Wednesday, 23 January 2008

موضوع اتكلمت فيه مراراً و تكراراً


انا مش حطول عليكم في موضوع اتكلمت فيه مراراً و تكراراً ....
و لكن مش حبطل اكتب عنه كل فترة علشان مننساهوش في زمن بيجبرنا علي نسيان حاجات مكناش نفتكر يوم من الايام اننا ممكن ننساها ..

انا مش حقول ولا كلمه من عندي .... ولا حسيبكو تحكموا ... لاني عارف ان حكمكم موجود غيابياً و مسبقاً ....و لكن ...ذكر فإن الذكري تنفع المؤمنين ...
انا حجيب كلام من كذا مكان و حشير الي مصدره في النهابه ...
بعد زيارة بوش الشرق اوسطيه للكويت و السعوديه و مصر ....
قناة CNN تعرض برنامجاً حوارياً يتحدث عن زيارة بوش للمملكة العربية السعودية.. بيقولو فيه : " أننا لن نسكت على هذا بعد الآن .. إلى متى ستبقى الولايات المتحدة عبد وأسير للسعوديين ونفطهم !! ولماذا بوش هناك ؟؟ يرقص رقصتهم ويأكل أكلهم ؟؟ أهذا ما يدفعه الأمريكيون ليشتروا نفطاً رخيصاً ؟!! هذه إهانة لنا !! "

واستمر – وبإنفعال – في الحديث عن استيائه من هذه الزيارة للسعودية وكأنه يريد أن يوجه رساله للأمريكيين بأنَّ الولايات المتحدة هي الطرف الضعيف والمستسلم، وهي التي تقع تحت سيطرة السعوديين وغيرهم.. وأن (جبروت العرب والمسلمين عليهم) لن ينتهي إلا إذا اتحدوا وتعاونوا على رد العدوان ورفض الخذلان !!
إنهُ فعلاً إعلامٌ قويٌ وموجه .. يعكس الحقائق لعامة الناس ويزيد حقدهم وكرههم للإسلام والمسلمين والعرب عامةً .. وتأكدوا أنَّ من هذا القبيل كثير .. ولكن صوت إعلامنا لا يصلهم فلا علم لهم بالرأي.. والرأي الآخر
حسام عدنان صادق ـ الجزيرة توك ـ كندا اضغط هنا للوصول للمقاله الاصليه ....


مقال تاني ..
الأمم المتحدة "ستضطر لوقف مساعداتها" للفلسطينيين
أوضح المتحدث أنه نتيجة "نقص مادة النيلون التي تصنع منها الأكياس البلاستيكية ونقص الوقود اللازم لتسيير السيارات وتشغيل المولدات، سنوقف يوم الأربعاء أو الخميس برنامج توزيع الأغذية على
وحثت المفوضية الاوروبية اسرائيل على اعادة امداد غزة بالوقود وفتح المعابر الى القطاع، وقالت مفوضة الشؤون الخارجية في بيان لها ان الحصار سيزيد الوضع سوءا ولن يساعد في منع الهجمات (من القطاع على اسرائيل).860 ألف شخص في غزة إذا لم يتحسن الوضع".
موقع بي بي سي العربيه اضغط هنا للوصول للرابط الاصلي ...


اما القادم فصورة بنت في جبهتها 6 رصاصات ... و طبعا عارفين السبب ...
اما العراق
وفاء حسين ، أم عراقية ، تحاول ان تيقظ ابنا لها 6 أعوام وهو قد مات بالفعل في شمال شرق بغداد، ايلول / سبتمبر 16. الصبى أصيب برصاصة على متن حافله للنقل العام .

لصور اكثر ... لينا في البوسنه و الشيشان و غيرها ... من اخواننا و اخواتنا المسلمين ...
مدونه فتات من الكلام اضغط هنا للوصول لهذه التدوينه ....
اضافه جديده
رابط اخر يحوي علي صور لينا ... اقل ما يقال عنها بشعه .... اذا كانت اعصابك مش جامده منصحكش بالدخول ..


خبر اخر:
روسيا تطلق لإسرائيل قمراً صناعياً للتجسس على إيران
دا عنوان خبر في السي ان ان العربيه .... هي دي روسيا الي بنشتري منها اسلحتنا النوويه :$ ....
اضغط هنا للوصول للرابط
رابط تاني


زي ما قولت انا مش حتكلم ... لان احيانا كتير بيكون الشعور و الصور ابلغ 100 مرة من ربع كلمه ....و لان عيب علينا نتكلم ...طيب لو اتكلمنا حنقول ايه ؟؟؟؟ ولا حنودي وشنا فين ؟؟؟؟ نقول ايه لاخواتنا ... نبصلهم ازي و احنا شايفينهم بيتبهدلو كل ثانيه.... اقول ايه لاخويا الضغير لما بيسألني علي الي بيحصل دا ؟؟؟؟
احنا مطلوب مننا كتييير ... و كتير قوي .... و معندناش وقت نضيعه في كلام فاضي .... و حاجات ملهاش لازمه .... و المقاطعه الاقتصاديه الي اتكلمت عليها كتييير .... رغم انها مش فرض .... مفروض نفكر فيها تاني و تالت ...
كل واحد مطلوب منه حاجات كتير و اولها ان الواحد يبدأ من نفسه و هو في مكانه .... لو طالب ... لو موظف .. لو دكتور ... لو اب ... اخ .. عامل ... فكر في دورك تجاه امتك في وقت في فعلا محتاجاك فيه ....

اللهم اعز الاسلام والمسلمين واذل الشرك والمشركين اللهم اميييييييييييييين

6 comments:

اللهم اجعلنا سبباً لنصرة دينك said...

مش عارفة اقولك ايه بجد
جوايا شعورين
حزينة اوى
انا وامى واهلى على المنظر ده وبجد انا مكنتش مقاطعة منتجاتهم لكن من دلوقتى هقاطعها خلاص حرمت اشترى اى حاجة تتعلق بالكلاب دول
الشعور التانى
بجد مبسوطة منك اوى
ربنا يعزك ده اللى اقدر اقوله ويعز بيك الاسلام اللهم امين

يا مراكبي said...

رغم إنك إتكلمت في أكتر من موضوع في أكتر من دولة عربية وإسلامية إلا إنهم كلهم فعلا بيصبوا في موضوع واحد رئيسي جدا ألا وهو الكرامة العربية والإسلامية .. أو بشكل آخر التخاذل والهوان العربي والإسلامي

صور هذا الموضوع بجد كتيرة ومتعددة .. لكن في الآخر المبدأ واحد .. وهو إن فيه إجماع ربي وإسلامي على أن نتقبل المهانة .. وألا نتحد وننصر عروبتنا وإسلامنا .. وما أكثر الخونة فيما بيننا وعلى رؤوسنا

أحييك

memo2008 said...

أنا بصراحة بكره الشخص اللي اسمو بوش وكمان يجي بلدنا عن جد شئ غريب شخص يتعاون مع اسرائيل ضد فلسطين وندخلو بلدنا!!
كمان أنا لاحظت شئ غريب بوش من أول موصل السعودية وهوكل ميسلم على شخص عايز يتصور معاه حتى بتاع القهوة مني عارفة ليش
وبالنسبة للبترول السعودية والله ممكن تكون أقوى دولة في العالم بس الناس لو تفهم كيف نستثمر الثروات بتاعت بلدنا بدل منكون دولة مستهلكة نكون دولة منتجة في جميع المجالات ونتعاون مع جميع الدول العربية ونتبادل الخبرات ونرجع زي ماكانا زمان علم+إيمان
بس للأسف الناس بعيدة جدا جدا محد راضي يفهم صح خاصة إن كل يوم من العمر بيعدي محاسبين عليه يوم القيامة
والله الهادي

Ahmed Essawy said...

@ Anonymous اللهم اجعلنا سبباً لنصرة دينك said...

امين يا رب ...يا رب اعز الاسلام بينا نحن شباب هذه الامه ...
و انا ايضا سعيد ...
و اشعر اني اعرفكي ...طريقتك في الكتابه اعرفها...اشعر ببعض السعاده لاني استطعت توصيل كلامي او ما زال هنا من يتفهمه...

بالنسبه لموضوع المقاطعه...دا موضوع كبير قوي قوي قوي
انا حكلمك عنها شويه بس مش حقدر اوفيه حقه

اولا موضوع المقاطعه دا لازم يجي عن اقتناع مش فورة في لحظه و يموت في لحظات كما ولد في لحظات ...

ناس كتير قوي بتضغط علي نفسها في المقاطعه و بعد كدا مش بتقدر تكلم و بترجع تاني ...
كل حاجه بتيجي بالراحه ...
مش لازم تقاطعي كل حاجه مرة واحده ...
حاولي مثلا في الاول قاطعي الحاجات الي مش اساسيه في حياتك ..حتي لو كنت مش بتستعمليها اساسا ..النيه في الاول لها تأثر ..
و بعد كدا حاول تقاطعي الحاجات الي مش حتفرق معاكي ...
مثلا بدل ما كنتي بتاكلي في كنتاكي و ماكدونالد ...عندك كوكدور و مؤمن ...
بعد كدا ممكن في المرحله التالته حتلاقي نفسك فعلا بتقاطعي حاجات عمرك ما كنتي تتخيلي انك حتسيبيها في يوم من الايام ..
و الله حتيجي بعد كدا تحسي بلذه و فرحه من المقاطعه ...و الله حتتحول الي ممكن في الاول تسميه حرمان علي راي الناس ذوات التفكير السطحي ... الي لذه و لذه رائع بجد ..
انا اذكر انا و اصدقائي كنا مكان فيه مطاعم كتيرة ...
انا و صديق لي طلبنا من مطعم من الي هما مش مقاطعه و الباقي طلبو من الحاجات المقاطعه ...
لغايه كدا عادي ...
و لكن بعد كدا طلبو ايس كريم من محل مقاطعه .. و كان شكله مغري بطريقه متتخيليهاش ..
الدنيا كانت شتاء و الواحد نفسو في الايس بقالو فتره ...
سألنا علي ايس في محلات الي مش مقاطعه ملقناش...
رجعنا و كانو بياكلو الايس ادامنا ...
لا تتخيلي السعاده الي كنت فيها انا و صديقي اننا ملقناش و هو بيقولي يا تري ثواب ربنا حيكون قد ايه دلوقت. ..

دا موقف من مواقف كتير ...
اي نعم الواحد زي ما ايمانه بيزيد و بينقص ... و دا بيأثر علي حاجات كتير... و لكن طلاما عندك عزيمه و عن اقتناع ...فلا تقلقي و اصبري فان الله لا يضيع اجر الصابرين او الناس الي بتحتسب عن الله اجر طلاما الامر دا فعلا خالص لوجه الله ...
اسف جدا علي التأخير و الله اعلم اذا كنتي حتقري الرد دا ولا لا ...و لكن لكي ان تتخيلي انا مشغول اليومين دول قد ايه ...

Ahmed Essawy said...

@ يا مراكبي
زياره كريمه اعتز بيها
و الله دون ادني مجامله انت من الناس الي بحب اقراه المدونه بتاعتهو ...و بهتم بيها ...اول بأول

اما تعقيبا علي كلامك ..
رغم كل دا مفروض و الواجب علينا ان ننظر الي نص الكوب المملوء و نعمل علي هذا الاساس ..
كل واحد يعمل الي عليه حتي لو مفيش كوبايه
:)

Ahmed Essawy said...

@memo2008
بوجه ليكي نفس الكلام الي قولتو للبشمهندس يا مراكبي ..
:)