Wednesday, 13 June 2007

أنــــا آســـف

انـــا اســــف
كلمتان خفيفتان صغيرتان قصيرتان كثيرا ما نسمعهم ...... و لكن و ان اتسما بذلك فهذا لا يدل علي سهوله لفظهما او ان ما قبلهما كان صغيراً او هيناً او ان المطلوب ممن امامك هو شئ بسيط .

اقولها اليوم لاناس اخطأت في حقهم و لو بغير قصد بطريقه او بأخرى .
انطقها رغم امكانيه الهروب للحفاظ علي ماء الوجه .
رغم امتلاكي لاسباب و لو قيل انها غير مقنعه فإنها من الممكن ان تقوم بايقاع اللوم علي الاخرين كنوع من الهروب من تلك الكلمات .

و لكن انا ابن ادم ، وكل ابن ادم خطاء ..... وحيث انه قد أخطأت أولاً فمن الخطأ ثانياً المكابرة في الخطأ او عدم الاقرار به . لذا ها انا اقر بخطأي امام كل اذى الحقته بفرد او نفس تسببت في جرحها او كسرها .
نعم .... انا اسف .

Monday, 11 June 2007

حديث ضعيف

((اللهم لك الحمد والشكر كما ينبغي لجلال وجهك وعظيم سلطانك))
عندما يقول المؤمن هذا الدعاء من قلب خالص تحتار الملائكه في مقدار الاجرالذي يمنح لقائل هذا الدعاء فيختلفون في عظمته وقدرة ويسألون الواحد الاحد عن اجره فيقول عز وجل لهم : اكتبوها كما هي وانا اجزي عبدي بها.
انتشر في الفترة الاخير هذا الحديث بشكل كبير و الذي يقول ان الملائكه تحتار في مقدار الاجر .
و لكن للتنويه : فكلنا يعلم قول الرسول صلي الله عليه و سلم " من كذب عليَّ متعمداً فليتبوأ مقعده من النار " .
بعد البحث وجدت سند الحديث ضعيف في الجامع للالباني رحمه الله تحت رقم 1877
الراوي: عبدالله بن عمر - خلاصة الدرجة: ضعيف - المحدث: الألباني - المصدر: ضعيف الجامع - الصفحة أو الرقم: 1877

Thursday, 7 June 2007

توابع شاي استكوليوس


يا تري هل الحاجه ام الاختراع ولا الاختراع ام الحاجه .
ولا سعات الحاجه بتكون ام الاختراع و احيانا بيكون الاختراع ام الحاجه
ولا اساسا مفيش اختراع و لا حاجه
ولا الراجل الي عمل الكافيه دا كان بيشرب شاي
شاي استكوليوس الي رامي اتكلم عليه .
فاكرينه!!!!!
الي بيحسن الخط و و بيعدل المزاج و بيخليك مركز قوي .
احم ...احم شكلها تبع سلسله انا مش فاهم حاجه .
فقرر انه يعمل الكافيه شكلو كدا .
تابعونا في سلسله انا مش فاهم حاجه
D:D:D:D

programmer's personality test

Here is a link to
programmer's personality test.
http://www.doolwind.com/index.php?page=11

It is based of the Myers-Briggs Personality Test and has been changed to relate to your programming personality type. This is not a joke test and is really only relevant to programmers, however anyone is welcome to take the test. There are 12 questions with 2 answers for each question and you must choose one answer from each and every question. There are no 'right' or 'wrong' answers, your answer will simply show what type of personality you have.

My result after the test :
Your programmer personality type is: PLSB

You're a Planner.You may be slow, but you'll usually find the best solution. If something's worth doing, it's worth doing right.

You like coding at a Low level.You're from the old school of programming and believe that you should have an intimate relationship with the computer.
You don't mind juggling registers around and spending hours getting a 5% performance increase in an algorithm.

You work best in a Solo situation.The best way to program is by yourself. There's no communication problems, you know every part of the code allowing you to write the best programs possible.

You are a liBeral programmer.Programming is a complex task and you should use white space and comments as freely as possible to help simplify the task. We're not writing on paper anymore so we can take up as much room as we need.

Monday, 4 June 2007

التاج الذهبي

قام البشمهندس احمد ... صاحب مدونه مبرمج حر .بتمرير هذا التاج الذهبي لي بعد طلبي لذلك . لذلك فأنتهز هذه الفرصه لأقوم بشكره :) .
مش حطول عليكيو . تدخل في التاج علطووووووووول ......
;)

أحب شخص لقلبك في الدنيا؟
الرسول عليه اذكى صلاه و سلام و من ثم اسرتي .
انسان مستعد تضحي بحياتك – ركز فى كلمة حياتك – عشانه؟
اسرتي كلهم .. و بعض اصحابي مش كلهم :( .
انسان كرهته لدرجة الجنون و تمنيت لو تمسك سكينة وتنقض عليه وتغرزها فى قلبه تقتله وتقف تبص لجثته وتشفي غليل قلبك؟
و الله لو كان ينفع كنت عملتها في ناس كتير .....:D:D
لو علي المستوي المحلي في مرة شوفت واحده ست المفروض انها ام :( بتضرب ابنها الصغير في المترو بالحزام و الناس لما اتدخلوا ؛ كانت بتضرب الولد اكتر –بكل برود بتقول اعمل ايه الواد مش راضي يسكت-.
لما بشوف ظابط شرطه ...واخد في نفسه مقلب و بيبلطج علي خلق الله علشان بقي علي كتفه كام نجمه ولا حتي نسر و بالذات الناس الي انتشرت الفيديوهات بتاعتهم و هم بيضربوا الناس علي الموبيلات.
لما بسمع او بشوف حاجه اسمها شاورن او بوش الحقير بيبقي نفسي اخلص فيه مدفع مش بندقيه .
ما هو اسم اجمل كتاب كتبه بشر قراته ومحتفظ به حتي الان؟
مش عارف بصراحه . انا مش في دماغي حاجه حاليًا بس اكتر كتاب بألجئ ليه كل فترة هو رياض الصالحين للامام النووي علشان اطلع حديث معين منه .
اسم كتاب كتبه بشر برضة- انت متعلق بيه وبتقرأه كل فترة؟
اسرار حيرت العلماء . هو كتاب مش كبير قوي . بس انا بطئ جدا جدا في القراءة .
:$
اهم جهاز منزلى انت متعلق بيه او بتستخدمه كتير؟
طبعا طبعاً ..... بلا شك الكمبيوتر و لازم يكون متوصل بالنت .
مكان تحس بالراحة عندما تدخله؟
لو مكان الكتروني :) يبقي البلوج بتاعي ؛ بحس فيه بالراحه لاني لما بكون عايز اتكلم او اقول حاجه و مش عايز حد يقاطعني بقولها علطوووول .

لو مكان بجد ليه XYZ يبقي المسجد :D:D .
شىء تحس بالراحة النفسية عندما تنظر اليه؟
النظر للسماء و ياحبذا لو تكون مليئه بالنجوم بالليل طبعا .مبزهقش منها . :) .
مكان تحس فيه بالحنين الى شىء لا تدرى ماهو و ذكريات جارفة الى لاشىء؟
لو بلد يبقي الكويت لاني اتولدت فيها .
لو مش بلد :D يبقي قمه الجبال و المرتفعات .
اجمل مدينة زرتها داخل مصر ؟
للاسف مزرتش اماكن كتير . بس سامع ان مطروح حلوه . :$
أجمل مكان طبيعي رأيته داخل مصر ؟
البحيرات والشلالات في الفيوم .منظر رهيب جدا .
شخصية كارتونية بتحبه
طبعا كونان ... المحقق الذكي :)
كل حلقه يعقد يحيرنا و في الاخر يطلع الحل بسهوله ؛ فعل االواحد كان الواحد بيستمتع معاه .
و برضو توم اند جيري دا معليهوش كلام .
نوع هاتفك المحمول؟
نوكيا
سرعة بروسيسور جهازك؟
2.6
حجم ذاكرة –هارد- جهازك؟
الرام : 512 ميجا و الهارد : 240جيجا ما شاء الله :D .
المساحة التى تشغلها المواد الاسلامية على جهازك؟
مش عارف بالظبط لانها في كذا مكان . بس في حدود 8-10 جيجا .
نفس المساحة السالف ذكرها فى قلبك -الاجابة لنفسك عشان الرياء يا اخواننا -؟
الاجابه مشفرة :) .
أهم هدف انت واضعه لحياتك الآن؟
هما 3 حاجات . بس احتفظ بيهم في نفسي .
مواصفات فتاة الأحلام بالنسبة لك؟
برضو احتفظ بالايجابه لنفسي ؛ بس الي انا ممكن اقولو اني ليا مواصفات كتيييرة قوي مش حتنازل عنها .
و بعيد عن كدا لازم لازم تكون ليها في الكمبيوتر . علشان لما اكلم نفسي . ملقيهاش تبلغ عني مستشفي العباسيه ولا تفضحني ادام الناس و تلم عليا الجيران و تقولهم جوزي عامل زي هاني رمزي بيجيله الهسهس . :$:$
صف ما يأتى:شعورك لما بتسمع كلمة مصر ؟
ولاء و حب شديدين مغلفين بالحزن و الاسي العميقين .
شعورك لما بتسمع كلام عن اليهود؟
حرقه دم و فوران. طاااااااار كل يوم بيكبر و بتمسك بيه اكتر رغم اني فلاح مش صعيدي .
شعورك لما بتشوف ظابط شرطة؟
احترم و تقدير شديدين او الاحتقار الشديد .
شعورك لما بتشوف الكناس العجوز فى الطريق؟
حب لله في الله . الواحد مش حيكون عايز منه حاجه لكن الواحد بيفرح ان لسه في حب من اجل الله رغم مفاتن الحياه العديده.
احيانا و بيبقي نفسي يطلب مني حاجه علشان اعملهاله .
افكارك تجاه شاب ماشى فى الطريق يلبس جلابية بيضاء قصيرة وعمامة وله لحية وبجيبه السواك وبيده المصحف؟
بدعيله ان ربنا يثبته و يوفقه للخير و يحفظه و يكون سفير كويس للمسلمين كلهم .
احساس يراودك فى اشارة مرور مغلقة بسبب مسئول كبير؟
مش بالفرح طبعا:( ؛ ممكن يكون دهشه و استغراب و غيظ احيانا . طالما هما مسئولين كبار كدا ليه مش بينتقلو بالهيليكوبتر و يريحو البشر الي في الشارع دي كلها . اكيد المسأله مش مسأله توفير معاهم خالص .


بس كدا التاج خلص . و جه وقت تمرير التاج للجدعان اصحابي... طبعا كلكم بمرر ليكم التاج .
و بالنسبه للبنات لو في حد عايزة تاخد التاج اهلا و اسهلا بيها تتفضل فالبلوج بتاعكم يا FCIs :) .