التخطي إلى المحتوى الرئيسي

فرحين من اعماق قلوبهم


نعم هذا هو عنوان مقالتي في هذه الليله السعيده علي وجوه الجميع ؛هذه الليله التي يبث شعاع قمرها البهجه علي كل ينتمي لحاسبات حلوان بأي صله فيزداد وجهه تبسماً و سروراً و قلبه فرحه وبهجه . لا استطيع ان اعبر لكم اليوم عن فرحي في مثل هذا اليوم ؛ هذا اليوم الذي لم يكن في الحسبان و لكن حقيقة فإن الله لا يضيع أجر من احسن عملا ً.

اعلن اليوم انه قد تم نسيان و ذوبان كل المعاناه و الجهد و التعب المبذول من أجل ظهور المشروع بالشكل الذي هو عليه الان فرحتي اليوم لا تقدر بثمن .....فرحتي التي يتكون الجزء الاكبر منها بفرحتكم بنا . صراحة عندما جلست علي المقعد في القاعه لاعلان نتائج المسابقه تذكرت كل من كلمني و قد وضع و لو بعض اماله علينا في الفوز ........تذكرت الثقه التي كان يحادثني بها البعض و هم علي ثقه من فوزنا و تذكرت من خاطبوني علي الهاتف للحضور و عشمهم بنا كبيير خصوصا بعد انجازات الامس .... تذكرت امال و امنيات جميله ترتفع بها كليتنا لمزيد من التقدم خصوصا بعد انجاز جروب شادي العام الماضي و مستر عمرو و جروب يوسف هذا العام ؛ لم ينتابني ساعتها الا شعور واحد يتلخص بالقلق الشديد ممزوج بقلق اشد منه :) خوفا من خذلان هذه الامال وضياع هذه الامنيات ولكن و بفضل الله ما هي الا دقائق عصيبه و تم اعلان اسم مشروعنا الجميل ليتحول قلقي الي فرحه لا توصف كادت ان تقتلني ؛لم انبهر بسلامي مع هؤلاء الرجال المهمين و انا اتسلم الشهاده و لم انبهر ايضاً من سلامي علي وزير الاتصالات فلم اجد فيهم الا رجال عاديين من لحم و دم يرتدون ملابس شبيه بالتي نلبسها و لكن ابهرني صوت التصفيق العارم الذي هز ارجاء المكان , صوت الصفير الذي استمر لبعض الوقت بحراره (مع ان فيه تكيف :P) .... فضلت ان ارد عليه قبل سلامي علي هؤلاء الرجال بخلع طاقيتي و التلويح لكم بها تعبيراً عن رد التحيه اسعدني ايضاً قدوم الناس التي اعرفها لشخصها ا و حتي شكلا و اناس لم اعرفم او اراهم من قبل و هم يباركون لي و يصفوت فرحتهم الغامرة بفوزنا و بمكانه جامعه حلوان . تقلدت و لو لبعض الوقت دور الرجل الحكيم و انا اوصي من يباركوني ممن هم اصغر مني سننأ بأن يضعوا الوصول لهذا المكان هذا صوب اعينهم و ان يفعلوا ما بوسعههم لارضاء انفسهم و ان الجد عليهم و النتيجه علي الله .
بما اني متقلد دور الحكيم فإليكم هذه الحكمه : :)

شعور رائع عندما تري من حولك يفرحون من أعماق القلوب و خصوصا لو كنت انت احد الاسباب .
2006
EED Software Engineering winners - Faculty of computer and information – Helwan University

2007
MIE 2nd place (undergraduate) winners - Faculty of computer and information – Helwan University
MIE Postgraduate winners-
Faculty of computer and information – Helwan University
EED Software Engineering winners -
Faculty of computer and information – Helwan University
2008
??????????????????????????????????????????

تعليقات

‏قال Mai_3ssam
مبرووووووووووووووووووووووووك ليكم بجد انتوا تستهلوا كل خير و كان باين جدا في مشروعكم اد ايه انتوا تعبتم.

كنت دايما احكي عن مشروعكم لناس كتييييير بس فعلا زي ما قلت "إن الله لا يضيع أجر من أحسن عملا" , "فإن مع العسر يسرا إن مع العسر يسرا".

مبروك كمان لمستر عمرو و للجروب التاني والله كل اما يقولوا ان حد من حلوان كسب بكون سعيدة جداااااااا و بحس باحساس غريب بس مش عارفة ايه هو.

انتوا كدة هتخلوني افكر نعمل شقة للبنات يمكن تطلع عباقرة زيكم كدة :D .يا ترى ايه سر الشقة دي ؟ :D:D:D
‏قال Ahmed M. Farrag
يملؤني شعور غامر بالفخر والعزة.. لحظة سماع اسم مشروعكم يلحقه اسم جامعتنا كانت لحظة فرح وسعادة ﻻ تصفهما كلمات..
أشكركم فقد رفعتم اسمنا عاليا :)
جزاكم الله خيرا :)
‏قال أحمد عماد
السلام عليكم ورحمة الله وبركاته
كلامك بجد جميل يا عيسوي فكرني بالأيام الجميلة بتاعة الشغل
يمكن إحنا كلنا كنا مع بعض تربطنا مواقف كتير
لكن هتظل علاقتي بعيسوي في أيام المشروع علاقة خاصة جدا نظرا لأن شغلنا كان مع بعض
أنا الأيام الي فاتت في ذهني على طول أيام الشغل
فاكر يا عيسوي لما كنا بنحط ديزين المشروع في المطبخ
فاكر الكتابة على السبورة
فاكر انتا وكل فيوتكس ومعانا كمان نبيل عملية النمل المتوحش
حاجات كتير قوي
أحب أستغل تذكري ليها وأقولك
آسف يا عيسوي على أي لحظة احتديت فيها عليك
آسف وأنا عارف إني مش محتاج أتأسف لأنك أكيد مقدر كوني كنت مضغوط زي الجميع
ودعني استعير أسلوبك وأقولك
ماتزعلش يا كوكو

أما بقى لحظات القلق قبل المسابقة
فأنا هتذكر موقف عالق في ذهني من ساعة ما فزنا
قبل إعلان النتيجة كان قاعد على شمالي حسام
ولقيته مرة واحدة وشه أتغير حسيت إن فيه شئ
لقيته بيقول
إحنا مش هنكسب
وازداد القلق لما لقينا في مسابقات الفايز فيها فريق واحد بس
ولحظة إعلان النتيجة وأول ما قالوا حلوان كلنا كتمنا نفسنا وفجأة مجرد ما قال
Traffic
كله انفعل بطريقته
الجميل بعد الموضوع بعد ما نزلنا من على المنصة
لقيت نفسي باخد حسام في حضني وكأني بقوله خلاص مفيش قلق
خصوصا وإني أنا وهو كنا أقل الجروب تفائلا
بجد أنا بحبكم كلكم يا فيوتكس
إنتم أحسن حاجة حصلت في حياتي
وطبعا بوجه شكري وتقديري لحبايبي يوسف وتامر ونبيل وإيهاب وشريف
والراعي الرسمي والرئيسي للجروب والمشرف على المشروع والمساعد الأول وكبير البصاصين وشهبندر التجار
عمرو غنيم
الي مهما أقول في حقه مش هيكفي كلام
وأولا وأخيرا
الحمد لله الذي تتم بنعمته الصالحات
السلام عليكم ورمحة الله وبركاته
‏قال Wafaa
سلام عليكم
االكلام جميل جدا يعبر عن مدي السعاده بالفوز والفخر والأعتزاز بحلوان.

طبعا أولا أقول 1000000000000000000 مبرووووووووووووك لكل الناس اللي كسبت الف مبرووووووك للرجاله اللي رفعوا راسنا وراس حلوااااان.

بجد انا بحمد ربنا اني ما سفرتش وحضرت اليومين دول عشان أشاركم الفرحه دي.

سبحان الله كان في حاجه غريبه جدا حسيت بيها في الكم يوم دول وأكيد ناس كتير حسيت بيها.
كنا بناقش المشروع وكلنا منتظرين النتيجه ووالله بلا مبالغه كنا بندعي يارب جروب يوسف يكسب وكنا بنقول ان شاء الله ياخد المركز الأول.
وفي يوم إعلان النتيجه كلنا كنا قعدين منتظرين وأول ما سمعنا جامعه حلوان واسم مشروعهم كلنا صقفنا جامد اوي بجد كنا فرحنين وكأن إحنا اللي كسبنا
وكمان د/ عمرو ياااااااااااا بجد كان إحساس فوق الوصف .
أما بقي في ال EED
ما شاء الله كان في مشاريع جامده وكويسه اوي وكانت المنافسه شديده بس إحنا طبعا ناس جامدين ومش بيهمنا
الحمد لله ربنا حقق أملنا فيكم بفوز مشروعكم واصبح فوز الجميع تاج ووسام في قلب كل من ينتمي لحلوان.

بجد انا كنت ماشيه والفرحه مش سيعاني .
الحمد لله شيء جميل جدا لما تحس انك فرحان وسعيد لحد أكتر من نفسك .

يارب كده دايما تكونوا في تقدم مستمر وتواصلوا مسيره النجاح ان شاء الله وربنا يوفق الجميع.
‏قال khaled adel
بجد والله مش عارف اقول ايه
انا فعلاً قبل ما نكسب وقبل ما اسمنا يتنده كنت قاعد من قبلها بكتير بتخيل اللحظة اللي هيتنده فيها اسمأنا
مش هقول كنت واثق من المكسب بس كنت هزعل جداً لو مكسبناش عشان التعب اللي تعبناه في الشغل
كل ده كان تفكيري قبل ما نكسب بس دلوقتي بعد ما كسبنا وشوفت فرحة الناس اللي حوالينا بينا قد ايه اللي يمكن تكون اكتر من فرحتنا احنا اساساً
, بحمد ربنا الف مرة اننا كسبنا عشان منخزلش الناس دي ونكون عند حسن ظنهم بينا
وبجد لو هنتكلم عن اللي يستحق الجايزة دي بجد وكل جايزة واي جايزة تاخدها جامعة حلوان هو عمرو ذو المجد الابدي الحبيب رع نيم
بجد يستحق مليون جايزة على اللي بيعمله مع الناس اللي في الكلية كلهم
وبرضه مينفعش ننسى يوسف صاحب الشقة اللي طلعت المواهب دي كلها والجروب بتاعه اللي ساعدونا في حاجات كتير وكان شغلهم جنبنا حافز لينا عشان نشتغل احنا كمان واللي فخروا بينا :d
وبعد دول ييجي كل طلبة الكلية اللي كانوا واثقين فينا اكتر مما حنا كنا واثقين في نفسنا
بجد ربنا يكرمكم كلكم ويوفقكم ويا رب السنة الجاية برضه كل المراكز من حلزان ان شاء الله
‏قال Shady M. Najib
eah ya 3am...2006 feha Group Traffic monitoring system 5th MIE, we KERD 3rd I2P Global kaman mesh fe masr bas...enta neset wala eah :D
‏قال Hossam Sadik
طبعاً صعب يبقى فى كلام بعد كل الكلام الجميل اللى اتقال من كل الناس
انا عاوز اشكر كل اللى وقف معانا وكل اللى كان بيتمنالنا الفوز وكل طلبة كليتنا اللى بجد مهما قلت مش هاعرف اوفيهم حقهم , بجد الايام ديه ماتتعوضش.

وشكر خاص جداً جداً لشباب وبنات دفعة 2006 بشادى واميرة عواد واسراء وخديجه ونهال واميره محمد ومحمد حسن وكل الناس اللى كانوا معانا دايماً
وأخيراً طبعاً الراس الكبيره عمرو غنيم حبيب رع :D

الف مبروك لينا كلنا والف مبروك لكليتنا شبابها وبناتها اللى دايماً رافعين راسها بروحهم الجميلة وهمتهم العالية وطموحهم اللى مالوش حدود .. ويارب دايماً يجمعنا فى الخير والافراح :)
‏قال Ramy Mahrous
rbna ykrmko 3la tooooooooooooool wy mn ngaa7 le ngaa7
‏قال أحمد عماد
في مغالطة كبيرة في كلامك يا خالد
ايه يوسف صاحب الشقة
إحنا مش انتهينا من الموصوع دا وقلنا إن الشقة دي أتأممت بقرار جمهوري
وأصبح الآن الحاكم العام للشقة في المقطم هو حسام بصفته قائد الغزاة
وبعدين جروب يوسف خلاص انكسر بعد الهزائم المتوالية في الشقة
يكفي قوي تجنيدنا لشريف صقر وقيامنا بعملية النمل المتوحش بمساعدته .. العملية الي تضرر فيها واحد من جروبه وهو نبيل
ويكفي إن إيهاب أقوى واحد عندهم مش هيعرف يتكلم علشان عيسوي موجود
ولا إيه يا عيسوي ؟؟؟؟
‏قال Ahmed Essawy
@ Mai
الله يبارك فيكي .
:)

الفن مش في اي شقه ...و السلام
لا الشقه بتاعتنا سرها باتع و باتع قوي كمان
:D
اولا لازم يكون فيها عفريت بيبوظ الاجهزة و بيعمل حاجات مش منطقيه خالص .
و ثانيا و دا من اسباب العبقريه الي بتتكلمي عليها ان الشقه الي فيها 11 راجل يكون باب الشقه فيها اي كلام علشان لما يجي الحرامي يسرقها بسهوله زي ما عمل عندنا .

و ثالثا يستحسن تكون في المقطم و ميكونش عندكم تكيف علشان لما الدنيا تبقي حر تعرفو تكتبو كود بمزاج
:P

يفضل يكون معاكو كتاب ابله نظيرة علشان انا عارف مهارتكو في الاكل .
:)
‏قال Ahmed Essawy
@ ahmed farrag
جزانا و اياكم يا محمدين

ايه يملؤني دي هو انت زجاجه
:P

و ثانيا اسم الجامعه كان قبل اسم المشروع .

سيب البتاع الي بتشربو دا هو الي جايبك ورا
:D:D
‏قال Ahmed Essawy
@ احمد عماد

طبعاً مسامحك يا حبيبي و لا انت تعرف عني غير كدا .
انا بجد نسيت كل حاجه شريره عملتها معايا .
:D
بس بشرط اني لو دايقتك بحاجه برضو تسامحني يا كوكو .

كلنا كنا مضغوطين ضغطه ما يعلم بيها الا ربنا .
انا مفتكرش ان في ايام في حياتي كلها كنت مضغوط فيها اكتر من كدا .
احنا كنا بنصحي علي ايرور في الكود
و نتمسي بإيرور تاني .
انسي ايه ولا ايه ؟؟؟
فاكر لما علقتلي ورقه ال
trigger
علي الثلاجه
:D
ولا التنويه الي كان فوق حوض المطبخ
:D
ولا المصارعه الي مش حر الي راح ضحيتها انا و نبيل ويوسف .
و الله رغم ان الايام كان فيها ايام مش لطيفه بس بجد نفسي الايام ترجع تاني حتي لو حنعيدها تاني .
اه صحيح من حننسي المقلوبه الي كان بيعملها الشيف عماد ولا ايهاب
ولا ملوخيه تامر
ولا كولمان القصب
:D:D:D

اه صحيح ان نسيت راعي مهم جداً من غيرة كنا ممكن نموت .
محل خير زمان الي كنا عايشين عليه ؟؟؟؟
;)

لمعلوماتك يا كوكو:
انا الوحيد الي اسمي مش كوكو
انا فوفو
انا مش عارف ليه بس يوسف الي بيقول كدا .
‏قال Ahmed Essawy
@ wafaa
الله يبارك فيكي و يكرمك علي الكلام الجميل دا .
و الله انا برضو كنت نفس الكلام الي انت قيلاه ده في اول يومين و كانت الفرحه مش سيعاني لما جروب نبيل و مستر عمرو فازو .
انا و الله مكش فارق معايا اني افوز او لا و خصوصا بعد ما الجروبين التانين فازو و الحمد لله .
قولت كدا كفايه
:D
لكن لما لقيت الناس املها كبير فينا
اتمنيت لو انني اشتغلت في المشروع اكتر من كدا 1000 مرة علشان تكون فرصتنا في الفوز اعلي بجد انا كنت قلقان لحسن منفوزش و اكسر نفس كل الناس الي كانت حاطه علينا امل و لكن الحمد لله ... الحمد لله ربنا مخذلناش و خللانا كلنا
نرجع البيت فرحانين .
الحمد لله ..حمدا كثيرا طيبا مباركا فيه ... الحمد لله كما ينبغى لجلال وجهه وعظيم سلطانه
‏قال Ahmed Essawy
@ Khaled Adel
@ Hossam sadik

و انا بضم صوتي ليكم و اشكر مستر عمرو ذو المجد الابدي حبيب راع غو نيم
و يوسف الي لولا الشقه بتاعتو الي بقت بتاعتنا ماكنتش طلع تالمواهب دي .
و طبعاً باقي الجروب ايهاب و تامر و نيبل و شريف
و شباب وبنات دفعة 2006 بشادى واميرة عواد واسراء وخديجه ونهال واميره محمد ومحمد حسن وكل الناس اللى كانوا معانا دايماً
او ساعدونا بطريق غير مباشر
و طبعا دفعتنا الي كان حولينا علطول و بنرفع معنويتنا
و محل خير زمان و المطاعم الي كنا عايشين عليها
‏قال Ahmed Essawy
@ Ramy mahrous
يا احنا وا نت يا رب .

و يارب تشتغل في ميكروسوف و الزمالك يفوز و اشوف بنتك مريم يا رب علشان تبقي فرحان علطول
;)
.
‏قال Ahmed Essawy
@ احمد عماد
عادي يا عماد اكيد غلطه مطبعه خالد ميقصدهاش .

الشقه دي بتاعتنا و الي مش عاجبو يسأل الجيران
:P

اهههههه
اه ايهاب .
مش دا الواحد الي كنت كاسر عينه
و كنتش يقدر ينطق ادامي .
و لما عصبني مرة ...
ضربت راسي في ايده و راسي اتعورت .
:$:D:D
‏قال david santos
In your name: Allah
‏قال Ahmed Said
الحمد لله علي النجاح
وان شاء الله نكون في تقدم مستمر
‏قال Batta
Mabrooooooooooooooooooooooooooooooooooooooooooooooooooooooooooooooook(F)(F)
http://www.elakhbar.org.eg/issues/17251/0403.html

yarab dymn mshrfena koloooooookom :)
‏قال david santos
The intention of my commentary is that they uam alliance Bush, Mubarak and Saudi Arabia go to motivate the escape of the American terrorism of the Iraq substituted for troops of the Egipto, and Saudi Arabia, later are the chaos, with the Syrian to be the victim for the American terrorism and the Israeli sionismo to attack Irão. It was good that I was deceived, but the time go-in showing them that I have reason. Later she appears the new American terrorist Administration to say that they see to help in the peace, as if they were not compromised to Bush and its terrorism.

Sorry my ingles is bad.
‏قال Ahmed Essawy
@ ahmed said
يا رب للجميع يا رب ...

@ fatma
شكرا يا فاطمه
و يا رب علطول ..
:)
‏قال Ahmed Essawy
@ david santos

اولا اهلا بيك في مدونتي هنا .
مرحبا بيك و بكل شعب البرتغال .
اولا انا بكتب بالعربيه لاني من خلال تصفحي للبلوج بتاعك عرفت انك تجيد العربيه و الانجليزيه و البرتغاليه ..

و ايضا عرفت انك راجل لا يعجبك سياسات عربيه و اجنبيه و بتحاول توضح لذلك من خلال بلوجك .

(انا بصراحه ما ليش في السياسه و لا بحب اتكلم عليها خليني في حالي الله يرحم والديك
:D )

بس بصراحه هدف كويس ...ما شاء الله انا من خلال متابعتي لبلوجك لقيت انك مديها وقت كبير جدا من وقتك .
‏قال Nesma Mostafa
alf alf alf mabrok :D:D ana mkontsh hnak bs 7akoly , bgd mabroook gedan 2nto tstahlo keda 7'als y3ne , w f3ln 7aga to7fa 2n kolytna ta7'od aktr mn markz keda , rbna ywf2na kolna isa :D

المشاركات الشائعة من هذه المدونة

خطوات تصب في طريق النجاح

ما من فرد منا في هذه الفترة يبحث عن عمل الا وسيبدأ مع اي شركه في اي مجال بالمقابله الشخصيه التي هي أولي الخطوات لتقديم و لتقييم الفرد المرشح . المقابله الشخصيه اختبار ذات جوانت متعدده .... مثلها مثل اي شئ في هذه الدينا .... اختبار و كل اختبار له عدده خطوات تصب في طريق النجاح ... اردت اليوم ان الخص بعض هذه الخطوات من خلال ما قرأته من مواقع متعدده هنا لتعم الفائده علماً بأن هذه المواقع مشار اليها في نهايه المقال . المرحله الاولي - التحضير : هي تلك المرحله ما قبل المقابله نفسها . تسمي في بعض الاحيان بالواجب المنزلي . كل ما عليك في هذه المرحله ان تراجع معلوماتك فغالبا انت معرض لاختبار (تقني technical و ذكاءIQ و شخصي peronal test ) . حاول ان تجلب معلومات عن الشركه... عنوانها ... مجالها .... فروعها ... الاشخاص الذي سوف تقوم بمقابلتهم في المقابله الشخصيه (يمكنك ذلك من خلال موقع الشركه علي الانترنت او من خلال اصدقائك و من حولك ) هذه المعلومات سوف تدعمك وقت المقابله مع الشركه . جهز صورة شخصيه و السيرة الذاتيه فأحياناً كثيرة تحتاج الشركه لها . حرصك علي هذه الاشياء الصغير سيعطي فرصه للشركه لكي

أجمل ما قيل في الاخوة في الله

للامانه لست أنا صاحب هذه المقاله انما جاءتني كأيميل يتناقله الناس بدون صاحب :) قال تعالي :  (إنما المؤمنون إخوة) الحجرات ايه 10 . وقال صلي الله عليه وسلم (المسلم اخو المسلم لا يظلمه ولا يسلمه). وقال ايضا (لا يؤمن احدكم حتي يحب لأخيه ما يحب لنفسه) قال الامام احمد بن حنبل ""إن لنا أُناس لا نراهم إلا في كل عام مرة نحن أوثق بمودتهم ممن نراهم كل يوم"" قال عمر رضي الله عنه في مجلس المهاجرين و الانصار (( أرأيتم لو ترخصت في بعض الأمور ماذا كنتم فاعلين!! فكرر فلم يجيبوه )) فقال البشر بن معاذ: لو فعلت قومناك تقويم القدح ( السهم الذي يرمي به عن القوس) قال: عمر:أنتم إذن !أنتم إذن. ثمرات المحبة  قال تعالي في حديث قدسي:  (وجبت محبتي : للمتحابين فيَّ ، و المتجالسين فيَّ ، و المتزاورين فيَّ ، و المتباذلين فيَّ). قال رسول الله صلي الله عليه و سلم (الله في عون العبد ما كان العبد في عون أخيه). قال رسول الله صلي الله عليه و سلم يا أيها الناس ! اسمعوا ، واعقلوا ، واعلموا أن لله عز وجل عبادا ليسوا بأنبياء ولا شهداء ، يغبطهم النبيون والشهداء على منازلهم وقربهم

حل مشكله عدم الاضاءه او السطوع عند ترقية لينوفو لابتوب الي ويندوز 10

اتبع الخطوات بالاسف اذا واجهت مشكله في سطوع الشاشه بعد ترقية لابتوب لينوفو Z500 الي ويندوز 10 lenovo z500 touch brightness not working after windows 10 update 1:-   Win + R 2:-   Type in 'regedit' 3:-   Press F3 to bring out the find menu. 4:-   Type in 'FeatureTestControl' And Click On 'Find Next' 5:-   Once Found 'Right Click' on it and select 'Modify' 6:-   Replace the Original Value By'ffff' 7:-   Save It And Restart The System 8:-   Problem Solved