Sunday, 18 November 2007

خفايا ماسنجر الجوجل

زي ما الكل عارف ان الجوجل عامله ماسنجر اسمه Google talk or Gtalk الاتنين بنفس المعني ....بيتميز بأنه اخف ماسنجر مشهور .... و دا مش حاجه غريبه علي حاجه طالعه بأسم الجوجل ...
دلوقت انا حتكلم علي حاجات موجوده فيه ...ناس كتيره متعرفهاش ... حتي انا اول مرة اعرفها .... عن قريب ...

اختصارات الكيبورد اثناء المحادثه :
Keyboard shortcuts

* CTRL + Mousewheel up/down: تغير خط المحادثه فورياً .
* CTRL + E: توسيط الكلام
* CTRL + R: محاذاه لليمين
* CTRL + L or CTRL+J: محاذاه لليسار
* F9: فتح نسخه من بريد الجوجل Gmail لارساله رساله للشخص صاحب المحادثه .
* F11: بدأ اتصال
* F12: انهاء الاتصال الحالي
* ESC: اغلاق المحادثه الحاليه .
* انا مش عارف اقول علي دي ايه بالعربي .... ممكن نقول اختصارات الوجوه و التعبيرات :-| :-O :-x :-P :-D ;-) :-( :-) B-) :'( :| :O :x :P :D :) :( :)
* علشان تكتب حاجه bold ِ بتحط النص بين نجمتين زي ما هو باين هنا ... , *your gtalk message*
* * علشان تكتب حاجه italicِ بتحط النص بينعلامتين _ زي ما هو باين هنا ... , _your gtalk message_
==========

حاجه جامده قوي و هي دي بقي الي خلتني اكتب المقاله دي ... هي ان الجوجل ماسنجر بعد تسعه دقايق ...بيحول حالتك الي بالخارج away لوحده غير كدا لا .....و مفيش تحكم في الحاله دي خالص بالخارج يعني ....
بس انا بصراحه بحب الحاله دي كتير ... بيني و بينها معزه خاصه :) و المهم لقيت برنامج صغير حجمه حوالي ميجا واحده بيخليك تتحكم في الحاله دي ... براحك ...مش مقيد بالتسع دقايق ... عن طريق انو بيزود عندك في المينو بتاعه الجوجل حاجه جديده زي ما هو باين في الصورة ...
و دا الموقع الرسمي للبرنامج دا ... و عموما هو اسمه galwaysidle
http://www.galwaysidle.com
بس و السلام عليكم و رحمه الله ... :)





4 comments:

عصفور المدينة said...

الله يفتح عليك والخاصية الأخيرة دي مفيدة جدااااا

آلام وآمال said...

شكرا جدااا ليك يا احمد

انا بصراحة اول مرة اسمع عن جوجل ماسينجر ده
بس أكيد ان شاء الله هجربه

الف شكر ع المعلومة

Ahmed Said said...

حلوة الاختصارات ديه فيه حاجات مكنتش اعرفها
بس انا مش بستخدم جوجل ماسنجر انا بفضل هوت ميل وبس
:)

HoNdA said...

عجبتنى اوى الاختصارات وتغيير الخط لانى بستعمله كتير فى الشغل
وع فكرة جوجل نزلت ايموشن حقيقيه بس تشوفها من جوه الجى ميل مش الجى توك