Saturday, 24 February 2007

اعذب الاصوات لصغار القراء

بسم الله الرحمن الرحيم.

النهارده بقي جايبلكم هديه جامده جداً :) .
حاجه تفرح القلب و تهدئ روع النفوس و تبث الامل في الحياه نحو الافضل و الأنقى.
أصوات للقران الكريم :) ما شاء الله عليهم .الواحد احتار فيهم دول اطفال ولا ملايكه من عند الرحمن .

الله يحفظهم ويثبتهم ويبارك فيهم .
و هذا ان دل فلا يدل الا على قدرة الخالق سبحانه و تعالي . نعم فالقران الكريم هو الكتاب الوحيد الذي يحفظه البشر عن ظهر قلب. كتاب تجاوز الستمائه صفحه محفوظ في ع
قول و قلوب البشر .
و انتهز فرصه كتابه هذه المقاله لاقول باعلى صوتي ام
ام الجميع و
ليشهد علي الزمان مهما عظمت مكائد الالكائدين و حقد الحاقدين لن تستطيعوا ان تنالو من المصحف الشريف ولا اجد شيئا اقوله الا ما قال الله في كتابه العظيم .
))انا نحن نزلنا الذكر وانا له لحافظون)) [الحجر : 9]
انا مش عارف اقول عليهم ايه لان دول مش اطفال :) .

الشبل الاول = تركي الجنسيه =

الشبل التاني : اسمه : حسن عبدالله عوض .. من طلاب مركز الإيمان المسائي.. بمدينة جدة .. ماشاء الله.. المقطع هذا كان من حفل مركز الإيمان لعام 1426 ..و والده خطيب وإمام مسجد الإيمان وصاحب صوت شجي أيضا ..

للاستماع :

http://www.youtube.com/watch?v=f0ljuFS_EgU

الشبل الثالث : طارق عبد الله المحيسني

سورة القلم

http://www.4shared.com/file/11204909/8f803c28/___-_.html

سورة الحديد

http://www.4shared.com/file/11205251/48c5c8db/_____.html

الشبل الرابع : حافظ يس

سورة الحشر

http://www.youtube.com/watch?v=wUNmA8lgMIA

الشبل الخامس –احمد سعود-: من السعوديه

الاحزاب الجزء الاول :

http://www.4shared.com/file/11209125/48799be4/Ahmed-saoud_1_2_.html

الاحزاب الجزء الثاني :

http://www.4shared.com/file/11209117/8d5aa90b/Ahmed-saoud_2_2_.html

الشبل العسووول : معرفش اسمو بس هو ايطالي
http://www.youtube.com/watch?v=rRvxNL2wDuA


=======================
ولا تنسونا من صالح الدعاء :)
=======================



Tuesday, 20 February 2007

الي رجال العالم


بكيبورد : أحمد عيسوي

الي آنسات العالم...--الجزء الاول

الي آنسات العالم...--الجزء التاني

منذ بضعه اسابيع كتبت مقاله او حقائق لتكون صوت للحق في وجه كل مبرمج يدعي انه عاقل و راسي و مسمسم و ووقور و الكلام الحلو ده و قولت انه في نفس الوقت هو تحذير حقيقي لكل واحده عايزه ترتبط في المستقبل

ببشمهندس برمجه او كما قيل في روايه اخري بشمبرمج .

صورة لمبرمجه عندها 25 سنه :) لها من الاولاد اتنان و لكن للاسف انفصلت عن زوجها حديثا لانها لا تري فيه الالفه التي تجدها في الحاسب و تتهمه بالتقصير في حقوقه لها فهو يعطلها دائما عن الجلوس علي الحاسب و تري علتها في ذلك وفاء للجهاز الذي يتفهمها و يسعدها اكثر منه كلما لجأت له. اما عن السبب الرئيسي في الانفصال الذي تري فيه قرار لا ندم فيه انه استخدم الجهاز بقسوه في احد المرات (دي هزار :) ) .

بس خلاص لا داعي للقلق . فأنا ظلمتكم يا رجاله و افتكرت اننا بس الي بنتجنن و نيحصلنا الحاجات الغريبه دي .و كنت بحذر انسات العالم من الحاجات المجنونه الي بتحصل لرجال المبرمجين و احلامهم الغريبه ظناً مني بأن الانسات المبرمجات اصحاء و مش بيحصلهم حاجه من الكلام دا .

و لكن ابلغكم ايها الرجال في كل مكان ان هما طلعو اكتر منكم .و في حاجه يرثي لها .
الحاجات دي بجد مش هزار :) .

الدليل الاول :
واحده باين عليها عاقله كانت بتكلم نفسها بالليل قصدي بتكلم الزراير علشان مش راضيه تتلون زي ما هي عايزة لغايه ما اختها الي نايمه جنبها صحتها من الهبل الي هي فيه .

الدليل التاني :
واحده بتقول انها كانت مربوطه في ساقيه و قاعده تلف ظننا منها انها كده شغاله في
Loop

و انها حلت المشكله كده .

الدليل الثالث :
واحده بقي الله يكون في عونها اتحكالي عنها بس مشوفتهاش . بتقول انها حلمت ايام ال
DriectX

بأنها مش عارفه تعمل

Load Mesh

و طول الحلم بتحاول تتقلب علشان الاخ ده يشتغل و مش عارفه و في الاخر صحيت بتعبط بجد بالدموع .

الدليل الرابع :
واحده بتقول انها
message
وعندها مشكلة ال livelock
وطول الحلم بيلف ف ال network
وصحيت من النوم وهي لسه ماوصبش لل destination

الدليل الخامس:
واحده بيدلي بأعترافات انها لا تثق في احد الا في الجهاز و اذا ذهب للاصلاح تري فيه احد افراد العائله الذي ذهب للعلاج و مش عارفه هي كده مجنونه كمبيوتر ولا لا .

الحمد لله الذي عافانا مما ابتلي بيه كثير من الناس .

:D:D

الضحايا و المثبوت عليه التهم بعترافات شخصيه :
+ انا خايف اكتب اسم حد لحسن الناس تشاور عليها في الكليه و تقول المجنونه اهي ..اهي.. :) .
+ الي علي راسه بطه تحسس عليها :) .


حكمت المحكمه غيابيا علي المتهمين الي عارفين نفسهم بالجنون مدي الحياه مع ايقاف التنفيذ .
طخ طخ طخ
رفعت الجلسه .

تمت...

Friday, 16 February 2007

Have fun ya Windows :D.

When you visit Cairo airport . Sure it will be for traveling , shopping or receipt some one like me :) ,yesterday ,I looked for “Information Screen” to get information about specific trip such estimated arrival time .
Actually that is what I done and this was the result .

"window popup said :
Windows - Virtual Memory Minimum Too Low:
Your system is low on virtual memory. Windows is increasing the size of your virtual memory paging file. During this process, memory requests for some applications may be denied. For more information, see Help..." .

Have fun ya windows .:D:D:D

=====================

got by Essawy's Camera :D

=====================

Monday, 12 February 2007

شويه جد

بسم الله الرحمن الرحيم
ابدأ الكلام بالصلاه علي اشرف الخلق ....صلي الله عليه وسلم .رجاء خاص ...كمل المقاله للاخر ....لان هي مش بتتكلم عن حاجه واحده ...هي بتتكلم عن كذا موضوع جوه بعض بس انا معرفتش افصلهم من بعض ..
طبعا ً الكل عارف ليه الصورة دي ليه هنا ...

ايوه باب المغاربه...القدس الشريف ...أستهانه بالمقدسات وده شئ مش غريب بعد اهانه الرسول و القران و المسلمين و كل حاجه عندنا ....كالعاده مظاهرات في كل العالم المسلم ...استنكار و إدانه ....مطالبات للامم المتحده و منظمه المؤتمر الاسلامي...و غيرها الكثير حتي بابا الاسكندريه اتكلم عن الموقف الحرج دا .

ولكن يا تري ايه كان الرد من حكومه اسرائيل الله يهدها ....مواصله عمليات الحفر بأسرع ما يمكن وسط إجراءات مشدده.مش حتكلم عن الاصابات او الخساير لانها مبقتش بيفرق معانا قوي :( .
السؤال دلوقتي
أحنا حنعمل ايه؟ولا عملنا ايه!!!!!!!!
أنا بقول الكلام دا و بوجه ليا في المقام الاول ...يا رب يكون خالص لوجهك الكريم .
هل الدعاء كفايه ؟
هل ان الواحد يزعل دا كفايه ؟
هل الصلاه كفايه ؟
هل اني ميكونش ليا دعوه دا كفايه ؟
ولا ايه .... انا لما بفكر في الكلام ده برد علي نفسي بحاجات كتير .
في المقام الاول اكيد الالتزام بألي قال عليه ربنا دا مفيهوش نقاش .
و برضو الدعوه بنيه صادقه .
و حاجه تانيه لازم الواحد يبقي قلبو علي غيره ...مينساش اخوانه الي بيتهانو في كل مكان و في كل وقت من غير ما يأثر علي عزيمته في الدنيا ولا اهدافه علشان ميكونش عامل سلبي عليه ....لازم يحول الموقف دا للوضع الايجابي له علي قدر المستطاع مش العكس .
و برضو في حاجه تانيه متوافقه مع الكلام الي فات .كانت المعيده مي جزاها الله خير كانت بتقولها دايما . و هي مأثرة فيا او فاكرها لغايه اليوم . كانت دايما بتقول ملكش دعوه باللي حواليك ...متكونش سلبي ...غير من نفسك ... دايما حتلاقي ناس حقوده في كل مكان ملكش دخل بيهم .......... حاول تكون قدوه لمن حولك .............
حاجه مهمه مهمه مهمه جدا و يمكن عشانها انا كتبت الكلام دا دلوقت .
المقاطعه ثم المقاطعه ثم المقاطعه ....
سلاح قوي بس نستعمله صح ... و نستعمله كلنا ....
#هل تعلم ان خسائر المنتاجات الامريكيه في مصر عشرين في الميه لما كانت المقاطعه شاده حيلها في مصر .
#من امتي كانت شركه بيبسي وكوكاكولا بتعمل الكم الرهيب دا من الاعلانات رغم انهم الشركتين الي مسيطرين علي سوق المياه الغازيه في مصر !!!!!!!!!!!
#ايه الي خلي عاطف عبيد يتصور مع منتاجات مسحوق اريال و ينزل في الجريده اليوميه ؟!!!!!!!!
انا مش حدخل في درس اقتصاد .
اسمعني للاخر ...اولا المقاطعه مش فرض و لكن نوع من انواع الجهاد .
حاجه كده تثبت بيها ادام نفسك انك لسه ماسك علي دينك...
حاجه كده ممكن تحسسك بحاجه لا تذكر من شعور المسلمين الي بيموتو و يستشهدوا كل يوم .
شعور واحد كل اهلو بيموتو ادام عنيه او ام اصبحت ثكلي ...
مش كل حاجه ليها بديل في المقاطعه و انا مش بقولك قاطع كل حاجه ولكن قاطع علي قد ما تقدر .....
بدل ما تحس بضيق لانك مش بتشرب بيبسي مثلا غير ان في بديل ...حاول بدل شعور الضيق بشعور بالفرحه بأنك تحتسبه عند الله خير و حسنات ....ولا الجهاد مش عليه ثواب . ...العمليه عمليه نفسيه و انت بإيدك تحول عمليه المقاطعه لفخر و سعاده و اجر بإذن الله...
حاجه بقي بعيده قوي عن الموضوع .اكدت ليا و الزمتني بالمقاطعه ...
مشهد مر من حوالي اسبوع لم افهمه الا اليوم و انا بين هذه السطور .
تحديداً الموقف دا كان لما كنت في الام دي سي مؤتمر مايكروسوفت و كان فيه انا و معظم اصحابي من الكليه بناخذ صور جماعيه مع المحاضرين العالميين الي جابتهم مايروسوفت ....باترك و استيفن و كذا واحد تاني ..
المهم ستيفن كان مهيس قوي و عمال يهزر معانا...و في نص الهزار سأل مين بيحب جورج بوش..... محدش رفع ايده الا هو .....و سأل بعدها مين بيكرهو...طبعا كلنا رفعنا ادينا ...بس و خلص الموقف علي كده و كملنا تصوير معاه ....
سألت نفسي هو جه هنا ليه ؟؟؟؟؟؟؟
هل علشان سواد عيون مصر .
ولا علشان يدي المحاضرة بتاعتو و ياخد فلوسو و يمشي ..؟؟؟
طبعا ..اكيد التانيه ...امال ليه بقي انا مستغرب انه بيحب بوش الله يحرقه .
قولت لا دا اكيد كان بيهزر والاعلام الامريكي كمان بيقول ان الناس مش يتحب جورج بوش ..
رجعت و قولت طب ازاي و هو من الرئساء القله الي اخدو فترة رئاسيه تانيه في امريكا ؟؟!!!!!!!!!!!
المهم انا مش حعمل تحقيق و اقول يمكن كان قاصد يشوف رد فعلنا علي السؤال حيكون ازاي ؟؟؟؟

الخلاصه :
نبطل انبهار بالكلاب دول .و نبطل نفتكر ان مجبتهمش ولاده ......هو من حقو يحب بلده و يدافع عنها ....
احنا كمان من حقنا نحب بلدنا وندافع عنها و عن اسلامنا في كل مكان و ديننا الي اصلا احنا في الدنيا دي علشانه .
اهو الراجل بيحب بلدو و بيقولها ادام العالم كله..........
احنا بقي ايه الدليل علي حبنا لبلدنا و لديننا .........
و في الاخر يا ريت تفكر في المقاطعه تاني ....
تمت...

Friday, 9 February 2007

The RSS in 5 minutes

Sure you hear or watch this mark or token before -RSS- ?!!
If you are a free for 5 minute .
Read this artical that post by me @ FCI-H (The Developers Ultimate Resource)

Click here =====>The RSS in 5 minutes .

hope to be useful .

Wednesday, 7 February 2007

قطار بيتمشي في الشارع مع السيارات

اعرض عليكم مشهد مكنتش اتخيل اني اشوفو في حياتي قبل كده .
حاجه كده .خلتني احس اني مجنون بجد :)

متضحكش عليا ;) ...

عمرك شوفت قطار ماشي في الشارع مع العربيات ؟؟؟؟؟؟؟
انا شوفت .

قطار من اربعه كباين .كل كبينه

عبارة عن اوتوبيس . كفايه كده علشان محرألكش المفاجئه :) .
بس انا طلعت بحاجه مهمه قوي : ان لو حد قالي يعني ايه قطار الشوارع : اقولو جرار و ثلاث اوتوبيسات . :D:D:D

كان معكم و محدثكم . احمد عيييييييسوي . الشاااااارع . امام عمارة :) .



Saturday, 3 February 2007

بعض مشاعر المبرمجين



بكيبورد : احمد عيسوي :)
كل اناس في هذه الدنيا الواسعه من مشرقها كان او من المغرب له مشاعر و احساسيس تشعره بالحاله التي يمر بها حلوها و مرها فهذا يري في غروب الشمس حزن له معني خاص و في شروقها التفاؤل و الفرح الشديد .
كل انسان لما خلق له . و بما اني من الفئه التي كتب عليها حب الحاسب و الاستمتاع به . فإليكم تعريفات المبرمج لبعض مشاعره الفياضه و الجياشه .

يا جدعان علشان الناس الغربيه الي بتفتكرني بتكلم جد و ان عقلي الله يرحموا .و الله ده هزار :)
انت لو تعرف المقاله دي اتكتبت ازاي ممكن تصدقني :) .
الشعور بالغيط :
لما يكون المؤشر بالعربي و مش راضي يبقلب انجليزي .

الشعور بالحرمان:
لما تكون قاعد علي لاب توب و البطاريه قريب تخلص او خلصت و مش معاك مصدر كهرباء .
الشعور بالغباء:
لما تكتب اسمك و الباسورد بتاعه الميل كذا مرة و مش راضي يدخل لانك ناسي رزار الكبس شغال او ملخبط في جزء من الباسورد او حاجه كده .
الشعور القهر:
لما تكون منزل حاجه كبيرة من النت و في الاخر تلاقي مواصفات الجهاز مش حتشغلها .
الشعور بالتنفيض:
لما تكلم حد علي الماسنجر و مش بيرد عليك و لكن لما يكون عايز منك حاجه تلاقيه بيرد بسرعه.
الشعور بالغدر :
لما تكتشف ان حد عاملك بلوك او زهقان منك و مش بيقولك رغم انك بترتاح معاه .
الشعور بالراحه :
لما تخلص المشروع الي مطلع عينك .

الشعور بالحرج :
لما تبعت ميل لحد و تلاقي الميل اتبعت غلط او فيه غلط كبير .

الشعور بالاحباط :
لما تبقي زهقان و بتجري علي الكمبوتر علشان تتسلي و تلاقيه بايظ او الي انت عايزو مش موجود .
الشعور بالفرح:
لما تلاقي حد يثني علي الشغل بتاعك او يطلب منك شرح حاجه انت عارفها .
الشعور الفشل :
لما تدور علي حاجه في النت و متلاقيهاش .
الشعور بالصداع :
لما تلاقي اتنين بيتخانقو مين احسن الجافا ولا الميكروسوفت و تندمج معاهم او متندمجش معاهم و في الاخر مش بيطلعو بحاجه مفيده .
الشعور بالاستغراب :
لما تلاقي اتنين بيتكلمو في يوم الاجازة عن حاجه ليها علاقه بالكمبيوتر .
الشعور بالحب :
لما تلاقي نفسك مندمج مع لغه و بتبرمج بيها و منفض للدنيا كلها و عندك استعداد تبع الدنيا كلها عشانها و تعيش معاها الي باقي من عمرك :) .
تمت بحمد لله... ;)

Thursday, 1 February 2007

اول تجربه

اول مقاله تقنيه علي النت من اصداري
تجدونها هنا:

حد عامل نفسه صايع


في سعات الناس بتفتكر نفسها صايعه قوي . و ناس تانيه تفتكر نفسها ذكيه قوي و في الاخر توقع نفسها برجليها .
انا اقصد بكده الاشتغالات الي علي النت . بأشغلها و الوانها الكتير .
كنت فاكر ان اخر حاجه حسمع عنها هي بيتر انسر اليومين دول . لانها لسه جديده مبقلهاش شهرين بالكتير .
لاكن امبارح في واحد او واحده ... الله اعلم مين هو جرب فيا حركه صايعه بس ميعرفش اني اصيع منو .

:)

ادخل في المفيد و احكي الحكايه ..
كان يا مكان في قديم العهد والاوان امبارح يعني .
جالي ايميل من حد اسمو عمرو ما مر عليا من جروب الكليه زعم انو
كاتب في جزء من الميل
fci
في الاول استغربت لاني مش مسجل الميل ده عندي .
بعدين قولت افتحو يمكن حد عايز حاجه ..
لقيتو في ما معناه افتح اليينك دا كويس قوي .
اختبار عن الحب او حاجه زي كده .
و مش موقع باسمه في اخر الميل
المهم لما فتحتو لقيته حاجه للتسليه
بيقول اكتب اسمك كامل هنا و بعدين اكتب الثلاثه الي بتحبهم و هو حيقولك انت بتحب مين اكتر .
مش عارف بعد ما كتبت اسمي حسيت انها اشتغاله .
روحت كاتب في مكان الاسم الاول واحد
و المكان التاني اتنين
و المكان الثالث ثلاثه
و قولت هو يقولي الرقم و اشوف ترتيبهم .
و لو حيعمل فيا مقلب هو مخدش حاجه مفيده.
ولو صح انا مش خسران اديني بتفرج علي الموقع دا
و فعلا حصل الي في بالي
بعد ما دوست انتر قالي الكلام الي انت كاتبو وصل الي ميل الي قولتلك عليها هنا في الاول
و مكتوب في الموقع الان دورك اعمل انت المقلب دا في حد تاني .
=============
فاهمين اللعبه
الموقع بيعمل لكل مستخدم لينك علشان المستخدم يدي اللينك للناس و يتعمل فيهم المقلب دا .
و مفيش بعدها بساعتين لقيت واحد صاحبي بس متأخر شويه باعتلي اللينك بتاعو و بيقولي ادخلو دا حلو
بس علشان ارخم علي صاحبي و كتبتله الثلاثه الي بحبهم هم ماما و بابا و اخواتي
بس
:)
=============
اليوم وانا مروح في المترو كنت بفكر في الحركه دي و حسيت ان اكيد في ناس ممكن تقع فيها
مش كل الناس حتاخد بالها
واكيد بعد ما تقع حتكون مدايقه جدا لان دي خصوصيه من الدرجه الاولي
علشان كدا انا كتبت النهارده
حتقولي طب ليه ما اديتناش اللينك
حقولك يا صايع بطل نصاحه مش اقول كلام و اعلم عكسو .