التخطي إلى المحتوى الرئيسي

خدعوك فقالوا


خدعوك فقالوا لو وقفت علي سلم عازل و مسكت سلك فيه كهرباء ... مش حتتكهرب :D .

ايوه يا ناس الكلام دا طلع اشتغاله و مش حقيقي :) ؛ انا النهارده كنت في بيت تيته و عامل فيها كهربائي و عمال اغير لبمات و حاجات كدا لان دا بيت عيله ....و طلعت علي سلم حديد بس الاماكن الي بيقف عليها الواحد خشبيه ... و لابس شبشب عازل (الازرق المشهور الي عند ثلاث ارباع الشعب المصري –الي مكتوب عليه O2-) يعني مطاط و عازل ..... و قولت استفيد من الكلام الي اخذته في اعدادي و مسكت السلك المكشوف ....:$

بس دا الي حصل .... :D:D

و لكن حصل حاجه غريبه قوي ... انا اتكهربت كهربه قويه شويه ... بس مش بطاله :D بس الحمد لله و الاغرب اني موقعتش من السلم ولا محصليش حاجه زي ما بنشوف في التلفاز.

سبب الي حصل حاجه من دول انا مش عارفها :

# ان الكهرباء مش مالي عنيها عتبات السلم الخشبيه او الشبشب العازل .

# انا قاعده شاذه في عالم الكهرباء (يمكن اكون ظاهرة لم ترصد بعد في عالم الكهرباء ).

# ان الكهرباء بتاعه زمان غير كهرباء اليومين دول ... حاكم اليومين دول كل حاجه عامله تحرر من كل حاجه :D .

# ان الراجل الي قال الجمله دي ... واثق ان مفيش حد اهبل حيمسك الكهرباء و يجرب في نفسه ... فقال أي كلام و الناس صدقته .

# لحاجه في نفس يعقوب ....

انا ارجح الاخيرة .... لاني في حاجات كتير مش لاقيلها تفسير ... ولا عارف انا بعملها ليه ...فبطلعه السبب و ابطل تفكير :D:D .


في حاجه تانيه عايز اطلبها من كل الي حيقرا المقاله دي ... يا ريت الجميع يدعو لوالد صديق عزيز ليا بالشفاء العاجل ... اللهم يا رب الناس أذهب البأس و اشفه شفاء لا يغادر سقماً .



تعليقات

لا يا احمد باشا في احتمالات تانية انت مش واخد بالك منها

ان ممكن حضرتك تكون راكن على الحيطة او ايدك لامسة السقف اللي انت بتركب في اللمبة

او انك مسكت الطرفين بتوع الدوايا مع بعض السالب والموجب من غير ما تقصد

والاحتمال الاهم واللي انا شاكك فيه انك تكون واكل كمية كبير من الكورن فليكس اللي مرسوم عليه الديك الاخضر
اصلهم بيقولو ان بعد الفحص اتضح ان الكورن فليكس ده مليان حديد معادن ضارة بالجسم

:D:D :D:D

ابقى خلي بالك بعد كده يا فالح ومتلعبش ف حاجة متعرفهاش
ههههههههههه
‏قال غير معرف…
بوست جميل قوي و اسلوبه لذيذ
يا رب اشفي كل مريض
‏قال Mohamed Gamal El-Din
يابني انت تلاقيك انتاللي كهربت الكهربه :D

اللهم اشفي مرضي المسلمين
‏قال mhewedy
عشان تبطل تصدق كلام الكتب

اللهم إشفي جميع مرضي المسلمين
ربنا يكرمك ويجازيك خير علي الشغل الجامد ده ويارييت متنسوناش بقي
وخصوصا عشان أعرف رأيكم في موضوع ا لفوازي اللي مش حتجيبها البر دي
علي فكره دي عباره عن خلق وصحابي
‏قال Rehab Mostafa
أولاً ان شاء الله ربنا يشفي مرضى المسلمين

ثانياً: العيب مش في الكهرباء ولا الراجل اللي قال الجمله دي :D
العيب فينا احنا .... احنا عندنا كهرباء زياده شويه والدليل على كده اني يتكهرب من سلك التليفون ومن الكمبيوتر ومن البوتجاز حتى والله :D:D
ومن غير تريقه أنا كهربت ماما بيه حوالي 3 مرات أيام المشاريع :D:D:D
‏قال هوندا
ههههههههه اكتفى بالضحك
ربنا يشفى مرضانا ومرضى المسلمين
‏قال nour el 3ozamaa
ادعوك لزيارة مدونتي والاطلاع علي قصيدة مبارك يا من ذا الذي في مصر الجديده
شكراا
‏قال اسامة يس
اظن الاحتمال ان محدش هيمسك الكهربا اقوى احتمال ..
بوست جميل فعلا لاني مش مقتنع فعلا فعلا بموضوع ان الكهربا متكهربش دي ههههههههه
خالص تحياتي
‏قال أمــانــى
كـل عيـد وانتم بخير واعاده الله عليكم وعلى الامـة الاسـلامية بالخير واليمن والبركات
يااااااااااااااااارب آمــــــــــــين
‏قال Ahmed Al-Sabbagh
هههههههههه
حلوة اوى بجد

مدونة رائعة


تحياتى

المشاركات الشائعة من هذه المدونة

خطوات تصب في طريق النجاح

ما من فرد منا في هذه الفترة يبحث عن عمل الا وسيبدأ مع اي شركه في اي مجال بالمقابله الشخصيه التي هي أولي الخطوات لتقديم و لتقييم الفرد المرشح . المقابله الشخصيه اختبار ذات جوانت متعدده .... مثلها مثل اي شئ في هذه الدينا .... اختبار و كل اختبار له عدده خطوات تصب في طريق النجاح ... اردت اليوم ان الخص بعض هذه الخطوات من خلال ما قرأته من مواقع متعدده هنا لتعم الفائده علماً بأن هذه المواقع مشار اليها في نهايه المقال . المرحله الاولي - التحضير : هي تلك المرحله ما قبل المقابله نفسها . تسمي في بعض الاحيان بالواجب المنزلي . كل ما عليك في هذه المرحله ان تراجع معلوماتك فغالبا انت معرض لاختبار (تقني technical و ذكاءIQ و شخصي peronal test ) . حاول ان تجلب معلومات عن الشركه... عنوانها ... مجالها .... فروعها ... الاشخاص الذي سوف تقوم بمقابلتهم في المقابله الشخصيه (يمكنك ذلك من خلال موقع الشركه علي الانترنت او من خلال اصدقائك و من حولك ) هذه المعلومات سوف تدعمك وقت المقابله مع الشركه . جهز صورة شخصيه و السيرة الذاتيه فأحياناً كثيرة تحتاج الشركه لها . حرصك علي هذه الاشياء الصغير سيعطي فرصه للشركه لكي

أجمل ما قيل في الاخوة في الله

للامانه لست أنا صاحب هذه المقاله انما جاءتني كأيميل يتناقله الناس بدون صاحب :) قال تعالي :  (إنما المؤمنون إخوة) الحجرات ايه 10 . وقال صلي الله عليه وسلم (المسلم اخو المسلم لا يظلمه ولا يسلمه). وقال ايضا (لا يؤمن احدكم حتي يحب لأخيه ما يحب لنفسه) قال الامام احمد بن حنبل ""إن لنا أُناس لا نراهم إلا في كل عام مرة نحن أوثق بمودتهم ممن نراهم كل يوم"" قال عمر رضي الله عنه في مجلس المهاجرين و الانصار (( أرأيتم لو ترخصت في بعض الأمور ماذا كنتم فاعلين!! فكرر فلم يجيبوه )) فقال البشر بن معاذ: لو فعلت قومناك تقويم القدح ( السهم الذي يرمي به عن القوس) قال: عمر:أنتم إذن !أنتم إذن. ثمرات المحبة  قال تعالي في حديث قدسي:  (وجبت محبتي : للمتحابين فيَّ ، و المتجالسين فيَّ ، و المتزاورين فيَّ ، و المتباذلين فيَّ). قال رسول الله صلي الله عليه و سلم (الله في عون العبد ما كان العبد في عون أخيه). قال رسول الله صلي الله عليه و سلم يا أيها الناس ! اسمعوا ، واعقلوا ، واعلموا أن لله عز وجل عبادا ليسوا بأنبياء ولا شهداء ، يغبطهم النبيون والشهداء على منازلهم وقربهم

حل مشكله عدم الاضاءه او السطوع عند ترقية لينوفو لابتوب الي ويندوز 10

اتبع الخطوات بالاسف اذا واجهت مشكله في سطوع الشاشه بعد ترقية لابتوب لينوفو Z500 الي ويندوز 10 lenovo z500 touch brightness not working after windows 10 update 1:-   Win + R 2:-   Type in 'regedit' 3:-   Press F3 to bring out the find menu. 4:-   Type in 'FeatureTestControl' And Click On 'Find Next' 5:-   Once Found 'Right Click' on it and select 'Modify' 6:-   Replace the Original Value By'ffff' 7:-   Save It And Restart The System 8:-   Problem Solved