التخطي إلى المحتوى الرئيسي

رابطه العنق و المحافظه علي البيئه

هذه هي عنوان مقاله قرائها علي ال بي بي سي الاخباريه . فعلا الواحد فينا حيفضل كل يوم يتعلم و لحد ما يموت حيفضل بيعرف حاجات جديده . طبعا اكيد بتقول ايه العلاقه بين رابطه العنق و البيئه . انا في الاول كنت بقول كدا برضو ... مكنتش اتوقع الكلام الي قريته دا حد يفكر فيه .


من فترة كان في جدال حاد بعض الشئ في الصحافه البريطانيه حول استخدام الكرافت (رابطه العنق ) في الصيف لان الجو بيكون حر قوي .


سٌمح (بضم السين) في بعض الشركات في الاتحاد الاوروبي بحريه استخدام رابطه العنق في الصيف لانها ( اي رابطه العنق) من اسباب التلوث و انبعاث الغازات الضاره في الهواء جراء استخدام اجهزة التكيف بشكل قوي حين ارتداء رابطه العنق .
بس انتهي الخبر علي كده ...


شوفت بقي ان رابطه العنق من اسباب التلوث في الصيف !!!!!!!!!!!!!! :D:D

تعليقات

‏قال غير معرف…
السلام عليكم
الكرافت الان مشكلةعجايب ، دول باين عليهم ناس رايقة ، سابو كل حاجة وجم على الضعيفة ( الكرافت )، ولا احنا اللى باين علينا متخلفين ، ده احنا لسه مش عارفين نحل اي حاجة من مشاكل التلوث . يلا دنيا ده احنا بلاد بتحافظ على البيئة اكتر منهم :D
‏قال غير معرف…
ezay bardo ?:D
‏قال khaled adel
وانا اقول انت مبترضاش تيجي المناقشة معانا ببدلة ليه
اتاريك بتحافظ ع البيئة يا عيسوي بس احنا اللي كنا فاهمينك غلط
‏قال Mai_3ssam
ايه دة يعني مش سبب التلوث المبيدات و لا دخان المصانع و لا دخان العربيات و لا ...... و كله بسبب الكرافت :S:S:S بس كويس على الأقل دي مقدور عليها.
‏قال علا من غزة


!! علاقة غريبة فعلا ,,, بس منطقية

طب الرجالة مخنوقة من الكرافات ,, طب احنا مع الحجاب حانقول ايييييه

اوبس

هههههه

دي زيارتي الاولى هنا وان شاء الله مش حاتكون الاخيرة

اه ,, وانت لحد دلوقتي فعلا اعلى حد في نسبة الادمان - اللهم احفظنا- بس متخافش ,, اكيد لسه في امل وعمر في الشفاء :]

سلامات
‏قال Ahmed Said
السلام عليكم ورحمة الله وبركاته

انا مش فاهم برضه يا عيسوي ايه العلاقة بين ربطة العنق وبين التلوث وازاي بطلع غازات ولا مش عارف ايه بتضر البيئة علي اساس انها شكمان يعني ولا ايه.........
‏قال Ahmed Essawy
@ Anonymous
ممكن فعلا يكونو ناس رايقه و مش لاقين حاجه يعملوها و ممكن برضو يكونو مؤمنين بمبدأ ياما تحت السواهي دواهي .
:)
‏قال Ahmed Essawy
@ khaled adel


اه و انت الصادق دا حتي انا لما عملت كدا
الناس في اوروبا اجتمعت و حاولت تعرف سر عدم ارتدائي للبدله و في الاخر بعد ما عرفوش
صرحو بالكلام دا و هما في قراره نفسهم بيعملو كدا بس علشان يقلدوني مش اكتر
:D:D
‏قال Ahmed Essawy
@ Mai
اصل هما بيموتو لما بيستنشقو عوادم السيارات و المصانع و الكلام الفارغ داا فعلشان كدا بيقللوه علي قد ما يقدروا .

اما احنا عندنا في مصر الحاجات دي مش بتأثر فينا و طبعا احنا مشغولين بحاجات اكبر من كدا بكتير .
:):D:D:D
‏قال Ahmed Essawy
@ علا

اهلا و سهلا بيكي في مدونتي المتواضعه .
و اهلا بكل اهل غرة الشقيق .
‏قال Ahmed Essawy
@ احمد سعيد
و عليكم السلام و رحمه الله و بركاته يا مستر سعيد .

مش بالظبط يا ابو حميد
هما بيقولو ان الكرافته في الصيف غير ملائمه بسبب الحراره فهي بلا شك حتسبب حراره مقارنه بجسم واحد معاك في نفس المكان مش لابس كرافات .
المشكله اني حسب ما فهمت ان اللبس الفورمال هناك هو البدله علشان كدا لازم الكل يجي ببدله كامله و طبعا فيه الكرافات .
و دا حيسبب ان و انت قاعد في السياره حتعلي قوي المكيف و دا حيسبب زياده في استهلاك بنزين السياراه و ده معناه تلوث .
دا حيسبب زياده العوادم من ميكف السياره ايضا و ده تلوث تاني .

لما حضرتك تروح الشغل طبعا لازم المكيف يكون عالي و دا برضو حيزيد مصدر التلوث في المدن .

بعيد عند يا ابو حميد هما ناس لو فسرناها بطريقتها المصريه المعقده
مش ناس مقتصده لا حاجه دول ناس فقره و بخله و مش لاقين بنزين و مصارد كهرباء .

انت عارف ان في مرة في المانيا من سنين قليله الحكومه ناشدت الشعب في الجرايد و وسائل الاعلام الاخري بأنهم يسيبو حنفيات الماء مفتوحه طول اليوم علشان من كثرة الاقتصاد فياستهلاك الماءبدأ تترسب الطحالب في المواسير و تكون سبب في تلوث الماء .
انا اعرف ناس لما سافرو المانيا
مع اصحابهم الالمان كانو بيملو الحوض بتاع المطبخ ماء و بعد كدا يحطو السداده . و يغسلو منها المواعين كلها .
قارن دا عندنا في مصر الي بيغسل بيفتح الحنفيه و يفضل سايبها لغايه ما يخلص غسيل مواعيد .

هي دي النقطه الي كنت بحاول اعرضها .
‏قال أحمد عماد
أزال المؤلف هذا التعليق.
‏قال أحمد عماد
السلام عليكم ورحمة الله وبركاته

أنا شايف الكلام دا منطقي جدا وعملي وطريقة تفكير كويسة
حل المشكلة بأبسط الطرق ومن غير أي تكاليف أو مشاريع محتاجة لوقت أو أي أمور روتينية معقدة

ودا بيبين الفرق بين الي بيفكر إنه يحل المشكلة فعلا وبين الي بيفكر ازاي إنه يظهر بمظهر الي بيحل المشكلة
ودا الواضح عندنا في مصر إزاي نحاول نبيين إننا بنحل المشكلة وفي الحقيقة مفيش شئ بيتحل بالرغم البرامج الي بيتصرف عليها مليارات
أتذكر مشروع شوفته لعمل سور لترعة من أطول الترع في مصر والي بتمتد في آلاف الكيلومترات وهيا ترعة الزمر
المشروع اتكلف تقريبا 16 مليون جنيه حسب كلامهم
بعد ما خلصوا المشروع بسنة أو اتنين
عملوامشروع جديد
عارف ايه ؟؟
ردم الترعة
طيب ال 16 مليون دول اتصرفوا ليه وايه فايدتهم
ماتعرفش
نسأل الله أن يصلح أوالنا وأحوال المسلمين يارب
السلام عليكم ورحمة الله وبركاته
‏قال Ahmed Mubarak
طب رباط الجزمة..نظاموة اية؟

المشاركات الشائعة من هذه المدونة

خطوات تصب في طريق النجاح

ما من فرد منا في هذه الفترة يبحث عن عمل الا وسيبدأ مع اي شركه في اي مجال بالمقابله الشخصيه التي هي أولي الخطوات لتقديم و لتقييم الفرد المرشح . المقابله الشخصيه اختبار ذات جوانت متعدده .... مثلها مثل اي شئ في هذه الدينا .... اختبار و كل اختبار له عدده خطوات تصب في طريق النجاح ... اردت اليوم ان الخص بعض هذه الخطوات من خلال ما قرأته من مواقع متعدده هنا لتعم الفائده علماً بأن هذه المواقع مشار اليها في نهايه المقال . المرحله الاولي - التحضير : هي تلك المرحله ما قبل المقابله نفسها . تسمي في بعض الاحيان بالواجب المنزلي . كل ما عليك في هذه المرحله ان تراجع معلوماتك فغالبا انت معرض لاختبار (تقني technical و ذكاءIQ و شخصي peronal test ) . حاول ان تجلب معلومات عن الشركه... عنوانها ... مجالها .... فروعها ... الاشخاص الذي سوف تقوم بمقابلتهم في المقابله الشخصيه (يمكنك ذلك من خلال موقع الشركه علي الانترنت او من خلال اصدقائك و من حولك ) هذه المعلومات سوف تدعمك وقت المقابله مع الشركه . جهز صورة شخصيه و السيرة الذاتيه فأحياناً كثيرة تحتاج الشركه لها . حرصك علي هذه الاشياء الصغير سيعطي فرصه للشركه لكي

أجمل ما قيل في الاخوة في الله

للامانه لست أنا صاحب هذه المقاله انما جاءتني كأيميل يتناقله الناس بدون صاحب :) قال تعالي :  (إنما المؤمنون إخوة) الحجرات ايه 10 . وقال صلي الله عليه وسلم (المسلم اخو المسلم لا يظلمه ولا يسلمه). وقال ايضا (لا يؤمن احدكم حتي يحب لأخيه ما يحب لنفسه) قال الامام احمد بن حنبل ""إن لنا أُناس لا نراهم إلا في كل عام مرة نحن أوثق بمودتهم ممن نراهم كل يوم"" قال عمر رضي الله عنه في مجلس المهاجرين و الانصار (( أرأيتم لو ترخصت في بعض الأمور ماذا كنتم فاعلين!! فكرر فلم يجيبوه )) فقال البشر بن معاذ: لو فعلت قومناك تقويم القدح ( السهم الذي يرمي به عن القوس) قال: عمر:أنتم إذن !أنتم إذن. ثمرات المحبة  قال تعالي في حديث قدسي:  (وجبت محبتي : للمتحابين فيَّ ، و المتجالسين فيَّ ، و المتزاورين فيَّ ، و المتباذلين فيَّ). قال رسول الله صلي الله عليه و سلم (الله في عون العبد ما كان العبد في عون أخيه). قال رسول الله صلي الله عليه و سلم يا أيها الناس ! اسمعوا ، واعقلوا ، واعلموا أن لله عز وجل عبادا ليسوا بأنبياء ولا شهداء ، يغبطهم النبيون والشهداء على منازلهم وقربهم

حل مشكله عدم الاضاءه او السطوع عند ترقية لينوفو لابتوب الي ويندوز 10

اتبع الخطوات بالاسف اذا واجهت مشكله في سطوع الشاشه بعد ترقية لابتوب لينوفو Z500 الي ويندوز 10 lenovo z500 touch brightness not working after windows 10 update 1:-   Win + R 2:-   Type in 'regedit' 3:-   Press F3 to bring out the find menu. 4:-   Type in 'FeatureTestControl' And Click On 'Find Next' 5:-   Once Found 'Right Click' on it and select 'Modify' 6:-   Replace the Original Value By'ffff' 7:-   Save It And Restart The System 8:-   Problem Solved