Friday, 8 April 2011

ليه بنلبس حجاب و بعض اخطاءه الشائعه الي بنقع فيها

النقط الجايه انا دونتها قبل كدا و حابب اشارككم بيها لاني شايفها تستحق الانتشار و في ناس مش واخده بالها منها  : 


  • وزير داخليه ايطاليا "كليانو اماتو" لما طرح عليه تمرير قانون لمنع الحجاب ..قال ازاي امنع لبس للسيده مريم العذراء !!
  •  هو انا عشان حلوة.. تغطيني؟ طيب ليه تعاقبني ..
    مع ان الراجل هو اللي عينه زايغه؟؟
    >>>قالك: أصل العسل اما بنغطية لحسن الدبان يقف عليه
    .. مش بنعاقبه .. احنا كده بنحفظه ونحافظ عليه :)
  • هو اتكلم في جزء من الفيديو دا عن الناس الي بتقول ليه مفيش حجاب للراجل زي الستات
    فقال ان فيه واحده مسلمه في بلد اجنبيه بتقول لصديقتها الي مش مسلمه .. انتي معجبه بخطيبك رغم انه حالق اصلع تماما و شيفاه وسيم... في حين لا اعتقد ان خطيبك كان ممكن يعجب بيكي لو انتي الي كنتي حالقه اصلع مثله..
    و دا دليل ان الشعر زينه هامه في المرأه و شئ اساسي مميز و ملفت في النساء علي عكس الرجال ..و لذلك يجب تغطيته.
النقط دي استخرجتها من الفيديو دا و هو بيرد علي شبهات الحجاب الي بيهاجمنا بيها اصحاب الديانات الاخري :
    و الفيديو دا من اروع ما رأيت بيتكلم عن حجاب بعض بنات اليومين دول و الي بتلبس كارينا او حجاب اسباني او حتي بعض الاخطاء الي بنت ممكن تقع فيها من غير ما تاخد بالها و ربنا يهدينا جميعا ..و لا تنسوني من صالح دعائكم :)

    3 comments:

    shereenty said...

    rabena ye gezeek 5eer ya essawy ana aslan shoft el video dah abl kda we 3agbny awiiiiii bs makontesh rabato be bta3 mostafa 7osny ana aslan bafaker fy el 7egab mn esboo3 betare2a gedya we enta gebthaly fy wa2atha fa ana 2olt 2ashkorak we da3watak b2a

    Anonymous said...

    طبعاً فى البداية أحب أشكرك :)
    إنما أنا اتشليت.ومش قادرة أكتم غيظي :):)
    بعيداً طبعاً عن لبسنا اللى 3/4 هيترمي :)، بس كله في سبيل رضا الله
    الفيديو بتاع أ/مصطفى حسنى ضايقنى فيه جزئية الموديل الرابعة، لما بيتكلم عن جيبتها الواسعة، وبينتقد إن الجيبة جاية ماسكة الوسط..
    مش عارفة ليه حسيت إن ده تعجيز، طيب ماهى الجيبة لازم تمسك الوسط، يعنى أنا مفهمتوش، أمال هيحصل إيه فى الجيبة من فوق؟
    أنا مقصدش إنها تكون ضيقة من فوق، لأ طبعاً بس الجيبة اللى كان عارضها كانت فعلاً فعلاً واسعة.. مفهمتش المفروض يحصل إيه
    أنا بكتبلك الكلام ده، عشان لو أنا فهمته غلط، تصححلى خطئي، ولك الأجر والثوااااب
    وربنا يعيننا على أنفسنا..قول آمين :)

    Ahmed Essawy said...

    الشكر لله يا شيرين:)

    ---

    الي انونومس :
    ابدأ بشكر لله انه اعان بعض اخواتي بالاستفاده من التدوينه .. و جزاكي الله خير انك حتحاولي تتخلصي من بعض ملابسك و اعانك الله ايضا علي الصبر في شراء غيرها لان الملابس المحتشمه اصبحت شئ نادر في الاسواق .. حتلفي كتير يعني :)
    بخصوص الموديل الرابع فممكن فعلا متكونيش فهمتي كلامه صح انا نفسي كررته مرتين علشان افهم مخذي كللامه
    بلا شك الجيبه كانت كويسه من تحت و هو قال كدا و ان كان اعترض علي الوان الطقم كله الاصفر و البنفسجي .. لان مفروض اللبس ميكونش ملفت للناس ..
    في قاعده ما زلت اذكرها في بعض شروط الحجاب ان يحقق 3 شروط
    لا يصف
    لا يشف
    لا يكشف
    لو استثنينا اللون فالجيبه ممكن تتلبس لو كان فوقيها قميص او شئ طويل من فوق يستر ما هو موصوف ..
    افتحي لينك الصورة دي انا حدد فيها اعترض مصطفي حسني الذي ازعم انه يتحدث عليه
    http://goo.gl/acg5j
    لو كانت لابسه قميص طويل شويه و تتوافر فيه الشروط يبقي اللبس دا مقبول
    للعلم انا لست رجل دين و هذا هو اجتهادي الشخصي
    و انا كأحمد عيسوي افضل لدرأ مشكلات قد تقع فيها الاخت المسلمه . . ان ترتدي البنت المسلمه عبايه لانها بلا شك افضل و بتحل كل المشاكل الي ممكن تظهر في الملابس طلاما العبايه فضفافه (لا تصف .. لا تشف .. لا تكشف ) ..وليس علي المسلمه ما ظهر منها .. بس برضو فيه اخطا بتقع فيه ببعض الاخوات التي ترتدين العباءه كأن ترتدي عباءه تجسم بعض الاماكن او تصر علي لبس عباءه قديمه عندها رغم زيادتها في الوزن فتقع في المحظور او تلبس عباءه عليها تتريظ بألوان لامعه و ملفته لان من شروط الحجاب ان لا يلتفت اليها احد بسبب اللبس و تكون سبب في فتنته ( ربنا قال :قل للمؤمنين يغضوا من ابصارهم ويحفظوا فروجهم ذلك ازكى لهم... يبقي لازم علي الواحد يغض بصره و لازم يغض بصر الناس عنه و دا حيجي بحاجات منها الالتزام بالحجاب الشرعي ) ايضا من الاخطاء الشائعه الطرح المزركشه او متعدده الالوان بشكل قد يلفت نظر شخص مار في الشارع فينظر اليكي ..
    --
    اري ان من اروع أخلاق المسلم و المسلمه هو الحيــاء
    --
    ما تفعله المرأه من اخفاء زينتها و مفاتنها يجب ان يكون نابع عن حياءها .. نابع من مقدرتها علي فعلها عكس كدا و لكن حياءها من الله يمنعها و حياء من ان تكون سبب فتنه لغيرها من الاخوان ..
    كما قال الرسول صلي الله عليه و سلم : الحياء والإيمان قرنا جميعاً فإذا رفع أحدهما رفع الآخر
    يعني الحياء من الايمان .. يعني محاولتك للاهتمام و التحسين من حجابك ما هو الا من صدق الايمان و المحاوله بالارتقاء بيه عل الله ان يتقبل .. نسأل الله القبول
    تذكري اختي المسلمه و انتي تجاهدي نفسك و تجاهدي لتغير حجابك قول الله : ما عندكم ينفد وما عند الله باق
    تذكري ما تصنعيه للاخره في قول الله :و الاخره خير و ابقى
    تذكري انكي تحاولي ان تكوني من المتقين قال الله : ان للمتقين مفازا حدائق و اعنابا
    تذكري و انتي نحاولي ان تكوني من الابرار بالطاعه في حجابك قول الله: كلا ان الابرار لفي عليين
    ولا تنسي مهما كان حالك :لا تقنطي من رحمه الله فإنه لا ييأس من روح الله الا القوم الكافرون ..
    و تذكري ان لا كبيرة مع استغفار ولا صغيره مع اصرار .. هدانا الله جميعا لما فيه الخير و اعننا عليه و وفق خطانا جميعا الي الطريق المستقيم .. صراط الذين انعمت عليهم .. اللهم امين

    للاستزاده عن شروط الحجاب و احكامه يرجي زياره هذين الرابطين :
    http://www.mahaja.com/showthread.php?11587
    http://www.islam-qa.com/ar/cat/2016