Thursday, 24 May 2007

عندما ترى الخيال


بكيبورد :احمد عيسوي :) .

هل سالت نفسك يوما ماذا إذا رأيت شي تعتقد استحالة وجوده . تعتقد أن الكلام عنه درب من دروب الخيال العلمي لإضافه بعض من الإثارة و التشويق للموضوع ليس إلا .
لا أريد استفاضة في المقدمة لان الموضوع لا يحتاج لها .
كل ما أستطيع أن أقوله لكم الآن هو أنت تستطيع أن تطبع أي شئ يخطر علي بالك . فمثلا لو كنت في المكتب و لم تجد ملعقة لتقلب بها الشاي ؛ تستطيع بواسطة الطابعة الجديدة طباعه ملعقة بحجمها و شكلها الطبيعيين ثلاثية الأبعاد و تستخدمها في تقليب كوب الشاي بكل يسر هذا كما تري في الصورة كما تستطيع طباعه أشياء اكثر تعقيد من الملعقة كالأدوات الدقيقة و التروس علي سبيل المثال .


أما عن طريقه التعامل مع مثل هذه الطابعات فهي تستطيع قراءه ملفات البرنامج الشهير اوتوكات و امتدادات أخرى للصور ثلاثية الأبعاد.
و عن الشركات المنتجة لهذه التكنولوجيا فهي متعددة مثل شركة امريكان زد و ديسك توب فاكتوري و زد كوربوريشن و تقوم كل شركه بعرض العديد من الطابعات مختلفة في المواصفات متفقه في الهدف لتناسب احتياجات معظم العملاء .
يتوقع وجود مثل هذه الطابعات في الشركات الصغيرة و بين الهواة و المحترفين في التصميم و المهندسين و الطلاب و في المدارس ليمتلك كل منهم طابعته الخاصة بمواصفات خاصة . و يدعم هذه الثقة في انتشار هذه الاله العجيبة او الطابعة الجديدة هو سعرها الاقتصادي و حجمها المناسب .

المصادر الاجنبيه :
http://www.desktopfactory.com/
http://www.gizmag.com/go/2578/
http://www.zcorp.com/products/printersdetail.asp?ID=1



7 comments:

Rehab Mostafa said...

هو فيه ايه ^o)
طب ماهو كده ماينفعش أصلاً يعني ايه كل حاجه تخطر على بالي ممكن أطبعها وأعملها؟؟
أنا بصراحه وبمنتهى الأمانه بتمنى من ربنا عدم انتشار الطابعات دي أصلاً ده كده يبقى خلاص خلصت :S :(
ربنا يرحمنا من الحاجات اللي بتطلع كل يوم دي :(

Rehab Mostafa said...

أنا نسيت أوضح حاجه معلش أنا مش ضد التقدم خالص طبعاً بس الحاجات دي في ناس كتير أوي ممكن تستغلها أسوء استغلال
وبرضه ربنا يرحمنا

Abeer said...

انا اول مره اكتب في البلوج دا بس اصل الموضوع شدني
هو بصراحه موضوع عجيب اوي واعتقد فعلا انه مجرد خيال بحت واعتقد ان لو المستحيلات 3 يبقي هو المستحيل رقم 4 يعنيه اي الواحد لما يكون عاوز حاجه الاله دي تطلعها يعني مثلا الي عاوز يشتري عربيه او الي عاوز معلقه زي المقدمه ما بتقول الاله دي هتعمل له كل حاجه طب بالعقل كدا ازاي اصل مش احتياجات الناس واحد والاله اكيد مش هتعرف صاحبها بيفكر فيه ايه علشان تبقي جاهزه تنفذه لما يطلبه منها

بصراحه ربنا يستر من الحاجات الغريبه الي الواحد بيسمع ويشوفها اليومين دول

Wafaa said...

سلام عليكم
ما شاء الله ايه التكنولوجيا المتطوره دي.
يعني انا لو قاعد في المكتب وعندي موظف جاد ولديه قدره فائقه في كل شيء ممكن اطبع منه موظف تاني طبيعي برده 3d
ويبقي توفير في العماله :D:D:D:D

تكنولوجيا كويسه بس المهم نحسن استغلالها ومنستخدمهاش في حاجه تضر معنها هتعلمنا الكسل

Wafaa said...

ah fe 7agga ana nfsee ageeb laptop, mt3mlsh fia m3roof wt2olee
yenf3 atb3 wa7d,wawafr el floos de le mashre3ee anta 3arf ana b7b astsmr felosee :D:D:D
bs akeed el technology de lih limitations mish kol 7aga tnf3 tetb3ha.

ya tara mkalatk m5bilna a tanee ya 3essawy :D:D

Ahmed Essawy said...

@ re7ab
@ Abeer
@ Wafaa
يا جماعه متخافوش قوي كدا .
الاجهزة دي لغايه دلوقت مش بتنتج حاجه اكبر من
203 x 254 x 203 mm
و بعدين الحاجات دي بتكون من
مكونات برضو محدوده شويه يعني الحاجات الي بتتحط فيها بدل الحبر
مش كتيرة قوي .

و غير كدا كمان الاجهزة دي موجوده من زمان .
شركات زي بي ام دابليو و سوني و غيرها من الشركات الكبيرة دي عندها اجهزة امكانيتها اكتر من كدا بكتير .
يعني مثلا قبل ما بيعملو منتج معين .
بيستعملو طابعه زي دي بس الاداء بتاعها اقوي بكتير علشان يجربو المنتج .
انا اقصد
لو كان ليها هدف مش كويس كان بان من زمان .
الجديد في الموضوع ان الطابعات دي اتعمل منها احجام صغيرة و دي الي انا بتكلم عليها .
علشان تنتشر في المدارس و بين الهواه و المحترفين و الناس الي ليهم في التصميم و كدا .
انا شخصيا شايف ان دي حاجه كويسه لانها حتساعد في التقدم التكنولوجي.
يعني بدل ما كانت الشركات الكبيرة بس هي الي بتقعد تفكر دلوقت الي شركه صغيرة او واحد في البيت ممكن يعمل الي بتعملو الشركات الكبيرة .
:D
بس خلاص انا خلصت الي عندي
:)

Ramy Mahrous said...

حاجه كويسه جدا ما شاء الله
بس اكيد الي عندو طابعه زي ديه مش هيستخدمها علشان يعمل ملعقه اكيد عندو اوفيس بوي
:D :D :D