليوم خارج مكاتب الشركة ، سواءً من منازلهم أو من مقاهي الإنترنت أو أي مكان في الدنيا .
أما شركة American Century Investments فلقد خصصت ميزانية لشراء أدوات للرياضة المنزلية لكل موظف - دون استثناء - ليستطيع الموظف أن يحافظ على لياقته البدنية
وبالتالي يعيش بصحة جيدة ، وكلتا هاتين الشركتين تقولان إن إنتاجيتهما ارتفعت بعد تطبيق هذه البرامج التي تسعى لطرح توازن بين حياة الموظف وبين وظيفته .

إذا كنت ممن يطيلون الجلوس في مكاتبهم بعد العمل فأنت عبد جديد ..
وإذا كنت حين تضع رأسك على وسادتك تفكر بأحداث يومك في العمل فأنت
عبد جديد ..
وإذا كان أعز أصدقائك هو أحد زملائك في العمل فأنت لا شك عبد جديد..


الفرق بين العبيد الجدد والعبيد القدماء


أن القدماء كانوا مرغمين على طاعة أسيادهم وتنفيذ أوامرهم ..

أما العبيد الجدد فإنهم يظنون أنهم مرغمون على تنفيذ أوامر أسيادهم (مديريهم) إلا أنهم في الواقع ليسوا إلا عبيداً لهذه الفكرة فقط، ..
وهم أيضاً عبيد
لأوهامهم التي تقول لهم إنهم سيكونون يوماً ما عبيداً أفضل !!!

Sunday, 31 May 2009

هل تحب أمك ..؟؟

منقول من ايميلي الشخصي :)

هل تحب أمك ..؟؟
كيف تعامل الأم

أذا أنت تحب أمك.. أقرأ

ها
ما الأجمل من هذا كله... ؟؟


من الجميل أن يكون لديك مرسيدس جديدة ومن الرائع أن تكون لديك فيلا


عظيمة وزوجة جميلة وأموال لا حصر لها ولكن


الأجمل من هذه كله أن تكون لديك أم

تقبلها كل صباح فتقول : الله يرضى عليك ياولدي ..


يخجل الكثير من الأبناء من أمهاتهم ويحسون


بالخزي وهم يمشون معها إو يأخذونها إلى


مكان ما وعلى العكس تماما تفتخر الأم عندما


يأخذها ولدها إلى السوق أو إلى بيت أحد



الأقارب ..... فعلا ما أروع الأمهات وما أقسى



الأبناء

...




قبل أن تزوج ابنتك لأحد الشباب المتقدمين


لطلب يدها لا تسأل عن أخلاقه ودينه وأصله


وماله ووظيفته فقط .. ولا تنسى سؤالا مهما


هو : كيف يعامل الولد أمه وأبوه ؟ !



كل واحد يفكر في إرسال هدية لزوجته أو


لصديق عزيز الله يخلي المصلحة ولكن هل يفكر


أحدنا بمفاجأة أمه بهدية ؟ !


ربما لا تعرف حجم الحب الذي يكنه قلب


أمك لك ولكن عندما تتزوج وتنجب الأبناء


ستعرف مقدار الحب الذي يكنه الآباء لأبنائهم


وإذا لم تحس بعد ذلك بمقدار الحب الذي أحدثك عنه الآن



فتأكد يا عزيزي بأن قلبك هو مجرد صخرة صماء !



في الحقيقه هذه ام ولقد ماتت بين يدي ولدها



ولكــــــــن لحظــــــــــــه



كما ترون لم ولن ينسيها شيء حتى عند الاحتضار ان تمسح تلك الدمعه على خد حبيبها



لتسطر على وجه التاريخ قصه حب حقيقيه ولو بيدها ان تبتلعتها الارض ولم يرها ولدها



في ذلك الموقف



رفعت كفها وكأنها تقول انت المهم انت



ابني من سيرعاك ويهتم بك من سيستمع لهمومك هذه الليله من سطبخ لك ماتحب وتتشرط فيه اين ستغسل ملابسك



وداعـــــــــــــــــا يازينة الحياه وداعا ....


كل شيء يعوض في هذه الدنيا، زوجتك
ستطلقها وتتزوج من هي أفضل منها ، أبنائك ستنجب غيرهم

أموالك ستجمع غيرها

ولكن أمك




هي الشيء الوحيد الذي إذا ذهب لا يعود أبدا !!



بعض الأبناء يعتقدون أن الأم مجرد خادمة




تطبخ وتنظف وتوقظ في الصباح

ولكن الفرق الوحيد بينها وبين الخادمة

هو أن الخادمة تأخذ راتبا

والأم تعمل ليلا ونهارا وببــــلاش !!


بعض الأبناء


لم يعرفوا قيمة أمهاتهم بعد


كما أنهم لن يعرفوا إلا عندما تأتي زوجة


الأب أو تنتقل روح أمهم إلى عنان السماء !



كم واحد منا يقبل يد أمه
كم واحد منا يقبل رأسها
كم واحد منا يكلمها باحترام وأدب

لو نظر كل واحد منا إلى أسلوب تعامله مع أمه

لوجد نفسه عاقا وجاحدا ومجرما
كم هو حقير هذا الإنسان !





يشهد التاريخ

أن كل من عق أمه
لم يرَ الخير والسعادة في حياته

كما يشهد التاريخ

أن كل من أساء إلى أمه أساء إليه أبنائه بالمثل او زياده



والعكس صحيــــــــــــــح







بعد أن قرأت هذه الكلمات لن تأثم على إهمالها بإذن الله


فإن شئت أرسلها فتؤجر أو أمسكها فتحرم





قال سول الله صلى الله عليه وآله الاطهار:

{
من دعا إلى هدىً، كان له من الأجر مثل أجور

من تبعه لا ينقص ذلك من أجورهم شيئاً،

ومن دعا إلى ضلالةٍ، كان عليه من الإثم مثل آثام من تبعه لا ينقص من آثامهم

شيئاً ! }



اللهم أغفر و أرحم لأم قارئها و ناشرها




Saturday, 25 April 2009

مجلس الوزراء: خطة لجعل مصر من أفضل عشر دول فى العالم فى مجال التعليم

النهارده في مصراوي :مجلس الوزراء: خطة لجعل مصر من أفضل عشر دول فى العالم فى مجال التعليم
و احنا طبعاً المفروض نصدق :)
احنا اساسا مش من احسن خمسميت جامعه
و لكن بقدره الحكومه مش حنكون من احسن خمسميه ولا ربعميه و لا حتي ميه
لا:D:D:D
احسن عشر دول في العالم في مجال التعليم
اللينك علشان لو حد عايز يقراه:)

عموما انا طبعا ضحكت شويه حلوين بس مستغربتش قوي لان كان في خبر تاني نازل من فترة و كتبت عنه 
خمسين مليون دولار تكلفة مشروع الجامعة العربية لتربية السلاحف
و دا اللينك بتاعو