Thursday, 29 March 2007

المفروض قدوه و دكتور

اسكمالا لموضوع فتحته قبل كدا تحت عنوان "دكاتره اخر زمن"مع ان مكنش في نيتي انو اكتب عنو تاني . بس اعمل ايه الشواهد كتير .
مش كل واحد أخذ الشهادة الي الناس بتاخدها بعد الماجستير يبقي دكتور .حتي و لو اصبح امام الناس و القانون يحمل حرف الدال .
في ناس كتير اخذت حرف الدال و لم تفعل بها شئ . و كم من اخرون اشتروا هذه الشهاده علشان معاهم فلوس مش اكتر !!! .انا عايز اقول زي ما حاجات كتير اتغيرت في الزمن دا . في دكاترة كمان باعو شرفهم و اصلهم زي ما الحاجات تانيه كتييير اتغيرت .
حثبت ليكم الكلام دا بحكايه لدكتور في جامعه عين شمس .
اليوم اتحدث عن دكتور معندوش دم و لا ضمير و لا اخلاق .
دكتور فاضل كل يوم بيلبس البدله السوده الصبح و يبص في المرايه و يبتسم ابتسامه خبيثه و فاكر نفسه الوحيد الذي لم تنجب البشريه مثله . و ان مصر كلها بتشهد بعلمه . فاكر ان التفاف الطلاب حواليه نوع من انواع التقدير . يأتي و معه الشنطه و الكتاب الي حضرته مألفه و يذهب بيه الي الحرم الجامعي في جامعه عين شمس .علشان الحرم الجامعي ياخد من بركه كتابه .
ليا ناس اعرفهم في سنه اولي بس مش حقول الكليه علشان مش عايزين مشاكل . لغايه اليوم مخدوش كتاب الماده الي بيروحو الكليه عشانها .
ليه تتوقع ؟؟؟؟
علشان في 150 من اصل 700 لسه مدفعوش ثمن الكتاب الي حضرته مألفه !!!
والاكتر من كدا انو بيقولهم الكلام دا علني ؟؟مفيش كتاب الا لما الكل يشتريه ...
هما اهو بقالهم شهرين في الدراسه و لسه حضرته لم يعطف بالكتاب .و الي يغيظ اكتر من كدا انو مانع الناس تمسك القلم في المحاضرة علشان محدش يكتب حاجه . نعمل ايه النداله في دمو!!!!!


سؤال كالعاده بوجه للفراغ لانو الوحيد الي بقي بيسمعني دلوقت ؟؟؟
هل دا الي مفروض يطلع اجيال ؟؟؟
هل دا دكتور مفروض انو يكون قدوه ل 700 طالب ؟
هل بعد كدا في حد ليه وش يقول العيب علي الطالب ؟
اذا كام مفيش دكتور ..يجي الطالب من فين ؟؟؟
فين العميد ؟؟؟ مش كلكم راع و كلكم مسئول عن رعيته ؟؟؟ولا دا كان زمان برضو !!!
فين الرجوله ؟؟ دا السؤال الوحيد الي عارف اجابته .
طبعا مفيش :( .

انما الامم الاخلاق ما بقيت###فإن هم ذهبوا أخلاقهم ذهبوا

12 comments:

Ahmed Mubarak said...

هالم معندهاش ضمير
بس برضوة فية الكويس وفية الوحش بس الي أنا عايز أعرفوة
لية الوحش أكتر من الكويس
هنفضل لغاية امتى كدة..احيانا بقول مستحيل نكون كويسين
بس برجع واقول طب ما ايام سيدنا عمر كان الامان والرخاء والعدل..وأيام الخليفة عمر بن عبد العزيز كان قمة الرخاء الاقتصادي والعلم
لية أحنا مش كدة..
متهيألي..اجابة السؤال دة..تتخلص في كلمتين
علشان مفيش دين..وبالتالي مفيش ضمير

أحمد عماد said...

صدقت يا مبارك
بالنسبة لعيسوي
هغيظك واقول برده فيه عيب على الطلبة
العيب على الطلبة دول انهم بيحضروا للدكتور دا أصلا
على فكرة نموذج الدكتور الي بتقول عليه دا فيها منها كتير
أنا اسمع عن دكتور في كلية في جامعة القاهرة
بعد ما نزل كتابه نزل كتاب فيه مسائل وبسعر رخيص جدا
لحد هنا وكويس
الكويس بقى علشان تاخد الكتاب بالسعر دا الدكتور قال حاجة حلوة
قال عايز تشتري الكتاب التاني لازم تروح بالأولاني معاك علشان ينفع تستلمه
بجد
محسسني بعروض الزيت
تشترى واحدة تاخد التانية مجانا
بجد في ناس مالهاش علاقة غير بالفلوس
ودا مش معناه انهم بيكروتوا
لا في منهم بيتقنوا لكن برده علشان الفلوس
بيعبدوا الفلوس
وأشك انه بعد كل دا لاقي السعادة
وهيلاقيها ازاي والرسول عليه الصلاة والسلام بشره بالتعاسة
قال صلى الله عليه وسلم:
تعس عبد الدينار ، والدرهم ، والقطيفة ، والخميصة ، إن أعطي رضي ، وإن لم يعط لم يرض
الراوي: أبو هريرة - خلاصة الدرجة: صحيح - المحدث: البخاري - المصدر: الجامع الصحيح - الصفحة أو الرقم: 2886

أحمد عماد said...

بالنسبة لسؤالك يا مبارك
دي سنة الله في الكون ان دائما الكثرة مذمومة والقلة ممدوحة
يعني شوف الايات دي
{وَإِذْ أَخَذْنَا مِيثَاقَ بَنِي إِسْرَائِيلَ لاَ تَعْبُدُونَ إِلاَّ اللّهَ وَبِالْوَالِدَيْنِ إِحْسَاناً وَذِي الْقُرْبَى وَالْيَتَامَى وَالْمَسَاكِينِ وَقُولُواْ لِلنَّاسِ حُسْناً وَأَقِيمُواْ الصَّلاَةَ وَآتُواْ الزَّكَاةَ ثُمَّ تَوَلَّيْتُمْ إِلاَّ قَلِيلاً مِّنكُمْ وَأَنتُم مِّعْرِضُونَ }البقرة83

{فَلَمَّا فَصَلَ طَالُوتُ بِالْجُنُودِ قَالَ إِنَّ اللّهَ مُبْتَلِيكُم بِنَهَرٍ فَمَن شَرِبَ مِنْهُ فَلَيْسَ مِنِّي وَمَن لَّمْ يَطْعَمْهُ فَإِنَّهُ مِنِّي إِلاَّ مَنِ اغْتَرَفَ غُرْفَةً بِيَدِهِ فَشَرِبُواْ مِنْهُ إِلاَّ قَلِيلاً مِّنْهُمْ...

وَلَوْ أَنَّهُمْ قَالُواْ سَمِعْنَا وَأَطَعْنَا وَاسْمَعْ وَانظُرْنَا لَكَانَ خَيْراً لَّهُمْ وَأَقْوَمَ وَلَكِن لَّعَنَهُمُ اللّهُ بِكُفْرِهِمْ فَلاَ يُؤْمِنُونَ إِلاَّ قَلِيلاً }النساء46

{وَلَوْ أَنَّا كَتَبْنَا عَلَيْهِمْ أَنِ اقْتُلُواْ أَنفُسَكُمْ أَوِ اخْرُجُواْ مِن دِيَارِكُم مَّا فَعَلُوهُ إِلاَّ قَلِيلٌ مِّنْهُمْ


وَلَوْلاَ فَضْلُ اللّهِ عَلَيْكُمْ وَرَحْمَتُهُ لاَتَّبَعْتُمُ الشَّيْطَانَ إِلاَّ قَلِيلاً }النساء83

قَالَ أَرَأَيْتَكَ هَـذَا الَّذِي كَرَّمْتَ عَلَيَّ لَئِنْ أَخَّرْتَنِ إِلَى يَوْمِ الْقِيَامَةِ لأَحْتَنِكَنَّ ذُرِّيَّتَهُ إَلاَّ قَلِيلاً }الإسراء62

يَعْمَلُونَ لَهُ مَا يَشَاءُ مِن مَّحَارِيبَ وَتَمَاثِيلَ وَجِفَانٍ كَالْجَوَابِ وَقُدُورٍ رَّاسِيَاتٍ اعْمَلُوا آلَ دَاوُودَ شُكْراً وَقَلِيلٌ مِّنْ عِبَادِيَ الشَّكُورُ }سبأ13

دا بالنسبة للقلة
بالنسبة للكثرة بص الايات التانية

مِنْ أَجْلِ ذَلِكَ كَتَبْنَا عَلَى بَنِي إِسْرَائِيلَ أَنَّهُ مَن قَتَلَ نَفْساً بِغَيْرِ نَفْسٍ أَوْ فَسَادٍ فِي الأَرْضِ فَكَأَنَّمَا قَتَلَ النَّاسَ جَمِيعاً وَمَنْ أَحْيَاهَا فَكَأَنَّمَا أَحْيَا النَّاسَ جَمِيعاً وَلَقَدْ جَاءتْهُمْ رُسُلُنَا بِالبَيِّنَاتِ ثُمَّ إِنَّ كَثِيراً مِّنْهُم بَعْدَ ذَلِكَ فِي الأَرْضِ لَمُسْرِفُونَ }المائدة32

عْلَمْ أَنَّمَا يُرِيدُ اللّهُ أَن يُصِيبَهُم بِبَعْضِ ذُنُوبِهِمْ وَإِنَّ كَثِيراً مِّنَ النَّاسِ لَفَاسِقُونَ }المائدة49

وَتَرَى كَثِيراً مِّنْهُمْ يُسَارِعُونَ فِي الإِثْمِ وَالْعُدْوَانِ وَأَكْلِهِمُ السُّحْتَ لَبِئْسَ مَا كَانُواْ يَعْمَلُونَ }المائدة62

َلَيَزِيدَنَّ كَثِيراً مِّنْهُم مَّا أُنزِلَ إِلَيْكَ مِن رَّبِّكَ طُغْيَاناً وَكُفْراً فَلاَ تَأْسَ عَلَى الْقَوْمِ الْكَافِرِينَ }المائدة68

{وَإِن تُطِعْ أَكْثَرَ مَن فِي الأَرْضِ يُضِلُّوكَ عَن سَبِيلِ اللّهِ إِن يَتَّبِعُونَ إِلاَّ الظَّنَّ وَإِنْ هُمْ إِلاَّ يَخْرُصُونَ }الأنعام116


ودا نموذج بسيط من ايات القلة والكثرة في القرآن ولو دورت هتلاقي اكتر من كده
العبرة مش بالعدد
العبرة باخلاص الفئة القليلة الي هيا على الحق ويقينهابالله
يعني مثلا بص للاية دي
َلَمَّا فَصَلَ طَالُوتُ بِالْجُنُودِ قَالَ إِنَّ اللّهَ مُبْتَلِيكُم بِنَهَرٍ فَمَن شَرِبَ مِنْهُ فَلَيْسَ مِنِّي وَمَن لَّمْ يَطْعَمْهُ فَإِنَّهُ مِنِّي إِلاَّ مَنِ اغْتَرَفَ غُرْفَةً بِيَدِهِ فَشَرِبُواْ مِنْهُ إِلاَّ قَلِيلاً مِّنْهُمْ فَلَمَّا جَاوَزَهُ هُوَ وَالَّذِينَ آمَنُواْ مَعَهُ قَالُواْ لاَ طَاقَةَ لَنَا الْيَوْمَ بِجَالُوتَ وَجُنودِهِ قَالَ الَّذِينَ يَظُنُّونَ أَنَّهُم مُّلاَقُو اللّهِ كَم مِّن فِئَةٍ قَلِيلَةٍ غَلَبَتْ فِئَةً كَثِيرَةً بِإِذْنِ اللّهِ وَاللّهُ مَعَ الصَّابِرِينَ }البقرة249

ركز مين الي قال كم من فئة قليلة غلبت فئة كثيرة
مش المؤمنين لا دا في مؤمنين قالوا لا طاقة لنا اليوم بجالوت وجنوده
لكن الي منهم على يقين بلقاء الله
يقين مستشعره بكل حواسه وعايش علشانه قالوا: كم من فئة قليلة غلبت فئة كثيرة
غلبتهم إزاي؟
بإذن الله
ليه ؟
لأن
والله مع الصابرين
دا تلخيص لمشكلتنا لو ركزنا في الاية دي كويس اعتقد هتحل يا مبارك المشكلة
وكمان يا عيسوي مشكلة الدكتور الي خانقاك
معلش طولت كتير لكن الموضوع بجد مهم قوي وحيوي ومصيري في حياتنا كلنا
واختم بالحديث دا قال رسول الله صلى الله عليه وسلم :
لا تزال طائفة من أمتي ظاهرين ، حتى يأتيهم أمر الله وهم ظاهرون
الراوي: المغيرة بن شعبة - خلاصة الدرجة: صحيح - المحدث: البخاري - المصدر: الجامع الصحيح - الصفحة أو الرقم: 7311

Ahmed Mubarak said...

أحمد عماد@
جزاك الله خير

Nesma Mostafa said...

هي ديه مش اول حاجه تحرق الدم طبعا بس مش فاهمه ليه دايما بتقول المشكله فينا والمشكله في الطلبه ؟؟ انت لو عندك دكتور زي ده وانت عارف انك لما بتشتكي للعميد مش بيعملك حاجه هتعمل ايه ؟ ياريت يبقي في حد عنده الشجاعه الكافيه انه يقول انه عنده استعداد مش يحضر للدكتور ده ويشيل الماده بس انا عن نفسي مش هعمل كده ومش شوفت حد ممكن يعمل كده مفيش حد بيضيع مستقبله علشان يثبت لدكتور انه غلط احنا جربنا ناخد موقف في الجافا ونقول للناس تمضي علي شكوي في الدكتور كله كان بيقول استنوا بعد لما يحط درجات الامتحان وحتي بعد ما قدمنا الشكوي بالظبط زي الدستور كده مفيش حاجه بتتغير كل الي بنعمله ان بنقنع نفسنا اننا مش سلبين مش اكتر بس كنوع من عدم التعقيد مش لازم كل حاجه نقول ان المشكله فينا لا المشكله في المكان اللي بنحاول نغيره واحنا عارفين انه مش هيتغير لان فينا ناس كتير اوي مش عايزه تعيش بالاسلوب ده ومش معني الصبر ان كل واحد لما يشوف حاجه غلط يقول ربنا يسماحهم ويقعد مكانه يستني ان الازمه تتحل علي الاقل نعترض ديه الحاجه الوحيده اللي بنقدر نعملها
Thx;

أحمد عماد said...

أفضل إني أشعر إن المشكلة فيا لأن دا معناه إن في أمل ..لأن المشكلة لما تبقى في ايدي وانا معترف بيها يبقى وصلت لنصف الحل
ما أنكرش إن في ناس مش كويسة في منظومة الحياة كلها وأكيد عمر ما هيكون العيب في عنصر واحد على مر العصور وعلى مر الأزمان
لكن الي عايز أوصله في حكمه تعلمتها كويسة قوي
لا تطالب الناس بحقك عليهم قبل أن تؤدي حقوقهم التي عليك
يعني لا ننكر إننا برده مابنعملش الي علينا
أصل ربنا ما يظلمش حد لو كل واحد فينا بيعمل الي عليه يبقى أكيد عاجلا أو آجلا الفرج هيأتي
والأفضل إننا نستشعر دايما ان في تقصير مننا علشان نركز على نفسنا ونجيب أكتر ونطلب منها أكتر
لكن لو ركنا لأن العيب عند غيرنا هنلاقي نفسنا ببساطة بنتسحب لسلسلة المبررات المعتادة .. عن الظروف والناس والمجتمع والنفس هتبدأ تميل للراحة والكسل
دا لا يتعارض على ان الاسباب ممكن تكون بعيدة عنا ومالناش يد فيها
ولا يتعارض مع حقنا الكامل في الاعتراض والتوضيح ما دمنا لا نتعدى الحقوق
وأنا ليا ملحوظة على موضوع الاعتراض
الشجاعة مش إنك تقول لا بصفة عامة
الشجاعة إنك تقول لا لما تكون كلمة لا هتكلفك كتير
لأن في ناس في وسطنا بتعترض طول ما الاعتراض مش هيكلفها حاجة خالص
وساعة الجد ما تلاقيش حد
بس ارجع واجمل المشكلة كلها في عبارة من أروع ما سمعت
عليك البداية وعلى الله التمام

Nesma Mostafa said...

انا مش معترضه ابدا اني اقول ان المشكله فينا بس لما تكون فينا فعلا يعني لما اكون بتكلم مع حد في موضوع الاطفال الايتام او اللي مش ليهم مكان يسكنوا فيه ويقولي المشكله فينا قبل ما تكون في الحكومه والبلد هقتنع ورد فعلي المفروض اني هحاول الاقي هحل حتي لو حل بسيط بس مدام انا مقتنعه اني قصرت يبقي هعرف الاقي حل بس لما حد يقولي المشكله فينا لاننا مش نقدر نقول غير انها فينا وده هيدينا امل . هيدينا امل في حاله واحده انك تقول غلطتنا كذا ونصلحها بكذا
لكن ذنبنا ايه في دكتور الكليه عينته دكتور وهو مش مؤهل لكده ؟ والمفروض نعمل ايه
الموضوع مش موضوع نقاش وامل ويااس لما نكون عايزين نحل مشكله المفروض نعرف ابعادها الحقيقه حتي لو كان الواقع ده مش هنعرف نغيره
بس زي ما انت قولت ربنا مش ظالم ديه حاجه اكيد طبعا بس بردوا في حقيقه بتقول ان في ظالم ومظلوم وصعب اوي انك تروح تقول للمظلوم انت مش مظلوم لان ربنا مش ظالم هو مظلوم بس من ناس تانيه مش من ربنا

أحمد عماد said...

دا مش تجاهل لأبعاد المشكلة
بالعكس هناك مشكلة قائمة وأخطاء وقعنا فيها كتير
واليوم الي حضر فيه د. محمد شعراوي كشف عن أخطائنا
وفعلا نحتاج لحل المشاكل الموجودة
وهيا كتيرة
ما ننكرش ان في ظالم ومظلوم
وانا قلت من الاول ان كلامي لا بتعارض مع ان فيه عناصر غلط غيرنا
ما بنكرش اننا مظلومين
ومابنكرش حقنا في دفع الظلم
لكن
الي مش واصل من كلامي لغاية دلوقتي ان الي اقصده وماذا اذا فشلت محاولات دفع الظلم ؟
المحاولة تفشل لكننا لم نفشل في عمل الي علينا لاننا عارفين اننا بنعامل ربنا وهو أمرنا بالأخذ بالاسباب والتوكل عليه وهذا يكفي لأن يحالفنا النصر ما دمنا بنبذل كل ما في وسعنا
طيب عملنا الي علينا وما شفناش حاجة
نصبر
الشاهد والسؤال الي عايز اوجهه للجميع ونفسي الاقي إجابة عليه ودا مش سؤال استنكاري دا استفهام حقيقي
لو فضلنا نقول ان العيب في الدكتور .. واحنا عملنا الي علينا .. وماحصلش حاجة ومفيش فايدة هنوصل لايه؟
أنا كلامي كله من الاول مش رغبة في التسليم بالأمر الواقع لكن رغبة في اننا نوجه طاقة الغضب الي جوانا ناحية المكان السليم
يا جماعة انا متضايق انكم مكتأبين
فوقوا وبصوا لقدام
لو كل واحد غير الي في نفسه صح
وأنا اقصد كل شئ كل شئ
والله العظيم الدنيا هتتغير
بس احنا ناخذ بكل الاسباب الممكنة مش نركز بس على الاسباب المباشرة زي المذاكرة والاجتهاد وننسى الصلاة والتقرب إلى الله والدعاء
والعكس صحيح ما نركزش على الصلاة وأمور المعروف وننسى المذاكرة والاجتهاد
ياربت تفكروا في كلامي
وأشهد الله أن هذه النصيحة أحق من توجه له هو أنا
بصراحة إحنا وأنا أولكم محتاجين وقفة مع النفس نعرف رايحين منين وجايين فين
ملحوظة أخيرة : الكلام الي بقوله عن التركيز على إن العيب فينا أتقالي من فترة وماكنتش مصدقه خالص وكنت بعارض بشدة لحد ما سمعته وطبقته ولقيت من نفسي نتائج لم أكن أتخيلها
ولا أنسى كلمات شخص علمني الكثير جدا قال في مرة : انت المسؤول عن حلمك لو ماوصلتش ماحدش هيخسر غيرك فما تستناش مساعدة من حد
وبيني وبينكم الأيام جربوا ولن تندموا
أعتقد اني رغيت كتير على البلوج بتاعك يا عيسوي لدرجة اني خايف الاقي نفسي مطرود بعد كده
بس عموما لعله خير ولعل الله ينفعنا بهذا الكلام يوم نلقاه
وأعتقد ان كلامي بقى أوضح شوية دلوقتي
بالله عليكم لا تنسوني من الدعاء
السلام عليكم ورحمة الله وبركاته

Ahmed Essawy said...


الي نسمه


كلمه كويسه قوي .
لخصت معظم الي كنتي عايزة تقوليه . و احيكي عليها .

زي ما انت قولت ربنا مش ظالم و ديه حاجه اكيد طبعا بس بردوا في حقيقه بتقول ان في ظالم ومظلوم وصعب اوي انك تروح تقول للمظلوم انت مش مظلوم لان ربنا مش ظالم هو مظلوم بس من ناس تانيه مش من ربنا


فعلا دي النقطه الي انا كنت بحاول اوضحها .
دايما يدخل الدكتور علي الطلاب و يحقر منهم
او
الناس تفضل تنتقد الطلبه علطول و كأنهم اس البلاء في كل حاجه .
او
احيانا تكون نظرة المجتمع للشباب نظرة يأس .
كل دا بيشحن الطلبه و الشباب شحنه سالبه و تملاه باليأس .
و الاحباط . انا حبيت اثبت للناس ان مش الطليه هما السبب و ان في عوامل كتيرة اكبر بكتير من الطلبه هي السبب .
الشباب فيهم حماس كبير قوي و دا مفيش شك فيه .
و لكن الامل علطول مكانه التراب .
و مداس عليه بالارجل
مثال بسيط علي كدا . امتحان الجافا و المشكله الي اتكلمنا فيها كلنا قبل كدا .
ولا مشكله الاميج بروسسنج .
عملنا شكاوي كتير و ضغطنا علي الادارة
و كان دا اقل حاجه ممكن تتعمل لاننا مش بنطالب الي بحقنا.
و لما شافو ان المشكله ممكن تكبر .
بعتولنا دكتور اول مرة نشوفو .
و دخل علينا بالوش التاني
دكتور بيقول مفروض متشفوش الا قفايا
و انا مش هنا علشان اشرح .
منطقي جدا و احنا كمان مش هنا علشان نفهم .
ولا حنقعد نستي الوحي يفهمنا .
و رغم دا مستسلمناش و ادينا بنحاول مع نفسنا في الماده
و في نفس كل طالب غصه .
ادينا بنعمل جزء من الي عليا و رغم انناعايشين علي مزاجهم
دي مش مشكله دكتور دي مشكله مجتمع
.

Ahmed Essawy said...


الي احمد عماد

بعيد عن ان كلامك في البلوج بتاعي بقي اكتر من مقالاتي
:D
ندخل في المفيد
الكلام النظري كويس قوي .
بس العملي بتاعه مش سهل و قاسي جدا

حسألك سؤال و هو فيه الاجابه
ازاي تطلب من واحد مقيد الحركه
انو يبني هرم ؟؟؟؟

بالنسبه لمحاكاه الكلام دا للواقع
مقيد الحركه تشير للأحباطات و القيود الكتيرة الي علي الشباب
زي ما قولتلك يعني الناس حتذاكر من فين مثلا و الدكتور لسه منزلش الكتاب .
و الهرم طبها بيشير للنحاج المطلوب من الشباب .

Rehab Mostafa said...

السلام عليكم ورحمة الله وبركاته
1- كل دا بيشحن الطلبه و الشباب شحنه سالبه و تملاه باليأس و الاحباط.
2- ازاي تطلب من واحد مقيد الحركه
انو يبني هرم ؟؟؟؟
كلام عيسوي مظبوط جداااااااً من وجهة نظري أقصد ... إزاي تعيش في مجتمع دايماً بيحبطك وشايف انك فاشل وإزاي تستحمل حد يفضل يقولك انت فاشل ومش قد المسؤليه ومهما تعمل برضه مش مقتنع بيك ولا بقدراتك ... وازاي تكمل حياتك بالرضا وانت كل لما تعمل حاجه اللي حوليك واللي اكبر واعلى منك يوقعها ...تحس انك بتعمل حاجه كده كده خسرانه يبقى معملش احسن ... زي لما تذاكر وتجيب درجه وحشه والعيب من الدكتور اللي فاكر انه كده بيرضي ربنا قبل ضميره وزي ما تروح تدي صوتك في حاجه انت عارف نهايتها ونتيجتها... زي مانسمه قالت احنا بنرضي نفسنا بس اننا مش سلبيين بس هيهاااااااااات ان حد يسمعنا.... وده اللي مضيعنا ممكن تكون مش غلطتنا أو غلطة المجتمع اللي احنا برضه منه
بس في حل للناس اللي لسه عندها أمل أو عايزه يبقى عندها أمل
ليه كلام الناس بدل مايآثر علينا سلبياً نقلبه لتحدي ونخلي تآثيره إيجابي ونحاول نحسس نفسنا ان القيود اللي علينا ظروف عاديه وان مافيش مستحيل ومافيش قيود والاكيد ان كل شيء بأمر الله
اللي يقدر يعمل كده من قلبي ربنا يوفقه... أنا بسمع الكلام ده كتيير بس للأسف............
آسفه على الإطاله.... ربنا مع الجميع وينور بصيرتنا

Ahmed Essawy said...


الي رحاب

هو دا المطلوب مننا كلنا دلوقت .
زي ما قولتي و احمد عماد قال قبل كدا .
لازم نستحمل اكتر ما احنا مستحملين و نحول الاحباط دا الي طاقه ايجابيه .
لان الحياه من غير هدف او امل ملهاش معني .
و محدش فينا يرضي يعيش من غير معني .
كلمه سمعتها كتير بس مفهمتش مخذاها الا دلوقت .
لا يأس مع الحياه و لا حياه مع اليأس
مش معني كلامي الملئ بالاحباط قبل كدا و دلوقت بشجع نفسي و اياكم يبقي انا بناقد نفسي .
نهائي سعات الواحد بيغرق في الاحباط بسبب البيئه الي عايش فيها و الحاجات الكتيرة الي بيشوفها كل يوم .
سعات بيبقي عارف الصح او المفروض ايه !!! بس ناسي و او عايز حد يفكرة
.هي دي طبيعه النفس البشريه مش ثابته علي حاجه فيها مراحل قوه و مراحل ضعف .
بجد شكراً ليكم كلكم علي المناقشه دي لانها بجد مناقشه كانت مثمرة و مفيده
:)

و اختم بقول الله

بسم الله الرحمن الرحيم "و قل اعملوا فسيري الله عملكم و رسوله و المؤمنون"