بعد غيبه طويله ... حيث اني اصبحت من الفئه العامله حاليا ( مش عارف اقول ربنا ما يوريكم ولا ايه.. لانه مرهق قوي.:( و بياخد معظم الوقت ) ووقت فراغي بقي صغير جدا...اخيرا لقيت يوم فاضي بحاله ...:D (انا مش مصدق:D) ... قولت انا مش قايم من علي البلوجات ولا الفيس بوك الا لما اعوض اسبوعين الحرمان الي فاتو ...
اه قبل ما ادخل علي التاج ... احب اوجهه تهنئه كبيرة قوي لعريسنا الطويل ...طويل قوي ... بشمهندس محمود عيد الي كانت خطوبته امبارح ...ربنا يتممله علي خير ...
ندخل في التاج بقي ...قامت مدونه طمطم و هوندا بعمل تاج ليا ...عن طريق هوندا ...و ادي اول سؤال و نقول باسم الله ...
1-اسم مدونتك؟
AhmedEssawy
2- لماذا اخترته ..وماهي نيتك من وراء اختياره؟
نفس اسمي لانه حيعبر عن شخصيتي و ووجهات نظري و طريقه نفكيري..
3- هل فكرت في إغلاق مدونتك؟ والسبب؟
لا طبعاً ... انا ساعات كتير بجي المدونه بتاعتي اقرا الكلام الي انا كاتبه فيها بحس اني بشوف زوايا جديده في شخصيتي مكنتش اعرفها .... مدونتي جزء عزيز عليا ...
4- صورتك في المدونة ورمزيتها ؟؟
صورتي و انا صغير.. متصور خلف الكعبه في مكه المكرمه ... تدل علي براءه الانسان الي بيكون مخلوق علي الفطره النقيه.... لا يحمل اي هم او شقاء في اطهر بقاع الارض ....
5- لماذا دخلت عالم التدوين من الاساس؟
حينما اريد ان اخاطب الهواء و احيانا الفراغ حينما اريد ان اعبر عن رأيي او فكرتي لشخص لا استطيع ان اوجه له الكلمه حينما اتذكر الحاجات الحلوه آتي مسرعا الي هذا المكان الساكن .... لانه الوحيد الي استطيع أخاطبه في اي وقت .. من الاخر البلوج بابه مفتوح 24 ساعه D: ...
6- جمله قيلت لك فى وصف مدونتك؟
و الله من غير كبرياء ولا حاجه ناس كتير مدحتلي في البلوج ... بس الحاجه المشتركه بين معظم الي كلموني عليه ...انهم مقدروش يسيبو البلوج الا لما قروه كله ... و ناس تانيه في الكليه من الدفعات الي اصغر مني لما كانو بعرفو اني احمد عيسوي صاحب البلوج .... كانو بيشكروا في اسلوبه ... بيحسسوني اني نجم و متجمعين حواليا ... والله دا مش بيزيدني الا اني حماس اني مسبش البلوج او اسلوبه دا خالص ....
7- التعليقات بالنسبه لك ,اهميتها؟
اكيد شئ مهم لان الموضوع مش بينتهي لما انا بكتبه ...لا... النقاش بيبدأ لما اول تعليق بيتحط ...الكلمه الطبيه صدقه ... من غير رأي الناس رأيي ملوش معني ...
ا8- احلى بوست كتبته ...ضع اللينك , ثم اذكر لماذا؟
شكر و تقدير كانت اول رساله شكر و تقدير وعرفاناً بالجميل الي جنود بعضها مجهول ...اناس كانوا سببا في وصولي لما انا فيه بعد نجاحني في السنه النهائيه من الكليه .
شكر و تقدير كانت اول رساله شكر و تقدير وعرفاناً بالجميل الي جنود بعضها مجهول ...اناس كانوا سببا في وصولي لما انا فيه بعد نجاحني في السنه النهائيه من الكليه .
من معاني القوه موقف رائع شايف فيه معاني جميله جدا تحملها النفوس السويه و الطيبه حبيت اني انقلها هنا علشان تشوفوها معايا .
في حاجات كتير قوي.... انا كتبت اول اربعه حسب التاريخ الاحدث ...
10- أفضل مدونة قرأتها؟
غير ان التدوين بتاعهم كويس ...دا كمان الاتنين دول مشتركين في حاجه تانيه و هي الاهم بيكتبوا مواضيع تقنيه باللغه العربيه و مؤمنين بأهميه اللغه ...و انو سبب قوي لنهوضنا مرة اخري (الكلام دا ناقشته فاطمه قبل كدا )
11- حد قل أدبه فى التعليق إيه رد فعلك؟
بالطبع حذفت التعليق ..
12- أسوأ بوست أسوأ مدون؟
في اكتر من واحده ... ناس دماغها مخوخه من جوه ...ماشيه مع التيار .. ربنا يسهل لهم.. :(
13- هيحصل ايه لإيميلك لما تموت ؟؟
سؤال بجد مش لاقيله اجابه ...مش متخيل اليوم دا :$
14- اديت الباسوورد لحد قبل كده؟
لواحد صاحبي بثق فيه ثقه عمياء ..علشان لما اموت ... ربنا يرحمنا جميعاً...
ا15- اسمك؟
احمد عيسوي
16- المشهور بيه وسط اصحابك؟
ناس كتير بتقولي يا عيسوي ...و يوسف صاحبي مسمني فوفو (مش فاهم ليه بس هو كدا )و احمد محمدين مسمني كوكا (برضو مش فاهم ليه :D)
17- شخصيتك نوعها إيه؟
الناس الي حوليا هو الي يحكمو عليا... اكيد كل واحد شايف نفسه كويس ..
18- السفر بالنسبة لك؟
دماغ عليا..
19- وقت فراغك بتعمل فيه إيه؟
اساسي مخصص وقت للبلوجات و القراءه عامتا من النت و لكن انا مش مديله اولويه عاليا ... لاني مشغول ...خصوصا و انا الان من الفئه العامله ... و كمان اهلي مسافرين و فلازم اساعد اخواتي في المهام منزليه لازم تخلص الاول :D .
20- المود بتاعك؟
هادي للغايه ... مش بتعصب بسهوله..
21- الاكلة المفضلة؟
اولا صنيه لسان العصفور (في ناس كتير مش عارفينها بس بجد في حاجه اسمها كدا:D) ..دي لو قدامي 100 صانيه ممكن اقوم بيهم(;) كدا و كدا طبعا مش حقوم بيهم :D) .. بحبها جدا جدا... و عموما بحب الصواني بصفه عامه(بشاميل .. كوسه مراكب ..وكدا...)
22- صفات اللي أخدتها من بابا؟
المسئولية والطيبة والإيثار و الكفاح ..
23- الصفات التي أخدتها من ماما ؟
الطيبه برضو... التفاني في الحب ...الكفاح برضو ....
24- اكتر ست حاجات بكرهها؟
الخيانه ... عدم الرجوله ... السلبيه ... التفاهه ...وقت فراغ بدون هدف...الاستهبال :@..
25- اكتر ست حاجات بحبها؟
العمل التطوعى بشكل عام في اوقات الفراغ ..الهدوء ....و عكس الصفات السابقه .
26- الشغل بالنسبة لك؟
وسيله من اجل حياه كريمه ...
27- الانترنت بالنسبه لك؟دنيا تانيه ...عالم تاني ...احلي حاجه فيه الهدوء حتي ولو في مشكله مليون مشكله...سيغلبهم الهدوء ...
دلوقتي انا مفروض اعمل تاج للناس للمدونين من الكليه دول الولاد
Mohamed Nabil Ahmed Gamal Khaled Adel Sh@dy Mostafa Kareem El-Sayed Youseef Mamdouh Shreef Sakr Mohamed Gamal Tamer Shreef Islam Ossama Ehab Yosury Mohamed Thabet Ehab El-Gindy Mostafa Salem Ahmed Mubark Omar El-Hassanein Ahmad Mohammadeen Hany Barakat Kareem Gaafar Muhammad Ibrahem Ahmed Saeed Emad Milad Hossam Sadik Abo Amer Ahmed 3sfora , RamyMahrous
و دول المدونين اصحابي الي مفتكرش لسه جلهم التاج دا ...
تعليقات
بس كـــــبر الخــــط لانى اتعميت حاول تراعى كبار السن اللى زيــى ههههههههههههههههههههه
2- انك مش بتتعصب بسهوله دى نعمة بجد
3-ان اغلب الى قالولك رايهم فى المدونة قروها كلها وانا فعلا شبه قريتها كلها لان اسلوب ماشاء الله متميز وربنا يبارك فيك ويجازيك خير
وربنا يكرمك ياعيسوى
:)
الله يبارك فيكي ..ان شاء الله حكبر الحظ بعد دقايق ...من دلوقت ..
الله يكرمك ...
فعلا صنيه لسان العصفور ...قليل بس الي يعرفها ...انا فوجئت بكدا ..
لو فينا عمر و لقيت وقت فاضي ممكن ابقي اقولكم ازاي بتتعكمل ...
:D
دا من ذوقك ..
و يكرمك كمان يا رب .
الله يبارك فيكي .