Saturday, 14 April 2007

خذ الصفر


النهارده معانا ملحمه سطرتها و انا بحفظ او بذاكر ماده Image processing مش فارقه كتير:) .اما عن وقت تسطيرها فكان بعد اتصال هاتفي مع احد الاصدقاء و هو يقص لي معاناته و آلامه في مذاكرة هذه الماده واختتم مكالمته بأول اربعه ابيات من هذه الملحمه . طبعا انا لقيت اني اكمل القصيده دي . علي الاقل يبقي عندي حجه اني مذاكرش :$ .
ملحوظه : هذه الملحمه تحتوي علي كلمات الفاظ عربيه معبره و معاني دقيقه لان الشاعر الي هو انا يعني :) كان شعورة عالي و مرهف و حساس مش من حبه للماده طبعا ...اكيد من غله :D:D .
للهزار و بس .
بكيبور :احمد عيسوي

من طلب العلى نام الليالي
و شد اللحاف و قال : انا مالي
خذ الصفر ولا تبالي
فإن الصفر من شيم الرجالي
انا مش عارف اسم دكتور او معيد
ولا عمري مسكت كتاب مفيد
لاني لو روحت الجامعه مش بستفيد
فختها من اصيرها ولا روحت ولا جيت
و قولت ايه الي فيها لو شلت سنه ........دا العمر مديد
علطول وقتي رايح في التبديد
و بقيت شغال ميكانيكي تبريد
و باخد مرتب مش علي قد الايد

فجأه اصحابي قالولي في امتحان خطير
و انت استنفذت وقت التحذير
و باين علي جسمك التخدير
فدخلت الامتحان من غير تحضير
اول سؤال كان عسير
و تاني سؤال كان صعب و طويل
و تالت سؤال مكنش ليه تفسير

قولت اطلع و اسيب الورقه و خلاص
الورقه دي عايزة واحد خاص
يعني هو في الشهاده الخلاص .
ليه لازم اذاكر باخلاص
لما الكل مش شغال باخلاص
دا الي اخد الشهاده لاص
و اخره للب فصاص
فرجعت و قولت
من طلب العلى نام الليالي
و شد اللحاف و قال : انا مالي
خذ الصفر ولا تبالي
فإن الصفر من شيم الرجالي

6 comments:

Rehab Mostafa said...

bgd gmda gedan ya A7med:D w ahm 7aga enaha f3lana 72e2ya w mo3bera:D w tl3a mn wa7ed mn me2at el nas el ma3'loleen f mada zay de w bedeha ma yosama Dr zay da:@ feha eh ya3ny law el wa7ed 5ad ZERO w hoa msh bezaker maho el ZERO eta5ed lama zkrna:D yb2a msh fr2a:D (bas ana ma5dtesh zero ana kont 2:D:D)

Aemy said...

3la r2i 3abd el 7aliim lma 3'ana lel saad el 3ali ...

2olna hans2t we adena a5dna el sefr el 3'aliiii ... ya 7osaam 5dnaah bmzgna el sefr el 3aliiiii

la lel a7tlal el 7osamawi.. yaskoot el ast3maar ... ya 3esawi ya 7abeb el mlayiin (Y) :D

Ahmed Essawy said...

@ Re7ab

انا مش بحرض حد ضد المذاكرة ولا حاجه .
المذاكرة دي حاجه حلوه و جميله
بس تلاقيكي مش واخده بالك .
:D
الشعر ده الي مش موزون و مفيهوش حاجه مظبوطه دا للهزار و بس .
:D:D

Ahmed Essawy said...

@Emad

ليه كدا بس . يا مستر .
انت كدا حتخليني محبش عبد الحليم كمان ؟

Rehab Mostafa said...

la2 mana w5da baly ya A7med 3rfa eno ll hezar w bas:D w el mozkra 7lwa walahy w kol 7aga 7ata el wa7ed y3mel ely 3leh w 7sbya alah w n3m el wakel law ma5dsh 7a2o:D bas rbna msh bedya3 ta3ab 7ad
keda koyes aho:D:D

Ahmed Said said...

جامدة جدا جدا بس احنا يا عيسوي نايمين من اول ما دخلنا الكلية وشدين اللحاف لغاية ما ريحتنا طلعت ومحصلناش الكلام اللي في الشعر ده والحال ماشي وكله تمام