Thursday, 31 May 2007

واحد بيكلم نفسه:$


انا مش عارف ليه الكلام دا . بس زي ما تقولو كدا واحد بيكلم نفسه . :$
اليوم زي ما كلنا عارفين خلصنا امتحانات و مذاكرة مدي الحياه الا لو الواحد حاطط في دماغو ماجستير و كدا ؛انا بصراحه مش شايف انها مفيده في الوقت الحاضر لاني مش بحب سلك التدريس عموما .
خلاص عمري ما حصحي مدايق من حلم فيه MCQ و مش عارف اختار واحد و لا اتنين ولا ثلاثه ولا اشيلهم كلهم و احط الصح من عندي .
خلاص عمري ما حشد في شعري من الحاجات الغلط الكتير الي حصلت و مازالت بتحصل في التدريس .
انا مش عارف دي حاجه كويسه ولا لا ؟
انا مش عارف احدد حاجه .
انا مش مقتنع اني مش حقعد تاني علي البنش و اركز في المحاضرة ؛ سواء كنت حفهمها ولا لا .
اليوم كنت بدور علي ورق معين داخل ادراج مكتب رعايه الشباب . كنت بفتح الدرج و ادور علي الورق و مش متخيل ان دي اخر من افتح فيها الدرج الي بقالي ثلاث سنين بفتحو .الغرفه دي الي اعرف الي فيها اكتر ما اعرف الي في ادراج بيتي .
انا مش متخيل اني كدا خلصت السلك الدراسي تقريبا .
يعني اربعه ابتدائي و بعديهم اربعه متوسط و بعديهم اربعه ثانوي و بعديهم اربعه جامعه .
الواحد اخد علي مود معين . اعتقد اني اتسستمت عليه خلاص.
كل سنه اذاكر و و انجح و اطلع للي وراها بحمد لله .
انا مش متخيل ولا مقتنع اني في شهر تسعه الجاي مش حروح الكليه .
انا كل ما بنتقل من مرحله دراسيه للي وراها كنت بحس اني كبرت .
انا افتكر لما خلصت متوسط الي بتقولو عليها اعدادي يعني و دخلت اولي ثانوي كنت حاسس اني كبير قوي .كبير قوي و لما دخلت الجامعه انتابني نفس الشعور . احساس كان بيدي الواحد الثقه و الدفعه لنفسه اكثر .
شعور كنت مستنيه من زمان . اني اخلص جامعه و ابقي اكبر من أي وقت مضي علشان ابقي واحد قد المسئوليه و راجل و الكلام الكبير دا الي بيجي في دماغ اي واحد بيفكر بطريقه منطقيه ...
اما حاليا : فانا لا املك هذا الشعور . انا مش حاسس الشعور الي كان بيجيلي كل مرحله .بل علي النقيض احيانا اشعر اني لما دخلت رابعه بدأت اصغر من اكبر .
انا مقتنع تماما بأني عقلاني و اقدر اتحمل مسئوليه و لكن فين الاحساس الي كان بيجيلي دا ؟
فين الحاجه الي كنت مستنيها بقالي سنين ؟؟؟؟!!!
الحاجه الوحيده الي قادر احددها اني مستعجل علي الشغل. عايز اشتغل بسرعه لاني من زمان جدا و انا نفسي اشتغل بس مكنتش مؤهل (مش متخرج) . دي الحاجه الوحيده الي مقتنع بيها .
وسط حاجات كتير مش حاسس بيها .
انا فاقد الاحساس حالياً .
يا تري انا كاتب الكلام دا لاني تحت تأثر هول الموقف .
يا تري انا كبرت ولا صغير .
يا تري انا فرحان ولا زعلان .
يا تري دي حاجه كويسه ولا لا .
يا تري انا عاقل ولا اتجننت :D .
حد فاهم حاجه ؟ :$

15 comments:

ادم المصري said...

الف مبروك يا نجم
مش عارف بصراحه
انت فرحان ولا زعلان
.
.
بس التخرج نعمة
انا بادعي من قلبي علي كل الكليات بتوع الاربع سنين
.
.
كان زماني في بكالريوس دلوقتي
لن هنقول ايه
قطيعه
ماحدش بياكلها بالساهل
.
.
بكرة تبقي الباش مهندس
بدل الطالب
.
.
والناس تقول بالبااااش مهندس راح
الباااااش مهندس جه
وهكذا
.
.
صدقني اكيد احلي
تحياتي والسلام

Rehab Mostafa said...

السلام عليكم ورحمة الله وبركاته
بجد أنا كنت خايفه أروح ألاقي حد كاتب في البلوج بتاعه كلام زي اللي انت كاتبه أنا مش عارفه مين قال ايه تاني علشان ده أول بلوج أفتحه ربنا يستر
أنا مش هقولك مش انت لوحدك اللي حاسس كده (علشان أنا مش بحب الجمله دي ) بس بصراحه هو بيكون موضوع زعل على عشرة مكان معين وناس بتحبها ولا مش بتحبها بتشوفها أكتر من أهلك وخوف من اللي جاي والمسؤليه اللي بقت على كتافك والولاد بيكونوا أكتر من البنات بصراحه وحكاية ياتري هشتغل امتى وفين والجيش اللي هيعطلني ( انتو ا يعني tenek :P :D (
الحاجات دي كلها بتيجي في تفكيرك مش بتكون عارف انت فرحت علشان خلصت ولا زعلان علشان عشرتك للناس والمكان ولا خايف من اللي جاي وقلقان
كلنا هذا الرجل :(
معلش طولت عليك :)
سلام وان شاء الله تحقق كل اللي بتتمناه يارب وتاخد كمان اعفاء من الجيش :D 2ool yaraaaaab :)

Mai_3ssam said...

السلام عليكم و رحمة الله و بركاته

أنا بأة عكسك يا عيسوي أنا طول عمري حسة أني صغيرة بس آخر يوم في الأمتحانات دة اللي حسيت فيه أني كبرت أوي مرة واحدة .و دة يمكن لأن مش عارفة الطريق اللي بعد كدة هيكون ازاي, قبل كدة ماكنش بأيدي أن أختار طريق تاني- كل مرحلة دراسة بيبقى معروف المرحلة اللي بعدها- أما دلوقتي خلاص كل حاجة أنا اللي أختارها و أخطط لمستقبلي على حسب ما أنا عايزة . ربنا يستر :(

Batta said...
This comment has been removed by the author.
Batta said...

السلام عليكم ورحمه الله وبركاته

هو للأسف ياأحمد انت كده كبرت يعنى المفروض هتشتغل بأه وتكون نفسك هتتحمل مسئوليه جامده يعنى ؛ أه وماتنساش وعدك ليا انا وشريف ومش فاكره كان مين تانى معانا فى ال
List

وأكيد انت زعلان عشان مكان قعدت فيه أربع سنين مع ناس وهتسيبه أكيد الناس هتوحشك والمكان كمان هيوحشك ؛ ممكن تكون فرحان عشان هتشتغل لأنك بتقول كنت مستنى الموضوع ده بس شعور الحزن أكيد غالب على شعور الفرح ده

ياترى انت عاقل ولا اتجننت ؟ دى حاجه مش أعرفها بس اللى اعرفه ان ماشاء الله أكتر الناس عندنا ممممممم مش عاوزه أكمل بس بتبقى حاله مؤقته فماتقلقشى

حد فاهم حاجه ؟ هو للأسف انا مش فاهمه حاجــــــــــــــــــــــــــه هههههههههههههههههههههههههههههه
:D:D:D:D:D:D

Bs rabena ywf2k ya 3esawy fe 7yatak el gaya en sha2 allah wykrmk enta w kol el FCIans :)

Abeer said...

السلام عليكم ورحمه الله وبركاته

مش هقول اكتر من الي مي قالته
بس انت جايز تكون خايف لان حياتك بعد كدا انت لي هتحدد شكلها هيبقي ازاي يعني هتبقي مسؤل مسؤليه كامله عن اي قرار انت هتاخده سواء في حياتك العمليه او الشخصيه عكس قبل كدا زي ما كنا بنعمل زي كل الناس نخلص مرحله وندخل علي الي بعدها يعني خطوات متجربه واحنا ماشيين عليها لحد ما نوصل لاخر الطريق بس المره دي انت مش هتعمل زي كل الناس انت هتعمل الي احمد عاوزه والي هو هيكون عليه

اما بالنسبه للايام الجميله بتاعه الكليه صدقني هتبقي ذكري حلوه اوي وممكن نفتكرها حتي لو سالنا علي بعض
وان شاء الله حياتك الي بعد كدا هتبقي احلي
ومتخفش انت لسه بعقلك الموضوع كله مش اكتر من توتر

وربنا يوفقنا كلنا

Ahmed Essawy said...

@ all
انا اسف لتأخري في الرد عليكم . بس مكنش عندي نت لوقت مؤقت و الحمد لله رجع تاني .

Ahmed Essawy said...

@ re7ab
يا رب يسمع منك ربنا .
و يقدم الي فيه الخير
:D

Ahmed Essawy said...

@ Mai
و عليكم السلام و رحمه الله
طلاما انت لتقولي انك كبرتي قوي
:)
يبقي مفروض نقولك يا طنط:P
:P
عموما
ربنا يوفقك
في اللي جاي و يهديكي للخير .

Ahmed Essawy said...

@ fatma
اكيد طبعا مش ناسي انت و يوسف و شريف .
بس اشتغل كدا في جوجل ولا مايكروسوفت و علطول حجيبلكم الحاجه .
و حتي لو مشتغلتش .
انا عند وعدي بس ربنا يرزقني .

و يا رب يوفقنا كلنا للخير .
:)

Ahmed Essawy said...

@ Abeer
و عليكم السلام و رحمه الله وبركاته
شكرا علي الكومنت .
يا رب يوفقنا كلنا يا رب
:)

Mai_3ssam said...

السلام عليكم و رحمة الله و بركاته

أنا قصدي بكبرت أني تعديت سن الرشد يعني الوضع اختلف يعني مثلا لو قتلت فاطمة هدخل السجن مش الأحداث :S:S:S

:D:D:D وبقى فيه معنى لأمضتي و حاجات غريبة كدة :D

Ramy Mahrous said...

الاخ الكريم احمد عيسوي حياك الله
يابني انت كبرت لما كنت قبل مرحله الجامعه ومرحله الجامعه ليه علشان انت كبرت على ناس من سنك فا حسيت انك كبرت
اما دلوقتي فالمحيط بتاعك الشغل يعني ان شاء الله هيكون ناس اكبر منك .علشان كده حسيت انك صغرت
نام كويس

Ahmed Essawy said...

@ Mai
:)
لو الكبير حيكون سجن مش احداث يبقي خليما صغيرين احسن .

Ahmed Essawy said...

اليً رامي محروس .
قرأت رسالتك الاعجمعه ايها الصعلوك الضغير .
اذهب للفراش و اشرب شاي استكوليوس
سبع مرات في اليوم
لمده سبعه ايام و الا ارسلت اليك
شراب اكثر منه قساوه
:D:D:D:D
امشي من هنا لاسيب عليك عبد المجيد
;)