Thursday, 15 November 2007

فوفو و دماغه العليا

لو كنت دماغك زي فوفو....
لو عليك شغل كتير في المطبخ شويه و حياخد وقت كبير ... و بس مش بيحب الروتين .... بتزهق من انك كل ما تدخل المطبخ تعمل في صمت لا يقطعه الا صوت حله بتخبط في اختها او صوت حاجه علي النار مش اكتر ......
لو كنت بتفكر في حاجه تسليك و انت جوه المطبخ ....
لو نفسك تشغل الميديا بلاير او الريل بلايل جوه المطبخ كنوع من التسليه و تسمع حاجه ممكن تفيدك .... لا و كأنك ادام الجهاز لو حد بعتلك Nudge علي الماسنجر او بيكلم .... تروح تكلمه ....و ترجع تشوف الي وراك !!!!!!!!!!
يبقي متشيلش هم و خليك مع فوفو ..... حتي لو كان جهازك بعيد عن المطبخ قوي :D
مع فوفو ...كل همومك محلوله .....
فوفو سأل كذا محل اكسسوارات عن حاجه كدا و لكن ملقاش بالظبط الحاجه الي عايزها الا عند محل واحد و غالي قوي و مش عملي ...
بس علشان الحاجه ام الاختراع ...
روحت مفتكش ابتكار صغير كدا علي السريع و حل المشكله الحمد لله ....و مكلفنيش حتي عشرين جنيه علي بعض.....
ببساطه ... جبت عشرة متر سلك نيتورك العادي ابو خمسه و سبعين قرش للمتر... و وصلت ناحيه من السماعات و ناحيه في كرت الصوت ...
حتقولي ازي !!!!!
ببساطه نهايه أي سماعات كمبيوتر في الدنيا ليها 3 اطراف سلك ..... وصلتهم من ناحيه بسلك النتورك عادي و من الناحيه التانيه لسلك النيتورك ...وصلته بنهايه الوصله دي ...و وصلت الوصله دي بالجهاز ....
الوصله دي ...معروفه عن معظم محلات الاكسسوارات .... زي مشترك الكهرباء بالظبط ...بس دي بتوزع صوت مش كهرباء طبعا ...بيوزع الصوت علي فتحتين .... الناس بستعملها لو المزربورد بتاعتهم فيها فتحه صوت واحده و هما مثلا عندهم سماعات خارجيه و سماعات اذن و عايزين يشغلوهم مع بعض ...
محدش يقول ليه بعمل في نفسك كدا !!!!!.... للناس الي ميعرفوش عني او عن فوفو كتير ... انا واحد من الناس والدي مسافر علشان رزقه مكتوب في بلد برة والدتي و اخويا الضغير مع بابا ... و اخويا في الجيش :D بيحمي القوميه العربيه ...
:D:D:D:D:D. انا هنا لوحدي مع اختي و اكيد مش حشيلها كل حاجه :)...
النهايه من مطبخ فوفو ...


5 comments:

عصفور المدينة said...

نحجز الأول وبعدين نقرا

عصفور المدينة said...

ربنا يعينك يافوفو بس البوست الكلام متكرر مرتين

آلام وآمال said...

في ايه يا فوفو

انا مش فاهم حاجة يا مخترع باشا
:(

Rehab Mostafa said...

:D:D:D
اول ما قريت أول الكلام فكرتني باعلانات التليفزيون ...مع فوفو مافيش مشكله وفكرتني كمان بالنمله العبقريه اللي خليتك تكلم مامتك وتيتا في نفس الوقت مع ان كل حد في مكان بعيد
قلت مش غريب على فوفو الكلام ده برضه :D :D
العبقريه ليها ناسها برضه وناسها دول حاسبات ومعلومات حلوان يا فوفو باشا قصدي يا باشمهندس أحمد يعني
ربنا يخليك لينا وتفيدنا على طوول بالحاجات اللي بتفتكسها دي

Ahmed Essawy said...

@ شكرا علي التنويه ...
جزاك الله خير ...



@آلام وآمال
ولا حاجه
دا مش اختراع بالمعني علي قد ما هو افتكاسه ....
الفكرة اني وصلت سماعات كمبيوتر بجهاز كمبتوتر و البعد بينهم اكتر من عشرة متر اعتمادا علي اسلاك نيتورك ..
بس يا سيدي :)



@ Rehab
ربنا يكرمك يا رحاب ...
انا عايز اضيف لمثل بتاع الحاجه ام الاختراع
بحيث يكون
الفراغ ابو الافتكاسه والحاجه ام الاختراع
و الافتكاسه و الاختراع اخوات
:D