Saturday, 30 December 2006

حدوته قبل النوم -الجزء الثاني

حدوته قبل النوم -الجزء الثاني
هو اول ما شاف كده راح قافل الجهاز و مستخبي تحت البطانيه لانه اول مرة في حياته يتثبت في موقف محرج للدرجه دي .
قعد يقول :افكر اعمل ايه ؟؟؟؟؟! في الموقف ده ...
بالنسبه للدكتور الي لقيته الحمد لله طلع حسام شمردن بس و ده مقدور عليه ....
المعيدين مقدور عليهم لاني عارفهم و هم عارفيني كويس .
يبقي مفيش الا مشكله واحده الا و هي البنات ..
الحمد لله انا عندي الي اضافو قليل نظريا لاني عرفت طريقه ممكن تلغي الدعوة لو هو لسه موافقش عليها . هي صحيح صلحت الموقف شويه بس مش كلو .
انا مكنتش لاقي حل غير اني مفتحش الياهو ماسنجر ده خالص فسألت اصحابي ...
واحد منهم عنده العيار فالت شويه ...قالي مصلحه جت لوحدها..
وواحد تاني قالي معرفش لان عمري ما حستهبل زيك و ادوس موافق علي حاجه معرفهاش . علي فكرة انا اول مرة اعرف انت عبيط يا عيسوي.
وواحد تالت قال اعملهم بلوك و بعدين الغيهم .
طبعا كلهم كانو مرفوضين من وجهه نظر عيسوي كل واحد منهم لاسباب معينه .
و بعد حوالي 24 ساعه تقريبا و هو علي
MSN
بتاعو لقي بنت دخلت من الي بيحترم رايهم سألتها اعمل ايه من غير ما حد يفهمني غلط ؟؟؟!!!!!!!
و الحمد الله جزاها الله خير جاءت بحل الي حد ما كويس و هو انو يبعت لهم رساله
Offline message
من خلال الماسنجر بيقول فيها اني ضيفتك من غير قصد ... بس كده ..... و يبقي الوضع علي ما هو عليه
و بكده خرج عيسوي من الموقف الغريب ده . و من ساعتها وهو حرم يدوس موافق علي أي رساله من غير ما يقرا محتواها .علشان ياما تحت السواهي دواهي .
:D:D:D:D
و توته توته خلصت الحدوته حلوه و لا ملتوته ....
تمت بحمد لله

4 comments:

Mostafa said...

هى ملتوتة شوية ,اه نسيت ان عايز اعرف حكاية فلم عيسوى"الشجيع" والثعبان

Mostafa said...

انا مستنى الحدوده:D:D

Mostafa said...

انا اول مره اعرف منك انى ملتوته معناها وحشة,انا كنت فاكرها اجمل من الحلوة
سال

المهم انا مستنى الثعبان

Ahmed Essawy said...

يا بشمهندس مصطفي
===
شكرا علي ملتوته الي تقصد بيها حلوه
:)
علي كده لو كنت تقصد انها وحشه كنت حتكتب حلوه ولا ايه ؟
===
بالنسبه لحكايه الثعبان دي خليها بيني و بينك و يا عم ابقي احكيهالك كلها و ابعتلك صورها :D:D
===