Friday, 28 September 2007

خدعوك فقالوا


خدعوك فقالوا لو وقفت علي سلم عازل و مسكت سلك فيه كهرباء ... مش حتتكهرب :D .

ايوه يا ناس الكلام دا طلع اشتغاله و مش حقيقي :) ؛ انا النهارده كنت في بيت تيته و عامل فيها كهربائي و عمال اغير لبمات و حاجات كدا لان دا بيت عيله ....و طلعت علي سلم حديد بس الاماكن الي بيقف عليها الواحد خشبيه ... و لابس شبشب عازل (الازرق المشهور الي عند ثلاث ارباع الشعب المصري –الي مكتوب عليه O2-) يعني مطاط و عازل ..... و قولت استفيد من الكلام الي اخذته في اعدادي و مسكت السلك المكشوف ....:$

بس دا الي حصل .... :D:D

و لكن حصل حاجه غريبه قوي ... انا اتكهربت كهربه قويه شويه ... بس مش بطاله :D بس الحمد لله و الاغرب اني موقعتش من السلم ولا محصليش حاجه زي ما بنشوف في التلفاز.

سبب الي حصل حاجه من دول انا مش عارفها :

# ان الكهرباء مش مالي عنيها عتبات السلم الخشبيه او الشبشب العازل .

# انا قاعده شاذه في عالم الكهرباء (يمكن اكون ظاهرة لم ترصد بعد في عالم الكهرباء ).

# ان الكهرباء بتاعه زمان غير كهرباء اليومين دول ... حاكم اليومين دول كل حاجه عامله تحرر من كل حاجه :D .

# ان الراجل الي قال الجمله دي ... واثق ان مفيش حد اهبل حيمسك الكهرباء و يجرب في نفسه ... فقال أي كلام و الناس صدقته .

# لحاجه في نفس يعقوب ....

انا ارجح الاخيرة .... لاني في حاجات كتير مش لاقيلها تفسير ... ولا عارف انا بعملها ليه ...فبطلعه السبب و ابطل تفكير :D:D .


في حاجه تانيه عايز اطلبها من كل الي حيقرا المقاله دي ... يا ريت الجميع يدعو لوالد صديق عزيز ليا بالشفاء العاجل ... اللهم يا رب الناس أذهب البأس و اشفه شفاء لا يغادر سقماً .



11 comments:

آلام وآمال said...

لا يا احمد باشا في احتمالات تانية انت مش واخد بالك منها

ان ممكن حضرتك تكون راكن على الحيطة او ايدك لامسة السقف اللي انت بتركب في اللمبة

او انك مسكت الطرفين بتوع الدوايا مع بعض السالب والموجب من غير ما تقصد

والاحتمال الاهم واللي انا شاكك فيه انك تكون واكل كمية كبير من الكورن فليكس اللي مرسوم عليه الديك الاخضر
اصلهم بيقولو ان بعد الفحص اتضح ان الكورن فليكس ده مليان حديد معادن ضارة بالجسم

:D:D :D:D

ابقى خلي بالك بعد كده يا فالح ومتلعبش ف حاجة متعرفهاش
ههههههههههه

Anonymous said...

بوست جميل قوي و اسلوبه لذيذ
يا رب اشفي كل مريض

Mohamed Gamal El-Den said...

يابني انت تلاقيك انتاللي كهربت الكهربه :D

اللهم اشفي مرضي المسلمين

م-هويدي said...

عشان تبطل تصدق كلام الكتب

اللهم إشفي جميع مرضي المسلمين

ياسر مدني ...دينامو الإخوان said...

ربنا يكرمك ويجازيك خير علي الشغل الجامد ده ويارييت متنسوناش بقي
وخصوصا عشان أعرف رأيكم في موضوع ا لفوازي اللي مش حتجيبها البر دي
علي فكره دي عباره عن خلق وصحابي

Rehab Mostafa said...

أولاً ان شاء الله ربنا يشفي مرضى المسلمين

ثانياً: العيب مش في الكهرباء ولا الراجل اللي قال الجمله دي :D
العيب فينا احنا .... احنا عندنا كهرباء زياده شويه والدليل على كده اني يتكهرب من سلك التليفون ومن الكمبيوتر ومن البوتجاز حتى والله :D:D
ومن غير تريقه أنا كهربت ماما بيه حوالي 3 مرات أيام المشاريع :D:D:D

HoNdA said...

ههههههههه اكتفى بالضحك
ربنا يشفى مرضانا ومرضى المسلمين

nourhetler said...

ادعوك لزيارة مدونتي والاطلاع علي قصيدة مبارك يا من ذا الذي في مصر الجديده
شكراا

osama said...

اظن الاحتمال ان محدش هيمسك الكهربا اقوى احتمال ..
بوست جميل فعلا لاني مش مقتنع فعلا فعلا بموضوع ان الكهربا متكهربش دي ههههههههه
خالص تحياتي

أمــانــى said...

كـل عيـد وانتم بخير واعاده الله عليكم وعلى الامـة الاسـلامية بالخير واليمن والبركات
يااااااااااااااااارب آمــــــــــــين

أحمد الصـــــباغ said...

هههههههههه
حلوة اوى بجد

مدونة رائعة


تحياتى