Monday, 29 January 2007

سؤال في المقاطعه



انا كان عندي سؤال له من العمر ايام محتار فيه شويه!!!
علشان كده قررت ازعاج الناس الي هنا
انتم الي جبتوه لنفسكم !!! :)
:)
فاكرين يا جماعه المقاطعه .و الكلام الكتير الي اتقال عليها
.
انا مش داخل اقول ليكو الكلام ده لان اعتقد الكل سمعو بدل المرة الف .
الي عايز يتبعها يتبعها و الي مش عايز هي مش اجبار كل الواحد حر .

مفروض اني عامل مقاطعه علي قد ما اقدر.
مش حقول مقاطع كل حاجه
بس عامل حاجه انا راضي نسبيا عنها
من كام يوم و انا بقرا الجريده كان فيه اعلان من مجموعه شيبسي
زي ما انتو عارفين ان شبسي و لايز و كرانشي و دوريتوس و سامبه .
حاجه واحده يعني كلهم مقاطعه
كانو او كانت مجموعه شيبسي طالبه ناس كتير للشغل علشان بتعمل لها فروع كتيرة
فتخيلت انهم طالبين ناس زينا
مبرمجين مثلا .. و هم فعلا اكيد محتاجين ..
هل مش حروح علشان المقاطعه.
ولا اروح و ابطل مقاطعه .
مش عارف انا تفكيري وقف في الحته دي جزئيا !!!!
يعني واحد زيي و حاله من حال اي واحد في الكليه
حيطلع عينه بعد الكليه الا من رحم الله
يجيله شغل في شركه زي دي مثلا و يرفضه
و يروح للشغل العادي ابو تلاته تعريفه علشان المقاطعه .
يعني مثلا لقيت في الجريده طلبين للشغل واحد في شبيسي و التاني شركه مش عارف مين هي الي تحت السلم اروح فين !!؟؟.
انا بقول الكلام ده و انا عارف الحل المثالي
طبعا اني مروحش
شئ بديهي
بس في نفس الوقت
يعني لو جالي شغل في شركه محترمه و للأسف شركات كتير مش كلهم اكيد من المحترمين دلوقت بيكونو مقاطعه
= = = =
انا مش عارف انا افكاري مش مرتبه
بس مثال قريب عن كده لو جالي شغل في شركه مايكروسوفت
ارفضه علشان المقاطه
= = = = =
بمعني تاني انا بقيت محتار شويه في حدود المقاطعه
و ابعادها و اشكالها .
========

بس هي المقاطعه دي طول الحياه

حد فهم حاجه :)
او فاهم انا عايز اقول ايه ؟؟
ولا كنت بكلم نفسي :) .

Tuesday, 23 January 2007

Annual Essawy’s competition


Annual Essawy’s competition

The prize will be to the first three answers .
The two sentences below written in two different language (Chinese , Korean ) .

Chinese :

Korean :

Both sentences have the same mean but written by diffident language as u see :D .

= = = = = =

To get Essawy’s prize , Please write the correct mean of any sentence .

(Hint : the answer by Russian language is ) :D

Russian :

(3lshan te3rafo 2ne motasahel ma3a altolab mosh zay al daktra ;) )


Friday, 19 January 2007

الصورة دي بتمثلي ايه ؟

بسم الله الرحمن الرحيم
ابدأ اليوم بمقال لم تعتاد بمثله عليا قبل كده .بعيد عن ان دي غالبا اول مقاله حتلقيها مكتوبه باللغه العربيه مش اللهجه المصريه. المقاله دي كتبتها كوسيله لتفريغ شحنه من الحزن .حزن مكنتش اعرفو قبل كده .و مفتكرش ان ناس كتير حتشعرو بيه . الناس الي ليها حد عزيز برة مصر هما بس الي حيشعرو بيه و بمكانه الكلام المكتوب ده . اما عن سبب الحزن فهو ان دا اول سنه ليا اقضي فيها الاجازة بعيد عن اهلي . من اول ماجيت الكليه كنت بصبر نفسي بقدوم الشهر ده علشان اشوف اسرتي و اشوف فيهم 18 سنه فاتت . اما عن زمان المقاله دي فهو منذ حوالي يومين لما اختي سافرت للاسره في مكان بعيد جدا عن هنا . اما عن سبب اني مسافرتش فهو بسيط قوي
الجيش حضرتك مانع السفر في سنه رابعه :(

أبدأ المقاله و انت تعرف انا قصدي ايه !!!!!!!


الصورة دي بتمثلي ايه ؟

كل انسان في الدنيا ليه ذكريات حلوه و ايام جميله .

ليه رغبه دفينه تطرق بابه بين الحين الاخر .

رغبه الرجوع للماضي و ايام الطفوله .

او رغبه اشتياق لمدرسه قضي فيها ربع حياته .

او رغبه لسماع صوت صديق لم يهاتفه منذ عشرات الشهور .

و ذاك ما زال علي اتصال بمعلمه و ذاك بمحفظه الذي بفضله ختم ثلث القران.

و هولاء الاشخاص الذين يطرق عليهم باب الحنين للماضي . كل ماعليهم هو ان يفتحوا ذلك الباب ؛و يذهب بمفرده او مع رفيق له و يقول لمن معه هنا كنت اجلس كل يوم بعد انتهاء الدوام في انتظار والدي و هناك محل التصوير الذي كنت اصور فيه الامتحانات . و هذا فصلي . و يبحث علي البقال الي كان يشتري منه العصير . فلا يجد منه شئ و يجد مكانه برج طويل . لتأخذه الحيرة . مين كان يقول ان هنا يطلع برج .

ينتقل من مكان الي اخر .... ليستنشق فيهم هواء الماضي .و ذاكرته ذهبت للوراء عشرة سنين .يملي نظرة ليشبع لهذه الرغبه و قد هدأت نفسه و قل روعه و ارتاح باله .

او اخر يستمع لصوت رفيقه و صديقه التي لم يكن يعلم بان الايام ستقف حائلا بينهم . لم يكن يدرك بان فارقاً بخساً من الدرجات كفيله للتفريق بينهم مدي الحياه .و يستطلع كل منهم اخبار الاخر في حراره و شوق و يندبا الزمان الذي حال بين الاخ و الرفيق .

ايضا لتنتهي المكالمه بنفس الشعور الجميل يستنشق كلاهما هواء الماضي .و ذاكرتهما ذهبا للوراء عشرة سنين .يملي نظرة تخيليه ليشبع لهذه الرغبه و قد هدأت نفساهما و قل روعها و ارتاح بالهم .

اما انا فذكرياتي تتطايرو تختفي امام عيني ولا اري منها الا بقايا لاشلاء تناثرت معي ها هنا .

كل ما استطيع ان اقبض عليه من زكرياتي تتمثل في مجموعه صور لولاها لكنت بلا ماضي .

فأنا لا استطيع اشباع هذه الرغبه .

فيا رفيقي ...و قارئي العزيز.

انا اشعر بوحده غريبه لم آلفها علي مر السنين .

ووحده رغم وجود رفاقي و أقاربي حولي .

ووحده رغم انشغالي بعشرات المهام و الاشغال .

احيانا ..افسرها كنوع من الوحدة و احيانا لا استطيع تفسيرها .

اني لا اري من ماضيا الجميل الا مثل هذه الصورة .

كلما اريدت استنشاق هواء الماضي . الجأ لهذه الصورة .

حينما اريد الذهاب للوراء عشرة سنين .

حينما اريد املاء نظرة علي ذلك الماضي .

حينما احاول تهدئه بالي

و تقليل روعتي

و اراحه بالي .

الجأ لهذه الصورة و امثالها المتناثرين علي المكتب و في حاسبي .

انا قضيت من عمري قرابه العقدين في بلد بعيد عن هنا .

و لكن شائت الاقدار الاستقرار هنا بعد هذا الزمن المديد .

لأبدأ بحياه جديده

وجوه

اصحاب جدد .

علاقات

كلها جديده .

كل هذا كنوع من المحاولات الفاشلة لذلك الزمان الاناني الذي يقوم بمحاولات لسب ماضيَ و انا علي قيد الحياه .

نعم يجب عليا الاعتراف بانك استطعت تمزيق و تشتيت ماضي عمره قرابه العقدين من الزمان .

و تستطيع فعل المزيد ..

تستطيع تمزيق هذه الصور المتناثرة

لتظن بأنك محوت كل أملك ظنا منك انك ربحت المنافسه .

و لكن هيهات ... اصمت و قف مكانك .

نعم انا اعترف انك استطعت تشتيتي ماضيَ .

و لكن اقسم لك بما اعبد . أقولها بعلو صوتي و ملئ حنجرتي لتنتشر في كل مكان علها تصمك أو تعرفك قدرك؛ انك مهما عظمت محاولات و كثرت إغراءتك لمحو ذلك الماضي الذي فرقت بيني و بينه فأهنيك بالفشل الدائم مقدماً .لن تنال منه إلا بعد مماتي .


تمت ...

Saturday, 13 January 2007

الي آنسات العالم...--الجزء التاني

علشان تفهم انا بقول ايه هنا .
لازم تقرأ الجزء الاول .
موجود تحت الجزء ده .
او اضغط هنا .

الجزء التاني ...

اكبر دليل علي كلامي انهم لاسعين بلاش كلمه اهبل دي .
اني لما سألتهم اكمل كتابه في الجزء التاني ده ولا لا قالولي كمل و حلو .
معني كده ان كدا حقيقي و ان دا مش افتراء :)
انا مش حتكلم عن سلبيات المبرمج المغلوب علي امرة ربنا يكون معاه الا من ناحيه واحده بس 8-) !!

طبعا هو لما يجي يتقدم لوحده حتلاقيه بيمشي مشيه الرياضين و يتحرك و يمكن كمان من غير نظارة و صاحب ذاكرة قويه ؟

طبعا زمانكم بتقولو عظيم عشرة علي عشرة – دي حاجه حلوه يا راجل .
حناخد واحد بيمشي و دا معناه انو رياضي
و بيتحرك و دا معناها انو حيخرجني كتير و نشيط و مش بيحب القعد في البيت كتير .
و من غير نظارة . دا راجل عنده نظر و حيقدرني و حيعرف ان مفيش زي اتنين . و يعرف قيمتي و الاسطوانه المحفوظه دي .
صاحب ذاكرة قويه : يبقي حيفتكر عيد الخطوبه و الجواز و كتب الكتاب و عيد الميلاد و عيد الحب و يمكن كمان عيد ميلاد مامتي ما هي الي جابتني و من نفسه حيجبلي فيهم هدايا من غير ما اقعد المح و يعمل عبيط و مش فاهم حاجه .



صورة لمبرمج عنده سبعه و عشرين سنه و نص .
تنطبق عليه جميع الاعراض المتقدمه هنا .


5 سنين حيكون شبه الاخ الي قاعد فوق ده وحتلاقي صحته طلعت علي المعاش و بكعب كبايه صفرا و ظهرو بقي زاويه قايمه و كمان مصاب بزهايمر و مش فاكر انتي مين اصلا و سعات يقولك انا بشبه عليكي ؟ انا شوفتك فين قبل كده !!!! :)
ولا حتكلم عن الغيرة الي حتكون بينك و بين جهاز الكمبيوتر ولا شعورك بأنه ضرة ليكي في البيت و انه لو غلط و قعد معاكي حيكلمك عن الكمبيوتر و طموحاته العاليه فيه .

انا زوتها حبتين . :)عارفه لو لسه بتقولي مش مشكله انا عايزاك كده و حصلح العيوب الي فيك . يبقي يعذرني ان اقول لك انك شكلك انت كمان من المتسجلين في مقاييس 802.11 و 803 (راجع الجزء الاول :) ) .

دلوقتي حسرد بعض و ليس كل لاني لو قولت كل يبقي مش حخلص و لو بعد بكرة .
سوف اسرد الحاجات الي اتقالت قدامي و شايف انها عادي ممكن تتقال .
و متنساش و ما خفي كان اعظم ؟ :)

==الدليل الاول ==
مرة في احدى الايام العصيبه
ذات الاكواد الخنيقه
و الايرورات الغريبه
و هي ايام مشروع
DirectX
واحد بيقولي تاني يوم في الكليه انا مش عارف انام خالص امبارح .
حاجه تقرف . انا مش قادر علي كده . كده حرام .
المهم بعد ما هديته و بشوف هو ايه الي حصلو .
بيقولي انا كل ما انام اصحي من النوم بحلم ان الاتجاهات بتاعتي مش مظبوطه .
X Y Z
اقوم متقلب الناحيه التانيه و برضو اصحي لاني حاسس ان عندي حاجه غلط .
و مره احلم ان الكاميرا حتقع
و حاجات كتير كده .

==الدليل الثاني ==
واحد كان معانا في النادي بيقولي تعرف يا عيسوي انا بفكر في ايه دلوقتي . بيقولها و هو بياخد نفس عميق و ابتسامه تخفي في خباياها الكثير .
بيقولها بطريقه انا حسيت منو انو حيقول انا بحلم بعربيه سودا و تكون مرسيدس ولا بحلم بواحده شعرها اصفر و عنيها خضرا ولا حاجه كده .
و بقول له اتفضل قول و كلي اذان صاغيه : لقيته بيقول انا نفسي ابرمج بإيدي و رجليا بس مش عارف ازاي .طبعا مش عايز اكمل ايه الي حصل بعدها .


==الدليل التالت ==
واحد صحي ليله امتحان الصبح و اهلو صحوه قعد ربع ساعه ادام الحنفيه مش عارف يفتحها ازاي .
يا تري المايه الساقعه اعملها اند & مع الميه السخنه
ولا المايه الساقعه اور|| مع الميه السخنه
تري المايه الساقعه اعملها اند & مع الماديه الساقعه
ولا المايه الساقعه اور|| مع المايه الساقعه
و مش عارف يعمل حاجه و ربع ساعه لما اهلو استغيبو في الحمام فاق من الهبل الي هو فيه .

==الدليل الرابع ==
النهارده في امتحان النتورك واحد بيسلم علينا الصبح .
بيقول تقولو حلمت بايييييه .
حلم انو كان جوه سوتش و طول الحلم عايز يباصي الكوره لواحد تاني من علي بورت تاني و مش عارف و صاحي مضايق .
لو مش مصدقني الاخ كاتب علي البلوج بتاعو الحلم و شارحه بالصور :)
http://joe-place.blogspot.com/2007/01/repeat-after-me-i-am-not-switch-using.html


==الدليل الخامس==
واحد قلق من النوم بالليل علشان نايم علي جنبو الشمال بيقول انا ايه الي خلاني بكتب انجليزي .
و راح متقلب علي جنبو اليمين و قايل كده عربي و مكمل نوم .

==الدليل السادس==
واحد بيقول انا اهلي عامليين يصحوني و مش راضي اقوم عارفيين ليه : سيادته بيقول ان كل ما اهلو بيصحو يفوء شويه و ميلاقيش فانكشن
startup()
يقوم نايم تاني .
و اول ما صحي و فاء شويه بيقول لنفسه انا لازم اعملها
OOP
لان كده مينفعش لازم لما ادور عليها الاقيها علطول !!!


==الدليل السابع==
واحد بقي فريد قوي من نوعه لدكتوره فريده من نوعها
اظن كده وصلت
ايام المشروع بتاعها
حلم انو في
infinite loop
و اللوب
في
Recursion
و ال recursion
كان جواه
شاكوش
كل ما يحاول يطلع منه الشاكوش يضرب علي راسه .

دا مش الجوريزم دا حلم :)

==الدليل الثامن ==
واحد حلم انو بيكلم قطه و بتلف حوليه و لما صحي بيسال الناس علي الماسنجر تفسير الحلم !!!


اكمل ولا كفايه كده ...
اللهم انا لا نسألك رد القضاء و لكن نسألك اللطف فيه ..
ياتري بعد الكلام الجمييييل ده .
ضل حيطه ولا ضل مبرمج .
لكي الخيار .

الضحايا و المظلومين و المثبوت عليه التهم بعترافات شخصيه :
+أحمد جمال خليفه .
+محمد نيبل حسين
+كريم زكريا
+انا
+يوسف ممدوح
+رامي محروس
+حسام صادق
+مش معقول حكتب باقي الكليه كده كفايه

علي فكرة في اتنين حلمو بنفس الحلم بس بختلافات بسيطه .

حكمت المحكمه غيابيا علي المتهمين السابق ذكرهم بالجنون مدي الحياه مع ايقاف التنفيذ .

طخ طخ طخ

رفعت الجلسه .

تمت...






Monday, 8 January 2007

الي آنسات العالم...--الجزء الاول

الي آنسات العالم...

كنت كالعاده بفكر اكتب شويه كلام . و كنت حوجهه لاصحابي و حبايبي كالعاده بس شايف اني احسن اوجه للانسات في هذا العالم الفسيح لتعم الفائده الجميع . و يعيش المجتمع في تبات و نبات و يخلفو صبيان و بنات و يدعولي :)

فنحن

نعم نحن

ايها الساده الكرام .

و الضيوف الافاضل .

مجتمع ديمقراطي بطبعه

محب للحريه و السلام .

و يدرك القيمه الحقيقيه من اجل سلام عادل في المنطقه كلها .

يدرق قيمه الوقت فمجتمعنا وقته اثمن من الذهب لا ..لا ... بل و اغلي من الماس .

اننا ايها الساده

مجتمع كما يؤمن بقيمه الوقت . يؤمن بأنه مجتمع رايق و يغلبه الهبل و بيحب الكلام الفاضي و الرغي الكتير .

لذا فيا شعب بلوجي (Blog) الغريب

و من هذا المنطلق . منطلق الهبل و الكلام الفاضي قرر سيادتي و قائد القوات الجو.... لا قائد قوات البلوج بتاعي

ان اقدم لكم هذه الحقائق لتكون صوت للحق في وجه كل مبرمج يدعي انه عاقل و راسي و مسمسم و ووقور و الكلام الحلو ده .

احم احم .

اعرض علي سيادتكم حقائق من النوع الجديد . طبعا اكيد من سبيل المرح اوعه حد يفهمني غلط .

بس في نفس الوقت هو تحذير حقيقي لكل واحده عايزه ترتبط في المستقبل ببشمهندس برمجه او كما قيل في روايه اخري بشمبرمج .

زمان قالو و لغايه امبارح ان ظل راجل ولا ظل حيطه .

و النهارده بيقولو ظل حيطه ولا ظل مبرمج .

لانه حسب اخر التقارير المنشوره بعد امتحان النيتورك لعام 2006-‏2007‏‏

ان الناس و انا لما حقول كلمه ناس من هنا لاخر المقال اقصد مبرمج . اتهبلت حسب المقاييس الخاصه ب 802.11

و اتجننت حسب معاير 802.3 .

و يقول الان مجمومه من المدونون علي الانترنت و منهم المبرمج الفاضي قوي أحمد عيسوي ولا كأن عليه امتحانات ان هذه الشريحه من الناس خطر علي المجتمع المحلي و الخارجي و سبب رئيسي لاضطراب المنطقه و أنفلونزا الطيور .

و يقوم بعض العلماء برصد هذه الحاله لتدوينها في النظريه النسبيه و محاكاتها.

طبعا زمانكم بتقولي عليا اهبل . بس استنو شويه نشوف مين الي اهبل .

لما واحد يصحي من النوم يقول انا حلمت اني سوتش و مدايق و مش عارف اعمل ايه و واحد تاني يقول و انا حلمت اني جوه سيرفرات جوجل و عرفت الالجوزم الي هما شغالين بيه . و تالت يقول و انا حلمت اني شوفت قطه بتتكلم .

يبقي مين الي اتهبل .

يتبع بجزء اخر...

موجود فوق الجزء ده .

او اضغط هنا .

Wednesday, 3 January 2007

القرآن الكريم بالفلاااااااااااااش

اليينك دا يا بشمهندسن فيه القران الكريم كله بالفلاش .
فكرة جبارة جدا
فعلا لسه في ناس بتفكر و دماغها شغاله
ربنا يجازيهم خير و يجعله في ميزان حساناتهم ان شاء الله .
http://www.quranflash.com/
يا ريت الي يدخل الينك دا يبقي يدعيلهم و يدعيلي
:)