التخطي إلى المحتوى الرئيسي

حتي الدعاء اتغير!!!!!!!


و انا بفكر مع نفسي في الزمن الي كل حاجه فيه اتغيرت ...
البجاحه بيسموها جراءه ...
ازدراء الدين بيسموه وجهه نظر في عصر الحريه ...
التخلف بيسموه خطوه للتقدم ...
الهبل بيسموه ولد/بنت استايل ...
حتي سلوك الناس و طباعهم اتغيرت .... و لقيت نفسي بصفتي واحد من الناس ...انا كمان بتغير... حاجات بمزاجي و حاجات غصب عني ....
حتي علاقاتي مع البشر اتغيرت ...
موضوعي النهارده في ان حتي الدعاء بتاعي من غير ما اخد بالي بيتغير!!!!!

حتكلم عن موقفين متشابهين مش فارق فيهم الا حاجه واحده ...الاتنين متفقين في المكان ... واحده ماشيه في الشارع او في محل او اي حته عاديه اما الاختلاف ففي التوقيت ... واحده الايام دي و واحده زمان (بس مش زمان قوي ولا حاجه ...يا دوب كام سنه لورا) .

# الموقف الاولاني (من كام سنه فاتو)
كان نسبه البنات الكويسين الي لابسين زي او لبس اسلامي صح او قريب من الصح و محترمين اللبس الي هما لابسينه الي بيمثل اغلي حاجه في حياتهم (سيماههم في وجوههم ... ) اكبر بكتير من نسبه النبات التانيه .... مش عارف اقول عليهم ايه !!!! مخوخه ... هشه ... (مثلا ... ليس من سبيل الحصر لابسه حجاب من فوق و جيب او بنطلون قصير من تحت !!!ايه علاقه دا بدا الله اعلم ) ....
فكنت لما امشي في الشارع و اشوف حد من الفئه المخوخه التانيه ... و بصفتهم الفئه القليله الملفته للنظر ....
كنت بدعيلهم في سري ... و انا ماشي ... اهو بتسلي في طريقي ...بقول "يا رب اهديهم و عقلهم و استرهم...... "

#
: اليومين دول
بقى حضرتك العكس .... الي بيلفت نظر الواحد ان الفئه الاولي ( الي سيماهم علي وجوههم ) ....
و بصفتهم الفئه القليله الملفته للنظر .... بقيت بدعيلهم في سري ... و انا ماشي ... اهو بتسلي في طريقي ...بقول "يا رب ثبتها ... يا مقلب القلوب ثبت قلبها علي دينك ..... " !!!!!!!!!!!!!!

و عجبي ...

تعليقات

انت عسل بجد يا أحمد نفسيتك هادئة جدا ربنا يثبتك يا أخي
‏قال هوندا
أنا فعلا بمشى فى الجامعه اتأمل بصراحة مرارتى بتتفقع وبزعل على البنات جداا جداا وبزعل ان كم الاسر الى سايبه بناتها كتير كده وبدعيلهم ربنا يهديهم
‏قال Mohamed Gamal El-Din
mafesh ya 3essawy da3wa keda lel shabab el 3'alaba ele byt3akso men el banat el yomen dol :D ..

Nice Post ya Mr ;)
‏قال An Author
غرباء
بدأ الاسلام غريبا و سيعود غريبا و احنا دلوقتى بقينا فى زمن الغربة :(
ربنا يثبتنا جميعا
‏قال memo2008
ممكن أشارك في الوضوع أنا فعلا لمن زرت مصر استغربت البنات متحجبات ولبسين قصير
ربنا يهديهم
from KSA
‏قال Ahmed Said
انا حابب اعرض وجهة نظري في الموضوع فقط

معاك حق كل يوم بيزداد سوء عن اليوم اللي قبله وحال الشباب المسلم للأسف في تدهور مستمر

انا رأيي ان السبب الرئيسي في ظهور البنات بدون حجاب او حجاب نص كم زي ما بيقولوا والاختلاط البشع اللي حاصل الايام ديه هو عدم متابعة الاهل ليهم وتربيتهم التربية الصحيحة من الصغر
لو أولياء الأمور اهتموا ببناتهم من صغرهم وحاولوا تنشئتهم بطريقة صحيحة واقناعهم بالحجاب وما يمثله لها من فوائد كثيرة وزرعوا فيهم حب الاسلام والاقتداء بأمهات المؤمنين
كان الحال اتغير ونفس النظام للأولاد ايضا لكن الأهل بيسيبوا التليفزيون يربي اولادهم الايام ديه وللأسف انا سمعت ان فيه ناس بتجبر بناتها علي ترك الحجاب او التقيد بمظهر معين ظنا منهم انهم كده هيسرعوا جواز البنت وهما كده ميعرفوش انهم بيعملوا العكس

إلا لو فيه واحد مش مظبوط عايز كده ديه حاجة تانية

وفي ايضا ظاهرة انا لاحظتها ان البنت ممكن تكون محجبة او لابسه اسدال او منقبه في بعض الاحيان وبتعمل تصرفات الواحد بيستحي والله لما يشوفها الا ما رحم ربي
انا السؤال اللي بيدور في ذهني فعلا لما بشوف حاجة زي كده هيه انت ليه لابسه الحجاب؟؟ اكيد فيه سبب..هل هوه موضة مثلا؟؟ الله أعلم

يعني حتي مقياس ان البنت كويسة ولا لا مبقاش بالحجاب او بالمظهر نهائي يعني ممكن تلاقي واحدة منقبة وتصرفاتها سيئة وواحدة تانية لابسه حجاب عادي وقمة في الادب والاحترام
طبعا انا مش بجمع علي الكل فيه ناس كويسه جدا الي الأن ولكن بقوا فئه قليله في هذا الزمان للأسف ...ربنا يثبتهم ويهدي البقية فعلاااا

انا اتذكر ان انا نزلت الجامعة من كام اسبوع لقيت منظر الشباب والبنات في حال يرثي له فعلا والله قلت في نفسي كل ده شباب وبنات تافهين ولا حول ولا قوة الا بالله
وكان كل همي ساعتها اني أخلص واخرج من الجامعة لأني قرفت من المناظر اللي شفتها هناك.........
وازدادت صدمتي اكثر واكثر لما نزلت سوق العمل وشفت التعامل بين الشباب والبنات وكأنك لغيت حاجة اسمها ضوابط شرعية في التعامل وكله بقي سايح في بعضه حسيت ساعتها اني شخص غريب لا ينتمي الي هذا العالم واكدلي احساسي احدي الزميلات في العمل ربنا يهديها لما قالتلي "انت ليه مش عامل زي باقي الشباب مش بتخطلت بالناس" كأن الباقي صح وانا اللي غلط ولا حول ولا قوة الا بالله
انا طبعا لا ادعي الكمال لأن الكمال لله سبحانه وتعالي ولا ان انا كويس وصح والباقي خطأ نحن جميعنا بشر نصيب ونخطئ ونطلب الهداية والمغفرة من الله سبحانه وتعالي ولكن انا اقصد ان كل واحد المفروض يحاول يجاهد نفسه علي قد ما يقدر ويفكر بعقله قبل اتخاذ اي تصرف

اما موضوع انك تدعيلهم لما تشوفهم علي خطأ ديه حاجة جميلة جدا ولكن انا رأيي ان الدعاء لا يأتي علي سبيل التسلية زي ما انت قلت اذا كنت تتحري اجابة الدعاء فعلا من الله عز وجل
لأن الدعاء ليه ضوابط واداب يجب ان نتحلي بها وليس للتسلية
بعدين انا عايز أأكدعلي حاجة مهمة ان المفروض الانسان يصلح من نفسه الاول ويجاهد نفسه سواء الولد او البنت ويحاول يكون قدوة حسنة للناس في مجتمعه او البيئة المحيطة بيه
وطبعا لا غني عن النصيحة ايضاا اذا امكن
لقوله-صلى الله عليه وسلم- إذا رأى أحدكم منكرا فليغيره بيده، فإن لم يستطع فبلسانه، فإن لم يستطع فبقلبه، وذلك أضعف الإيمان
الموضوع كبير وفيه كلام كتيير ولو قعدت أتكلم مش هنخلص سيبنا من الكلام الكتيير عايزين نشوف حاجة بتحصل بقي
‏قال Ahmed Essawy
@عصفور المدينه
يا رب يثبتنا جميعاًً

الام و امال@
:D

@هوندا
زي ما قالت الاخت الجيداء
بدأ الاسلام غريبا و سيعود غريبا

@محمد جمال
لا فيه طبعاً...بس اعمل زيهم الاول
:P
لا بجد اكيد بدعي لنفسي و للشباب كمان ...الي انا واحد منهم ..

الي الجيداء
و
memo2008
اولا :ربنا يثبتنا جميعا
ثانيا : شكرا للزياره

المشاركات الشائعة من هذه المدونة

خطوات تصب في طريق النجاح

ما من فرد منا في هذه الفترة يبحث عن عمل الا وسيبدأ مع اي شركه في اي مجال بالمقابله الشخصيه التي هي أولي الخطوات لتقديم و لتقييم الفرد المرشح . المقابله الشخصيه اختبار ذات جوانت متعدده .... مثلها مثل اي شئ في هذه الدينا .... اختبار و كل اختبار له عدده خطوات تصب في طريق النجاح ... اردت اليوم ان الخص بعض هذه الخطوات من خلال ما قرأته من مواقع متعدده هنا لتعم الفائده علماً بأن هذه المواقع مشار اليها في نهايه المقال . المرحله الاولي - التحضير : هي تلك المرحله ما قبل المقابله نفسها . تسمي في بعض الاحيان بالواجب المنزلي . كل ما عليك في هذه المرحله ان تراجع معلوماتك فغالبا انت معرض لاختبار (تقني technical و ذكاءIQ و شخصي peronal test ) . حاول ان تجلب معلومات عن الشركه... عنوانها ... مجالها .... فروعها ... الاشخاص الذي سوف تقوم بمقابلتهم في المقابله الشخصيه (يمكنك ذلك من خلال موقع الشركه علي الانترنت او من خلال اصدقائك و من حولك ) هذه المعلومات سوف تدعمك وقت المقابله مع الشركه . جهز صورة شخصيه و السيرة الذاتيه فأحياناً كثيرة تحتاج الشركه لها . حرصك علي هذه الاشياء الصغير سيعطي فرصه للشركه لكي

أجمل ما قيل في الاخوة في الله

للامانه لست أنا صاحب هذه المقاله انما جاءتني كأيميل يتناقله الناس بدون صاحب :) قال تعالي :  (إنما المؤمنون إخوة) الحجرات ايه 10 . وقال صلي الله عليه وسلم (المسلم اخو المسلم لا يظلمه ولا يسلمه). وقال ايضا (لا يؤمن احدكم حتي يحب لأخيه ما يحب لنفسه) قال الامام احمد بن حنبل ""إن لنا أُناس لا نراهم إلا في كل عام مرة نحن أوثق بمودتهم ممن نراهم كل يوم"" قال عمر رضي الله عنه في مجلس المهاجرين و الانصار (( أرأيتم لو ترخصت في بعض الأمور ماذا كنتم فاعلين!! فكرر فلم يجيبوه )) فقال البشر بن معاذ: لو فعلت قومناك تقويم القدح ( السهم الذي يرمي به عن القوس) قال: عمر:أنتم إذن !أنتم إذن. ثمرات المحبة  قال تعالي في حديث قدسي:  (وجبت محبتي : للمتحابين فيَّ ، و المتجالسين فيَّ ، و المتزاورين فيَّ ، و المتباذلين فيَّ). قال رسول الله صلي الله عليه و سلم (الله في عون العبد ما كان العبد في عون أخيه). قال رسول الله صلي الله عليه و سلم يا أيها الناس ! اسمعوا ، واعقلوا ، واعلموا أن لله عز وجل عبادا ليسوا بأنبياء ولا شهداء ، يغبطهم النبيون والشهداء على منازلهم وقربهم

حل مشكله عدم الاضاءه او السطوع عند ترقية لينوفو لابتوب الي ويندوز 10

اتبع الخطوات بالاسف اذا واجهت مشكله في سطوع الشاشه بعد ترقية لابتوب لينوفو Z500 الي ويندوز 10 lenovo z500 touch brightness not working after windows 10 update 1:-   Win + R 2:-   Type in 'regedit' 3:-   Press F3 to bring out the find menu. 4:-   Type in 'FeatureTestControl' And Click On 'Find Next' 5:-   Once Found 'Right Click' on it and select 'Modify' 6:-   Replace the Original Value By'ffff' 7:-   Save It And Restart The System 8:-   Problem Solved