التخطي إلى المحتوى الرئيسي

دمي اتبخر النهارده :@


مقدمه سريعه للموضوع لازم ذكرها
انا بدايق جدا من كميه السلبيه الي حواليا في كل حته الي ملهاش حدود الي من اشكلها اني غالبا كل ما يشاء القدر اني اشوف عربيه اسعاف و السرينه بتاعتها بتثتغيث بالناس ان هما يسيبولها الطريق علشان تعدي و لكن لا حياه لمن تنادي كله عامل عبيط و مش سامع او كلهم بيفقدوا المروءه و الشهامه و حاسه السمع و الاحساس بالدم في الوقت دا و هي يا عيني عليها محشورة في تقاطع ميدان او في طريق فرعي ....

انا بصفتي بحاول مكونش سلبي و من مبدأ ابدأ بنفسك ...بوقف الشارع و اعديها و الله في مرة وقفت حاره في شارع جسر السويس علشان سياره الاسعاف تمر من طريقها الفرعي ...
طبعا مش ححكيلك عن كميه البجاحه و الشتايم الي باخدها من الناس و الي يقول و انت مالك ... الخ ..و الله في مرة وقفت ادام مقطورة علشان عربيه الاسعاف تعدي و هي كانت عايزة تدوسني و برضو فضلت واقف ادامه و سيبته يعمل اعلي ما في خيله...
حرقه الدم و كميه الزعيق الي بتطلع مني ساعتها علشان الاسعاف يعدي بتختفي بمجرد مرور سياره الاسعاف ولا كأن فيه حاجه ...كفاني فخراً اني حسيت اني بني ادم و بحترم بني ادم تاني و ان يوم زي دا واكون انا مكانه في عربيه الاسعاف مش بعيده خالص ...

كل دا عادي ...الي مش عادي بقي لسه حاصلي من حوالي ساعه و انا في طريقي الي البيت..حصل نفس الموقف و الناس بنفس البجاحه و زعقت مع سواق ميكروباص ...ولا كأنه سامع حاجه واقف بيحمل في نص الشارع...سهلت حركه الحاره الي بيها عربيه الاسعاف ...الي عمال اسمع صوتها و مش شايفها ...لغايه ما مرت من ادامي و سامع صوتها و مش شايفها .. اكتشف اني بسهل حركه واحد بعربيه ملاكي هوندا سودا و زجاجها متفيم حاطه سرينه اسعاف علشان يعدي من الشارع الزحمه...
:|:|

طبعا مش ححكيلك عن كميه الذهول الي نزلت عليا و انا شايفها قدامي السراب يبعدي و مش عارف يعني اوقفه و اهزقه ولا اسكت ولا اصوت ولا اصرخ ولا اشتم ولا اعمل اي فعل يقوم هو يقولي انت مش عارف انت بتكلم مين !! :$

ففضلت السكوت و مشيت و انا بغلي في سكات ...... كدا انا غلطان ؟ !!!

تعليقات

‏قال Karim Ali
حقيقي عندك حق في الضيق ده .. بس أولا وأخيرا إنت بتعمل كدة عشان ربنا وعشان حد ممكن يموت وتكون سبب في ثواني ممكن تنقذه .. فمتهتمش بأي حد يتضايق من فعلك وقتها .. وإفتكر ساعتها هدفك من اللي عملته
‏قال Mohamed Gamal El-Din
لأ, مش غلطان بس خليني اقولك حاجة.

كان زمان في ابتدائي بناخد قصة, عن ولد بينزل البحر ويقول الحقوني أنا بغرق وكل ماحد يروحله , يضحك ويقول ضحكت عليكم. لحد مافي مرة كان بيغرق بجد, قال الحقوني .. الناس نفضتله تقريبا.

ماعلينا .. في بعد الاحيان للأسف سيارة الإسعاف بتستهبل. وده اللي خلى الناس بتتعامل معاهم كده .. أنا مش بدافع عن الناس .. بس أهو .. مجرد سرد ل واحد من الأسباب
‏قال Rehab Mostafa
أنا مع محمد جمال في قصة ابتدائي اللي انا خدتها برضه :)
لو قولت انت غلطان وقررت مش تعمل كده تاني ممكن يكون ساعتها اللي في عربة الاسعاف ده في أمس الحاجه لثانيه واحده تنقذه فيها
وربنا يجازيك كل خير يا باشمهندس
معلش ياجماعة

انا مش معاكم في الكلام ده
كل الناس اللي في الشارع بتقول كده
يبقى انت عملت ايه

ثم ايه اللي ضمن ان اللي في العربيه فعلا بيستهبل ولا الحاله اللي معاه فعلا خطيرة
انا شوفت حالات كتيرة كانت في نفس الموقف وكانوا اقرب الناس ليه

لكن احب اقول ان احمدعمل اللي عليه وبدأ بنفسه فعلا

انا آسف ياجماعه مش قصدي اشد عليكم

بس انا بحاول اكون ايجابي برضوا بس مع نفسي ...للاسف

انا اشكرك يااحمد على ايجابيتك وصبرك عليها

انا هاضيفك عندي في المدونه

وفقكم الله جميعا
‏قال Sarah Abdul
لا مش غلطان علشان كنت هاتتحاسب لو كان مريض بس دلوقتى هو اللى هيتحاسب على كدبه :)

المشاركات الشائعة من هذه المدونة

خطوات تصب في طريق النجاح

ما من فرد منا في هذه الفترة يبحث عن عمل الا وسيبدأ مع اي شركه في اي مجال بالمقابله الشخصيه التي هي أولي الخطوات لتقديم و لتقييم الفرد المرشح . المقابله الشخصيه اختبار ذات جوانت متعدده .... مثلها مثل اي شئ في هذه الدينا .... اختبار و كل اختبار له عدده خطوات تصب في طريق النجاح ... اردت اليوم ان الخص بعض هذه الخطوات من خلال ما قرأته من مواقع متعدده هنا لتعم الفائده علماً بأن هذه المواقع مشار اليها في نهايه المقال . المرحله الاولي - التحضير : هي تلك المرحله ما قبل المقابله نفسها . تسمي في بعض الاحيان بالواجب المنزلي . كل ما عليك في هذه المرحله ان تراجع معلوماتك فغالبا انت معرض لاختبار (تقني technical و ذكاءIQ و شخصي peronal test ) . حاول ان تجلب معلومات عن الشركه... عنوانها ... مجالها .... فروعها ... الاشخاص الذي سوف تقوم بمقابلتهم في المقابله الشخصيه (يمكنك ذلك من خلال موقع الشركه علي الانترنت او من خلال اصدقائك و من حولك ) هذه المعلومات سوف تدعمك وقت المقابله مع الشركه . جهز صورة شخصيه و السيرة الذاتيه فأحياناً كثيرة تحتاج الشركه لها . حرصك علي هذه الاشياء الصغير سيعطي فرصه للشركه لكي

أجمل ما قيل في الاخوة في الله

للامانه لست أنا صاحب هذه المقاله انما جاءتني كأيميل يتناقله الناس بدون صاحب :) قال تعالي :  (إنما المؤمنون إخوة) الحجرات ايه 10 . وقال صلي الله عليه وسلم (المسلم اخو المسلم لا يظلمه ولا يسلمه). وقال ايضا (لا يؤمن احدكم حتي يحب لأخيه ما يحب لنفسه) قال الامام احمد بن حنبل ""إن لنا أُناس لا نراهم إلا في كل عام مرة نحن أوثق بمودتهم ممن نراهم كل يوم"" قال عمر رضي الله عنه في مجلس المهاجرين و الانصار (( أرأيتم لو ترخصت في بعض الأمور ماذا كنتم فاعلين!! فكرر فلم يجيبوه )) فقال البشر بن معاذ: لو فعلت قومناك تقويم القدح ( السهم الذي يرمي به عن القوس) قال: عمر:أنتم إذن !أنتم إذن. ثمرات المحبة  قال تعالي في حديث قدسي:  (وجبت محبتي : للمتحابين فيَّ ، و المتجالسين فيَّ ، و المتزاورين فيَّ ، و المتباذلين فيَّ). قال رسول الله صلي الله عليه و سلم (الله في عون العبد ما كان العبد في عون أخيه). قال رسول الله صلي الله عليه و سلم يا أيها الناس ! اسمعوا ، واعقلوا ، واعلموا أن لله عز وجل عبادا ليسوا بأنبياء ولا شهداء ، يغبطهم النبيون والشهداء على منازلهم وقربهم

حل مشكله عدم الاضاءه او السطوع عند ترقية لينوفو لابتوب الي ويندوز 10

اتبع الخطوات بالاسف اذا واجهت مشكله في سطوع الشاشه بعد ترقية لابتوب لينوفو Z500 الي ويندوز 10 lenovo z500 touch brightness not working after windows 10 update 1:-   Win + R 2:-   Type in 'regedit' 3:-   Press F3 to bring out the find menu. 4:-   Type in 'FeatureTestControl' And Click On 'Find Next' 5:-   Once Found 'Right Click' on it and select 'Modify' 6:-   Replace the Original Value By'ffff' 7:-   Save It And Restart The System 8:-   Problem Solved