Friday, 25 June 2010

ناس نتشجع امريكا


اولا قبل ما أبدأ أنا مش بتاع كورة. و مش حتكلم في الكورة من ناحيه الفن و اللعب و الكلام دا..
"ناس شجعوا امريكا ضد الجزائر ..... ان لله و ان اليه راجعون" دي كان تدوينه ليا في التدوين المصغير تويتر و الفيس بوك ..
مش عايز ادخل في مقدمات طويله ...في ناس هاجمت الكلام دا تحت وجهه نظر ان لا سياسه في الكورة او الجزائر ناس وحشه و حاجات من هذا القبيل ...
المهم انا حعرض عليكم رأيي الي رديت بيه علي الناس الي لاموني ...لاني شايف ان كلامهم مش منطقي...
و ان صعب الواحد يشجع امريكا علي الجزاير ...بل من الصعب الواحد يشجع امريكا حتي لو بتلعب ضد يهود .. لو مش عاجبني لعب الجزاير وانا مع كدا ..مشجعش حد..امتنع ...مش اشجع امريكا او افرحلها مهما كان نوع الفرح..او اأيدها بأي نوع من انواع التأييد..
دا تعليقي الاول :
=========
انا مش عارف ليه كميه التعصب دي كلها ...
انا هنا بتكلم علي الناس الي بتشجع امريكا علي الجزاير
للمرة التانيه انا مش فارق معايا مين يكسب لانها فعلا مش حتضيف حاجه جوهريه لاحد..
لو انت شايف ان الاسباب الي انت قولتها عن الجزاير منطقيه انك تشجع امريكا ..فانا شايف ان اسباب اني مشجعش امريكا اكتر...
كفايه انهم بيدعمو اليهود
كفايه انهم بيقتلو فيها في العراق
و بيغتصبو النساء
و سبو الدين
و اهانو الرسول
و بيقتلو الشيوخ
كفايه انهم اصحاب معتقل جوانتنامو
كفايه ان اوباما الي واحد نوبل في البتنجان بيقولها صريحه في اكتر من مكان لن نتنازل عن حمايه اسرائيل
كفايه انها بتمدها بالسلاح كفايه و كفايه...
بغض النظر علي مين بيلعب ادام امريكا ...
لو اليهود نفسهم بيلعبو ادام امريكا ؟؟؟
انا شايف انها قله قيمه و عدم احساس بالمسئوليه و القضيه و قله نخوه
ان الواحد يشجع انجاس زي دول
ازاي اشجع الي بيغتصب اختي ...
ولا هي لازم تكون اختي شقيقتي علشان مشجعهاش ...
كفايه تفكير بسطحيه
و الله يا عم لو واخد موقف من الجزايز قشطه ...متشجعش حد
ارحم بكتير من الهبل الي ناس كتير عايشه فيه...
رغم ان الجزاير الي حتي لو فيها العبر و كل البلاوي
فكل سيئاتها متجيش حاجه قدام امريكا
الجزاير الي مش عجباك دي مشاركه في حرب 48 و 67 و 73
و هي الي مديه شيك برقم هولامي لروسيا علشان خاطر مصر تتزود بالسلاح
ليه الواحد لما يعمل حسنه محدش يفتكرهالو
ولما يعمل سيئه الكل يقعد يتكلم عليها..
مش دي اخلاق المسلمين...
كفايه انهم شعب بيوحد ربنا ..يعني نهايته الجنه مش زي التاني
==========
و بالنسبه للرد علي جزء ان السياسه ملهاش علاقه بالرياضه فكان دا ردي :
==========
احنا ليه مش بنلاعب اليهود في ولا ماتش لغايه النهارده؟؟؟؟
ليه حتي لو شوفناهم مش مفروض نكلمهم ولا نتحاور معاهم ؟؟؟
يا فرحتي بواحد بيقولي بحبك و بموت فيك و من ورا ظهري بيطعن السكينه في ظهري !!
جدلا لو انت عندك جار في العمارة و مطلع عينك و بيكسرلك العربيه وهو بيركن و عياله برضربوا عيالك و بيرمي الزباله ادام بابك و مشغل حاجات بتعملك دوشه بالليل؟؟؟
و لعبت ادامه لعبه فرديه ...زي تنس مثلا بذمتك؟؟حيبقي ليك نفس تلاعبه و تقول دي رياضه ؟؟

الخلاصه...وجهه نظري الشخصيه ان لو مش عاجبني لعب الجزاير وانا معاك في كدا ..مشجعش حد..امتنع
مش اشجع امريكا او افرحلها مهما كان نوع الفرح..او اأيدها بأي نوع من انواع التأييد..

1 comment:

Sarah Abdul said...

الناس شايفة إن أمريكا هي القوة العظمى و تتمنى أي فرصة علشان يعيشوا هناك وطبيعي جدا انهم يهجموك
والجزائر خرجت مصر من كاس العالم و دة أهم حاجة عند الناس في مصر أهم من أكل عشهم الكرة
إلى من رحم ربي