Saturday, 13 October 2007

انت فين يا فوفو ؟؟؟؟

احم احم ....
انا و اعوذ بالله من كلمه انا .... :D:D:D
طيب بلاش اقول انا .... نقول فوفو ... ما هو اصحابي بيقولو لي كدا .... فوفو ... حتقولي ايه وجه الشبه بين احمد عيسوي و فوفو ....
حقولك هو مش وجه شبه ولا دلع ولا حاجه .... غالبا دا وجه اختلاف ..... هو كدا .... انا مرة صحيت من النوم لقيت اصحابي حبايبي بيقولي يا فوفو .... ازيك يا فوفو... عامل ايه يا فوفو !!!! غالبا حصل حاجه و انا نايم خلتهم يسموني كدا .... علشان كدا انا مش عارف ..... المهم شغلت شويه ذكاء صناعي من اللي عندي نظرا لاني عقليه مش معمليه ولا فذه .... فهمت انهم يقصدوني انا .... :D:D:D

المهم فوفو دا دلوقت تعبان و عندو اربعه ادوار ...
دور برد
و دور كحه خفيفه
و دور تكسير في العظم ( اصله راح النادي و لعب كورة لغايه ما انتقم من نفسه :) )
ودور هلوسه مؤقت (بدليل الكلام الرهيب الي انتو شافينو دا )

فأصحابه حبايبه اتصلو علي فوفو علشان تطمنو عليه ... و واحد منهم اسمه خالد عادل دعاله دعوه حلوه قوي .... لما عرف ان فوفو عندو اربعه ادوار ... قاله يا رب يهد العماره الي عندك دي ...
فوفو لما شاف كل اصحابه بيتصلو عليه يطمنو ... قلق علي نفسه قوي و قال هو كمان يتصل علي نفسه يشوفها عامله ايه دلوقت ... المهم قلق اكتر حاول يتصل علي البيت بتاعه من البيت بتاعه و لقاه مشغول ... بس علشان هو عندو ذكاء صناعي زي ما قلتلكم من شويه ... قال خلاص اطلبه من الموبيل من الموبيل بتاع نفسه ... فبرضو لقاه مشغول .... قلق عليه اكتر ... المهم قال اخر حل انو يكتب المقاله دي يمكن نفسه تشوفها ... و تكتبله كومنت و تطمنه ....

16 comments:

Ahmed Essawy said...

انا قلقتني
انا كويس يا انا
:D:D
بس غريبه ان التليفون مشغول
:D:D

AhmedOsama said...

الحمد لله الذي عافانا مما ابتلى به كثير من الناس
:)

FCI Fish said...

La 7awl wala kewat ella bellah.... mknsh yomak ya 3essawy... enta kont a32al magneen FCI ... bass ana 7assa beek gedan la2en el arba3 adwar doll golly mn esbo3en we kont bamooooooot we ma5ragtesh menhom 3'er be 2o3gobaaa... fa enta hatetar tebe3 el 3emara kolaha abl matethad zay ma5aled da3alk.. 3ashan teshtery el 2o3gobaa we isA bel shefaaa :D:D we yarab fofo yebatal kalam we tetesel tela2eeh ba2a isA :D
kol sana wenta tyba ya FOFO :D

Hala A.Mehana said...

Alf salama 3lik ya FOFO
we 3ala ra2i 7'aled Rabna yehd el 3omara elly 3ndk:D
We kol sana we enta tayeb

آلام وآمال said...

هههههههههه


ايه يا احمد مالك
الف سلامة عليك بجد
هو العيد فرحك للدرجادي

:D :D

كل سنة وانت طيب يا سيدي

khaled adel said...

لأ مش هينفع كده يا فوفو
لازم تخف بسرعة عشان خارجين بكرة ان شاء الله
وابقى سلملي على عيسوي وقله ربنا يجبله قرار ازالة ونرتاح منه ونخلص

مبرمج حر said...

:))

ألف سلامة عليك يا أحمد

وكل سنة وأنت طيب وبمليون صحة وسلامة

:D

Mohamed Gamal El-Den said...

الحمد لله الذي وهبا العقل

moataz said...

الف سلامه عليك ياعيسوى والمناسبه انا كمان قعدت الاسبوع اللى فات كله كدا .. شكلها ماشية فى البلد اليومين دول

Youssef Mamdouh said...

la ellaha ela allah, la 7awla wala kowata ella bellah, ashhado alla ellaha ella alah

HOssam Sadik said...

يرحمكم الله , وانت من اهله , نعيماً , تصبح على خير

m-hewedy said...

بنا يشفيك يا أحمد
وتقوملنا بخير
ياجندي

Zo0oZ said...

أيوَن أيوَن .. هي دي الاعراض فعلا
:D

مجرباها و الدور عندي مع العيد كمان خلـّى العيد عيدين
:D

أجر و عافيه ان شاء الله
:)

Rehab Mostafa said...

الف سلامه عليك من الدور الرابع بالذات وان شاء الله يجي قرار الازاله بسرعه للأدوار دي
وبعدين ماتبقاش تغل التليفون علشان تعرف تطمن على نفسك وبلاش تستخدم ذاكائك الصناعى :D
خليك في الذكاء الطبيعي أحسن من عند ربنا ومضمون
وكل سنه وانت طيب

Wafaa said...

سلام عليكم
انا بقالي كتييييير مش متابعه اخبار المدونات --وفوجئت بمقالات كتييير عايزه أقراها
ودي كانت احدثهم :)
اولا كل سنه وانت طيب وشفاك الله وعفاك من كل الأدوار اللي قولت عليها ان شاء الله.
ما شاء الله المقاله كلها توهان -- حوار نفس تائهه قد ضلت الطريق:D
المهم طمنا لقيت نفسك في الأخر ولا ايه...
أما إسم فوفو هو إحدي الأسماء اللي الناس بتناديلي بيها --غريب جدا انه يبقي إسم دلع لولد وكمان أحمد
يمكن زي مانت قولت ده وجه إختلاف :D:D

Ahmed Essawy said...

ما شاء الله
كل سنه و انت طيبين كلكم
انا الحمد لله خفيف من الاربعه ادوار الي جولي ...
لان العمارة وقعت
:D
الحمد لله .