التخطي إلى المحتوى الرئيسي

ابوس ايدك ماتكتبش عربي بحروف انجليزي

العنوان دا مش انا الي مبتدعه ...ولا جايبه من عندي ... دا عنوان جروب علي الفيس بوك ...بصراحه مقولكمش حجم السعاده الي حسيت بيها لما شوففته ..اخيرا لاقيت واحد حاسس بالي انا حاسس بيه و عايز يقول الي انا عايز اقوله من زمان ....

يا ريت لما يحد يتكلم .... يتكلم عربي او انجليزي ....بس منضيعش العربي بتاعنا بادينا ...عايز تكتب فرانكو ...كلمه او اتنين اوحتي سطر مبلوعه شويه ... بس ايميل كامل بالفرانكو ولا كومنت 5 او 6 اسطر كتير ...قوي و صداع قوي ...

الاطفال الصغيرة و الكبار دلوقت بقو بيكتبو فرانكو احسن و اسرع من العربي علي جهاز الكمبيوتر...و دي مش حاجه تفرح ...

في كام موقع بحث اليومين دول نازلين بتكتب فيهم فرانكو و هما بيحولوه لعربي ....برضو من وجهه نظري دي مش حاجه تفرح ...

اكيد فيها شغل برمجه و معالج كلمات محترم ....اكيد فكرة جديده ....بس الهدف من وجهه نظري مش حاجه تفرح ....

مش علشان العربي لغه القران ولا علشان مبعرفش اقرا فرانكو ...ولا علشان معنديش كيبورد انجليزي .... و لكن علشان دي لغتنا و دي اصلنا و دي احنا ....مينفعش نشوف الشخصيه الي انا و انت منها بتضمحل ادامنا و احنا ساكتين و كمان بنساهم في كدا...

الفرانكو بالنسبه لي .... صداع و مملل ...لو حجتك ان ايدك اخدت علي الكيبورد انجليزي .... معلش لو ضغط علي نفسك اسبوع واحد بس حتعرف تكتب عربي كويس ...لو مش عاجبك اكتب انجليزي يا عم ...... بس ابوس ايدك ماتكتبش عربي بحروف انجليزي.

التسميات:

تعليقات

‏قال Ahmed Mubarak…
والله يا فوفو انت بتقول حكم
انا بضم صوتي لصوتك
وبقول انت بتتكلم صح وكفايه بقى صداع من الفرانكو وحركاتوه

محدش عنده لغه جميله زي لغتنا ويتنطط بفرانكو

زي ما يكون في ايدك دهب .. وترمي الدهب وتمسك الحديد بحجه انك حداد .. انت الخسران مش حد تاني لعدم تقديرك لقيمه الدهب الي في ايدك

تحياتي
10:40 ص
‏قال هوندا…
جزاك الله كل خير يأحمد

انا مشتركة فى الجروب ده من زمان وأول ماشفته اتبسطت جدا زيك كده لأنى بكره الفرانكو اوى وبكره استيلائه علينا

وده فعلا بيبوظ العربى والانجليزى

ياتتكلم عربى ياتتكلم انجليزى

ممكن نعمل حملة والله انا هحط لوجو الجروب لو ليه فى البلوج دى احدى قضاياى امحى الفرانكو ده ع قد ماقدر
12:18 م
‏قال غير معرف…
والله انا احييك على رايك دة الاسف حاجه بتستفزنى جدااا لما الاقى اطقال بيكتبو كدة

يارت بقى نبطل تقليد فى كل حاجه
12:51 م
‏قال Shady M. Najib…
أزال المؤلف هذا التعليق.
9:41 م
‏قال Shady M. Najib…
ba3edan 3an eqtena3y be kalamak aw 3adamo.. leya so2al..

hal l enta katbo dah aslan 3araby.. 7ata law howa maktob be 7rof 3araby ya fofo :D..
9:41 م
‏قال L.G.…
لا أعرف كيف أقرأ الفرانكو وبالطبع لا أعرف كتابته
لذا لا أقرأ التعليقات ولا التدوينات المكتوبة بتلك الطريقة ولو أني اتهمت بالرجعية والتخلف وحاولت مسايرة العصر ولكن عقلي يرفض تلك الكتابة تماما ولا يستطيع استيعابها

ولم نكتب كذلك اما الانجليزية بكلماتها أو العربية بحروفها
وعجبي
1:24 ص
‏قال dalia…
كان كلامك على لساني ، نفسي بجد نبطل نكتب العربي بحروف انجليزية انا متضمنه معاك كليا بسبب الصداع والملل بس مش متضمنه في بوس الايد
3:35 م
‏قال Unknown…
السلام عليكم ورحمه الله
انا الموضوع ده كان بيخنقني برضه ففكرت في حل سهل و سريع والحمد لله ربنا وفقني و عملته
حيخليك تكتب عربي بالحروف الإنجليزي اللي انا و غيري متعود عليها
في ناس كتير مش عاجبها الكلام ده بس احب اقول لها ان ترتيب الحروف العربي مش قرأن ولا ليه اي علاقه باللغه العربيه طبعاً
اظن الهدف ان الكلام يكون عربي بغض النظر عن الطريقه اللي اتكتبت بيه
‫"‫عربك‫"‫ بيشتغل في الويندوز كله مش محتاج نت ولا برنامج معين

التفاصيل كلها موجوده هنا
http://www.new.facebook.com/group.php?gid=27087998596
وعلى فكره التعليق ده واي حاجه عربي تانيه بكتبها بعربك
وانا في إنتظار رأيكم وردكم و شكرا
12:08 م
‏قال eng. Hasan…
انا بقا أكثر الناس سعادة إن فى حد بيكره الحكاية دي زيي ... لأن مفيش حاجة بتخننقنى من أى حد بكلمه على النت أكتر من
ezzayyak 7abeby ? 3amel eeh ???

حاجة تشللللللللل بعيد عنكم
12:11 ص
إرسال تعليق

المشاركات الشائعة من هذه المدونة

خطوات تصب في طريق النجاح

ما من فرد منا في هذه الفترة يبحث عن عمل الا وسيبدأ مع اي شركه في اي مجال بالمقابله الشخصيه التي هي أولي الخطوات لتقديم و لتقييم الفرد المرشح . المقابله الشخصيه اختبار ذات جوانت متعدده .... مثلها مثل اي شئ في هذه الدينا .... اختبار و كل اختبار له عدده خطوات تصب في طريق النجاح ... اردت اليوم ان الخص بعض هذه الخطوات من خلال ما قرأته من مواقع متعدده هنا لتعم الفائده علماً بأن هذه المواقع مشار اليها في نهايه المقال . المرحله الاولي - التحضير : هي تلك المرحله ما قبل المقابله نفسها . تسمي في بعض الاحيان بالواجب المنزلي . كل ما عليك في هذه المرحله ان تراجع معلوماتك فغالبا انت معرض لاختبار (تقني technical و ذكاءIQ و شخصي peronal test ) . حاول ان تجلب معلومات عن الشركه... عنوانها ... مجالها .... فروعها ... الاشخاص الذي سوف تقوم بمقابلتهم في المقابله الشخصيه (يمكنك ذلك من خلال موقع الشركه علي الانترنت او من خلال اصدقائك و من حولك ) هذه المعلومات سوف تدعمك وقت المقابله مع الشركه . جهز صورة شخصيه و السيرة الذاتيه فأحياناً كثيرة تحتاج الشركه لها . حرصك علي هذه الاشياء الصغير سيعطي فرصه للشركه لكي...
33 تعليقًا
قراءة المزيد

ربك لما يريد... يبقي إعفاه بالتأكيد

الحمد لله ... انااااا اخذت اعفااااااااء ..... ايوه ...اعفاء من الخدمه العسكريه ....الحمد لله... انا عارف من فترة و لكن اليوم انا استملت شهاده الاعفاء رسمياً .. و الله لو عليا انا عايز ابرزوها و أعلقها علي الحيطه عندنا ... :D انا حاليا بزور اخويا و اصحابي كل يوم جمعه ...و بشوف في عيونهم معني كلمه القهر بجد و بحس من كلامهم بالقحط الي هم فيه ...مهما يحكو او يتكلمو ولا حتي يفضفضو ...اكيد مش ححس بنفس الكبت و الضغط النفسي الي هما عايشينه ......و الله اكاد اكون مش مصدق اني مفروض اكون معاهم دلوقت ... و ان كل امنياتي تبقي زيهم دلوقت ... شويه ميه ساقعه يوم الجمعه الي بيستنوها من الاسبوع للاسبوع ... و اكاد اكون مش مصدق اني انا الي مشيت معاهم في كل الاجراءات علشان ورق الجيش ....انا الي قعدت شهر عايش زيهم علي اني داخل الجيش و هيأت نفسي نفسياً .... وفي الاخر اخرج من الجيش من غير ما حد يمسلي طرف ... لكن نقول ايه بقي لما الكرم يكون جاي من عند الي خلقني و خلقك !!! ربنا كرمه كبير و كل يوم بيزيد ....و لكن الانسان برضو مبيملاش عينه الا التراب . كام واحد حاطط اماله في شئ معين علي واحد معين او واسطه معينه و...
31 تعليقًا
قراءة المزيد

فوفو اتكتب ليه عمر جديد

سيناريو فيلم السينما : فوفو (الي هو انا ) قرر انو ياخد رخصه قياده سيارات لانه مش تمام في السيارات الي بيكون الجير فيها عادي مش اوتوماتك .... علشان هو اخد اعفاء من الجيش من كام يوم ... و اصبح للمرة التانيه من فئه عامه الشباب (معندوش شغله ولا مشغله ) قرر ياخد الرخصه يسلي بيها وقته... النهارده كان عليه اول حصه و هي حصه نظري ( مش سواقه يعني ) الساعه سته المغرب .و علشان فوفو بيحب يحترم المواعيد .... و كمان الشركه بتاعه التعليم دي قريبه من بيته راح في المعاد الساعه سته .. الساعه 6.00 دخل مقر الشركه في الدور الارضي و قالهم ان دي اول حصه ... قالو له اطلع الدور الاول في وشك علطول حتلاقي لوحه بأسمنا... الساعه 6.01 دخل بوابه المول الي فيه مقر الشركه متجه للدور الاول ... بس فوفو لقتى السلم مترب و ضلمه .... فقرر انو يطلع علي المصعد (أسانسير) اهو دور واحد والسلام ... كل الي عمله فوفو في حياته انو ضغط علي رز الدور الاول ... بس يظهر ان المصعد كان ليه وجه نظر تانيه ... المصعد طلعني شويه حلوين و بعد كدا وقف ادام حيطه . الساعه 6.02 فوفو لما لقي المصعد بيخرف ... و لقي نفسه ادام حيطه ... قال اكيد دا ...
22 تعليقًا
قراءة المزيد