Friday, 20 March 2009

مصر من البلكونه


في كتاب اسمه مصر من البلكونه لمحمد قتحي لسه شاريه النهارده ...صراحه جامد جدا.. سيبته بالعافيه علشان اكتبلكم عنه و اشاركو بيه و راجع بعديها اكمل قرايه فيه :) ... بيتكلم بطريقه ساخرة عن احول مصر... صراحه طول ما انا ماسك الكتاب... عمال اضحك و ابتسم بس ببكي من جوه...مش عايز اطول عليكو ...عموما الكتاب صادر عن دار الشمس..بيتباع في العديد من المكتبات منها مكتبه الاهرام الي انا اشتريته منها...سعرة خمسه و عشرين جنيه. و بجد لو كان سعره اكتر من كدا برضو كنت جبته...
دا لينك لبعض الموزعين لدار الشمس http://www.shams-group.net/shams08.php
الغلاف الخلفي للكتاب:

" في هذا الكتاب ستعرف بعض الحقائق العلمية على منوال:

• مترو الأنفاق هو وسيلة المواصلات الوحيدة في العالم التي تخبرك من سيأتي بعد حسني مبارك ( غمرة أو عرابي على حسب الخط)، كما إنه يعطيك أملاً في التغيير الحقيقي الذي يحدث في مصر ( محطة حسني مبارك يتم فيها التغيير.. للخط الثاني!)

وستتعلم بعض الأقوال المأثورة:

• مصر تتسول من نفسها

• ما تقولش إيه ادتنا مصر.. خلي الطابق مستور

وستدخل في بعض الاختبارات المحرجة: س : هل تتمنى كرجل أن تصبح مثل تامر حسني؟

أ. احترم نفسك يا بني آدم

ب. دوووووس يا معلم

جـ. يا ريت.. بس هو فين شعر الصدر.

كما أنك ستقابل عددًا من الشخصيات التي أثرت في حياتك: ( الرئيس مبارك ، خطيب الجمعة ، مراتك ، الشاب أبو بنطلون ساقط وبوكسر مخطط ، الإخوان المسلمين ، ميكي ماوس )

وأخيراً… قراءة سعيدة .. أو (بالشفا يا معلم).. على حسب رأيك.!"


2 comments:

doaa said...

أنا سمعت عنه قبل كده
إن شاء الله هجيبه وأقراه

eng. Hasan said...

لو عاوز تنفجر فى الضحك و بعدين تنفجر بالبكاء في نفس الدقيقة .. إقرا مسرحية المحروسة 2015 للراحل سعدالدين وهبة

أنا قريتها من زمااااااان و أنا طفل تقريبا ... لكن كل ما أتزكرها أبتسم و أحزن فى نفس الوقت ... و هي ده أصعب حاجة ممكن الواحد يحس بيها ... لأنها فى الحالة دي بتكون شر البلية ... و شر البلية ما يضحك...

و أشكرك على مدونتك المحترمة .. وصلت ليها و أنا بدور على يوميات مجندي الجيش .. على أساس إنى داخل الجيش بعد أسبوعين إن شاء الله ... تقبل تحياتي