Sunday, 9 November 2008

كيلو الكرامه بجنيه

دا مش تهريج ... او كلام ملوش معني ... دا بجد .... ممكن الكلام دا ميكونش بقي علني و عيني عينك كدا ... في بلاد الفرنجه ....او في بلاد العم اوباما ..... بس الكلام دا هنا في مصر المحروسه عيني عينك ...و علي عينك يا تاجر ... و الي ميشتريش يتفرج ...

و الله الواحد بيصعب عليه الحال الي  وصلت اليه الدنيا .... و وصل ايه حال البني ادمين ...

لما تبقي اماكن معروفه من سياستها  انها تمشي الناس بعد ما تمص دمهم و بعد كدا تجيب غيرهم ...اصل مفيش اكتر من البني  ادمين في بلدنا ... بدون سابق انذار ... و الناس بتتهافت عليها .... الي يقول انا  داخل جمعيه .... و الي بيقول مش مهم انا ..انا عايز اربي العيال ... و الي يقول ...انا  عايز اتجوز ...و الي تقول انا حعمل ايه ..مش لاقيه احسن منه... انا ورايا جهاز ...انا عايزة اعف نفسي ....

 لما تبقي الاهداف شريفه و الوسيله مش  نظيفه ....

لما يبقي مقابل كدا عندك استعداد  تتهان في الشغل ... و انت عارف انت مسيرك حتترمي براها...

لما تبقي مش عارف انت رايح او جاي من  فين ؟؟؟؟

يبقي كيلو الكرامه بجنيه ....

 

بالمناسبه ... انا كنت مدكن علي ربع  كيلو كرامه ....بس ايه ؟؟؟ وصايه يا معلم ...يا الي شخبطت سعادتك تخطيط لمستقبلي.... تشتري مني بربع جنيه ؟

1 comment:

Ahmed Said said...

مش عارف اقولك ايه يا احمد بس كلامك كله صح

لأني مجرب الكلام ده في الشغل علشان كده بسيب وامسك في اماكن كتير علشان اللي بيقرب من كرامتي بحطه تحت رجلي

انا عارف انك بتتكلم علي الشغل خصوصا
شد حيلك وربنا يوفقك