Sunday, 15 July 2007

رابطه العنق و المحافظه علي البيئه

هذه هي عنوان مقاله قرائها علي ال بي بي سي الاخباريه . فعلا الواحد فينا حيفضل كل يوم يتعلم و لحد ما يموت حيفضل بيعرف حاجات جديده . طبعا اكيد بتقول ايه العلاقه بين رابطه العنق و البيئه . انا في الاول كنت بقول كدا برضو ... مكنتش اتوقع الكلام الي قريته دا حد يفكر فيه .


من فترة كان في جدال حاد بعض الشئ في الصحافه البريطانيه حول استخدام الكرافت (رابطه العنق ) في الصيف لان الجو بيكون حر قوي .


سٌمح (بضم السين) في بعض الشركات في الاتحاد الاوروبي بحريه استخدام رابطه العنق في الصيف لانها ( اي رابطه العنق) من اسباب التلوث و انبعاث الغازات الضاره في الهواء جراء استخدام اجهزة التكيف بشكل قوي حين ارتداء رابطه العنق .
بس انتهي الخبر علي كده ...


شوفت بقي ان رابطه العنق من اسباب التلوث في الصيف !!!!!!!!!!!!!! :D:D

14 comments:

Anonymous said...

السلام عليكم
الكرافت الان مشكلةعجايب ، دول باين عليهم ناس رايقة ، سابو كل حاجة وجم على الضعيفة ( الكرافت )، ولا احنا اللى باين علينا متخلفين ، ده احنا لسه مش عارفين نحل اي حاجة من مشاكل التلوث . يلا دنيا ده احنا بلاد بتحافظ على البيئة اكتر منهم :D

Anonymous said...

ezay bardo ?:D

khaled adel said...

وانا اقول انت مبترضاش تيجي المناقشة معانا ببدلة ليه
اتاريك بتحافظ ع البيئة يا عيسوي بس احنا اللي كنا فاهمينك غلط

Mai_3ssam said...

ايه دة يعني مش سبب التلوث المبيدات و لا دخان المصانع و لا دخان العربيات و لا ...... و كله بسبب الكرافت :S:S:S بس كويس على الأقل دي مقدور عليها.

عـلا - من غـزة said...



!! علاقة غريبة فعلا ,,, بس منطقية

طب الرجالة مخنوقة من الكرافات ,, طب احنا مع الحجاب حانقول ايييييه

اوبس

هههههه

دي زيارتي الاولى هنا وان شاء الله مش حاتكون الاخيرة

اه ,, وانت لحد دلوقتي فعلا اعلى حد في نسبة الادمان - اللهم احفظنا- بس متخافش ,, اكيد لسه في امل وعمر في الشفاء :]

سلامات

Ahmed Said said...

السلام عليكم ورحمة الله وبركاته

انا مش فاهم برضه يا عيسوي ايه العلاقة بين ربطة العنق وبين التلوث وازاي بطلع غازات ولا مش عارف ايه بتضر البيئة علي اساس انها شكمان يعني ولا ايه.........

Ahmed Essawy said...

@ Anonymous
ممكن فعلا يكونو ناس رايقه و مش لاقين حاجه يعملوها و ممكن برضو يكونو مؤمنين بمبدأ ياما تحت السواهي دواهي .
:)

Ahmed Essawy said...

@ khaled adel


اه و انت الصادق دا حتي انا لما عملت كدا
الناس في اوروبا اجتمعت و حاولت تعرف سر عدم ارتدائي للبدله و في الاخر بعد ما عرفوش
صرحو بالكلام دا و هما في قراره نفسهم بيعملو كدا بس علشان يقلدوني مش اكتر
:D:D

Ahmed Essawy said...

@ Mai
اصل هما بيموتو لما بيستنشقو عوادم السيارات و المصانع و الكلام الفارغ داا فعلشان كدا بيقللوه علي قد ما يقدروا .

اما احنا عندنا في مصر الحاجات دي مش بتأثر فينا و طبعا احنا مشغولين بحاجات اكبر من كدا بكتير .
:):D:D:D

Ahmed Essawy said...

@ علا

اهلا و سهلا بيكي في مدونتي المتواضعه .
و اهلا بكل اهل غرة الشقيق .

Ahmed Essawy said...

@ احمد سعيد
و عليكم السلام و رحمه الله و بركاته يا مستر سعيد .

مش بالظبط يا ابو حميد
هما بيقولو ان الكرافته في الصيف غير ملائمه بسبب الحراره فهي بلا شك حتسبب حراره مقارنه بجسم واحد معاك في نفس المكان مش لابس كرافات .
المشكله اني حسب ما فهمت ان اللبس الفورمال هناك هو البدله علشان كدا لازم الكل يجي ببدله كامله و طبعا فيه الكرافات .
و دا حيسبب ان و انت قاعد في السياره حتعلي قوي المكيف و دا حيسبب زياده في استهلاك بنزين السياراه و ده معناه تلوث .
دا حيسبب زياده العوادم من ميكف السياره ايضا و ده تلوث تاني .

لما حضرتك تروح الشغل طبعا لازم المكيف يكون عالي و دا برضو حيزيد مصدر التلوث في المدن .

بعيد عند يا ابو حميد هما ناس لو فسرناها بطريقتها المصريه المعقده
مش ناس مقتصده لا حاجه دول ناس فقره و بخله و مش لاقين بنزين و مصارد كهرباء .

انت عارف ان في مرة في المانيا من سنين قليله الحكومه ناشدت الشعب في الجرايد و وسائل الاعلام الاخري بأنهم يسيبو حنفيات الماء مفتوحه طول اليوم علشان من كثرة الاقتصاد فياستهلاك الماءبدأ تترسب الطحالب في المواسير و تكون سبب في تلوث الماء .
انا اعرف ناس لما سافرو المانيا
مع اصحابهم الالمان كانو بيملو الحوض بتاع المطبخ ماء و بعد كدا يحطو السداده . و يغسلو منها المواعين كلها .
قارن دا عندنا في مصر الي بيغسل بيفتح الحنفيه و يفضل سايبها لغايه ما يخلص غسيل مواعيد .

هي دي النقطه الي كنت بحاول اعرضها .

أحمد عماد said...
This comment has been removed by the author.
أحمد عماد said...

السلام عليكم ورحمة الله وبركاته

أنا شايف الكلام دا منطقي جدا وعملي وطريقة تفكير كويسة
حل المشكلة بأبسط الطرق ومن غير أي تكاليف أو مشاريع محتاجة لوقت أو أي أمور روتينية معقدة

ودا بيبين الفرق بين الي بيفكر إنه يحل المشكلة فعلا وبين الي بيفكر ازاي إنه يظهر بمظهر الي بيحل المشكلة
ودا الواضح عندنا في مصر إزاي نحاول نبيين إننا بنحل المشكلة وفي الحقيقة مفيش شئ بيتحل بالرغم البرامج الي بيتصرف عليها مليارات
أتذكر مشروع شوفته لعمل سور لترعة من أطول الترع في مصر والي بتمتد في آلاف الكيلومترات وهيا ترعة الزمر
المشروع اتكلف تقريبا 16 مليون جنيه حسب كلامهم
بعد ما خلصوا المشروع بسنة أو اتنين
عملوامشروع جديد
عارف ايه ؟؟
ردم الترعة
طيب ال 16 مليون دول اتصرفوا ليه وايه فايدتهم
ماتعرفش
نسأل الله أن يصلح أوالنا وأحوال المسلمين يارب
السلام عليكم ورحمة الله وبركاته

Ahmed Mubarak said...

طب رباط الجزمة..نظاموة اية؟