التخطي إلى المحتوى الرئيسي

صمنا عن الحلال ...و لن نفطر علي طعام و شراب اعداءنا

موضوع معدل (حتي تكون معلوماته اكتر دقه... شكرا لاصدقائي الذين قامو بتنبيهي )

الدنيا لسه بدري و الشروق لسه عليه شويه ... و بقالي فترة مش متابع الاخبار ... فقولت ادخل اشوف ايه الجديد ...
مع اني شبه عارف الي حلاقيه ....
اكيد حلاقي امريكا بتتكلم علي سوريا لغايه ما يجي الدور عليها و احنا بنستنكر و نشجب ...

و علي انفجار في العراق (ما هي مبقتش تفرق معانا قوي ... زي ما تقول كدا حضرتك جسمنا نحس من كتر الضرب -مثل مصري-) ...
و مقتل كام واحد في فلسطين ....
و مش عارف الرئيس الفلاني راح يبحث الاوضاع الخطيرة في المنطقه مع امانا الغوله ... بتاعه امريكا ... الانسه رايس ...
و عن الرياضه العالميه ...
برضو مش عارف مين جالو شد في رجله ... و راح المستشفى ...
و مين عايزين يبيعوه ب 20 مليون يورو ..
و اعلان بطل التنس العشبيه و تكريمه (اصل عندهم حاجات تانيه غير العشبيه فكل يوم حاجه :) ) ...
و عن الرياضه المحليه ...
كل يوم في ماتش كورة ... فحتلاقي معاد الماتش ...
علي ازمه بين لاعب و مدرب او مدرب و جهاز فني ... عادي بقي ...

ضمن الروتين الي الواحد عايش فيه ... بيصحي في ساعه معنيه ... بينام في وقت معين ... لو خرج مع اصحابه يبقي غالبا في ساعه معنيه .... وقت الفطار ثابت ... و اخيرا الاخبار بقيت ثابته ...

محدش ناصح زي واحد اعرفو يقولي لا ... الاخبار مش ثابته .. عدد الي بيموتو كل يوم بيتغير :@... انا اقصد ان مش حتيجي في يوم و حد يقولك الاوضاع في امريكا بايظه و امريكا مهدده ... اصل كندا مثلا بتهددها ... عمرك ما حتسمع ان المانيا دخلت انجلترا ... دا الي اقصدو بالروتين ...

المهم قريت الاخبار ... الحمد لله ... بس استفزني خبرين جدا ... واحد منهم بيقول هجوم انتحاري في االعراق و تتوعد بشن غزوة خلال شهر رمضان دون تفاصيل .
حتي في شهر الصيام ...... ايه الهبل دا ... فين امريكا الي واكله البلد و شاربه من بترولها ..... امريكا الي كل سنه بتقول ادامي سنه كمان و اطلع من هنا .... ايه الجديد من ساعه ما دخلت البلد .... لا شئ .... ... هي امريكا بتشتغلنا !!!!! طيب ... حنقول ماشي ... بس مش بالسذاجه دي ... احنا برضو بنفهم شويه ... اعملو اي حاجه تخسسنا ان حصل تغير او تعديل في البلد ... كل كام يوم تبعت ذخائر و جنود للجيش بحجه الدفاع و تعديل الوضع .....و تعمل عبيطه ... اصلها بتحبنا قوي و عايزة تدافع عننا ..... . بأمارة المجازر الي بتحصل كل يوم ... علشان مش لاقيه حد يقف ادامها ...
بس ارجع و اقول مش بعيده علي بلد بتدعي احترامنا ... و بتسب الاسلام و تهين المصحف .... واحده زي دي اتوقع منها حاجه كويسه ازي ؟؟؟؟؟ انا الي غلطان اني متوقع انهم مش حستهبلونا للدرجه دي .....

الي اعرفه ان كل يوم نقتنع بالمقاطعه اكتر ... لانها الشئ الوحيد اللى بأيدي ممكن اعمله بعد التقرب الي الله و الدعاء لاخواتنا في كل مكان .... انا عارف ان المقاطعه مش واجبه ... ايوه ... حكمها الشرعي انها يثاب عليها فاعلها ... و لا يجزى عليها تاركها ...

لكن بحس اني انسان تافهه ... عاله على امم لا تستحق ... انسان لا معني له في الحياه ...فرد اناني غير مدرك لاي شئ ....سبب في شقاء اخرين...مذنب في جميع الاحوال .... . لما اشوف كل دا بيحصل فينا و احنا بنستورد منهم و لو اسم المنتج ....بيثر في جسمي الم و رعشه ...في نزعه الفرديه زياده شويه بعيشها المجتمع حالياً .....

حيجي واحد يقول .... يا عم فكك ...من الصداع دا .. انت وجت دماغي ... ما هي مش حرام ... ارجع و اقوله يعني مش مالي عينك الثواب علي الاقل لما اموت ابقي رافع راسي ... علي الاقل ابقي عمل تو لو جزء من الي عليا ؟؟؟؟
حد يقولي ؟؟؟؟ يعني لو مشربتش بيبسي مثلا !! حيحصلك ايه ؟؟؟ حتموت ؟ ولا حتنقص ذراع ؟ ولا البيبسي بتزيد من قيمتك ؟؟؟
و حتي لو قولتلي بتظبط المزاج ... ليه ما تقاومهاش (مع ان ليها بدايل كتييير ) و تستلذ الثواب( تخيل كده لحظه مشربتش فيها بيبسي في عز النهار و الدنيا حر ... يا تري رد ربنا علي الموقف دا حيكون ازاي (جزاء)!!! ) .. في نفس اللحظه الي ايدك فيها مش حتروح ناحيه البيبسي ....و يبقي استلذيت و اخذت ثواب بإذن الله ... دا نوع من انواع الجاهد ...
حد يقولي ناس ... بتستحقرنا كدا (دول المقاطعه) .... ازاي نبني لحم كتافنا منهم ... ازاي يكون و لو جزء مني ...جاي منهم ...
و الله دا مش كلام و خلاص ... انا مش حسمح ان يكون للناس الحقيرة دول فضل عليا .... و انا سبب في دا ...

يا جماعه ... قاطع و لو حاجه ...اي حاجه .... قاطع الي تقدر عليه ....و كله في الميزان ...

القضيه الي اصبحت كذا قضيه ... دي مسئوليه امه .. مش واحد لوحده ولا جماعه لوحدها ..
ايمانك بالقضيه بس مش كفايه ....تعاطفك لوحدوه مش كفايه ....المقاطعه دي اقل و اهون رد فعل يعملو ناس لسه عندها كرامه !!!!!!

"يَا أَيُّهَا النَّبِيُّ جَاهِدِ الْكُفَّارَ وَالْمُنَافِقِينَ وَاغْلُظْ عَلَيْهِمْ" (التوبة: من الآية73).
وجه الدلالة: أن الله تعالى أوجب على المؤمنين مجاهدة الكفار والمنافقين، إما وجوباً عينياً أو كفائياً، ومن المعلوم أن في جهادهم استباحة لهم ولاموالهم، فإلحاق الضرر بهم عن طريق المقاطعة الاقتصادية مشروع من باب أولى .
اضغط علي الصورة للانتقال "لدراسه شامله للمقاطعه الاقتصاديه "


تعليقات

‏قال Rehab Mostafa
الله عليك يا أحمد يا عيسوي
ايه الكلام الجامد ده كله
والله عندك ألف حق في كل كلمه قلتها من أول الأخبار البايته المستفزه والروتين الممل لحد المقاطعه والناس اللي بتتفه موضوع المقاطعه
في ناس منطقها في الموضوع ده ان مش ازازة البيبسي اللي هيشربوها هي اللي هتخرب بيت مش عارف مين وهتنقذ مين ...زي نظام كده الورقه اللي هرميها مش هي اللي هتبهدل المكان ماهي الناس كلها بترمي... وكله بيقول نفس الكلام ومستني اللي قدامه لما يبدأ الأول وماحدش بيبدأ خالص بنفسه
..... كفايه كده وربنا يكرمك ان شاء الله
وكل سنه وانت طيب صحييح :)
‏قال غير معرف…
موضوع جميل وعاجبنى
بس + المقاطعة لازم فى الاول نقوى نفسنا اقتصاديا وعلميا ,
انا مش عارف الارقام بالظبط ,بس شايف ان المعركة فى الاصل معركة قوة , الاقوى هو الى بيفرض على الضعيف تحركاتة بطريق غير مباشر ,زى لعبة الشطرنج
ياعنى يجبرك انك ماتقدرش تقاطعوا لانه بيديك معونات كبيرة بيقوم عليها جزء كبير من اقتصادك , لو دخلت فى اتفاقية الكويز هتوفر فرص عمل لناس كتير , وهكذا
لازم احنا الى نبدا بالتحكم فى الامور عن طريق قوتنا بحيث نجبر الى قدامنا يتحرك ازاى
اسف على الاطالة
سلام
‏قال Ahmed Essawy
الي رحاب

الله يكرمك علي المجامله دي ...
انا مش حعلق الا علي احاجه واحده ...
موضوع رمي الورقه علي الارض ...
دا موضوع ثقافه مجتمع
لو كل واحد بدأ من نفسه..
سيبك من الي حوليك... ليه متكونش انت قدوة ..
حيخسر الواحد ايه لما يشيل الورقه في جيبه لغايه اقرب سله مهملات ...
بذمتك مش بتتكسف من نفسك و انت بتعمل كدا ...
لو لا ..يبقي انت مش بشر عندك احساس و الموضوع دا ازمن عندك...
و دي مشكله تانيه لازم تتعالج منها
ايه الي فيها بعد ما نخلص اكل الشبسي و البسكوت ... بدل ما نرمي الحاجات دي علي الارض ...
و نكمل مشي ... اخد الجاتا و مطبق الحاجات كلها بحيث تدخلها في كيس الشبسي الفارغ مثلا و ضغطه و تحطه في جيبك ...
او لو معاك شنطه تحطه م فيها
مش دا الصح !!!!!!
طب ليه مبتعملش كدا.
و كمان قبل كدا كمان مبادئ دين...
لا المسلم ولا المسيحي دينه
بيسمحله بتلويث المكان او بعدم النظافه..
ثقافه رمي الحاجه من الشباك دي او علي الارض ...
دي بتأذي نظر ناس كتير لما بيشوفو الدنيا عامله كدا .
و بتسئ لسمعه المكان و الناس الي موجوده في المكان .. يعني بتسئ ليك بصفه غير مباشرة ..
مش عارف انا عندي كلام كتير ممكن ابقي اخصص ليها بوست كامله
‏قال Ahmed Essawy
الي Anonymous

تمام قوي ...المثل الي انت ضربته...
الشطرنج..
بس كمان في لعبه الشطرنج مش معني انك معاك قطع اكتر انك حتفوز
ممكن واحد بثلاثه او اربع قطع بدمر جيش كامل ادامه
... احنا دلوقت في وضع القطع الاقل .. بس مش معني كدا ان امل الفوز معدود .. هو قليل .. مش معدوم...
علشان كدا لازم علشان نفوز في اللعبه نعمل ترقيه لكام عسكري ولا حاجه علشان نزود عدد القطع و هي دي الي فيها نقوى نفسنا اقتصاديا وعلميا
و اخلاقيا و دينيا
‏قال Ramy Mahrous
سيبك من كده كمان في حاجه اسمها البديل بتشرب بيبسي في شويبس او فيروز او سبورت
في حاجات كتير اوي ليها بديل ممكن مش بنفس الجوده بس اهو احسن من انك تستخدم منتاجتهم او تمنع نفسك من حاجه اتعودت عليها
هتلاقي كام حاجه كده ملهاش بديل نحاول نقلل من استخدمنا لها

المشاركات الشائعة من هذه المدونة

خطوات تصب في طريق النجاح

ما من فرد منا في هذه الفترة يبحث عن عمل الا وسيبدأ مع اي شركه في اي مجال بالمقابله الشخصيه التي هي أولي الخطوات لتقديم و لتقييم الفرد المرشح . المقابله الشخصيه اختبار ذات جوانت متعدده .... مثلها مثل اي شئ في هذه الدينا .... اختبار و كل اختبار له عدده خطوات تصب في طريق النجاح ... اردت اليوم ان الخص بعض هذه الخطوات من خلال ما قرأته من مواقع متعدده هنا لتعم الفائده علماً بأن هذه المواقع مشار اليها في نهايه المقال . المرحله الاولي - التحضير : هي تلك المرحله ما قبل المقابله نفسها . تسمي في بعض الاحيان بالواجب المنزلي . كل ما عليك في هذه المرحله ان تراجع معلوماتك فغالبا انت معرض لاختبار (تقني technical و ذكاءIQ و شخصي peronal test ) . حاول ان تجلب معلومات عن الشركه... عنوانها ... مجالها .... فروعها ... الاشخاص الذي سوف تقوم بمقابلتهم في المقابله الشخصيه (يمكنك ذلك من خلال موقع الشركه علي الانترنت او من خلال اصدقائك و من حولك ) هذه المعلومات سوف تدعمك وقت المقابله مع الشركه . جهز صورة شخصيه و السيرة الذاتيه فأحياناً كثيرة تحتاج الشركه لها . حرصك علي هذه الاشياء الصغير سيعطي فرصه للشركه لكي

أجمل ما قيل في الاخوة في الله

للامانه لست أنا صاحب هذه المقاله انما جاءتني كأيميل يتناقله الناس بدون صاحب :) قال تعالي :  (إنما المؤمنون إخوة) الحجرات ايه 10 . وقال صلي الله عليه وسلم (المسلم اخو المسلم لا يظلمه ولا يسلمه). وقال ايضا (لا يؤمن احدكم حتي يحب لأخيه ما يحب لنفسه) قال الامام احمد بن حنبل ""إن لنا أُناس لا نراهم إلا في كل عام مرة نحن أوثق بمودتهم ممن نراهم كل يوم"" قال عمر رضي الله عنه في مجلس المهاجرين و الانصار (( أرأيتم لو ترخصت في بعض الأمور ماذا كنتم فاعلين!! فكرر فلم يجيبوه )) فقال البشر بن معاذ: لو فعلت قومناك تقويم القدح ( السهم الذي يرمي به عن القوس) قال: عمر:أنتم إذن !أنتم إذن. ثمرات المحبة  قال تعالي في حديث قدسي:  (وجبت محبتي : للمتحابين فيَّ ، و المتجالسين فيَّ ، و المتزاورين فيَّ ، و المتباذلين فيَّ). قال رسول الله صلي الله عليه و سلم (الله في عون العبد ما كان العبد في عون أخيه). قال رسول الله صلي الله عليه و سلم يا أيها الناس ! اسمعوا ، واعقلوا ، واعلموا أن لله عز وجل عبادا ليسوا بأنبياء ولا شهداء ، يغبطهم النبيون والشهداء على منازلهم وقربهم

حل مشكله عدم الاضاءه او السطوع عند ترقية لينوفو لابتوب الي ويندوز 10

اتبع الخطوات بالاسف اذا واجهت مشكله في سطوع الشاشه بعد ترقية لابتوب لينوفو Z500 الي ويندوز 10 lenovo z500 touch brightness not working after windows 10 update 1:-   Win + R 2:-   Type in 'regedit' 3:-   Press F3 to bring out the find menu. 4:-   Type in 'FeatureTestControl' And Click On 'Find Next' 5:-   Once Found 'Right Click' on it and select 'Modify' 6:-   Replace the Original Value By'ffff' 7:-   Save It And Restart The System 8:-   Problem Solved